"Z365" edo "Zinemaldia urte osoan" Zinemaldiaren apustu estrategiko berria da, non talentu berrien bilaketa, laguntza eta garapena (Ikusmira Berriak, Nest); formakuntza eta zinema-ezagutzen transmisioa (Elias Querejeta Zine Eskola, Zinemaldia + Plus, Zinemagileen elkarrizketa); eta ikerketa, dibulgazioa eta pentsamendu zinematografikoa (Z70 proiektua, Pentsamendua eta eztabaida, Ikerketa eta argitalpenak) elkartzen diren.
Donostia Zinemaldiak Ikus-entzunezkoen Ekoizleen Eskubideak Kudeatzeko Erakundearekin (EGEDA) kolaboratuko du Platino Industriaren konfigurazioan –Iberoamerikako ikus-entzunezkoen industriaren sektorea eta horrek turismoarekin eta hezkuntzarekin duen lotura indartzeko sortu zen ekitaldi hori–.
2020ko maiatzaren 1etik 3ra egingo da topaketa, Mexikon. 300 produktorek baino gehiagok eta industriako 700 profesionalek parte hartuko dute Platino Industrian –zinemako eta telesailetako ekoiztetxeak, telebista publiko eta pribatuak, plataformak, salmenta-agenteak, banatzaileak eta erakusleak, denak ere 30etik gora herrialdetakoak–, eta aliantzak sortzea eta kultura iberoamerikarraren enpresa-proiektuak bultzatzea izango dute helburu.
Orain dela sei urte sortu ziren, zinema iberoamerikarra sustatu eta babesteko sortu ziren Zinema Iberoamerikarraren Xcaret Platino sarien esparruan jaio da ekimen hau. Galan ustekabeko topaketak egiteko aukera izaten zuten arren, profesionalen eskaria argia zen: negozioak egiteko eta aukera profesionalak bilatzeko espazio bilaka zedila.
Interes horri erantzuten dio Platino Industriak. Hain zuzen ere, ikus-entzunezkoen ekoizpen, banaketa, hedapen eta programaziorako gai garrantzitsuak jorratuko ditu hitzaldi, topaketa eta tailerren bitartez, eta merkatu-eremu espezifiko bat bultzatuko du ikus-entzunezkoen, turismoaren eta hezkuntzaren arloekin lotutako ekoizpen eta zerbitzuen eskaintza sustatzeko. Zehazki, harremanak egiteko toki bat egongo da, proiektuak defendatzeko aukera izango dute plataformek eta erakusketa-gune bat izango da postuz hornitua, beste jarduera batzuen artean.
Ekitaldian, gainera, Turismoaren Mundu Erakundearen konferentzia egingo da ikus-entzunezkoekin lotutako turismoa jorratzeko, bai eta Xcaret Platino sarien zazpigarren gala ere. Platino sarien seigarren edizioak 110 milioi dolarreko oihartzun mediatikoa izan zuen, eta Cecilia Suárez aktore mexikarrak eta Santiago Segura aktore espainolak aurkeztu zuten.
Zeremonian akreditatuta zeuden 300etik gora kazetariek 113.000 albiste baino gehiago sortu zituzten eta, horien bidez, Iberoamerikako ikus-entzunezkoen kultura mundu osoan sustatu zuten.
Iberoamerikako ikus-entzunezkoen industriak 19.000 zinema-pantaila eta 650 milioi ikusle potentzial baino gehiago ditu.
Merkatu berri honi buruzko informazio gehiago nahi izanez gero, jo helbide honetara:
www.platinoindustria.com