Ofiziala
Partner
"Z365" edo "Zinemaldia urte osoan" Zinemaldiaren apustu estrategiko berria da, non talentu berrien bilaketa, laguntza eta garapena (Ikusmira Berriak, Nest); formakuntza eta zinema-ezagutzen transmisioa (Elias Querejeta Zine Eskola, Zinemaldia + Plus, Zinemagileen elkarrizketa); eta ikerketa, dibulgazioa eta pentsamendu zinematografikoa (Z70 proiektua, Pentsamendua eta eztabaida, Ikerketa eta argitalpenak) elkartzen diren.
Deialdia Sartu NIRE ZINEMALDIRA 
Agenda Programa eta sarrerak 
Bilatu 
Donostia Zinemaldiak gaur –ekainak 15, astelehena– irekiko du 68. edizioan Gazteriaren TCM saria emango duen Gazteriaren epaimahaian izena emateko epea. Guztira, 18 eta 25 urte bitarteko 75 gaztek ikusiko dituzte filmak, eta irabazlea aukeratzeko botoa emango dute.
Gazteriaren Epaimahaiko kideek TCM sarirako hautagai diren film guztien emanaldira joateko konpromisoa hartzen dute. Hautagaien artean, New Directors sailean programatutako filmak eta Horizontes Latinos saileko lehen eta bigarren lanak daude. Bozketen emaitza egunero argitaratzen da Zinemaldiaren webgunean eta egunkarian.
Epaimahaiko kideek saria emateko ekitaldian parte hartuko dute; Gazteriaren amaierako galan egingo da, Kursaal 2 aretoan, irabazten duen filmaren emanaldiaren aurretik.
Izen-ematea gaurtik aurrera egin daiteke, online, Zinemaldiaren webgunean. Horretarako, inprimaki bat eta motibazio-gutun bat bete behar dira. Informazio gehiago nahi izanez gero, idatzi juventud@sansebastianfestival.com helbidera edo deitu 943 48 12 12 telefonora.
TCMk 2019. urtetik babesten du Gazteriaren saria. Espainian bi hamarkada baino gehiago daramatzan zineman espezializatutako telebista-kate horrek lotura estua du Donostia Zinemaldiarekin. Aurreko zenbait ediziotan Publikoaren saria, ziklo bereziak eta Zinemaldia Topaketak babestu ditu. Gainera, iaz, El último adiós de Bette Davis filmaren emanaldi berezia antolatu zuen; ekoizpen propioko dokumental bat da, non Estatu Batuetako divak 1989an Donostia Zinemaldira egindako bisita berregiten den.
Arautegia irakurtzeko eta inskribatzeko, hemen klikatu.
IZENA EMATEKO EPEMUGA: UZTAILAK 15
Astelehenetik ostegunera: 09:00 - 15:00.
Ostiraletan: 10:00 - 14:00