tve movistar+
Babesle
Ofizialak
65. Donostia Zinemaldia
22/30 Iraila 2017 - #65ssiff

itxi
Bete formularioa zure datuekin, erregistratutako erabiltzaileentzako edukiak ikusteko
Sakatu hemen
Ez duzu pasahitza gogoratzen? Sakatu hemen

itxi


Oraindik ez duzu posta elektronikoa balioztatu. Posta elktroniko bat bidali dizugu, ondoko esteka sakatu behar duzu kontua balioztatzeko

Hemen zaude: Lehen orrialdea > 66. Edizioa 2018  > Berriak > Glocal in Progress ekimenaren bigarren edizioak grezieraz, lituanieraz eta turkieraz filmatutako hiru film aurkeztuko ditu
Glocal in Progress ekimenaren bigarren edizioak grezieraz, lituanieraz eta turkieraz filmatutako hiru film aurkeztuko ditu
Zinemaldian estreinatuko dira hizkuntza ez-hegemonikoetan egindako Europako ekoizpenetarako industria jardueraren lehenengo edizioko bi film: ‘Dantza’ eta ‘Un om la locul lui / A Decent Man’, Sail Ofizialean eta New Directors sailean, hurrenez hurren
Astelehena, 2018(e)ko abuztuaren 13

Glocal in Progress ekimenaren bigarren urtean, hiru zinemagile hauen azken lanak erakutsiko dira hizkuntza ez-hegemonikoetan egindako Europako ekoizpenak xede dituen Industria jardueran: Pelin Esmer turkiarrarena, Ignas Jonynas lituaniarrarena eta Tassos Gerakinis greziarrarena.

Hiru filmak postprodukzio-fasean daude, eta, besteak beste, ekoizle, banatzaile, salmenta-agente eta programatzaileei aurkeztuko zaizkie, horiek amaitzen eta nazioartean banatzen lagundu dezaten.

Pelin Esmerrek (Istanbul, 1972) Zabaltegi-Zuzendari Berriak sailean aurkeztu zuen bere bigarren filma, Oyun / The Play (2005), euren aldarriak jasoko dituen antzezlan bat muntatu nahi duten herriko emakume batzuei buruzko lan bat, Tribecan sariztatua. Gainera, Sail Ofizialean lehiatu zen 11’e 10 Kala / 10 to 11 (2009) obrarekin. Bildumagile baten eta berreraiki behar den eraikin bateko atezain baten arteko istorio horri esker, Epaimahaiaren Sari Berezia irabazi zuen Istanbuleko zinema-jaialdian. Kraliçe Lear / Queen Lear filmean jarraipena emango dio Oyun-eko emakume protagonisten istorioari, antzezlanak haien bizitza aldatu eta gero. Oraingoan, Shakespeareren obraren euren bertsioa antzeztuko dute mendialdeko herrixka urrunetan.

Ignas Jonynas (Vilnius, 1971) ere Zuzendari Berriak sailean izan zen, bere lehen lana ekarri baitzuen: Losejas / The Gambler (2013), Lituaniako Zinema Akademiako zuzendari onenaren sariduna. Haren bigarren filma, Nematoma / Invisible, Lituania, Letonia eta Ukrainiaren arteko koprodukzio bat da, eta telebistako dantza-lehiaketa batean itsu-plantak egingo dituen gizon bati buruz hitz egingo digu.

Tassos Gerakinisen lehenengo lana Grezia eta Frantzia arteko koprodukzio bat da: A Simple Man, iheslari batek bahitutako mahasti-jabe baten istorioa.

Glocal in Progress Industria jarduera abian jarri eta urtebetera, lehenengo edizioko bi film sartu dira 66. Zinemaldiaren programazioan. Telmo Esnalek (Zarautz, Espainia, 1966) Sail Ofizialean parte hartuko du, emanaldi berezien atalean, Dantza dokumentalarekin; aldiz, Hadrian Marcuren (Brăila, Errumania, 1976) Un om la locul lui / A Decent Man filma New Directors sailean lehiatuko da. Bodgan Dumitrache izango da filmaren protagonista, iaz Pororoca-n egindako lanarengatik gizonezko aktore onenaren Zilarrezko Maskorra irabazi eta gero.

Irailaren 24, 25 eta 26an egingo da jarduera, Zinema Eraikitzen 34 eta Europa-Latinoamerika VII. Koprodukzio Foroarekin batera, hizkuntza ez-hegemonikoetan egindako Europako ekoizpenak ikusgai jartzeko (hau da, alemanez, errusieraz, frantsesez, gaztelaniaz, ingelesez eta italieraz filmatu ez direnak). 2017an, euskaraz filmatutako pelikula batek irabazi zuen Epaimahaiaren Sari Berezia (Handia), eta errumanierazko ekoizpen batek, aldiz, gizonezko aktore onenaren Zilarrezko Maskorra (Pororoca).

Eusko Jaurlaritzako Kultura eta Hizkuntza Politikaren Sailak Glocal Cinema sortu zuen, hizkuntza ez-hegemonikoetan filmak ekoizten dituzten zinematografien arteko sareak sustatzeko; bada, orain, sail horrek martxan jarritako lana osatzera dator Glocal In Progress.

 

A SIMPLE MAN
Tassos Gerakinis  (Grezia - Frantzia)

Espetxetik ihesi herrialde mugakidera joaten saiatzen denean, mugatik gertuko herri batean harrapatuta geratuko da preso bat, eta etxean den ardogile baketsu bat bahituko du. Bitartean, agintariek hura aurkitzeko sarekada bat antolatuko dute eta ardogileak bere enplegatua dela itxuratu dezala iradokiko dio bahitzaileari, bere alaba babestu ahal izateko. Alaba bahitzailearekin maiteminduko da, ordea. Aitak gezurra esan diola jabetzean, bahitzaileari muga zeharkatzen laguntzeko erabakia hartuko du alabak, baina aitak tranpa bat jarriko dio hura armagabetzen saiatzeko, eta borrokan hil egingo du. Ardogileak alabari egia esatea erabakiko du.


KRALIçE LEAR
Pelin Esmer  (Turkia)

Duela hamasei urte, Turkiako mendietako bost emakume nekazarik antzezlan bat sortu zuten, The Play, euren bizitzen historia taularatzeko. Antzezlan horrek bizitza aldatu zien. Oraingoan, Shakespeareren King Lear egokitzapenarekin ekingo diote bideari, hautsez betetako bide harriskutsuetan zehar, urik ere iristen ez den mendialdeko herri urrunenetaraino joateko asmoz. Bideean, haien bizitzak Lear Erregearen munduarekin bat egingo dute, antzezlaneko "ongia eta gaizkia", "gaztetasuna eta zahartasuna", "txirotasuna eta aberastasuna", "zintzotasuna eta lizunkeria"ri lotuta geratuz.  


NEMATOMA
Ignas Jonynas  (Lituania - Letonia - Ukrania)

Jonasek itsu-plantak egingo ditu telebistako dantza-lehiaketa batean sartzeko. Han Saule ezagutuko du, bere dantza-bikotekide ederra, eta programako bikote maiteena bihurtuko dira laster. Herrialde osoak Jonas itsua dela uste duen bitartean, Vytas, Jonasen aspaldiko ezagun bat, espetxetik aterako da. Iraganeko oroitzapenak gero eta gehiago estutuko dira haien inguruan, eta Vytasek sentimendu kontrajarriei egin beharko die aurre: iraganeko nahiz etorkizuneko bekatuengatik mendekua edo barkamena bilatu, manipulazioz beteriko mundu batean.

Glocal in Progressen hautatutako filmek Glocal in Progress Industria Saria jasotzeko aukera izango dute. Ad Hoc Studios, BTeam Pictures, Deluxe Spain, Dolby Iberia, Laserfilm Cine y Video, Nephilim Producciones eta No Problem Sonido film irabazlearen postprodukzio zerbitzuak hartuko dituzte, Glocal in Progress Industria Sariaren oinarrietan azaltzen den bezala.

Gainera, Glocal in Progress saria emango da. Glocal in Progress Industria Sariaren film irabazlearen produktore gehiengodunarentzako 10.000 euro dira.


 Industria Saila ondorengoen babesarekin:    

Bereizmen handiko irudiak

Babesle Ofizialak:
Laguntzaile Ofizialak:
Instituzio Kideak:
© Donostia Zinemaldia | Desarrollado por: Yo Miento Producciones

Webgune hau berezko eta kanpoko cookies-az baliatzen da, erabiltzaile gisa esperientzia hobea eskaintzeko. Informazio gehiago Onartzea