Maider Fernández Iriartek (Donostia, 1988) Gizarte Hezkuntza ikasi zuen UPV / EHUn, Telebista eta Zinema Ekoizpenean ESCIVIn eta Dokumentazio Sorkuntzako Masterra UPFn. Bere lanak zenbait zinema-jaialditan eta arte zentrotan erakutsi ditu arrakastaz, horietako asko Las Chicas de Pasaik kolektiboarekin. Gaur egun, pelikulak zuzentzen ditu eta zenbait hezkuntza proiektutan parte hartzen du, besteak beste, Cinema in curs-en eta Drac Màgic ikus-entzunezko kooperatiban. Gainera, zuzendaritzako eta gidoigintzako tutoretza lanak egiten ditu Bartzelonako Unibersitat Autònoma-UABren sormen dokumentaleko Teoria eta Praktika Masterrean.
Las letras de Jordi, bere lehen film luzea, 2017an Ikusmira Berriak programan aukeratuta izan zen eta bertan REC Grabaketa Estudioa Postprodukzio Saria jaso zuen.