1998an, Ry Cooder Kubara joan zen disko bat grabatzera, Ibrahim Ferrerekin eta Kuban Super-Aitonak goitizenez ezagutzen dituztenekin, Buena Vista Social Club leanean -mundo osoan arrakasta ezezik, Grammy saria ere lortu zuena- lagun izan zituen gainerako musikariekin, alegia. Wenders filmaketa-talde urri batekin atzetik joan zitzaien. Zinegile alemanak musikariak beharu zituen estudioan eta beren bizitzen arrastoari segi zion Habanan; gero Buena Vista Social Club-ek Amsterdamen eman zituen bi kontzertuetan filmatzen jarraitu zuen, New Yorken amaituz, Carnegie Hall ospetsuan emandako errezitaldi ikusgarrian. 

El partido del siglo 22 ataleko telesaila da, mundu mailako beste horrenbeste futbol-izarrei eskaina. Zuzendariak Roberto Saura, Gracia Querejeta, Ibán Sánchez, Nacho Ruíz-Capillas, Luís Barrios, Manel Iglesias eta Sergio Oksman izan dira eta gidoilariak, berriz, Jorge Valdano eta Santiago Segurola. Amerikako hamaika jokalari eta Europako beste hainbatek osatzen dute jokalarien zerrenda: besteak beste, Di Stefano, Puskas eta Iribarrek -oraingo honetan proiektatuko diren hiru atalen protagonistek- futbolari izatearen arrazoia, nola jokatzen zuten eta gaur egun zer diren kontatzen dute. Bizitza ezberdin bat dago horietako bakoitzearen atzean. Eta pasio bakar bat beren bihotzetan: futbola.