tve movistar+
Babesle
Ofizialak
65. Donostia Zinemaldia
22/30 Iraila 2017 - #65ssiff

itxi
Bete formularioa zure datuekin, erregistratutako erabiltzaileentzako edukiak ikusteko
Sakatu hemen
Ez duzu pasahitza gogoratzen? Sakatu hemen

itxi


Oraindik ez duzu posta elektronikoa balioztatu. Posta elktroniko bat bidali dizugu, ondoko esteka sakatu behar duzu kontua balioztatzeko

Hemen zaude: Lehen orrialdea > 67. Edizioa 2019  > Zinemaldiaren Egunkaria > Filmak areto ilunetan eta pantaila handian
Filmak areto ilunetan eta pantaila handian
Larunbata, 2019(e)ko irailaren 21

Galaren hasieran bideo bat proiektatu da, duela gutxi hil diren eta Zinemaldiaren historiarekin lotura estua zuten lau lagun omentzeko: Diego Galán, Zinemaldiko zuzendari izandakoa; Luis Calparsoro, ordezkari nagusi ohia; Mariano Ferrer, prentsa-arduradun gisa jardundakoa; eta Juanmi Gutiérrez, errealizadorea eta bere film guztiak lehiaketan aurkeztu zituena.

Filmak areto ilunetan eta pantaila handian, distrakziorik gabe gozatzeko eta ikusleak omentzeko nahia izan dira irekiera galarako inspirazio-iturri. Hala, Cayetana Guillén Cuervok eta Loreto Mauleónek aurkeztu dute ekitaldia. Halaber, bi ikusle mota omendu dituzte inaugurazioan: alde batetik, Zinemaldiko saioak betetzen dituzten ikusle arruntak; eta bestetik, kritikariak eta zinema kazetariak.

Urtero bezala, FIPRESCIk bere Sari Nagusia eman du inaugurazio-galan. Aurten, Alfonso Cuarónen Roma filma izan da irabazlea. Gabriela Rodríguez produktoreak jaso du saria, Kataluniako Zinemagintzako Kritika eta Idazketa Elkarteko (ACCEC) presidente Marta Armengouren eskutik.

Ekitaldian omenaldia egin zaie zinemako generoei ere. Askotariko irudiak proiektatu dira: komediak, thrillerrak, fantasia eta beldurrezko filmak, dramak eta zinema sozial eta politikoko sekuentziak. Bideoak aurkezten izan dira Javier Calvo eta Javier Ambrossi (Los Javis goitizenez ezagunak), Leticia Dolera zuzendari eta aktorea eta Paul Urkijo zinemagilea.

Jarraian, Neil Jordanek hitz batzuk esan ditu epaimahai ofizialeko presidente gisa. “Uste dut datozen egunetan geure buruari betiko galdera egin beharko diogula: Zer da zinema? Nire ustez, erantzuna sinplea da. Areto ilun batean ezezagunez inguratuta eseri, eta beste norbaiten ametsak pantailan ikusten duzunean bizi duzuna da zinema”. Zinemagile irlandarrarekin batera oholtzan agertu dira Bárbara Lennie eta Mercedes Morán aktoreak, Pablo Cruz eta Katriel Schori errealizadoreak eta Lisabi Fridell argazki-zuzendaria.

Azkenik, Roger Michell zuzendariak, David Bernardi ekoizleak eta Sam Neill aktoreak Blackbird aurkeztu dute, hain zuzen ere, Sail Ofiziala abiarazi duen filma.

 
Leticia Dolerak femme fatale gisara jantzirik aurkeztu zituen thrillerrak.
Leticia Dolerak femme fatale gisara jantzirik aurkeztu zituen thrillerrak.
Epaimahai Ofizialaren argazkia Neil Jordan presidentea buru zutela.
Epaimahai Ofizialaren argazkia Neil Jordan presidentea buru zutela.

Babesle Ofizialak:
Laguntzaile Ofizialak:
Instituzio Kideak:
© Donostia Zinemaldia | Desarrollado por: Yo Miento Producciones

Webgune hau berezko eta kanpoko cookies-az baliatzen da, erabiltzaile gisa esperientzia hobea eskaintzeko. Informazio gehiago Onartzea