Zinemaldiko bideotekak industriako profesional akreditatuen eskura jartzen du streaming bidez ikustea Zinemaldiko sail guztietan hautatutako filmak, baldin eta beren ordezkariek izena eman badute, lehiaketa amaitu eta hilabeterarte (urriaren 26a). Zinemaldiko bideoteka CinandoVL enpresak operatzen du, Cannes jaialdiko Marché du Film ekimenak zinema industriako profesionalentzat sortua.

Zinemaldiko bideotekak Espainiako eta Latinoamerikako filmen panorama ere hartuko du. Enpresa bakoitzak gehienez hiru film inskribatu ahal izango ditu, baldintza hauek betetzen badituzte:

• Gutxienez 60 minutuko iraupena izatea.
• 2019ko urritik 2020ko irailera bitartean mundu mailako estreinaldia izan izana.z
• Espainian edo Latinoamerikako herrialde batean ekoitziak izatea.

Zinemaldiko bideotekan inskribatutako film luze bakoitzeko tasa honako hau da:

• 70 € (% 21eko BEZa barne) Espainian edo Latinoamerikako herrialde batean ekoitzitako filmetarako.
• 35 € (% 21eko BEZa barne) Euskal Autonomia Erkidegoan ekoitzitako filmetarako (ekoizlearentzako doako akreditazioa barne).

Izena emateko azken eguna 2020ko irailaren 7a da, astelehena.
Film bat bideotekan inskribatu dezakezu esteka honen bidez.

Harremanetarako: videoteca@sansebastianfestival.com / (+34) 943 481 217