Babesle
Ofiziala
Media
Partner

itxi
Bete formularioa zure datuekin, erregistratutako erabiltzaileentzako edukiak ikusteko
Sakatu hemen
Ez duzu pasahitza gogoratzen? Sakatu hemen

itxi


Oraindik ez duzu posta elektronikoa balioztatu. Posta elktroniko bat bidali dizugu, ondoko esteka sakatu behar duzu kontua balioztatzeko

Hemen zaude: Lehen orrialdea > 53. Edizioa 2005  > Sailak eta filmak
Made in Spain
53. Edizioa 2005
Filmak
Filmak
Made in Spain
Made in Spain
20 centímetros
Ramón Salazar
Espainia - Frantzia 
Piedras ia sailkaezina bazen, Salazarren dibertimendu berri hau are arriskatuagoa da. Pertsonaia marjinal baten erretratua egiten du, Mónica Cerverak antzeztua. Pertsonaia ezin ezohikoago hori prostituta transexual narkoleptiko bat da. Filmak haren bizitzako eta laneko eguneroko giro arrunta deskribatzen du, narkolepsia krisiak dituenero bizi dituen amets musikalen estilizazio...
Piedras ia sailkaezina bazen, Salazarren dibertimendu berri hau are arriskatuagoa da. Pertsonaia marjinal baten erretratua egiten du, Mónica Cerverak antzeztua. Pertsonaia ezin ezohikoago hori prostituta transexual narkoleptiko bat da. Filmak haren bizitzako eta laneko eguneroko giro arrunta deskribatzen du, narkolepsia krisiak dituenero bizi dituen amets musikalen estilizazioa tartekatuz.
Amor idiota / Idiot Love (Maitasun ergela)
Ventura Pons
Espainia - Andorra 
Cayetana Guillén Cuervok eta Santi Millánek Lluís-Anton Baulenasen komedia dibertigarri hau antzezten dute, Ventura Ponsek freskotasun eta alaitasun nabarmenez egokitua. Bartzelona gautar bat, benetakoa dirudiena, krisian dagoen mutil baten eta gauez kartelak ipintzen dituen neska baten arteko harremanaren kokagunea da. Amodio tuntun bat, hizkuntz-anitzekoa eta sexualki oso ...
Cayetana Guillén Cuervok eta Santi Millánek Lluís-Anton Baulenasen komedia dibertigarri hau antzezten dute, Ventura Ponsek freskotasun eta alaitasun nabarmenez egokitua. Bartzelona gautar bat, benetakoa dirudiena, krisian dagoen mutil baten eta gauez kartelak ipintzen dituen neska baten arteko harremanaren kokagunea da. Amodio tuntun bat, hizkuntz-anitzekoa eta sexualki oso irekia.
El Calentito
Chus Gutiérrez
Espainia 
70eko hamarkadako madrildar Mugidak bere filma dauka, jadanik. Chus Gutiérrezek garaia gezurrezko nostalgiarik gabe gogoratzen du. Espainiako historia berriko unerik sortzaileetakoa, 1981eko otsailaren 23an ia bertan behera gelditu zena, hain zuzen Siux taldeak El Calentito aretoan kontzertu bat eskaini behar zuen egun berean. Verónica Sánchez, Ruth Díaz eta Macarena Gómez...
70eko hamarkadako madrildar Mugidak bere filma dauka, jadanik. Chus Gutiérrezek garaia gezurrezko nostalgiarik gabe gogoratzen du. Espainiako historia berriko unerik sortzaileetakoa, 1981eko otsailaren 23an ia bertan behera gelditu zena, hain zuzen Siux taldeak El Calentito aretoan kontzertu bat eskaini behar zuen egun berean. Verónica Sánchez, Ruth Díaz eta Macarena Gómezek istorio honen hiru protagonistak gogo handiz antzezten dituzte.
La casa de mi abuela / My Grandmother’s House
Adán Aliaga
Espainia 
Alacanteko San Vicente del Raspeig herriskako etxe xume batean bizi diren amona eta iloba baten erretratua. Enpresa batek inguruko lurrak erosi ditu. Orain, amonaren etxea eraitsiko dute, etxebizitza berriak eraikitzekotan. Amonak eta ilobak, ordea, nahitaezko etxe-aldaketa ez dute berdin biziko. Bikain filmatutako dokumentala da, ikusentzuleak erraz hunkituko dituen amona anon...
Alacanteko San Vicente del Raspeig herriskako etxe xume batean bizi diren amona eta iloba baten erretratua. Enpresa batek inguruko lurrak erosi ditu. Orain, amonaren etxea eraitsiko dute, etxebizitza berriak eraikitzekotan. Amonak eta ilobak, ordea, nahitaezko etxe-aldaketa ez dute berdin biziko. Bikain filmatutako dokumentala da, ikusentzuleak erraz hunkituko dituen amona anonimo horren nortasunean zentratua.
El cielo gira / The Sky Turns (Zeruak jiratu egiten du)
Mercedes Álvarez
Espainia 
Sormeneko dokumental hau urteko lan arrakastatsuetakoa izan da. Desagertzear dagoen Soriako herrixka baten erretratua egiten badu ere, ez da joandako iragan baten film nostalgikoa. Aitzitik, istorio honek adierazten duena paisaia baten eta gizarte baten eraldatzeko gaitasuna da, eta erakusten duena, berriz, nola errealitate bat beste gauza batean bihur daitekeen: koadro bat, fi...
Sormeneko dokumental hau urteko lan arrakastatsuetakoa izan da. Desagertzear dagoen Soriako herrixka baten erretratua egiten badu ere, ez da joandako iragan baten film nostalgikoa. Aitzitik, istorio honek adierazten duena paisaia baten eta gizarte baten eraldatzeko gaitasuna da, eta erakusten duena, berriz, nola errealitate bat beste gauza batean bihur daitekeen: koadro bat, film bat, bizitza berri bat...
Crimen ferpecto
Álex de la Iglesia
Espainia - Italia 
Alex de la Iglesia komedia beltzera itzuli da, saltoki handi batzuetan lan egiten duten Rafaelen (Guillermo Toledo) eta Lourdesen (Mónica Cervera) istorioa kontatzeko. Rafael andrezale dotore eta seduktorea da. Lourdes, berriz, saltzaile itsusiena. Ustekabeko hilketa batek elkartuko dituenez geroztik, txantaia sexuala, maltzurkeria eta zonbiak batu egingo dira, Rafaelek krimen...
Alex de la Iglesia komedia beltzera itzuli da, saltoki handi batzuetan lan egiten duten Rafaelen (Guillermo Toledo) eta Lourdesen (Mónica Cervera) istorioa kontatzeko. Rafael andrezale dotore eta seduktorea da. Lourdes, berriz, saltzaile itsusiena. Ustekabeko hilketa batek elkartuko dituenez geroztik, txantaia sexuala, maltzurkeria eta zonbiak batu egingo dira, Rafaelek krimen ferpektua burutu dezan.
Frágil
Juanma Bajo Ulloa
Espainia 
Bajo Ulloaren apostu berria askatasun osoz filmatutako pelikula da, non musikaren garrantzia ezinbestekoa den errealitate itsusi bat gordetzen duen inuzentziaren eta Erdi Aroko abenturazko filmen ikus-liluraren artean zabunkatzen den istorioa ulertzeko. Venusen istorioa kontatzen du, hau da printze urdinaren bila dabilen neska bakartia, hartarako oso elkarrizketa gutxiz eta mai...
Bajo Ulloaren apostu berria askatasun osoz filmatutako pelikula da, non musikaren garrantzia ezinbestekoa den errealitate itsusi bat gordetzen duen inuzentziaren eta Erdi Aroko abenturazko filmen ikus-liluraren artean zabunkatzen den istorioa ulertzeko. Venusen istorioa kontatzen du, hau da printze urdinaren bila dabilen neska bakartia, hartarako oso elkarrizketa gutxiz eta maitagarrien ipuinen imajinez baliatuz.
Habana Blues
Benito Zambrano
Espainia - Kuba - Frantzia 
Solas egin eta sei urtetara, Benito Zambranok bigarren filma zuzendu du. Habana hiriaren omenaldi argitsu, koloretsu eta bizia egiten du, kubatar underground musika taldeekin filmatua. Hain zuzen, musikaren bitartez, Ruy eta Titoren istorioa erakusten du: lagunok euren abestiekin arrakasta izatea amesten dute, kritikatu gabe jasaten duten gizarte batean ahal bezala bizitzen sai...
Solas egin eta sei urtetara, Benito Zambranok bigarren filma zuzendu du. Habana hiriaren omenaldi argitsu, koloretsu eta bizia egiten du, kubatar underground musika taldeekin filmatua. Hain zuzen, musikaren bitartez, Ruy eta Titoren istorioa erakusten du: lagunok euren abestiekin arrakasta izatea amesten dute, kritikatu gabe jasaten duten gizarte batean ahal bezala bizitzen saiatzen diren bitartean.
Interior (noche)
Miguel Ángel Cárcano
Espainia 
Leiho bakoitzaren eta argi bakoitzaren atzean istorio bat dago, munduaren begiengandik urrun eta gaueko intimitateak babestua. Harremanen eta gorabeheren istorio bat, non dirudiena baino lo gutxiago egiten den. Udako gau batez Madrilen, horietako zazpi istorio elkargurutzatuko dira. Aktore talde zabalak antzezten du, Críspulo Cabezasek eta Marta Larraldek osatutako bikote prot...
Leiho bakoitzaren eta argi bakoitzaren atzean istorio bat dago, munduaren begiengandik urrun eta gaueko intimitateak babestua. Harremanen eta gorabeheren istorio bat, non dirudiena baino lo gutxiago egiten den. Udako gau batez Madrilen, horietako zazpi istorio elkargurutzatuko dira. Aktore talde zabalak antzezten du, Críspulo Cabezasek eta Marta Larraldek osatutako bikote protagonistarekin.
El Lobo
Miguel Courtois
Espainia 
Miguel Courtois benetako Loboren pertsonaian oinarritu da, ezizen horrekin espainiar zerbitzu sekretuen aginduz ETAn infiltratu eta goi-karguenganaino iritsi zen gaztean, alegia. Emaitza Costa Gavrasen modura burututako thriller politikoa da. Pertsonaia nagusia Eduardo Noriegak antzezten du eta José Coronado zerbitzu sekretuetako buru zorrotza da.
Miguel Courtois benetako Loboren pertsonaian oinarritu da, ezizen horrekin espainiar zerbitzu sekretuen aginduz ETAn infiltratu eta goi-karguenganaino iritsi zen gaztean, alegia. Emaitza Costa Gavrasen modura burututako thriller politikoa da. Pertsonaia nagusia Eduardo Noriegak antzezten du eta José Coronado zerbitzu sekretuetako buru zorrotza da.
El maquinista / The Machinist
Brad Anderson
Espainia 
Christian Balek 29 kilo jeitsi behar izan zituen Trevor Rezniken rola antzezteko. Reznik urtebetez lorik egin ez duen gizona da, iraganeko sekretu beldurgarri bat barnean daramana. Brad Andersonek thriller psikologiko hau girotzeko dekoratu aproposenak Bartzelonan eta inguruetan aurkitu zituen. Aktoreen artean, Jennifer Jason Leigh eta Aitana Sánchez-Gijón.
Christian Balek 29 kilo jeitsi behar izan zituen Trevor Rezniken rola antzezteko. Reznik urtebetez lorik egin ez duen gizona da, iraganeko sekretu beldurgarri bat barnean daramana. Brad Andersonek thriller psikologiko hau girotzeko dekoratu aproposenak Bartzelonan eta inguruetan aurkitu zituen. Aktoreen artean, Jennifer Jason Leigh eta Aitana Sánchez-Gijón.
Morir en San Hilario
Laura Mañá
Espainia 
Laura Mañák Sexo por compasión, bere lehen filmaren errealismo magikoa berreskuratu du, amodio eta heriotz istorio bat komedia batean bihurtzeko. Oso lurperatze ospetsuak antolatu izanagatik ezaguna den San Hilario herri txikian girotua dago. Lluís Homar herritarrek bezeroa izango dela uste duten iheslaria da, Ana Fernández maiteminduko duena.
Laura Mañák Sexo por compasión, bere lehen filmaren errealismo magikoa berreskuratu du, amodio eta heriotz istorio bat komedia batean bihurtzeko. Oso lurperatze ospetsuak antolatu izanagatik ezaguna den San Hilario herri txikian girotua dago. Lluís Homar herritarrek bezeroa izango dela uste duten iheslaria da, Ana Fernández maiteminduko duena.
El penalti más largo del mundo / The Longest Penalty Shot in the World
Roberto Santiago
Espainia 
Fernando Tejerok lehen mailako rola antzezten du, aktore talde zabala biltzen duen espainiar sainete klasikoen moduko komedia honetan. Madrildar hiri-inguruko auzune batean girotua dago. Hantxe, bizitzan poztasun handirik ez duten biztanle batzuen amets bakarra futbola izango da. Istorio tragikomiko honen emakumezko aktore nagusiak Marta Larralde, María Botto eta Cristina Alc...
Fernando Tejerok lehen mailako rola antzezten du, aktore talde zabala biltzen duen espainiar sainete klasikoen moduko komedia honetan. Madrildar hiri-inguruko auzune batean girotua dago. Hantxe, bizitzan poztasun handirik ez duten biztanle batzuen amets bakarra futbola izango da. Istorio tragikomiko honen emakumezko aktore nagusiak Marta Larralde, María Botto eta Cristina Alcázar dira.
Reinas
Manuel Gómez Pereira
Espainia - Italia 
Gómez Pereirak komedia batentzat gai aproposak bilatzeko gaitasun handia du. Oraingo honetan, bost ama erreginen eta euren semeen gorabeherak biltzen ditu. Sei seme homosexual, Espainiako taldeko lehen gay-ezkontza ospatzeko prest daudenak. Hiru egunetan zehar, euren bizitzak elkargurutzatuko dira. Batez ere tolerantziaz eta aldez aurretik hartutako pentsamoldeak baztertzearen...
Gómez Pereirak komedia batentzat gai aproposak bilatzeko gaitasun handia du. Oraingo honetan, bost ama erreginen eta euren semeen gorabeherak biltzen ditu. Sei seme homosexual, Espainiako taldeko lehen gay-ezkontza ospatzeko prest daudenak. Hiru egunetan zehar, euren bizitzak elkargurutzatuko dira. Batez ere tolerantziaz eta aldez aurretik hartutako pentsamoldeak baztertzearen beharraz mintzo da.
Semen, una historia de amor
Daniela Fejerman, Inés París
Espainia - Britainia Handia 
Parísek eta Fejermanek, A mi madre le gustan las mujeres filmarekin, zuzendari eta gidoigile trebeak direla erakutsi zuten. Semen Ernesto Alterio isil baten eta Leticia Dolera bikoiztu baten arteko amodiozko istorio bitxia da. Aitatasunaren gaia oinarritzat duen komedia honen erakargarritasunetako bat, Héctor eta Ernesto Alterio aita-seme xelebre batzuen roletan ikustean datz...
Parísek eta Fejermanek, A mi madre le gustan las mujeres filmarekin, zuzendari eta gidoigile trebeak direla erakutsi zuten. Semen Ernesto Alterio isil baten eta Leticia Dolera bikoiztu baten arteko amodiozko istorio bitxia da. Aitatasunaren gaia oinarritzat duen komedia honen erakargarritasunetako bat, Héctor eta Ernesto Alterio aita-seme xelebre batzuen roletan ikustean datza.
Tapas
Juan Cruz, José Corbacho
Espainia - Argentina - Mexiko 
José Corbachoren eta Juan Cruzen opera primak Bartzelonako auzune ezagun batean kokatzen du akzioa. Pintxoak ematen dituzten taberna baten inguruan murgiltzen diren bizilagun batzuen istorio korapilotsua biltzen du. Amodiozko hiru istorio, bizitzaren une ezberdinetan, Fernán-Gómezen La vida por delante eta El mundo sigue bezalako klasikoak gogoratzen dituzten pertsonaia xarm...
José Corbachoren eta Juan Cruzen opera primak Bartzelonako auzune ezagun batean kokatzen du akzioa. Pintxoak ematen dituzten taberna baten inguruan murgiltzen diren bizilagun batzuen istorio korapilotsua biltzen du. Amodiozko hiru istorio, bizitzaren une ezberdinetan, Fernán-Gómezen La vida por delante eta El mundo sigue bezalako klasikoak gogoratzen dituzten pertsonaia xarmangarriekin gurutzatuko dira.
Babesle Ofiziala
Media Partner
Laguntzaile Ofizialak:
Instituzio Kideak:
© Donostia Zinemaldia | Desarrollado por: Yo Miento Producciones
Webgune hau berezko eta kanpoko cookies-az baliatzen da, erabiltzaile gisa esperientzia hobea eskaintzeko. Informazio gehiago Onartzea