tve movistar+
Babesle
Ofizialak
65. Donostia Zinemaldia
22/30 Iraila 2017 - #65ssiff

itxi
Bete formularioa zure datuekin, erregistratutako erabiltzaileentzako edukiak ikusteko
Sakatu hemen
Ez duzu pasahitza gogoratzen? Sakatu hemen

itxi


Oraindik ez duzu posta elektronikoa balioztatu. Posta elktroniko bat bidali dizugu, ondoko esteka sakatu behar duzu kontua balioztatzeko

Hemen zaude: Lehen orrialdea > 67. Edizioa 2019  > Zinemaldiko kontuak > Juanmi Gutierrezi omenaldia
Juanmi Gutierrezi omenaldia
Asteazkena, 2019(e)ko martxoaren 6

Euskadiko Filmategiak, Donostia Zinemaldiak, Donostia Kulturak eta Tabakalerak, Kresala Zineklubarekin eta Elías Querejeta Zine Eskolarekin elkarlanean, Juanmi Gutierrezi (1945-2019), orain gutxi zendutako zinemagileari, omenaldia eskainiko diote martxoaren 12an. Zinemagile errenteriarraren familiak berak aukeratutako bi film proiektatuko dira 19:00etan Tabakalerako 1 zinema aretoan. Sarrera doan izango da, aretoa bete arte.

Lehendabizi, Gutierrezek 1982an Super-8an grabatu zuen eta Euskadiko Filmategiak digitalizatu duen film labur bat proiektatuko da: Itxoiten. Denboraren iragatea jorratzen du fikziozko film labur honek; emakume batek bere bizimoduan, haurra denetik adinekoa izatera iritsi arte, dituen desioen eta beharren bilakaera azaltzen du. Ondoren, Kany Peñalbak (Zazpi t’erdi) ekoitzitako Angor (2007) dokumentala proiektatuko da. Zinema zuzendaria une horretan lantzen ari zen munduko hilerriei buruzko dokumentalaren prestaketa prozesua kontatzen du filmak. Ustekabean, errealizadoreak bihotz ebakuntza bat izan zuen eta ezusteko horrek proiektua birplanteatzera bultzatu zuen. Hala, gaixotasunaren inguruan bizitako esperientzia pertsonala eta bere egitekoaren irudiak nahasten dira modu interaktibo batean.

Juanmi Gutierrez batik bat dokumentalaren alorrean nabarmendu zen 70. hamarkadaz geroztik. Bere lanak sarritan aurkeztu zituen Donostia Zinemaldian (hautespen-batzordeko kidea izan zen 1979an), Donostiako Giza Eskubideen Zinemaldian eta baita Kresala Zineklubean ere. Zinemazale sutsua izan zen eta azken egunetara arte maiz etorri zen Tabakalerako zinema aretora programazio desberdinez gozatzera. Sombras en la caverna. El tempo vasco en el cine (1997) liburua idatzi zuen eta Euskadiko Filmategiaren ohiko kolaboratzailea ere izan zen: Ama lur filmari eta Fernando Larruquert zinemagileari buruzko liburuen egilea da. Gaur egun bizirik dirau euskal zinemaren belaunaldi gazteetan hark izandako eraginak -denbora luzez irakasle izan zen Larrotxene Kultur Etxean-.

 

© Donostia Zinemaldia | Desarrollado por: Yo Miento Producciones

Webgune hau berezko eta kanpoko cookies-az baliatzen da, erabiltzaile gisa esperientzia hobea eskaintzeko. Informazio gehiago Onartzea