Babesle
Ofiziala
Media
Partner

itxi
Bete formularioa zure datuekin, erregistratutako erabiltzaileentzako edukiak ikusteko
Sakatu hemen
Ez duzu pasahitza gogoratzen? Sakatu hemen

itxi


Oraindik ez duzu posta elektronikoa balioztatu. Posta elktroniko bat bidali dizugu, ondoko esteka sakatu behar duzu kontua balioztatzeko

Hemen zaude: Lehen orrialdea > 66. Edizioa 2018  > Berriak > Donostia Zinemaldiak Glocal in Progress sailerako deialdia egin du
Donostia Zinemaldiak Glocal in Progress sailerako deialdia egin du
Industriaren jarduera profesional hau hizkuntza ez-hegemonikoetan egindako Europako filmei zuzentzen zaie, eta ekainaren 30era arte dago izena emateko epea
Asteazkena, 2018(e)ko apirilak 25

Irailaren 24an, 25ean eta 26an egingo da Glocal in Progressen bigarren edizioa, Zinema Eraikitzen 34 eta Europa-Latinoamerika VII. Koprodukzio Foroa egingo diren egun beretan.

Hizkuntza ez-hegemonikoetan filmatutako Europako ekoizpenei zuzenduta dago Glocal in Progress; bertan, postprodukzio-fasean dauden hiru film luze hautatu aurkeztuko dira, filmak amaitzen eta nazioartean zabaltzen lagundu dezakeen talde baten aurrean. Talde horretan, produktoreak, banatzaileak, salmenta-agenteak eta programatzaileak egongo dira, besteak beste.

Glocal in Progressen xedea da Europako zinemaren aniztasunaren balioa aitortzea. Horretarako, ezagutzera eman nahi dira alemanez, gaztelaniaz, frantsesez, ingelesez, italieraz edo errusieraz filmatu ez diren ekoizpenak, koprodukzioak eta lan horien hedapena sustatuz.

Lehenengo edizioan ondorengo ekoizpenek parte hartu zuten: Izbrisana / Erased (Miha Mazzini) eslobeniarrak, Un Om La Locul Lui / A Decent Man (Hadrian Marcu) errumaniarrak eta Dantza (Telmo Esnal) euskaldunak.

Glocal in Progressen hautatutako filmek Glocal in Progress Industria Saria jasotzeko aukera izango dute. Ad Hoc Studios, BTeam Pictures, Deluxe Spain, Dolby Iberia, Laserfilm Cine y Video, Nephilim Producciones eta No Problem Sonido film irabazlearen postprodukzio zerbitzuak hartuko dituzte, Glocal in Progress Industria Sariaren oinarrietan azaltzen den bezala.

Gainera, Glocal in Progress saria emango da. Glocal in Progress Industria Sariaren film irabazlearen produktore gehiengodunarentzako 10.000 euro dira.

Ekimen honekin, sorkuntzaren aldeko apustua indartzen du Zinemaldiak. 2002an heldu zion ildo horri, Zinema Eraikitzen abiarazita. Jarduera honek Latinoamerikako 150 produkzio baino gehiago amaitzeko aukera eman du. Lan hori, 2012tik aurrera, garapenean dauden proiektu europar eta latinoamerikarrei zuzendutako Europa-Latinoamerika Koprodukzio Foroaren bidez osatzen da.


Erregelamendua irakurtzeko eta proiektu bat inskribatzeko, klikatu hemen.


BIDALKETAK ETA HARREMANA:


Ekimen hau Eusko Jaurlaritzaren Ekonomiaren Garapen eta Azpiegitura Sailaren babesletzari eta Europa Creativa MEDIAren laguntzari esker da posible, eta honako hauen lankidetzari esker: Eusko Jaurlaritzaren Kultura eta Hizkuntza Politika Saila, Ad Hoc Studios, BTeam Pictures, Deluxe Spain, Dolby Iberia, Laserfilm Cine y Video, Nephilim producciones eta No problem Sonido.


Ondorengoen babesarekin

 

Babesle Ofiziala
Media Partner
Laguntzaile Ofizialak:
Instituzio Kideak:
© Donostia Zinemaldia | Desarrollado por: Yo Miento Producciones
Webgune hau berezko eta kanpoko cookies-az baliatzen da, erabiltzaile gisa esperientzia hobea eskaintzeko. Informazio gehiago Onartzea