Hiru Donostia saridunez gain, hainbat aktorek eta zuzendarik baieztatu dute Donostiara etorriko direla: besteak beste, Juliette Binoche, Laetitia Casta, Timothée Chalamet, Ricardo Darín, Lily-Rose Depp, Ryan Gosling, Claire Foy, Mercedes Morán, Robert Pattinson eta John C. Reilly bertaratuko dira filmak aurkeztera.
Gainera, gaur egungo zinemagintzaren zuzendari garrantzitsuenetako batzuk etorriko dira Donostiara beren filmak Perlak eta Zabaltegi-Tabakalera sailetan aurkezteko: esate baterako, Jacques Audiard, Alfonso Cuarón, Bruno Dumont, Lucile Hadzihalilovic, Mamoru Hosoda, Nadine Labaki eta Felix Van Groeningen.
Zinemaldian ez dira faltako antzezpenaren talentu berriak ere, eta gure artean izango ditugu Mia Goth (El secreto de Marrowbone, Suspiria), Lily-Rose Deep bera eta Angelo filmeko aktore gazteak, Makita Samba, Alba Rohrwacher eta Larisa Faber. Orobat, kameraren bestaldean egin duen lehenengo lana ekarriko du Tuva Novotny (Annihilation) aktoreak.
Estatu Batuetako, Frantziako eta Britainia Handiko aktore eta zuzendari nabarmenei Espainiako zinemaren ordezkaritza ugaria gehitu behar zaie. Sail Ofizialeko filmak direla eta, honako hauek etorriko dira Donostiara: Rodrigo Sorogoyen, Antonio de la Torre (La noche de 12 años ere aurkeztuko du, Horizontes Latinos sailean), Bárbara Lennie (Petra –Perlak– eta La enfermedad del domingo –Made in Spain– filmetan ikusiko dugu, halaber), Ana Wagener eta Nacho Fresneda, El reino filmeko taldekide gisa; Carlos Vermut, Najwa Nimri, Eva Llorach, Carme Elías eta Natalia de Molina, Quién te cantará filmaren ordezkari; Enrique Urbizu, José Coronado, Daniel Grao, Elisabeth Gelabert eta Juana Acosta, Gigantes telesailagatik; Iciar Bollain eta Paul Laverty Yuli filmeko taldearen buruan, eta Isaki Lacuesta eta Isa Campos, berriz, Entre dos aguas-ekoan; eta Tiempo después aurkezteko Donostiara etorriko dira José Luis Cuerda, Blanca Suárez, Roberto Álamo, Arturo Valls, Carlos Areces, Raúl Cimas eta Joaquín Reyes.
Gainera, New Directors sailean, Celia Rico debutantearen Viaje al cuarto de una madre defendatuko dute Lola Dueñas, Anna Castillo eta Pedro Casablanc aktoreek; Belodromora, Arde Madrid filmak, Paco León, Inma Cuesta, Julián Villagrán eta Debi Mazar ekarriko ditu eta Campeones eta hari buruzko dokumentala direla eta. Javier Fesser, Javier Gutierrez (Smallfoot-en ahotsa jarri du, halaber), Berta Vázquez eta Ingrid García Jonsson etorriko dira. Perlak sailean, Petra filmaren ordezkaritzaren buruan izango dira Jaime Rosales, Marisa Paredes eta Alex Brendemühl, eta aurrez aipatutako Lenniek osatuko du taldea. Horrez gain, ezin ditugu ahaztu Made in Spain saileko lantalde guztiak. Eta RTVE Galako Asesinato en la Universidad filmean, Leonor Watling, Daniel Grao eta Patrick Criado gonbidatuak izango ditugu, besteak beste.
Latinoamerikako zinemak ordezkaritza ugaria izango du Donostian, eta Ricardo Darín eta Mercedes Morán, Juan Veraren El amor menos pensado inaugurazio-filmaren protagonistak, izango ditu buruan. Sail Ofizialaren esparruan, halaber, Le cahier noir / The Black Book aurkeztuko du Valeria Sarmiento zuzendari txiletarrak, eta Benjamín Naishtatek Darío Grandinetti, Andrea Frigerio eta Alfredo Castro izango ditu alboan Rojo filmaren estreinaldian. Perlak sailari dagokionez, Donostian izango dira Lorenzo Ferro, Chino Darín eta Morán bera -Sueño Florianopolis (Ana Katz, Horizontes Latinos) gehituta, hiru film ekarri ditu aurten-, Luis Ortega zuzendariaren El Ángel aurkezteko, eta gauza bera egingo dute Ciro Guerra eta Cristina Gallego zinemagile kolonbiarrek Pájaros de verano filmarekin. Marcelo Martinessi zuzendari paraguaitarra ere etorriko da, Las herederas filmeko protagonista Ana Brun (emakumezko aktore onenaren Zilarrezko Hartza) eta Margarita Irúnekin.
Japoniako zinemaren ordezkaritza ere nabarmena izango da: Hirokazu Koreeda Donostia saridunak Shoplifters filmaren protagonista, Lily Franklin, izango du alboan, eta Naomi Kawase zinemagilea, Sail Ofizialeko lehiaketan, Masatoshi Nagase (An, Paterson) aktorearekin etorriko da.
Hego Koreako industria zinematografikoaren presentzia ere ez da eskasa izango: Sail Ofizialeko filmean, zuzendariaz gain, Gang Dong-Won aktore eta modelo ezaguna izango dugu, eta Culinary Zinema saileko filmaren zuzendaria, Eric Khoo saritua, Seiko Matsuda eta Jeanette Aw aktoreekin etorriko da.
Alexander Payne zuzendari eta gidoilari estatubatuarra izango da Sail Ofizialeko epaimahaiaren presidentea. Urrezko Maskorra emateko deliberazioetan, Sideways, The Descendants, Nebraska eta Downsizing filmen egileak Nahuel Pérez Biscayart eta Rossy de Palma aktoreak; Agnes Johansen (Mýrin / Jar City) ekoizlea eta Bet Rourich argazki-zuzendaria.
Dagoeneko Zinemaldiko webgunean 66. edizioan hautatutako filmen sustapenerako materiala eskura dago. Kutxatilategi birtualean film parte-hartzaileek erregistratutako erabiltzaileen eskura jarri nahi dituzten argazki, bideo, audio, pressbook eta bestelako sustapenerako dokumentu guztiak aurkitu daitezke.