Casey Affleckek (Falmouth, AEB. 1975) 2010ean zuzendu zuen bere lehen film luzea, I’m Still Here, Veneziako zinema-jaialdiko Biografilm sariaren irabazlea. Joaquin Phoenix izan zen filmaren protagonista. Light of My Life bigarren filma du, eta zuzendaria ez ezik protagonista ere izan da. Gainera, filmarekin Berlingo zinema-jaialdiko Panorama sailean lehiatu zen. Aktore gisa egin dituen lanetan hainbat film aipa daitezke: Gerry (2002) Gus Van Santekin eta Matt Damonekin batera idatzi zuen; The Assassination of James by the Coward Robert Ford (2007) filmari esker antzeztaldeko gizonezko aktore onenaren Oscar sarirako hautagai izan zen; Gone Baby Gone-n (2007) Ben anaiaren esanetara jardun zuen; eta Manchester by the Sea-k (2016) gizonezko aktore onenaren Oscar saria ekarri zion.