Ofizialak
Partner
"Z365" edo "Zinemaldia urte osoan" Zinemaldiaren apustu estrategiko berria da, non talentu berrien bilaketa, laguntza eta garapena (Ikusmira Berriak, Nest); formakuntza eta zinema-ezagutzen transmisioa (Elias Querejeta Zine Eskola, Zinemaldia + Plus, Zinemagileen elkarrizketa); eta ikerketa, dibulgazioa eta pentsamendu zinematografikoa (Z70 proiektua, Pentsamendua eta eztabaida, Ikerketa eta argitalpenak) elkartzen diren.
Deialdia - 2026 Sartu NIRE ZINEMALDIRA 
Agenda Programa eta sarrerak Bilatu 
Montevideok eta Buenos Airesek MASSen bigarren edizioa hartuko dute azaroaren 24tik 30era, hau da, Donostia Zinemaldian eta Málagako zinema-jaialdian parte hartu zuten sei film espainiarren zikloarena. OrcaFilmsek ekoitzia, ekimenak Espainiako Kultura Ministerioaren laguntza jasotzen du, Zinematografiaren eta Ikus-entzunezko Arteen Institutuaren (ICAA) eta Acción Cultural Españolaren (AC/E) bidez, kultura nazioartekotzeko ildo estrategikoaren bidez. Montevideon MASSek Uruguaiko Zinema eta Ikus-entzunezkoen Agentziaren (ACAU), Zinematekaren eta Uruguaiko Zinema Eskolaren (ECU) babesa du; Buenos Airesen, berriz, Buenos Aires Hiriko Gobernuaren laguntza du, baita Argentinako Aireportuen eta Argentinako Arte eta Zientzia Zinematografikoen Akademiaren babesa ere.
MASSek, Málagako zinema-jaialdiaren eta Donostia Zinemaldiaren Asteak, bi lehiaketen azken edizioetako sei film luze eskainiko ditu. Azaroaren 24tik 26ra Uruguaiko Zinematekan proiektatuko dira, eta Buenos Aireseko San Martín antzokiko Lugones aretoan, 28tik 30era. Juan Antonio Vigar eta José Luis Rebordinos, Málagako jaialdiko eta Donostia Zinemaldiko zuzendariak (hurrenez hurren), Espainiako ordezkaritzaren buru izango dira, eta hautatutako filmetako ekipoen hainbat ordezkari ere izango dira bertan.
Donostia Zinemaldiak film hauek aurkeztuko ditu: Karmele, Sail Ofizialeko Emanaldi Berezietako bat izan zena (haren zuzendari Asier Altuna izango da bertan); Los Tigres, Argazki Onenaren Epaimahaiaren Sariaren irabazlea (Koldo Zuazua eta Juan Moreno haren ekoizleek aurkeztuko dute); eta La cena / The Dinner, RTVE Galetan programatu zena (Manuel Gómez Pereira zuzendariak eta Asier Etxeandia –filmeko aktoreetako batek– ordezkatuko dutena).
Málagako zinema-jaialdiaren programazioari dagokionez, honako hauek emango dira: Sorda / Deaf, Film Onenaren Urrezko Biznaga eta Publikoaren Sariaren Zilarrezko Biznaga, bi hirietan aurkeztuko dutena Eva Libertad haren errealizadoreak eta Miriam Porte haren ekoizleak; La buena letra / The Good Manners, kritikak gehien goraipatutako urteko obretako bat, Celia Rico haren zuzendaria eta Loreto Mauleón haren protagonistetako bat han izango direla; eta Una quinta portuguesa / The Portuguese House, ikus-entzuleen aldetik harrera bikaina izaten ari dena zinema-aretoetan (Avelina Prat zinemagilea eta Miriam Porté ekoizlea bertaratuko dira filmaren ordezkari gisa).
|
Montevideo
|
|
Azaroak 24
|
- 19.00 - La buena letra / The Good Manners + Q&A
- 21.30 - Los Tigres + Q&A
|
Azaroak 25
|
- 19.00 - La cena / The Dinner + Q&A
- 21.30 - Sorda / Deaf + Q&A
|
Azaroak 26
|
- 19.00 - Una quinta portuguesa / The Portuguese House + Q&A
- 21.30 - Karmele + Q&A
|
Buenos Aires
|
|
Azaroak 28
|
- 18.00 - Los Tigres + Q&A
- 21.00 - La buena letra / The Good Manners + Q&A
|
Azaroak 29
|
- 18.00 - Sorda / Deaf + Q&A
- 21.00 - La cena / The Dinner + Q&A
|
Azaroak 30
|
- 18.00 - Karmele + Q&A
- 21.00 - Una quinta portuguesa / The Portuguese House + Q&A
Astelehenetik ostegunera: 09:00etatik 15:30era
Ostiraletan, 10:00etatik 14:00etara