tve movistar+
Babesle
Ofizialak
65. Donostia Zinemaldia
22/30 Iraila 2017 - #65ssiff

itxi
Bete formularioa zure datuekin, erregistratutako erabiltzaileentzako edukiak ikusteko
Sakatu hemen
Ez duzu pasahitza gogoratzen? Sakatu hemen

itxi


Oraindik ez duzu posta elektronikoa balioztatu. Posta elktroniko bat bidali dizugu, ondoko esteka sakatu behar duzu kontua balioztatzeko

Hemen zaude: Lehen orrialdea > 66. Edizioa 2018  > Zinemaldiko kontuak > Bost film lehiatuko dira VI. Sebastiane Latino saria eskuratzeko
Bost film lehiatuko dira VI. Sebastiane Latino saria eskuratzeko
Gehituk ematen du saria, sexu- eta genero-aniztasuna ondoen adierazten dituen filmari aitortza egiteko
Asteartea, 2018(e)ko uztailaren 24

Sebastiane Latino sariaren epaimahaiak –Euskadiko gay, lesbiana, transexual eta bisexualen GEHITU elkarteko kidez osatua– Marilyn, Mi mejor amigo, Las Herederas, La hijas del fuego eta Retablo filmak aukeratu ditu saria jasotzeko hautagai gisa.

Aurreko urtean estreinatutako Latinoamerikako filmen artean lesbianen, gayen, transexualen eta bisexualen aldarrien eta balioen defentsa ondoen jasotzen duen filmari ematen zaio saria.

«Haietako askok LGTBI pertsonek landa-eremuan duten bizitza erakusten dute eta bat edo beste sexualki esplizitua da; hala, agerian uzten dute zer-nolako gaitasuna duen Latinoamerikako LGTBI zinemagintzak zinema zeharkatu behar ditugun mugetara eramateko» adierazi du GEHITUk.

Iaz, 2017an, Txileko Una mujer fantástica ekoizpenak irabazi zuen Sebastiane Latino saria. Sebastián Leliok zuzendua eta Daniela Vegak protagonizatua, «gertakari historikoa» izan zen zinema latinoarentzat eta nazioarteko trans komunitatearentzat, hain zuzen, LGTBI harrotasunaren ospakizunen xedea transexualitatea errespetatu eta aitortzea zen urte batean.

Zinemaldiaren esparruan Latinoamerikako LGTB+ zinemagintza babesten jarraituko du GEHITU sariaren seigarren edizio honek. Zinemaldiaren hurrengo edizioan, film irabazleari saria banatzeaz gain (abuztuan jakinaraziko da zein den irabazlea), Iberoamerikako LGBT Zinema Jaialdien 4. Topaketa antolatuko dute Sebastiane sariek.

MARILYN
Martín Rodríguez Redondo (Argentina, Txile)
Marcosek, hamazazpi urteko laborantzako behargin batek, etsai-giro batean topatuko du bere sexualtasuna. Herriko nerabe batzuek Marilyn goitizena jarriko diote, eta desioaren eta bereizkeriaren jomuga bihurtuko da. Marcos egunetik egunera itoago sentituko da.

MI MEJOR AMIGO
Martín Deus (Argentina)
Lorenzo nerabe lasaia gurasoekin eta anaia txikiarekin bizi da, Argentinako Patagoniako hiri batean. Egun batean, familiaren lagun baten semea, Coaíto, hegoaldera bizitzera joango da eta Lorenzoren etxean finkatuko da. Familiak une zailak bizi ditu eta ezin du gehiegi arduratu hartaz. Coaíto oso lotsatia da eta ia-ia ez du hitz egiten.

LAS HEREDERAS
Marcelo Martinessi (Paraguai, Uruguai, Alemania - Brasil - Norvegia - Frantzia)
Paraguaiko noble-jatorriko bi emakumeren istorioa kontatzen du filmak. Eroso bizitzeko adina ondare jaso zuten oinordetzan, baina 60 urte dituztenean dirua ez zaie iristen eta bien egoera aldatu egingo da.

LAS HIJAS DEL FUEGO
Albertina Carri (Argentina)
Hiru emakumek elkar gurutzatuko dute, ausaz, munduaren bazterrean, eta poliamodiozko bidaia bati ekingo diote. Haren ondorioz eraldatu, eta erabat bestelakotuta itzuliko dira sorlekura. Ezarritako ordenaren, atzerakorik ez duen pasioaren eta amodio bakarraren utopiaren mendean sufritzen duten subjektu horiek, bidea desibili, eta harremanetan jartzeko modu berriak bilatuko dituzte, kanon guztietatik kanpo, amodioaren ezinbesteko posesioaren eta saminetik urrun. Horrela osatuko da Las hijas del fuego: beste emakume batzuei beren erotika, atxikitasunik ezaren sentsualtasuna ezagutzen ez duen mundu honetan egoteko modu egokia, bilatzen laguntzeaz arduratzen den taldea.

RETABLO
Álvaro Delgado Aparicio (Peru, Alemania, Norvegia)
Segundo Paucar-ek, 14 urteko mutil batek, historiaren maisu bikain bihurtu nahi du, aita bezala, familiaren legatuari jarraipena emateko. Andeetako komunitate-ospakizun batera joateko bidean, Segundok bere mundu osoa suntsituko duen egoera batean ikusiko du aita. Giro txaubinista batean harrapatuta, gertatzen zaion guztiari isilean aurre egiten saiatuko da Segundo.

 

Babesle Ofizialak:
Laguntzaile Ofizialak:
Instituzio Kideak:
© Donostia Zinemaldia | Desarrollado por: Yo Miento Producciones

Webgune hau berezko eta kanpoko cookies-az baliatzen da, erabiltzaile gisa esperientzia hobea eskaintzeko. Informazio gehiago Onartzea