73 Donostia Zinemaldia - 2025ko irailak 19/27
73SSIFF - 2025eko irailak 19/27
Babesle
Ofizialak
Ofizialak
Media
Partner
Partner
"Z365" edo "Zinemaldia urte osoan" Zinemaldiaren apustu estrategiko berria da, non talentu berrien bilaketa, laguntza eta garapena (Ikusmira Berriak, Nest); formakuntza eta zinema-ezagutzen transmisioa (Elias Querejeta Zine Eskola, Zinemaldia + Plus, Zinemagileen elkarrizketa); eta ikerketa, dibulgazioa eta pentsamendu zinematografikoa (Z70 proiektua, Pentsamendua eta eztabaida, Ikerketa eta argitalpenak) elkartzen diren.
Deialdia Sartu NIRE ZINEMALDIRA
Bete formularioa zure datuekin, erregistratutako erabiltzaileentzako edukiak ikusteko.
Sartu zure emaila eta sakatu bidali. Esteka bat jasoko duzu, zure pasahitza berrezarri ahal izateko
Bete formularioa zure datuekin, erregistratutako erabiltzaileentzako edukiak ikusteko.
Agenda
...
Programa eta sarrerak Programazioan bilatu
Bilatu 
Sail Ofiziala
Sail Ofiziala
Sail Ofiziala
Filmak
Filmak
Gaur arte argitaratu diren sail honetako filmen behin - behineko zerrenda.
Edward Berger
Erresuma Batua
104 min.
Iragana eta zorrak benetan hasten zaizkionean eragiten, Macaun babestutako jokalari amorratu batek arima biki bat aurkituko du; baliteke gizonaren salbaziorako gakoa izatea.
Dolores Fonzi
Argentina
105 min.
Tucumán, Argentina, 2014; emakume gazte bat ospitalera joan da sabeleko min gogorrak jota, haurdun dagoela jakin gabe. Esnatzean, ohatilara bilurtuta eta poliziaz inguratuta dago. Apropos abortatu izana leporatzen diote, eta bi urteko behin-behineko espetxealdiaren ondoren, zortzi urteko espetxe-zigorra ezarriko diote giza hilketagatik, loturaren larrigarriarekin. Tucumángo abokatu batek haren askatasunaren alde borrokatuko du, milaka emakume eta erakunderen laguntzarekin, eta denek egingo dute bat historiaren norabidea aldatzeko.
Milagros Mumenthaler
Suitza - Argentina
104 min.
Lina, 34 urteko estilista argentinarra, bere karreraren gailurrean dago, eta, bat-batean, inpultso batek gain hartuko dio Suitzan sari-banaketa baten ondotik. Buenos Airesa iritsitakoan, ez du ezer esango, baina zerbait aldatuta dago jada: isilik eta ikusezin, zerbaitek ustez atzean utzita zeukan iragana ekarriko dio atzera.
Alice Winocour
Frantzia - AEB
106 min.
Modaren Parisko Astearen zalaparta betean, hiru emakumeren bizitzak gurutzatuko dira. Hirurak ere borrokan ari dira munduko tragediekin eta beren bizitzako kontuekin: Maxime zinema-zuzendari estatubatuarrari minbizia diagnostikatu diote; Ada modelo hegosudandar gazteak, markaturiko etorkizun batetik ihes egin, eta ingurune fribolo batean amaituko du; Angèle makillatzaile frantziarrak, azkenik, desfileen atzealdean lan egiten du eta beste bizimodu bat izan nahiko luke.
Claire Denis
Frantzia
105 min.
Mendebaldeko Afrikako herri-lanen proiektu handia. Horn obraburuak eta Cal ingeniari gazteak ostatua partekatzen dute euren instalazioetako ate bikoitzaren atzean. Leone –Hornen emazte berria– bi gizonekin elkartzera datorren gau berean, gizon bat agertuko da hesiaren ondoan. Alboury du izena. Iluntasunean agertutako mamuen antzera, egun horretan bertan obran hildako anaiaren gorputza erreklamatzen du. Gau osoan jazarriko ditu bi gizonak, hildakoa entregatu arte, Leonek begien aurrean ikusten duen bitartean hondamena nola hazten den.
Emmanuelle Firman
© Emmanuelle Firman
Arnaud Desplechin
Frantzia
115 min.
Aspaldiko partez Frantziara bueltatu ondotik, Mathias Vogler piano-jotzailea berriro jarriko da harremanetan bere mentore Elenarekin, kontzertu bat prestatzeko. Parke batean, bere berdin-berdina den haur batekin topo egingo du, eta Claudengana eramango du, garai batean maite izan zuen emakumearengana, alegia.
Alauda Ruiz de Azúa
Espainia - Frantzia
115 min.
Los domingos filmak Ainararen istorioa kontatzen digu, 17 urteko gazte idealista eta apartekoa, unibertsitateko zein karrera ikasiko duen erabaki behar duena. Hori espero du bere familiak, behintzat. Alabaina, gazteak adieraziko du Jainkoarengandik gero eta hurbilago sentitzen dela eta klausurako moja bilakatzea planteatzen duela. Albisteak ustekabean harrapatuko du familia osoa, amildegi bat sortuko da eta proba erabakigarri bati aurre egin beharko diote.
Agnieszka Holland
Txekiar Errepublika - Alemania - Polonia
127 min.
Agnieszka Holland zuzendari itzaltsuak orain arteko proiekturik anbiziotsuenari heldu dio, eta Franz Kafka XX. mendeko idazle txekiar enblematikoaren biopic bat aurkeztu du. Filma mosaiko kaleidoskopiko gisa sortua da, eta Kafkak munduan utziriko urratsari jarraitzen dio, hasi XIX. mendeko Pragatik, harik eta Vienan hil zen arte, I. Mundu Gerra eta gero. Franz filmak bestelako begirada bat eskainiko dio publikoari, literaturako jeinuaren atzean zegoen gizonaren bizimoduari buruz.
José Luis Guerin
Espainia - Frantzia
122 min.
Landa- eta hiri-munduaren arteko hiri inguruko auzo batean, elkarrekin bizi dira gerraostearen ondoren heldutako lehen migranteen etxeak eta lo-hiriaren bloke berriak, migrazio berria biltzen dutenak, txoko xume hau benetako herrixka global bihurtuz. Historias del buen valle imaginarioen eta gizartearen belaunaldi- eta nortasun-gatazken, hirigintza- eta ekologia-gatazken batura da. Baina gaur egungo munduaren ikuspegi patxadatsu eta humanista ere bada.
Qin Xiaoyu
Txina
86 min.
Hongek 10 urte eman ditu kartzelan senarra hiltzeagatik. Kartzelako arte-tailerrari egindako ekarpenari esker, zigorra murrizteko ustekabeko aukera izango du. Bere seme Lele amonak hazi du eta ez da inoiz amarekin bizitzeko prest egon. Berriro elkartu ondoren, Lelek hotz tratatzen du ama beti. Amona pertsona bakartia da eta Lele itzultzea nahi du; gainera, gizarteak ez ditu preso ohiak ondo tratatzen; hori horrela izanik, gai izango ote da Hong bere espetxe ikusezinetik ihes egin eta zoriona berreskuratzeko?
Jose Mari Goenaga, Aitor Arregi
Espainia
115 min.
Bikotearekin hautsi ondoren, Vicente (76) gustuko duen bizimodua darama Maspalomasen: eguzkia, parranda eta gozamena dira bere eguneroko jardunak. Baina istripu batek Donostiara itzultzera behartuko du eta han aspaldi abandonatu zuen alabarekin elkartu beharko du. Vicentek zahar-etxe batean bizi beharko du eta bertan armairura itzultzera bultzatua sentituko da, konpondutzat zuen bere buruaren alde bat ezkutatuz. Egoera berri horretan, galdera bat nagusituko da: garaiz al dago Vicente besteekin –eta bere buruarekin– bakeak egiteko?
James Vanderbilt
AEB
150 min.
Nurembergek bete-betean kokatzen gaitu duela 80 urte Aliatuek erregimen naziaren porrotaren ondoren egindako epaiketetan. Douglas Kelley psikiatra estatubatuarra izendatu dute preso nazien osasun mentala ebaluatzeko eta gerra-krimenengatik epaitu ote daitezkeen erabakitzeko. Gauetik goizera, Kelley buruargitasun-borroka korapilatsu batean murgilduko da Hitlerren eskuineko eskuaren eta gizadiaren historiako gizonik beldurgarrienetako baten aurka: Hermann Göring.
Yutaro Seki, Kentaro Hirase
Japonia
128 min.
Lau pertsonak bizimodu arruntak dituzte toki banatan, eta haien bideak ez dira inoiz elkarrekin gurutzatzen. Gizon misteriotsu bat agertuko da istorio bakoitzean, beti beste norbaiten itxuran: une batean haurtzaindegi bateko irakaslea, hurrengoan kamioi-gidaria, bizargina jarraian... Etengabe aldatzen da haren nortasuna. Eta, orduan, heriotza ailegatuko da. Detektibe bat egiaren bila hasi eta errebelazio batera gerturatuko da...
Joachim Lafosse
Belgika - Frantzia - Luxemburgo
94 min.
Zoritxarra gorabehera, Sanak bere bikiek udaberriko oporrak izan ditzatela nahi du, baina asmo guztiek porrot egingo dute. Elkarrekin, Rivierako luxuzko etxe batean –Sanaren aitaginarreba-amaginarreba ohien jabetzan– geratzea erabakiko dute, inori ezer esan gabe. Sei egun eguzkitsu, inozentziaren amaiera markatuko dutenak.
Alberto Rodríguez
Espainia - Frantzia
109 min.
Antonio eta Estrella neba-arrebak dira. Haien aita urpekaria zen. Bizitza osoa daramate itsasoan. Antonio el Tigre da, urpekari garaiezina, segundo gutxien buruan bizia jokoan jartzen duzunean eta hori egunero egiten duzunean hor behean denek nahi duten kidea. Estrellak nebari laguntzen dio lan egiten duten gabarran. Berak mantentzen du lurrari lotuta. Uretatik kanpo, Antonio desastre hutsa da. Beti orainaldian pentsatzen bizi izan da, inoiz ez etorkizunean, eta bere egoera ekonomikoa korapilatsua da. Antoniok istripua izan du, eta esan diote bere urpean igari egiteko egunak laster amaituko direla. Etorkizuna ilun eta korapilatsu datorkie. Alabaina, baliteke goera hori aldatzea petroleo-ontzi baten kroskoan ezkutatuta kontrabandoko kokaina topatuko baitute. Antoniok ez du beste aukerarik ikusten, arreba Estrellak ez du argi ikusten. Beti bezala.
Olmo Omerzu
Txekia - Eslovenia - Polonia - Eslovakia - Kroazia - Frantzia
110 min.
Davidek Adriatikora eraman ditu, oporretara, bere bi seme-alabak, familia elebidun banandua lotuta mantentzeko itxaropenez. 17 urteko alaba, Klára, elikadura-nahasmendu baten aurka borrokatzen ari dena, hango mutil batekin maiteminduko da, Denisekin. Hilketa leporatzen diotenean, Davidek berehala itzuliko ditu haurrak etxera. Kláraren gaitza larriagotu eta ospitaleratu egingo dute gaztea. Gurasoak batzen dituen gauza bakarra Klára salbatu beharra da, eta etsi-etsizko garaietan etsi-etsizko neurriak hartu behar dira.
Alberto Rodríguez
Espainia
180 min.
Saila
Tejero Kongresuan sartu zenean pistola eskuan zuela, hiru gizon baino ez ziren geratu eserlekuetan eserita, gainerakoak makurtu egin baitziren, babesteko asmoz: Adolfo Suárez, Santiago Carrillo eta Gutiérrez Mellado. Demokraziarako bidea zuzendu zuten hiru gizon horien eta estatu-kolpearen hiru buru nagusien (Tejero, Milans eta Armada) bitartez, Espainia ia-ia aurreko erregimen militarrera itzultzera eraman zuten jazoera eta tentsioen katea kontatzen digu serieak.
Lehiaketatik kanpo
Agustín Díaz Yanes
Espainia
105 min.
Un fantasma en la batalla ETAren aurkako ezkutuko operazio handienean dago inspiratuta, Espainian terrorismoaren aurkako borrokaren mugarri izan zena. 90eko eta 2000ko hamarkadetako testuinguru historiko, politiko eta sozialean oinarritua, filmak Amaia guardia zibil gaztearen istorioa kontatzen digu. Amaiak hamarkada batetik gora eman du talde terroristaren barnean ezkutuko agente gisa lanean, taldeak Frantzia hegoaldean ezkutatuta zituen zuloak lokalizatzen.
Lehiaketatik kanpo
Elena Molina, Isaki Lacuesta
Espainia
98 min.
Emakume batek bilaketa bati ekingo dio: nor izan zen benetan bere aita, musikari mitikoa, alabak 8 urte zituela hil zena? Aita Antonio Flores da; alaba, berriz, Alba Flores aktorea, berau ere ospetsua. Albak abesteari utzi zion Antonio galdu zuenean; alabaina, orain bere ahotsa eta istorioa berreskuratu nahi ditu, senide eta lagunei galdetuz lehendabizikoz.
Emanaldi Bereziak - Lehiaketatik kanpo
Juliette Binoche
Frantzia
156 min.
2007an, Juliette Binochek eta Akram Khanek etenaldi bat egin eta elkarrekin sortu zuten In-I, mundu osoan zehar biratutako performance original bat. Gaur, Juliette Binochek bidaia bizigarri hura berrikusiko du. Irudi ezezagunen bidez, sorkuntzari, haren erronkei eta horrek dakarren eraldaketa pertsonalari buruzko gogoeta egiten du zinemagile gisa.
Emanaldi Bereziak - Lehiaketatik kanpo
Asier Altuna
Espainia
114 min.
Euskadi 1937. Karmele eta haren familia Frantzian erbesteratzen dira, gerraren ondorioz etxetik kanporatuak izan ondoren. Han, Karmelek erbesteko euskal enbaxada kulturalaren proposamena jasotzen du, dantza- eta musika-ikuskizunen bitartez gerraren kontra borrokatzeko. Bertan, Txomin ezagutzen du, tronpeta-jole profesional bat, eta harekin maitemintzen da. Denboraldi batean Venezuelan bizi ondoren, bikotea etxera bueltatzen da, kendu zieten guztia berreskuratzeko esperantzarekin.
Emanaldi Bereziak - Lehiaketatik kanpo
Europa-Latinoamerika Koprodukzio Foroa 2019, Proyecta 2019
Paco Plaza, Pablo Guerrero
Espainia
191 min.
Saila
La suerte telesailean, taxi-gidari lotsati eta oposiziogile gazte bat, David (Ricardo Gómez), Maisuaren (Óscar Jaenada) txofer bihurtuko da ustekabean; izan ere, Maisua –zezen-hiltzaile ospetsua– erretirotik atera da, galdutako ospea berreskuratzeko asmoz. Maisua gain behera doa, baina Davidek eta gaztearen taxiak zortea dakarkiote, edo hori uste du gizonak, behintzat.
Emanaldi Bereziak - Lehiaketatik kanpo
2025 "Climbing For Life" Film Partners
© 2025 "Climbing For Life" Film Partners
Junji Sakamoto
Japonia
130 min.
1975ean, emakume bat Everest mendiaren gailurrera iritsi zen: Junko, munduko gailurrik altuenera heldutako lehen emakumea historian. Junkoren balentria ahaztezinak mundua txunditu zuen, fokua jarriz baina itzal handi bat proiektatuz bere lagun eta senideengan. Azken urteetan gaixotasun terminal bat diagnostikatu zioten arren, Junkok mendiei desafio egiten jarraitu zuen. Zer izan ote zen gailurretatik haratago ikusi zuen azken gauza?
Emanaldi Bereziak - Lehiaketatik kanpo
Koldo Almandoz
Espainia
164 min.
Saila
Nerea Garcia bolada txarra pasatzen ari da eta ez da bere Bilboko etxetik apenas ateratzen. Lau urte igaro dira Ertzaintzatik kanporatu zutenetik. Erritualen batean hildako emakume baten gorpua agertzen denean, bere nagusi ohiak ikerketarekin laguntzeko eskatu dio. Nereak susmatzen ez duena da, iraganeko eta orainaldiko mamuek hiriko estoldetara jaistera behartuko dutela, non ezer eta inor ez diren diruditenak.
Emanaldi Bereziak - Lehiaketatik kanpo
Babesle Ofizialak:
Media Partner: 
Laguntzaile Ofizialak: 
Instituzio Kideak:
© Donostia Zinemaldia
|
Jendaurreko ordutegia.
Astelehenetik ostiralera: 09:00etatik 14:00etara eta 16:00etatik 19:00etara
Astelehenetik ostiralera: 09:00etatik 14:00etara eta 16:00etatik 19:00etara
Harpidetu zaitez buletinak jasotzeko
Formulario hau betez ematen dizkiguzun datu pertsonalak Donostia Zinemaldiak –webgune honen arduradun gisa– tratatuko dituela jakinarazten dizugu. Eskatzen dizkizugun datu pertsonalak jasotzearen eta tratatzearen helburua gure albiste-buletina bidaltzea da. Interesdunaren baimenaren bidez legitimatzen da. Donostia Zinemaldiak bakarrik bidaliko dizkizu mezuak eta zure datuak ez dizkiegu hirugarrenei emango. Ematen dizkiguzun datuak EBn dauden Mailrelayren (marketinerako posta elektronikoko hornitzailea) zerbitzarietan kokatuta egongo direla jakinarazten dizugu. Ikusi Mailrelayren pribatutasun-politika. Formularioan nahitaezko gisa agertzen diren datuak jartzen ez badituzu, baliteke zure eskaerari erantzun ahal ez izatea. Datuak eskuratu, zuzendu, mugatu eta ezabatzeko eskubideak gauzatzeko, hona jo dezakezu: privacidad@sansebastianfestival.com. Datuen babesari buruzko informazio gehigarria eta xehatua gure pribatutasun-politikan kontsulta dezakezu.