tve movistar+
Babesle
Ofizialak
65. Donostia Zinemaldia
22/30 Iraila 2017 - #65ssiff

itxi
Bete formularioa zure datuekin, erregistratutako erabiltzaileentzako edukiak ikusteko
Sakatu hemen
Ez duzu pasahitza gogoratzen? Sakatu hemen

itxi


Oraindik ez duzu posta elektronikoa balioztatu. Posta elktroniko bat bidali dizugu, ondoko esteka sakatu behar duzu kontua balioztatzeko

Hemen zaude: Lehen orrialdea > 59. Edizioa 2011  > Sailak eta filmak
Zabaltegi-Perlak
59. Edizioa 2011
Filmak
Filmak
Zabaltegi-Perlak
Zabaltegi-Perlak
The Tree of Life (Bizitzaren zuhaitza)
Terrence Malick
AEB 
Kontakizun inpresionista honek familia baten esperientziak ditu ardatz, Jack seme zaharrenaren oroitzapenen bitartez. Jackek harreman gatazkatsua bizi izan du bere aita tiranikoarekin. Umetan tolesgabe bazen ere, heldutan ilusioa galdu du, bizi-esperientziaren eraginez; orain krisialdi existentzialean murgilduta dago, eta mundu modernoan arima galdua dela irudituko zaio. Bizitz...
Kontakizun inpresionista honek familia baten esperientziak ditu ardatz, Jack seme zaharrenaren oroitzapenen bitartez. Jackek harreman gatazkatsua bizi izan du bere aita tiranikoarekin. Umetan tolesgabe bazen ere, heldutan ilusioa galdu du, bizi-esperientziaren eraginez; orain krisialdi existentzialean murgilduta dago, eta mundu modernoan arima galdua dela irudituko zaio. Bizitzaren jatorriaren eta esanahiaren inguruko erantzunak nahiko ditu, eta bere fedea zalantzan jarriko du.
Drive
Nicolas Winding Refn
AEB 
Driver zinemagintzako ordezko gidari bezala aritzen da egunez; gauez, berriz, ihesaldietarako gidatzen du. Shannon edukitzen du alboan aholkulari eta buruzagi, aldi berean. Driver bakartia da, eta ez ditu gogoko Shannonek antolatzen dizkion planak. Egun batez, bizi den eraikineko igogailuan Irenerekin topo egiten duenean, mundua aldatuko zaio. Ireneren senar Standard garaia bai...
Driver zinemagintzako ordezko gidari bezala aritzen da egunez; gauez, berriz, ihesaldietarako gidatzen du. Shannon edukitzen du alboan aholkulari eta buruzagi, aldi berean. Driver bakartia da, eta ez ditu gogoko Shannonek antolatzen dizkion planak. Egun batez, bizi den eraikineko igogailuan Irenerekin topo egiten duenean, mundua aldatuko zaio. Ireneren senar Standard garaia baino lehen aterako da espetxetik portaera onagatik, eta, orduan, bat-batean amaituko da Driverren bizitzan gertatutako tarte hori. Driver erretiratu egingo da, errespetatu egiten baitu Irenek sendiari eusteko duen asmoa. Baina Standard odolez blai garajean botata topatzen duenean, Benicio semea alboan izututa duela, Driver are gehiago nahasiko da Ireneren bizitzan. Eta orduantxe hasiko dira arazoak?
The Artist
Michel Hazanavicius
Frantzia 
Hollywood, 1927. George Valentin zinema mutuko aktore ospetsua da, haizea alde duena. Film soinudunak iristean, ordea, bereak egingo du, eta ikusleek ahaztu egingo dute. Estra-lanetan aritzen zen Peppy Miller, berriz, izar bilakatuko da. The Artist filmak gurutzatutako patu horiek erakutsiko dizkigu.
Hollywood, 1927. George Valentin zinema mutuko aktore ospetsua da, haizea alde duena. Film soinudunak iristean, ordea, bereak egingo du, eta ikusleek ahaztu egingo dute. Estra-lanetan aritzen zen Peppy Miller, berriz, izar bilakatuko da. The Artist filmak gurutzatutako patu horiek erakutsiko dizkigu.
Duo ming jin / Life Without Principle
Johnnie To
Txina (Hong Kong) 
Teresa banketxe bateko kutxazaina da, eta, salmenta-helburuak lortzeko, finantza-arrisku handidun produktuak saldu behar izaten dizkie bezeroei. Buzzard handiputzak Teresaren bezero nagusietako bati, Chung Yuen jaunari, lapurtu nahian dabilen hirukoarekin zerikusia du. Cheung Jin Fong polizia-ikerlariak erdi-mailako klaseko bizimodu erosoa darama, baina bere emaztea ordaindu ez...
Teresa banketxe bateko kutxazaina da, eta, salmenta-helburuak lortzeko, finantza-arrisku handidun produktuak saldu behar izaten dizkie bezeroei. Buzzard handiputzak Teresaren bezero nagusietako bati, Chung Yuen jaunari, lapurtu nahian dabilen hirukoarekin zerikusia du. Cheung Jin Fong polizia-ikerlariak erdi-mailako klaseko bizimodu erosoa darama, baina bere emaztea ordaindu ezin duten apartamentua erosteko tematuta dago. Bost milioi dolarreko harrapakinak proban ipiniko ditu beren printzipio moralak.
L’Envahisseur / The Invader
Nicolas Provost
Belgika 
Amadou afrikar gogorra eta karismaduna da, eta itsasoak Europa hegoaldeko hondartza batera arrastatuko du. Patuak Brusela aldera eramango du; han, baikortasunez beteta, etorkizun oparoagoa jorratzen saiatuko da. Trafikatzaileek esplotatuta, eguneroko errutinarekin itxaropenak zapuztuko zaizkio poliki-poliki. Baina, halako batean, Agnès ezagutuko du, negozio-emakume eder eta bi...
Amadou afrikar gogorra eta karismaduna da, eta itsasoak Europa hegoaldeko hondartza batera arrastatuko du. Patuak Brusela aldera eramango du; han, baikortasunez beteta, etorkizun oparoagoa jorratzen saiatuko da. Trafikatzaileek esplotatuta, eguneroko errutinarekin itxaropenak zapuztuko zaizkio poliki-poliki. Baina, halako batean, Agnès ezagutuko du, negozio-emakume eder eta bikaina. Agnès Amadouren xarmarekin eta izaerarekin liluraturik geratuko da; Amadouk, berriz, Agnèsengan proiektatuko ditu itxaropen eta amets guztiak. Baina laster desagertuko da ilusioa, eta Agnèsek harremana etengo du. Pixkanaka, indarkeria suntsitzailean hondoratuko da Amadou.
Et maintenant on va où? / Where Do We Go Now?
Nadine Labaki
Frantzia-Libano-Italia-Egipto 
Herriko kanposantuko bidean, beltzez jantzitako emakume prozesio batek modu estoikoan egiten dio aurre eguzkiaren beroari, senarren, gurasoen edota seme-alaben argazkiak bularraren kontra estutuz. Batzuek mantelina daramate; besteek, gurutzea. Baina guztiek ere atsekabe berbera bihotzean, zorigaiztoko eta alferrikako gerra baten ondorioz. Erlijio guztietako emakumeek beren send...
Herriko kanposantuko bidean, beltzez jantzitako emakume prozesio batek modu estoikoan egiten dio aurre eguzkiaren beroari, senarren, gurasoen edota seme-alaben argazkiak bularraren kontra estutuz. Batzuek mantelina daramate; besteek, gurutzea. Baina guztiek ere atsekabe berbera bihotzean, zorigaiztoko eta alferrikako gerra baten ondorioz. Erlijio guztietako emakumeek beren sendia eta herria kanpoko mehatxuetatik babesteko zer-nolako irmotasuna duten kontatzen du filmak. Asmamen handiz, maltzurkeriak bururatuta eta adiskidetasun hautsiezinak loturik, emakumeek helburu bakarra dute: gizonezkoei arreta galaraztea eta amorrua ahaztaraztea.
Le Havre
Aki Kaurismäki
Finlandia-Frantzia-Alemania 
Marcel Marx idazlea eta bohemio ezaguna Le Havre hirira joango da, berak bere burua erbesteratuta. Zintzo asko bota-garbitzaile gisa lanean hasi, eta jendearengandik gero eta gertuago dagoela sentituko du. Ahazturik du egile sonatu izateko kontu hura, eta zoriontsu da bere triangeluan: taberna gogokoena, lana eta Arletty emaztea. Baina patuak Afrikatik iritsitako etorkin adinga...
Marcel Marx idazlea eta bohemio ezaguna Le Havre hirira joango da, berak bere burua erbesteratuta. Zintzo asko bota-garbitzaile gisa lanean hasi, eta jendearengandik gero eta gertuago dagoela sentituko du. Ahazturik du egile sonatu izateko kontu hura, eta zoriontsu da bere triangeluan: taberna gogokoena, lana eta Arletty emaztea. Baina patuak Afrikatik iritsitako etorkin adingabe bat ipiniko dio parean. Arletty gaixotu egingo da, eta Marcelek giza axolagabekeriak eraikitako murru hotza suntsitu beharko ditu; horretarako, baikortasuna eta auzoko bizilagunen elkartasuna izango ditu arma bakar.
Jodaeiye Nader ez Simin / Nader and Simin, A Separation / Nader and Simin, A Separation
Asghar Farhadi
Iran 
Emazteak uzten duenean, Naderrek neska gazte bat kontratatuko du gaixorik dagoen aita zaintzeko. Baina ez du jakingo emakume hori haurdun dagoela, eta, gainera, burutik egindako senarraren baimenik gabe lan egiten duela. Gezurrez, manipulazioz eta liskarrez kakaztuta ikusiko du Naderrek bere burua.
Emazteak uzten duenean, Naderrek neska gazte bat kontratatuko du gaixorik dagoen aita zaintzeko. Baina ez du jakingo emakume hori haurdun dagoela, eta, gainera, burutik egindako senarraren baimenik gabe lan egiten duela. Gezurrez, manipulazioz eta liskarrez kakaztuta ikusiko du Naderrek bere burua.
Martha Marcy May Marlene
Sean Durkin
AEB 
Martha bizitza bat-batean hondatutako neska gaztea da. Sekta batetik eta bertako lider karismatikoarengandik ihes egin ostean, normaltasuna berreskuratu nahian ibiliko da. Nahiz eta elkarrengandik aldenduta zeuden, Lucy ahizpa zaharrenari laguntza eskatuko dio, baita bere koinatuari ere. Baina Marthak ezin du bere desagerpenari buruzko egia kontatu, ezta nahi ere. Oroitzapenek ...
Martha bizitza bat-batean hondatutako neska gaztea da. Sekta batetik eta bertako lider karismatikoarengandik ihes egin ostean, normaltasuna berreskuratu nahian ibiliko da. Nahiz eta elkarrengandik aldenduta zeuden, Lucy ahizpa zaharrenari laguntza eskatuko dio, baita bere koinatuari ere. Baina Marthak ezin du bere desagerpenari buruzko egia kontatu, ezta nahi ere. Oroitzapenek paranoia izugarria piztuko diote: sekta atzetik jarraika duela oraindik. Hala, ilusioaren eta errealitatearen arteko lerroa lausotzen hasiko zaio Marthari.
Pina (3D) / Pina (Pina)
Wim Wenders
Alemania-Frantzia-Erresuma Batua 
Pina Tanztheater Wuppertal Pina Bausch dantza-konpainiari buruz hiru dimentsiotan egindako film luzea da. Konpainia koreografo alemaniarrak berak sortu zuen. Bidaia sentsuala eta bisualki zirraragarria eragingo digu Wendersek, eta ikusleak koreografiarik ezagunenetara gerturatuko ditu. Wim Wenders zinemagileak idatzitako, zuzendutako eta ekoitzitako film esperimental honek zine...
Pina Tanztheater Wuppertal Pina Bausch dantza-konpainiari buruz hiru dimentsiotan egindako film luzea da. Konpainia koreografo alemaniarrak berak sortu zuen. Bidaia sentsuala eta bisualki zirraragarria eragingo digu Wendersek, eta ikusleak koreografiarik ezagunenetara gerturatuko ditu. Wim Wenders zinemagileak idatzitako, zuzendutako eta ekoitzitako film esperimental honek zinemaren eta dantzaren arteko harremana erabat aldatuko du; ez hiru dimentsiotan grabatu izanagatik bakarrik, baita planteamenduaren originaltasunagatik ere. Alemaniako Wuppertal hiriko agertoki urbano eta naturaletan dago erabat filmatuta. Hiri horretantxe bizi izan zen Pina Bausch 35 urte luzean, eta bertantxe dago Tanztheater Wuppertal Pina Bausch konpainia ere.
Shame
Steve McQueen
Erresuma Batua 
Brandon hogeita hamar urte inguruko mutil arrakastatsua da, eta erosotasun osoz bizi da New Yorkeko bere apartamentuan. Eguneroko errutinatik aldentzeko, emakumeak seduzitzen ditu: porrot egitera kondenatutako amodioak eta gau bateko adixkideak bata bestearen atzetik. Baina, Sissy bere arreba menderakaitza ustekabean bisitan joaten zaionean, ordura arte kontrolpean zuen bizimod...
Brandon hogeita hamar urte inguruko mutil arrakastatsua da, eta erosotasun osoz bizi da New Yorkeko bere apartamentuan. Eguneroko errutinatik aldentzeko, emakumeak seduzitzen ditu: porrot egitera kondenatutako amodioak eta gau bateko adixkideak bata bestearen atzetik. Baina, Sissy bere arreba menderakaitza ustekabean bisitan joaten zaionean, ordura arte kontrolpean zuen bizimodua zart egiten hasiko zaio. Arrebaren presentziak bultzatuta, New Yorkeko alde ilunetan murgilduko da Brandon, Sissyren familia-beharretik ihesi.
Tyrannosaur (Tiranosauroa)
Paddy Considine
Erresuma Batua 
Joseph alargun alkoholikoa indarkeriak menderatuta dago. Hannah kristau-karitateko langilea ezagutzen duenean, erredentzio-esperantza piztuko zaio. Josephek iseka egingo dio Hannahren fedeari, baita bere bizitza idilikoari ere. Baina laster ohartuko da Hannahren bizimodua ez dela batere barea. Harremanak aurrera egin ahala, maitasuna eta adiskidetasuna lekurik ilunenetan ere to...
Joseph alargun alkoholikoa indarkeriak menderatuta dago. Hannah kristau-karitateko langilea ezagutzen duenean, erredentzio-esperantza piztuko zaio. Josephek iseka egingo dio Hannahren fedeari, baita bere bizitza idilikoari ere. Baina laster ohartuko da Hannahren bizimodua ez dela batere barea. Harremanak aurrera egin ahala, maitasuna eta adiskidetasuna lekurik ilunenetan ere topa daitezkeela jabetuko dira biak.
© Donostia Zinemaldia | Desarrollado por: Yo Miento Producciones

Webgune hau berezko eta kanpoko cookies-az baliatzen da, erabiltzaile gisa esperientzia hobea eskaintzeko. Informazio gehiago Onartzea