Deskonektatu 
Ofizialak
Rómulo detektibe pribatua da. Bezero batek eskatu dio bere ama bizi den zahar-etxea iker dezan. Rómulok, orduan, Sergio 83 urteko gizona entrenatuko du; ez du inoiz detektibe-lanik egin, baina denbora batez zahar-etxean biziko da, isilpeko agente bezala. Egoitzan infiltratu ondoren, sator rola hartzeko eta bere nortasun maitagarria eta amultsua ezkutatzeko zailtasunak ditu, eta, azkenean, espioi baino, bere bizikideen aliatu egiten da. Sundance zinema-jaialdiko nazioarteko dokumentalen lehiaketa ofizialean estreinatu zen. 2017ko Europa-Latinoamerika Koprodukzio Foroan EFADs-CAACI saria.
Maite Alberdik (Santiago, Txile, 1983) Zinema eta Estetika ikasi zuen Txileko Unibertsitate Katolikoan. Film luze dokumentalak idatzi eta zuzendu ditu, zehazki, El salvavidas (2011), La once (2014) −nazioarteko hainbat jaialditan saritua− eta Los niños (2016), baita dokumentalak ere, hala nola Las peluqueras (2005), Los trapecistas (2008) eta No soy de aquí (2016), Visions du Réel Zinema-jaialdiaren 2016ko edizioan film labur onenaren saria jaso zuena. El agente topo Donostia Zinemaldiko Koprodukzio Fororako hautatu zuten 2017an, eta Sundance Zinema-jaialdiko nazioarteko dokumentalen lehiaketa ofizialean estreinatu zen azkeneko edizioan.
Andre Zigarrogileen Plaza, 1, 2. solairua
20012 DONOSTIA
Posta Kutxatila 397 - 20080 Donostia
Astelehenetik ostegunera:
9:00 – 15:30
Ostirala:
10:00 – 14:00
