Esteve Solerrek (Bartzelona, Espainia. 1976) dramagileak 19 hizkuntzetara itzulitako eta mundu osoan estreinatutako lanak idatzi ditu. Gerard Quinto (Manresa, Espainia. 1978) La Vanguardia egunkariko zinema-kritikaria eta hainbat azterlan eta libururen egilea da –adibidez, Reservoir Dogs– Dirigido por aldizkariko bildumaren barruan. David Torras (Súria, Espainia, 1972) kudeatzaile kulturala, egile-zinemaren erakusketaria –Cineclub Manresa elkartean ardura nagusiak bere gain harturik indartu zuen alderdi hori– eta ikus-entzunezkoen ekoizlea izan da. Hirurek Interior.Familia (2014) film laburrarekin egin zuten zuzendaritzan debuta, eta, besteak beste, Sitgeseko eta Clermont-Ferrandeko zinema-jaialdietan aurkeztu zen. 7 razones para huir, haien lehenengo film luzea, Malagako zinema-jaialdian lehiatu da aurten.