tve movistar+
Babesle
Ofizialak
65. Donostia Zinemaldia
22/30 Iraila 2017 - #65ssiff

itxi
Bete formularioa zure datuekin, erregistratutako erabiltzaileentzako edukiak ikusteko
Sakatu hemen
Ez duzu pasahitza gogoratzen? Sakatu hemen

itxi


Oraindik ez duzu posta elektronikoa balioztatu. Posta elktroniko bat bidali dizugu, ondoko esteka sakatu behar duzu kontua balioztatzeko

Hemen zaude: Lehen orrialdea > 67. Edizioa 2019  > Zinemaldiaren Egunkaria > “Zine konbentzionalak ez nau erakartzen”
“Zine konbentzionalak ez nau erakartzen”
LISABI FRIDELL SAIL OFIZIALA
Ostirala, 2019(e)ko irailaren 27

Lisabi Fridell argazki-zuzendari suediarra Berlinen bizi da, baina mundu osoan egiten du lan. Hala fikzio-filmetan nola dokumentaletan egin duen argazkilaritza-lanari esker lortu du ospea. Bere lana ohiz kanpokoa da; hitz bakarrean, moldakortasunak definituko luke bere estiloa. Sail Ofizialeko epaimahaikide gisa elkarrizketatu dugu.

Goitik behera beltzez jantzirik agertu da elkarrizketara, alabaina bere begi urdinek jarrera gogorra leuntzen diote, eta eguzkiari gorroto diola dirudien azal zuriak, egunotan zinema-aretoetako ilunpeak bizileku izan dituela berresten du. “Apenas ikusi dut hiria –esan digu ahots hari ahulaz–, egunean gutxienez hiru pelikula ikusten ditugu eta gero horiei buruz hitz egiteko elkartzen gara. Lan egitera etorri naiz, agian beste noizbait bueltatuko naiz oporretan”.

“Epaimahaikide gisa oso bestelako moduan bizi duzu Zinemaldia, filmak ez dituzu ikusle arrunt bat bezala ikusten. Zerbait nabarmentzekotan espainolez mintzatutako pelikula mordoa ikusten ari naizela esango dizut. Eta tzen dut –gaineratu du–, zinema honek guztiak nolabaiteko eragina izan dezakeela nire hurrengo proiektuetan. Egia esan, proposamen berriak ikusteko irrikitan nago; zine konbentzionalak, superprofesionalak, ez nau batere erakartzen, film iradokitzaileak ikusi nahi ditut”.

Fridellek lehen film laburra hemezortzi urterekin argiztatu zuen, eta aitortu digunez, “esperientzia zoragarri hura izan zen hau guztiaren abiapuntua”. Orduz gero, egin dituen filmak urratzaileak izateagatik eta balio feministak defendatzeagatik nabarmentzen dira.

Hori horrela, eta betiere dena delako istorioan oinarrituta, bestela kontatzeko modua bilatzen du. Horretarako, askotariko teknika, kolore eta formekin esperimentatzen du, berritzeko eta, ahal dela, istorioa hobetzeko. Zuzendariekin lankidetza hertsian jardutea atsegin du, eta hasieratik eragitea prozesu osoan. “Nirentzat ezinbestekoa da proiektuaren zuzendariarekin eseri eta bere asmoez luze zabal hitz egitea, eta gidoia interesgarria izatea, jakina; alderdi teknikoa hizketaldi horien ondotik sortzen da”.


Sergio Basurko

 

Babesle Ofizialak:
Laguntzaile Ofizialak:
Instituzio Kideak:
© Donostia Zinemaldia | Desarrollado por: Yo Miento Producciones

Webgune hau berezko eta kanpoko cookies-az baliatzen da, erabiltzaile gisa esperientzia hobea eskaintzeko. Informazio gehiago Onartzea