tve movistar+
Babesle
Ofizialak
65. Donostia Zinemaldia
22/30 Iraila 2017 - #65ssiff

itxi
Bete formularioa zure datuekin, erregistratutako erabiltzaileentzako edukiak ikusteko
Sakatu hemen
Ez duzu pasahitza gogoratzen? Sakatu hemen

itxi


Oraindik ez duzu posta elektronikoa balioztatu. Posta elktroniko bat bidali dizugu, ondoko esteka sakatu behar duzu kontua balioztatzeko

Hemen zaude: Lehen orrialdea > 67. Edizioa 2019  > Zinemaldiaren Egunkaria > LGTBIQ+ zinema-jaialdien bilera
LGTBIQ+ zinema-jaialdien bilera
Asteazkena, 2019(e)ko irailaren 25

Bosgarren urtez ospatzen ari da Iberoamerikako LGTBIQ+ zinema-jaialdien topaketa Donostia Zinemaldiaren baitan. Zubiak eraikitzeko eta gogoetarako esparrua emateko asmoz, zortzi herrialdetako –Argentina, Txile, Kolonbia, Kuba, Ekuador, Mexico, Guatemala eta Espainia– hamasei zinema-jaialdi ari dira parte hartzen hiru eguneko batzarrean. Horietatik bi estrainekoz etorri dira Tabakaleran egiten den topaketara: Balearretako Mostra de Cinema de Diversitat Afectiva eta Sevillako Pequeño Certámen de Cine de Ambiente La Pecca, hain zuzen.

GEHITU Euskal Herriko Gay, Lesbiana, Transexual eta Bisexualen Elkartea ari da anfitrioi lanak egiten, Zinemaldiarekin eta Acción Cultural Española (AC/E) elkartearekin lankidetzan, eta Espainiako Kultura Nazioartekotzeko Programaren bitartez (PICE). Topaketaren bosgarren edizio honetan, AECIDek (Garapenerako Nazioarteko Lankidetzako Espainiako Agentzia) eta Tabakalera – Kultura Garaikidearen Nazioarteko Zentroak parte hartu dute, eta Kutxa Fundazioak jarri ditu guneak. Zinema-jaialdietako hogei ordezkari inguru elkartu dira topaketan euren errealitateei buruz hitz egiteko, esperientziak partekatzeko eta industriarekin duten harremana sendotzeko asmoarekin.

Topaketaren baitan, Gehituko kideek osatutako epaimahaiaren VII. Sebastiane Latino banatuko da. LGTBIQ+ kolektiboaren aldarrien eta balioen defentsa ondoen jasotzen duen Latinoamerikako filmak eskuratzen du saria urtero. Sei ekoizpen aritu dira lehian aurten: Lemebel, Segunda estrella a la derecha, One Taxi Ride, Un rubio, Temblores eta Esto no es Berlín. Jayro Bustamante zuzendariaren Temblores (Guatemala, Frantzia, Luxenburgo) filmak jasoko du saria La Otra Banqueta Guatemalako jaialdiko ordezkariaren eskutik.

Irene Elorza

 

Babesle Ofizialak:
Laguntzaile Ofizialak:
Instituzio Kideak:
© Donostia Zinemaldia | Desarrollado por: Yo Miento Producciones

Webgune hau berezko eta kanpoko cookies-az baliatzen da, erabiltzaile gisa esperientzia hobea eskaintzeko. Informazio gehiago Onartzea