73 Donostia Zinemaldia - 2025ko irailak 19/27
73SSIFF - 2025eko irailak 19/27
Babesle
Ofizialak
Ofizialak
Media
Partner
Partner
"Z365" edo "Zinemaldia urte osoan" Zinemaldiaren apustu estrategiko berria da, non talentu berrien bilaketa, laguntza eta garapena (Ikusmira Berriak, Nest); formakuntza eta zinema-ezagutzen transmisioa (Elias Querejeta Zine Eskola, Zinemaldia + Plus, Zinemagileen elkarrizketa); eta ikerketa, dibulgazioa eta pentsamendu zinematografikoa (Z70 proiektua, Pentsamendua eta eztabaida, Ikerketa eta argitalpenak) elkartzen diren.
Deialdia Sartu NIRE ZINEMALDIRA
Bete formularioa zure datuekin, erregistratutako erabiltzaileentzako edukiak ikusteko.
Sartu zure emaila eta sakatu bidali. Esteka bat jasoko duzu, zure pasahitza berrezarri ahal izateko
Bete formularioa zure datuekin, erregistratutako erabiltzaileentzako edukiak ikusteko.
Agenda
...
Programa eta sarrerak Programazioan bilatu
Bilatu 
Zabaltegi-Tabakalera
Zabaltegi-Tabakalera
Zabaltegi-Tabakalera
Filmak
Filmak
Irekiera
Sergio Oksman
Espainia - Portugal
72 min.
Udako oporretan, dokumental-zuzendari batek eta hamabi urteko haren semeak Lisboako hotel abandonatu batean hartuko dute ostatu, The Shining filmekoa bezalako hotel huts batean, hain zuzen.
Itxiera filma
Igor Bezinović
Kroazia - Italia - Eslovenia
112 min.
1919ko irailaren 12an, Gabriele D'Annunzio itailiarrak –poeta bitxi eta gerrazaleak– zuzendutako eta hirurehun bat soldaduz osatutako tropa batek eraso egin zuen Fiume portu-hiria –egun Rijeka (Kroazia) deritzona eta Adriatikoan kokatua–, Italiari anexionatzeko asmoz. Hurrengo 16 hilabeteetan, gaur egun historiako setio militarrrik bitxientzat jotzen den jazoera horretan zehar, haren argazki-ekipo ofizialak 10.000 irudi baino gehiago atera zituen.
Juanjo Pereira
Paraguai - Argentina - AEB - Frantzia - Alemania
90 min.
Apenas ikusitako eta luzaroan ahaztutako material baten medioz, Alfredo Stroessnerrek Paraguain ezarritako diktaduraren ezkutuko makineria azaleratzen du dokumental honek, historiako erregimen luzeenetakoa izanik. Propaganda, nazioarteko proiekzioa etab. erakutsiz, pelikulak agerian uzten du nola eratu zuten boterea komunikabideek, memoria kontrolatzeaz eta egun ere dirauen ondarea taxutzeaz gainera.
Lur Olaizola Lizarralde
Espainia
17 min.
Film laburra
Aliciaren koadernaketa-ikasleak dira Maite, Unai eta Merche. Tailer berean orriak moztu, josi eta itsatsi egiten dituzte, liburuen bizitza luzatzeko. Bakoitzak bere liburuan lan egiten duen bitartean, bizitzaz, doluaz eta horien aldakuntzez solasean aritzen dira.
Lehiaketatik kanpo
Sophy Romvari
Kanada - Hungaria
90 min.
Laurogeita hamarreko hamarkadaren amaieran, zortzi urteko Sasha eta bere familia (etorkin hungariarrak) Vancouver uharteko etxe berri batera joango dira bizitzera. Familiaren bizitza berria oztopatu egingo du Jeremyren –seme nagusiaren– jokabide geroz eta arriskutsuagoak.
Jocelyn Charles
Frantzia
15 min.
Film laburra
Tren-bidaia batean, Ariel eta Paulek euren beldur sakonenak zirriborratzen ematen dute denbora. Protagonisten jolasak espero ez zuten norabide bat hartuko du Gilda –bidaiari misteriotsu bat– bien elkartrukean sartzen denean. Alabaina, beldurrarekin duten harremanak ez dirudi, inolaz ere, egiten dituzten marrazki jostakinak bezain tolesgabea.
Fresco Mafalda | Cristiana Cruz Forte, Paula Tomás Marques
© Fresco Mafalda | Cristiana Cruz Forte, Paula Tomás Marques
Paula Tomás Marques
Portugal
70 min.
João Liberadari buruzko pelikula biografiko bateko protagonista da; generoarekin konforme ez zegoenez, Inkisizioak jazarri egin zuen Liberada. Zuzendariaren paralisi misteriotsuaren ondoren, João amets aztoragarriak izaten hasi eta Liberadaren istorioa ohoretzeko borrokatuko da.
Jaume Claret Muxart
Espainia - Alemania
100 min.
Dídacek hamasei urte ditu eta bizikletaz ari da bidaiatzen Danubio ibaian zehar familiarekin. Egun beroetako batean, ezusteko topaketa batek bidaiaren norabidea aldatuko du: mutiko misteriotsu bat agertuko da uretatik. Presentzia enigmatiko hark zerbait berria piztuko Dídacengan, senideekiko harremana aldatzen hasteaz gain.
Ikusmira Berriak 2022
Paz Encina
Paraguai
17 min.
Film laburra
"La felicidad film laburrak nire anaia zenarekiko nostalgiari eta oroitzapenari heltzen dio. Hil zenetik, buruan dut anaia uneoro eta oraindik elkartuko gaituen irudiren bat birsortzen saiatzen naiz, zoriontasun-izpiren bat sentiaraziko didana, bere irudia eta nirea batera, eder-ederrak, betierekoak, itzuliko dizkidan irudiren bat". (Paz Encina)
Gabrielle Stemmer
Frantzia
55 min.
Film ertaina
Artxiboko irudien muntaketa baten eta Ovidieren La chair est triste hélas testuaren irakurketaren medioz, pelikulak txikitu egiten du eredu heterosexuala, intimoa eta, aldi berean, politikoa den istorio batean.
Hlynur Pálmason
Islandia - Danimarka - Frantzia
62 min.
Hiru haurridek zaldun baten antzeko figura bat sortu eta geziz josiko dute. Urtaroak igaro ahala, hiru protagonisten bizitzei behatuko diegu, euren sorkuntza errealista sortu eta suntsitzen duten bitartean.
György Pálfi
Alemania - Grezia - Hungaria
96 min.
''Botere handi batek erantzukizun handia dakar berekin'', baina heroia oilo soil bat bada, zer gertatzen da? Oilasko-abeletxe batetik ihesean, oiloa eraistear den jatetxe baten patioan babestuko da. Hor maitasuna topatuko du, ordena hierarkiko bati aurre egingo dio eta borroka egingo du bere arraultzak nagusi diruzale batetik babesteko. Ama izateko bere borroka dibertigarri baina hunkigarriak giza bizien emakida konplexuak islatzen ditu, baita borroka isilak ere.
Europa-Latinoamerika Koprodukzio Foroa 2020
Proyecta 2020
Alex Russell
AEB
100 min.
Goranzko pop-izar bat topatzen duenean, hogeitaka urteko saltzaile batek aprobetxatu egingo du jende ospetsuen artean aurrera egiteko. Alabaina, adiskidetasunaren eta jarraitzaile izatearen arteko muga lausotuz doan heinean (ia desagertu arte), sarbidea eta gertutasuna hil ala biziko arazo bihurtuko da.
Yuiga Danzuka
Japonia
115 min.
Tokioko paisaia beti aldakorrean, bi haurride noraezean ibili ohi dira hirian, amaren faltak oinazetuta. Aitaren –arkitekto ospetsu baten– itzulera baliteke adiskidetzeko azken aukera izatea protagonistentzat.
Bo Hanxiong
Txina
17 min.
Film laburra
Txinako bizitza marjinatuak ezabatzeko prozesu hazkorraren eta estatu-zaintza zorrotzaren itzaletan, negu gorrian emakume zahar bat desagertuko da bat-batean, eta haren zaintzaile Linek etenik gabeko bilaketari ekingo dio. Linek bilaketan sakontzen duen heinean, bere buruaren eta misterioaren arteko mugak lausotuz joango dira, eta bere patua, hala, argitu nahi duen desagerpenarekin korapilatuz.
Sarah Miro Fischer
Alemania - Espainia
95 min.
Rosek lotura estua du bere anaia nagusi maite Samekin. Emakume batek Sami bortxaketa leporatzen dionean, Roseri anaiaren kontrako ikerketa batean lekukotza emateko eskatuko zaio. Bere osotasun moralaz gainera, kolokan ipiniko du horrek anaiarekiko harremana.
WIP Europa 2024
Luis Ortega
Argentina
39 min.
Film ertaina
Emakume gazte armatu bat eta kondizio fisiko bitxiko poeta bat etxe batean bizi dira kanpoko inorekin harremanik gabe. Egun batean, aizto-zorrotzaile batek txirrina jo eta gaztearekin maiteminduko da lehen begiratuan. Poetak uste du bisitaria heriotza dela eta bere bila datorrela. Emakumea haurdun geratu eta haurtxoa izan ondoren, amaren etxera itzuliko da, baina arazo mental larriak ditu hark.
André Silva Santos
Portugal
27 min.
Film laburra
Udaberriaren hasiera. Sonata bat, gutun bat, buket bat. Tren bat geldoki doa aurrera São João da Madeira izeneko herri txiki baten paisaian zehar, Portugaleko iparraldean. 38 urteko Samuelek txirula-irakasle gisa lanean ematen ditu egunak, baita bere emazte Luísaren heriotza goiztiarragatiko dolu-errituetan ere (musikari dedikatu zioten biek bizitza). Anaia bisitatu ondoren, Samuelek dilema bati egin beharko dio aurre.
Bálint Kenyeres
Hungaria - Frantzia
17 min.
Film laburra
Erromani gazte bat hautatu dute telebistan agertzeko, ezohiko dohaina duelako zurrumurrua zabaldu baita. Espektatibak haziz doazen heinean, protagonistaren ezkutuko talentua aurrez aurre jarriko da komunikabideen azterketa distiratsuarekin. Nola gaztearen hala bere ingurukoen lur-jorze isila eragingo du horrek.
Sho Miyake
Japonia
89 min.
Nagisa eta Natsuo udan elkartzen dira itsasoaldean. Bien begirada hutsak bata bestean islatzen dira elkarri baldarki hitz egiten diotela eta euriak blaitutako ozeanoan barneratzen direla. Neguan, Li –sormen-krisian den gidoilari bat– elurrez estalitako herri batera joan da. Ostatu bitxi eta hondatu bat –Benzo enigmatikoak zuzendua– topatuko du han. Bien elkarrizketek ez dute apenas konektatzen, baina elkarrekin ekingo diote tupusteko abentura bati.
Lucile Hadzihalilovic
Frantzia - Alemania
118 min.
70eko hamarkada. Hiriko argiek erakarria, Jeannek ihes egingo du mendien goialdeko umezurztegitik. Zinema-estudio batean babesa aurkitu eta lekua arakatuko du gauez. Egunez Elurretako erregina pelikula filmatzen dute han, Cristina enigmatikoa izanik haren protagonista. Jeanne berehala geratuko da liluratuta izar eder baina tormentatu harekin. Aktorearen eta neskatoaren artean elkarrenganako lilura sortuko da.
Marta Medina, Enrique López Lavigne
Espainia
108 min.
Arrebato (1980) zinema espainiarraren kultuzko film handia da gaur egun, eta Iván Zulueta, haren zuzendaria, zinemagile madarikatua. Arrebato izan zen movida delakoaren amaiera aurreratu zuen filma, pelikula ilun eta gordina, estuki lotutako historia eta barne-historia izanik. Arrebatok zinemagilearen beraren bizitzaren aieru gisa balio du. Bere filmetako protagonistek bezala, drogek eta zinemak liluratuta amaituko zuen Zuluetak, desagertzeraino.
Harris Dickinson
Erresuma Batua
99 min.
Londresko kaleetan, Mikek –etxerik ez duen gazte batek– bizirik irauteko borrokatu behar du, iraganari aurre egin eta bere egoerari konponbidea bilatzen dion bitartean. Mikeren bizitza marjinaltasunaren eta aldizkako itxaropen-izpien artean igarotzen da. Bere burua deskubritzeko bideari ekiten dion heinean, espero ez zituen baina hasiera berri bat markatu lezaketen aukerak agertuko zaizkio. Urchin erretratu intimo eta hunkigarria da, giza hauskortasunari eta erredentzio-aukerari buruzkoa.
Babesle Ofizialak:
Media Partner: 
Laguntzaile Ofizialak: 
Instituzio Kideak:
© Donostia Zinemaldia
|
Jendaurreko ordutegia.
Astelehenetik ostiralera: 09:00etatik 14:00etara eta 16:00etatik 19:00etara
Astelehenetik ostiralera: 09:00etatik 14:00etara eta 16:00etatik 19:00etara
Harpidetu zaitez buletinak jasotzeko
Formulario hau betez ematen dizkiguzun datu pertsonalak Donostia Zinemaldiak –webgune honen arduradun gisa– tratatuko dituela jakinarazten dizugu. Eskatzen dizkizugun datu pertsonalak jasotzearen eta tratatzearen helburua gure albiste-buletina bidaltzea da. Interesdunaren baimenaren bidez legitimatzen da. Donostia Zinemaldiak bakarrik bidaliko dizkizu mezuak eta zure datuak ez dizkiegu hirugarrenei emango. Ematen dizkiguzun datuak EBn dauden Mailrelayren (marketinerako posta elektronikoko hornitzailea) zerbitzarietan kokatuta egongo direla jakinarazten dizugu. Ikusi Mailrelayren pribatutasun-politika. Formularioan nahitaezko gisa agertzen diren datuak jartzen ez badituzu, baliteke zure eskaerari erantzun ahal ez izatea. Datuak eskuratu, zuzendu, mugatu eta ezabatzeko eskubideak gauzatzeko, hona jo dezakezu: privacidad@sansebastianfestival.com. Datuen babesari buruzko informazio gehigarria eta xehatua gure pribatutasun-politikan kontsulta dezakezu.