Bong Joon-hok (Daegu, Hego Korea. 1969) Flandersui gae (Barking Dogs Never Bite, 2000) filmarekin egin zuen zuzendaritzan debuta. Donostiako sail ofizialean lehiatu zen film harekin, baita bigarrenarekin ere; hau da, Salinui chueok (Memories of Murder, 2003) izenekoarekin. Azken horrek, gainera, zuzendari onenaren Zilarrezko Maskorra eta New Directors saria eraman zituen. Gwoemul (The Host, 2006) Canneseko zinema-jaialdiko Errealizadoreen Hamabostaldian aurkeztu zuen, eta 2009an berriz izan zen jaialdi horretan, Un Certain Regard sailean, Mother filmarekin. Film hauek osatzen duten haren filmografía: Snowpiercer (2013), Okja (2017) –Cannesen lehiatutako filma– eta Gisaengchung (Parasite) –Urrezko Palmorriaren irabazlea Frantziako lehiaketaren azken edizioan–. 2009an Donostiako Epaimahai ofizialeko kide izan zen.