David Truebak (Madril, 1969) 1996an egin zuen zuzendaritzan debuta, Cannesko Errealizadoreen Hamabostaldian aurkeztutako La buena vida filmarekin. Lan nabarmengarriak egin ditu: Soldados de Salamina (2003) Cannesko Un Certain Regard sailean proiektatu zen; Bienvenido a casa-k (2006) zuzendari onenaren saria eskuratu zuen Malagako zinema-jaialdian; La silla de Fernando (2006), Luis Alegrerekin batera zuzendua, Donostiako Zabaltegi sailean eman zuten; Madrid, 1987 (2011) Sundancen eta Zabaltegin aurkeztu zen; Vivir es fácil con los ojos cerrados (2013) Donostian lehiatu eta sei Goya sariren irabazle suertatu zen –besteak beste, film onenarena–; eta Casi 40-k (2018), La buena vida filmaren sekuelak, Epaimahaiaren Sari Berezia irabazi zuen Malagako zinema-jaialdian.