Donostia Zinemaldia ::

Adieu, plancher des vaches / FAREWELL, HOME SWEET HOME (ADIO, LUR LEHORRARI)

Otar Iosseliani

Nicolas hemeretzi urteko gaztea, mendialdeko gaztelu batean bizi den familia bateko seme zaharrena hirian bizi da, denda bateko kristalak eta jatetxe bateko platerak garbitzen ditu, hazi zen landa girotik urrun. Bere ama negozio-emakumea da, egunez etxetik kanpo lan egiten duena eta gauez gazteluan festa handiak antolatzen dituena. Bien bitartean, bere aitak edan egiten du eta ...

Nicolas hemeretzi urteko gaztea, mendialdeko gaztelu batean bizi den familia bateko seme zaharrena hirian bizi da, denda bateko kristalak eta jatetxe bateko platerak garbitzen ditu, hazi zen landa girotik urrun. Bere ama negozio-emakumea da, egunez etxetik kanpo lan egiten duena eta gauez gazteluan festa handiak antolatzen dituena. Bien bitartean, bere aitak edan egiten du eta tren elektriko batekin dabil jolasean.

Akvareli / AKVARELI (AKUARELA)

Otar Iosseliani

- (Film laburra)

Familia ugari oso txiro batean, ama latsariak eramaten du soldata etxera, baina bere senarrak, mozkor porrokatu batek, ostu egiten dio. Bere onetik aterata, emazteak senarraren atzetik joatea erabakitzen du, zeina museo batean babesten den, koadroen, gidariaren eta bisitarien artean. Bakarrik geratzen direnean, senar-emazteek euren etxea irudikatzen duen koadro baten aurrean da...

Familia ugari oso txiro batean, ama latsariak eramaten du soldata etxera, baina bere senarrak, mozkor porrokatu batek, ostu egiten dio. Bere onetik aterata, emazteak senarraren atzetik joatea erabakitzen du, zeina museo batean babesten den, koadroen, gidariaren eta bisitarien artean. Bakarrik geratzen direnean, senar-emazteek euren etxea irudikatzen duen koadro baten aurrean daudela ohartzen dira.

Aprili / APRIL (APIRILA)

Otar Iosseliani

- (Film laburra)

Neska bat eta mutil bat Tbilisi izeneko euren hiriko kaleetan zehar bata-bestearen atzetik dabiltza, etengabea altzariak garraiatzen dituzten pertsonekin eztropezu eginaz. Bikotea intimitate apur baten bila pisu batean babesten da. Argia, ura eta gasa etxean sartzen dira bizitza pribatuaren arauei buruzko irakaspenak ematen dizkien gizon batekin batera. Eta aurki etxebizitza al...

Neska bat eta mutil bat Tbilisi izeneko euren hiriko kaleetan zehar bata-bestearen atzetik dabiltza, etengabea altzariak garraiatzen dituzten pertsonekin eztropezu eginaz. Bikotea intimitate apur baten bila pisu batean babesten da. Argia, ura eta gasa etxean sartzen dira bizitza pribatuaren arauei buruzko irakaspenak ematen dizkien gizon batekin batera. Eta aurki etxebizitza altzariz beteko da.

Brigands chapitre VII / BRIGANDS-CHAPTER VII (EMAZTEA ETXETIK ATERA DA SENARRARI IRUZUR EGITERA)

Otar Iosseliani

Vano herrialde txiki bateko erregea da. Herrialde polit eta aberatsa denez, inguruko nazioek oso gutiziatzen dute. Hori dela eta, Vanok denbora gehiena borrokan ematen du, arerioen erasoez defendatzeko ahaleginean. Horren bitartean, Eka erregina aspertu egiten da, eta bere kastitate-gerrikoa, ondo egina eta gogorra izan arren, ez zaio oztopo larriegia suertatuko.

Dzveli kartuli simgera / GEORGIAN ANCIENT SONGS (GEORGIAR KANTU ZAHARRAK)

Otar Iosseliani

- (Film laburra)

Gaur egungo sobietar musikaren joerei aurre egin behar dien Georgiako antzinako musika-kulturaren lekuko, pelikula hau ondare izpiritual honek bizirik iraun dezan funtsezko dokumentua da.

Et la lumière fut (ETA ARGIA EGIN ZEN)

Otar Iosseliani

Afrikan, oihanaren erdi-erdian dagoen herri batean, Okonoro ederra Soutoura bere senarrarekin haserre dago oso, jan eta lo besterik egiten ez duelako, eta senarra uztea erabakitzen du. Herriko kontseilua egoera konpontzeko biltzen da. Haien erabakiaren arabera, Okonorok Yéréren emazte izan beharko du aurrerantzean, eta bere seme-alabak Yérénak bihurtuko dira. Soutoura bakar...

Afrikan, oihanaren erdi-erdian dagoen herri batean, Okonoro ederra Soutoura bere senarrarekin haserre dago oso, jan eta lo besterik egiten ez duelako, eta senarra uztea erabakitzen du. Herriko kontseilua egoera konpontzeko biltzen da. Haien erabakiaren arabera, Okonorok Yéréren emazte izan beharko du aurrerantzean, eta bere seme-alabak Yérénak bihurtuko dira. Soutoura bakarrik gelditzen da. Bienbitartean, herriskako bizitzak bere bidea jarraitzen du.

Euskadi été 1982

Otar Iosseliani

Euskal Herriko Iparraldean zeharreko ibilaldi bat eta bertako biztanleen erretratua, arazo politikoetatik aldendutako ikuspuntu batetik. Artea, jai herrikoiak, erlijioaren presentzia, bere hizkuntz zaharra, kultura eta ohiturak erakusten dira 1982ko uda honetan, edozein uda izan zitekeena.

Giorgobistve / FALLING LEAVES (HOSTOEN ERORTZEA)

Otar Iosseliani

Niko eta Otar ardo-kooperatiba batean aldi berean hasten dira lanean. Oso ezberdinak dira euren artean: Niko isila da, serioa eta leiala, Otar, berriz, goranahi hutsa da, lehenbailehen mailaz igotzea beste helbururik ez duen horietakoa. Nikok laster beste langileekin harreman zintzo bat hasten du. Baina bere prestutasuna dela eta, aurki Otarrekin eta enpresako zuzendariekin ara...

Niko eta Otar ardo-kooperatiba batean aldi berean hasten dira lanean. Oso ezberdinak dira euren artean: Niko isila da, serioa eta leiala, Otar, berriz, goranahi hutsa da, lehenbailehen mailaz igotzea beste helbururik ez duen horietakoa. Nikok laster beste langileekin harreman zintzo bat hasten du. Baina bere prestutasuna dela eta, aurki Otarrekin eta enpresako zuzendariekin arazoak izango ditu.

Ikho shashvi mgalobeli / LIVED ONCE A SONG-THRUSH (BEHIN BAZEN ZOZO KANTARI BAT)

Otar Iosseliani

Ghia gaztea Tbilisiko opera-antzokiko orkestrako tinbalaria da. Ez da pertsona ordenatua, kaotikoa baizik eta sekula garaiz ez iristearen fama duena, baina horrek ez dio gauez interpretazio bikain bat egitea galarazten. Alabaina, emanaldia amaitzean, etengabeak diren bere atzerapenengatik errietak etortzen dira. Axolagabetasunez, dantzari batekin geratzen da, Liarekin, baina hi...

Ghia gaztea Tbilisiko opera-antzokiko orkestrako tinbalaria da. Ez da pertsona ordenatua, kaotikoa baizik eta sekula garaiz ez iristearen fama duena, baina horrek ez dio gauez interpretazio bikain bat egitea galarazten. Alabaina, emanaldia amaitzean, etengabeak diren bere atzerapenengatik errietak etortzen dira. Axolagabetasunez, dantzari batekin geratzen da, Liarekin, baina hitzordua ahaztu egiten du eta bere lagunetako batekin joaten da.

La chasse aux papillons / THE BUTTERFLY HUNT

Otar Iosseliani

Oso zaharrak izan arren, oraindik arinak eta kementsuak diren bi amona, denborak hondatutako baina altzariz eta objektu ederrez betetako antzinako gaztelu handi batean bizi dira. Irratian egun osoan gerra, hondamendi, anabasa, borroka ideologiko, fanatismo, indarkeria eta terrorismoz beteriko garai bitxi eta kezkagarri bateko oihartzunak entzuten dituzte.

Les favoris de la lune / FAVOURITES OF THE MOON (ILARGIAREN GUSTUKOAK)

Otar Iosseliani

XVII. mende bukaerako buztinlari baten lantegian portzelanazko platerak egiten eta apaintzen dira. Bere estudioan, pintore batek etzanda dagoen emakume baten irudia margotzen du. Enkante batean, Laplace andreak plater-joko bat erosten du; Duphour-Paquet inspektoreak. aldiz, koadroa eramaten du. Laplace arma-trafikatzaileak negozio garrantzitsu bat egin du. Biztanle eta objektu ...

XVII. mende bukaerako buztinlari baten lantegian portzelanazko platerak egiten eta apaintzen dira. Bere estudioan, pintore batek etzanda dagoen emakume baten irudia margotzen du. Enkante batean, Laplace andreak plater-joko bat erosten du; Duphour-Paquet inspektoreak. aldiz, koadroa eramaten du. Laplace arma-trafikatzaileak negozio garrantzitsu bat egin du. Biztanle eta objektu askoren halabeharra gurutzatzatuko dira Parisen.

Lundi matin [Making of]

Otar Iosseliani

Postprodukzio-aldian dagoen Lundi matin pelikularen akzioa hiri handitik hirurogei kilometrotara dagoen herri triste batean gertatzen da. Vincentek hiriko aldirian fabrika batean lan egiten du. Bere emazte, bi seme-alaba eta ama zaharrarekin bizi da. Lantegira garaiz iristeko, Vincentek egunero goizeko bostetan jaiki behar du, kotxea geltokiraino hartu, gero trena eta azkenik, ...

Postprodukzio-aldian dagoen Lundi matin pelikularen akzioa hiri handitik hirurogei kilometrotara dagoen herri triste batean gertatzen da. Vincentek hiriko aldirian fabrika batean lan egiten du. Bere emazte, bi seme-alaba eta ama zaharrarekin bizi da. Lantegira garaiz iristeko, Vincentek egunero goizeko bostetan jaiki behar du, kotxea geltokiraino hartu, gero trena eta azkenik, autobusa. Goizean ordu t'erdiko bidaia, gauza bera arratsean. Bere lana gorrotatzen du eta baita egunero herrira itzultzea ere. Lundi matin filmaren making of-a Nico Tarielashvilik, Otar Iosselianiren bilobak filmatu du.

Pastorali / PASTORALE (PASTORALA)

Otar Iosseliani

Hiriko musikari-talde bateko kideak mendialdera doaz bizitzera, musikarekiko gustua berreskuratzeko lasaitasun bila eta euren musika-tresnekin bakean, hiriko bizitza zaratatsutik urrun praktikatzera. Bisitarien etorrerak aztoratuko dituen nekazarien komunikate batean kokatuko dira. Nekazari-munduak eta mundu hiritarrak bat egiten dute musikaren erritmoan garatzen den istorio ho...

Hiriko musikari-talde bateko kideak mendialdera doaz bizitzera, musikarekiko gustua berreskuratzeko lasaitasun bila eta euren musika-tresnekin bakean, hiriko bizitza zaratatsutik urrun praktikatzera. Bisitarien etorrerak aztoratuko dituen nekazarien komunikate batean kokatuko dira. Nekazari-munduak eta mundu hiritarrak bat egiten dute musikaren erritmoan garatzen den istorio honetan.

Sapovnela / SAPOVNELA (AURKITU EZINEKO LOREAREN KANTUA)

Otar Iosseliani

- (Film laburra)

Paisajista zahar batek lore-koroak egiten ditu bere lorategian. Belarra eta loreak asfaltoz estaliko dituzten bulldozer batzuk agertuko dira, lehen lore-baratzea zena autoentzako errepide bihurtuz. Jadanik ez dago ez belar ez lore arrastorik. Baina laster asfaltoa pitzatzen hasiko da.

Sept pièces pour cinéma noir et blanc / Lettre d'un cinéaste (SEPT PIECES POUR CINEMA NOIR ET BLANC/ LETTRE D'UN CINEASTE)

Otar Iosseliani

- (Film laburra)

Paris Ioseelianiren ikuspegitik. Hiriburu frantseseko kaleetan zeharreko ibilbide pertsonala, hiriari pultsua hartu nahi dion zinegile georgiar baten eskutik. Jendea kaleetan dabil eta kafetegietan eseritzen da. Kotxeak bata-bestera dabiltza semaforoek agindutako erritmoan. Hiri handiko zaratak, batzuk besteak baino atseginagoak, Parisko soinu-bandan nabarmentzen dira.

Seule, Géorgie

Otar Iosseliani

Georgiari buruzko hiru zatiko dokumentala. Irudizko material ugari erabiliz, bertako historia, kultura, musika-tradizioa, arte piktorikoa, arkitektura, gertaera politikoak eta gizarte-errealitatea irudiztatzen dituena. Georgian zeharreko bidaia, bertako zine-zuzendari ezagunenaren eskutik.

Tudji / TUDJI (GALDATEGIA)

Otar Iosseliani

- (Film laburra)

Rustaviko georgiar hirian kokaturiko lantegi metalurgiko batean bizitza aurrera doa. Egin beharreko lan gogorra bizitasunez burutzen da. Atseden unetan, langileek oraindik gori dagoen burdinezko plantxa batean prestatzen dute janaria, erregimenak eredu eta jarraibide gisa izendaturiko laneko heroiak alde batera utziz.

Un petit monastère en Toscane

Otar Iosseliani

Montalcino inguruko monasterio batean, bost monje gazte frantses bere bizitza izpiritualari erabat lotuta bizi dira. Erritoen arabera antolatzen dira monasterioko iharduera guztiak, Toskanako landa zabaleko harmonia konplexuarekin bat egiten dutenak. Ehiza, kantu herrikoiak eta eskualdeko nekazari eta burgesen eguneroko bizitzek laguntzen dituzte monjeen iharduerak.