tve movistar+
Babesle
Ofizialak
65. Donostia Zinemaldia
22/30 Iraila 2017 - #65ssiff

itxi
Bete formularioa zure datuekin, erregistratutako erabiltzaileentzako edukiak ikusteko
Sakatu hemen
Ez duzu pasahitza gogoratzen? Sakatu hemen

itxi


Oraindik ez duzu posta elektronikoa balioztatu. Posta elktroniko bat bidali dizugu, ondoko esteka sakatu behar duzu kontua balioztatzeko

Hemen zaude: Lehen orrialdea > 67. Edizioa 2019  > Sariak eta Epaimahaiak > Europa-Latinoamerika Koprodukzio Foroko Epaimahaia > Luis Ángel Ramírez
Luis Ángel Ramírez
 

2017an, Espainiako Zinematografiaren eta Ikus-entzunezko Arteen Institutuak Cannesko zinema-jaialdiko Producers on the Move programan parte hartzeko aukeratu zuen Luis Ángel Ramírez (Bilbo, Espainia. 1963). ACE (Ateliers du Cinéma Européen) eta EAVE (European Audiovisual Entrepeneurs) Europako ekoizle-sareen kide da. Horrez gain, Espainiako Arteen eta Zientzia Zinematografikoen Akademiako eta Europako Zinema Akademiako kide da.

Ramírezen ekoizpenen artean, film luze dokumental hauek nabarmendu daitezke: Alejo Hoijmanek zuzendutako Unidad 25 (2008) eta El ojo del tiburón (2012), eta Félix Viscarretek zuzendutako Saura(s) (2017), Donostiako Zabaltegi - Tabakalera sailean aurkeztutako filma.
Fikzioaren alorrean ere ekoitzi ditu film luzeak: Héctor Gálvezen Paraíso Veneziako Biennalen aurkeztu zen, Orizzonti sailean (2009), eta Diego Lermanen La mirada invisible, berriz, Cannesko Errealizadoreen Hamabostaldian eta Donostiako Horizontes Latinos sailean (2010). Era berean, Verónica Chenen Mujer conejo Zabaltegi sailean estreinatu zen (2013).

2016an, Amir Galvánek eta Mitzi Vanessa Arreolak zuzendutako La 4ª compañía ekoitzi zuen, eta filmak hamar Ariel sari irabazi zituen. Halaber, Alan Jonsson zuzendariaren La carga (2016) filmaz arduratu zen.

2019an Maider Oleagaren hirugarren film luzea ekoizten amaituko du: Kuartk Valley. Gainera, beste hiru film luzeren ekoizpenean arituko da: Silvia Reyren Wan Xia eta Azucena Rodríguezen Las edades de Almudena dokumentalak, eta Pablo Maquedak zuzendutako La desconocida fikzio-filma.

 

Babesle Ofizialak:
Laguntzaile Ofizialak:
Instituzio Kideak:
© Donostia Zinemaldia | Desarrollado por: Yo Miento Producciones

Webgune hau berezko eta kanpoko cookies-az baliatzen da, erabiltzaile gisa esperientzia hobea eskaintzeko. Informazio gehiago Onartzea