tve movistar+
Babesle
Ofizialak
65. Donostia Zinemaldia
22/30 Iraila 2017 - #65ssiff

itxi
Bete formularioa zure datuekin, erregistratutako erabiltzaileentzako edukiak ikusteko
Sakatu hemen
Ez duzu pasahitza gogoratzen? Sakatu hemen

itxi


Oraindik ez duzu posta elektronikoa balioztatu. Posta elktroniko bat bidali dizugu, ondoko esteka sakatu behar duzu kontua balioztatzeko

Hemen zaude: Lehen orrialdea > 68. Edizioa 2020  > Berriak > Donostia Zinemaldiak WIP Europa sailerako deialdia egin du
Donostia Zinemaldiak WIP Europa sailerako deialdia egin du
Uztailaren 1a izango da 'work in progress' honetan (Glocal in Progress berritua) izena emateko azken eguna
Astelehena, 2020(e)ko ekainak 1

Donostia Zinemaldiak WIP Europa sailean izena emateko epea ireki du gaur. Glocal in Progress programa berritua izango da eta Europako hiru film izan ordez, sei izango ditu. Izena emateko epea uztailaren 1ean amaituko da.

Hiru edizioren ostean, Glocal in Progress WIP Europa bilakatu da. Gainera, hizkuntza ez hegemonikoetan filmatzen diren lanak ez ezik, nagusiki Europan ekoitzitako filmak ere izango ditu. Dena den, erregelamenduaren arabera, kontuan hartuko da egilearen lehen edo bigarren lana izatea eta hizkuntza ez hegemonikoren batean filmatuta egotea.

Donostia Zinemaldiko Hautaketa Batzordeak Europako sei film aukeratuko ditu, gehienez ere, eta banatzaileei, salmenta-agenteei eta ekoizleei aurkeztuko zaizkie Zinemaldian bertan, nazioartean banatzen laguntze aldera. WIP Europa irailaren 21ean, 22an eta 23an izango da; WIP Latam eta IX. Europa-Latinoamerika Koprodukzio Foroa ere egun horietan egingo da.

WIP Europari norabide berria emanda, Donostia Zinemaldiak sormenaren eta industriaren aldeko apustua handitu du, eta WIP Latam ekimena eta Europa-Latinoamerika Koprodukzio Foroa direla medio, bi zinemagintzen erreferentziako topagunea izango da.

SARIAK

WIP Europa Industria Saria Ad Hoc Studios, BTeam Pictures, Deluxe Spain, Dolby Iberia, Laserfilm Cine y Vídeo, Nephilim Producciones eta No Problem Sonido enpresek ematen dute. Saria film baten postprodukzioan datza, barnean hartuta ingelesez eta gaztelaniaz azpititulatutako DCPa (Digital Cinema Package) sortzea eta Espainian banatzea.

WIP Europa Sariak 10.000 euro emango dizkio WIP Europa Industria Sariaren film irabazlearen ekoizle nagusiari.


Erregelamendua irakurtzeko eta film bat inskribatzeko, klikatu hemen.


HARREMANETARAKO:

Donostia Zinemaldia
Filmen Departamentua
Tel.: +34 943 481212
wips@sansebastianfestival.com
www.sansebastianfestival.com


WIP Europa egitasmoa Eusko Jaurlaritzako Ekonomiaren Garapen eta Azpiegitura Sailaren eta Creative Europe MEDIAren laguntzari esker eta Eusko Jaurlaritzako Kultura eta Hizkuntza Politika Sailaren eta Ad Hoc Studios, BTeam Pictures, Deluxe Spain, Dolby Iberia, Laserfilm Cine y Vídeo, Nephilim Producciones eta No Problem Sonido enpresen lankidetzari esker egin ahal izan da.


  

Industria Saila ondorengoen babesarekin:    

 


Babesle Ofizialak:
Laguntzaile Ofizialak:
Instituzio Kideak:
© Donostia Zinemaldia | Desarrollado por: Yo Miento Producciones

Webgune hau berezko eta kanpoko cookies-az baliatzen da, erabiltzaile gisa esperientzia hobea eskaintzeko. Informazio gehiago Onartzea