73 Donostia Zinemaldia - 2025ko irailak 19/27
73SSIFF - 2025eko irailak 19/27
Babesle
Ofizialak
Ofizialak
Media
Partner
Partner
"Z365" edo "Zinemaldia urte osoan" Zinemaldiaren apustu estrategiko berria da, non talentu berrien bilaketa, laguntza eta garapena (Ikusmira Berriak, Nest); formakuntza eta zinema-ezagutzen transmisioa (Elias Querejeta Zine Eskola, Zinemaldia + Plus, Zinemagileen elkarrizketa); eta ikerketa, dibulgazioa eta pentsamendu zinematografikoa (Z70 proiektua, Pentsamendua eta eztabaida, Ikerketa eta argitalpenak) elkartzen diren.
Deialdia Sartu NIRE ZINEMALDIRA
Bete formularioa zure datuekin, erregistratutako erabiltzaileentzako edukiak ikusteko.
Sartu zure emaila eta sakatu bidali. Esteka bat jasoko duzu, zure pasahitza berrezarri ahal izateko
Bete formularioa zure datuekin, erregistratutako erabiltzaileentzako edukiak ikusteko.
Agenda
...
Programa eta sarrerak Programazioan bilatu
Bilatu 
Klasikoak
Klasikoak
Klasikoak
Filmak
Filmak
José Luis Borau
Espainia
86 min.
Landa-ingurune zapaltzaile bateko giza harremanen sakontasun ilunak aztertzen dituen drama sutsua. Ángel da tramaren ardatz, bere ama posesibo eta autoritario Martinarekin ia erabateko isolamenduan bizi den isileko ehiztaria. Milena iheslari gaztearen iritsierak erabat aldatuko du bere oreka ezegonkorra. Ángel hartaz maitemintzen da, eta amaren gaixo-jeloskortasuna pizten da. Horrek, bortizkeria, manipulazioa eta tragediaren kiribila sortzen du.
Jorge Fons
Mexiko
144 min.
Filma Naguib Mahfuzen eleberriaren egokitzapen garaikidea da Mexiko Hiriko Hirigune Historikoan, berrogeiko hamarkadako Kairon girotuta egonik. Mirarien Etxartean zentratzen da eta lau zatitan banatuta dago: lehenengo hirurak (Rutilo, Alma eta Susanita) elkarri lotutako istorioak dituzten hiru pertsonaiaren kontakizun independenteak dira, eta laugarren zatiak (El Regreso), berriz, bi urte geroago amaitzen ditu narratibak.
Manoel de Oliveira
Portugal
72 min.
Carlito ameslari lotsatiak eta Eduardinho lider ausartak, Teresinha gorteatzen dute, taldeko neska bakarra. Maite duela erakusteko, Carlitok panpin bat lapurtu eta gau batean teilatuetan barrena joango da neskari emateko. Mutilen arteko tentsioa areagotu eta taldea Carlitoren aurka hasiko da.
José Miguel (Jomí) García Ascot
Mexiko
56 min.
1936ko goiz batean, gerra balkoitik agertuko zaio Gabriela neskatoari begien aurrean: iheslari bat eraikinaren barruko patioan ezkutatu eta biak isilik geratuko dira, baina auzokide batek oihu egin eta sekretua agerian utziko duenez, kolpistek gizona atxilotuko dute. Erbestetik, Gabrielak haurtzaroaren amaiera markatu zuten oroitzapenak berregiten ditu. Zauri kolektibo hura gogoratzeak min berezi eta zatiezina eragiten dio. Balkoi hutsa baino ez da geratzen, lehen agur haren irudia.
Christian-Jaque
Frantzia
108 min.
Mendekurik onenak hotz zerbitzatzen dira. Jean-Jacques Lyongo bere jaioterrira itzuliko da. Han, 20 urte lehenago, bere lagunetako bat –arrebarekin ezkontzea nahi ez zuen burges bat– erailtzen saiatu zen. Jean-Jacquesek burges hori aurkitu eta Geneviève berriz liluratuko du, baina krudeltasunez abandonatuko du emakumea; gainera, bere lagunaren semea lehen dantzari ezegonkor baten besoetara bultzatuko du eta ia bere buruaz beste egingo du semeak.
WARNER BROTHERS / Album
© WARNER BROTHERS / Album
Stanley Kubrick
Erresuma Batua
195 min.
William Thackeray idazle ingelesaren eleberri baten egokitzapena. Barry Lyndonek, anbizio handiko eta eskrupulurik gabeko gazte irlandar batek, emigratu egin beharko du duelu baten ondorioz. Ordutik aurrera bizimodu alderrai eta abenturaz betea darama. Alabaina, gizartean maila altua lortzea da bere ametsa. Ametsa egia bihurtuko zaio ezkontza probetxugarri bat egin eta XVIII. mendeko noblezia ingelesaren parte bihurtzean.
Yoshimitsu Morita
Japonia
106 min.
Agidanez klase sozial ertain-baxukoa den familia arrunt bateko gurasoek tutore bat kontratatu dute, bigarren hezkuntzako ikaslea den semeari nota txarrak hobetzen lagundu diezaion. Tutore misteriotsua aurreikusi ezinezko arma baten gisakoa izango da familian eta konbentzioak absurduaren mundura eramango ditu.
Antonio Giménez-Rico
Espainia
98 min.
1983a da Madrilen, eta gaueko sei dama liluragarrik bisoizko berokiekin, mediekin eta apenas beste ezerekin egiten dute lan... harik eta argi keinukariaak dituzten polizia-auto batzuek kalea inguratu eta sei emakume transak eraman arte. "Luxuzko putak gara!". Bazkari lasai batean, kameraren aurrean hitz egiten dute artista eta prostituta gisa izandako esperientziez, marjinazioaz eta lege errepresiboez, gazte izateaz eta okerreko gorputzean harrapatuta zeudela deskubritzeaz.
Alfonso Ungría
Espainia
58 min.
Film ertaina
Hirurogeita hamarreko hamarkadaren hasiera. Uda. Goizeko zortziak dira. Ion, ETAko militante bat, korrika doa, etsi-etsian, Donostiako Alde Zaharrean barrena; atzetik segika du polizia. Hiria esnatzen ari da, eta normaltasunez ekin dio egunari. Ihesi doan bitartean, Ionek bere bizitzaren historia ere aztertzen du. Eskolan bere nortasunari uko egiteko eskatzen zioten. Oroitzapen horiek aitaren begiradarekin eta Madeleineren gorpuzkerarekin txandakatzen dira.
Anjel Lertxundi
Espainia
60 min.
Film ertaina
Apustuzale amorratua da Domingo. Apustu-artekaria da traineru-estropadetan, pilotalekuetan eta askotariko probak egiten dituzten plazetan. Baina obsesioa ere bada, eta arrisku asko hartzen ditu, beti Kornelio koldar eta zinikoa lagun duela. Domingoren emazte Martzelinaren bakardadeak jartzen du kontrapuntua istorio honetan, non ezbeharra edozein unetan lehertuko dela dirudien.
Xabier Elorriaga
Espainia
58 min.
Film ertaina
Arantxa Urretabizkaiaren eleberri izenkidean oinarrituta dago filma, eta seme bat duen hogeita hamar urteko emakume ezkondu baten bizimodua kontatzen du. Protagonistak hausnar egiten du: zergatik utziko zuen senarrak, Txemak, bakarrik semearekin? Barne-bakarrizketen bitartez, hainbat gai aztertzen ditu; besteak beste, amatasuna, bakardadea eta 70eko hamarkadaren amaierako euskal gizartean nagusitzen zen eguneroko bizitza.
José Julián Bakedano
Espainia
47 min.
Film ertaina
Manuel lasai bizi da Ramón anaiarekin, baina prostituta bat agertzen da, eta dena aldatzen du. Estherrek tentsioak eta gatazkak sorrarazten ditu anaien artean, eta amaiera zoritxarrekoa da. Filmak landa-inguruneko familia-harremanak eta emozio erreprimituak aztertzen ditu.
Babesle Ofizialak:
Media Partner: 
Laguntzaile Ofizialak: 
Instituzio Kideak:
© Donostia Zinemaldia
|
Jendaurreko ordutegia.
Astelehenetik ostegunera: 09:00etatik 15:30era
Ostiraletan, 10:00etatik 14:00etara
Astelehenetik ostegunera: 09:00etatik 15:30era
Ostiraletan, 10:00etatik 14:00etara
Harpidetu zaitez buletinak jasotzeko
Formulario hau betez ematen dizkiguzun datu pertsonalak Donostia Zinemaldiak –webgune honen arduradun gisa– tratatuko dituela jakinarazten dizugu. Eskatzen dizkizugun datu pertsonalak jasotzearen eta tratatzearen helburua gure albiste-buletina bidaltzea da. Interesdunaren baimenaren bidez legitimatzen da. Donostia Zinemaldiak bakarrik bidaliko dizkizu mezuak eta zure datuak ez dizkiegu hirugarrenei emango. Ematen dizkiguzun datuak EBn dauden Mailrelayren (marketinerako posta elektronikoko hornitzailea) zerbitzarietan kokatuta egongo direla jakinarazten dizugu. Ikusi Mailrelayren pribatutasun-politika. Formularioan nahitaezko gisa agertzen diren datuak jartzen ez badituzu, baliteke zure eskaerari erantzun ahal ez izatea. Datuak eskuratu, zuzendu, mugatu eta ezabatzeko eskubideak gauzatzeko, hona jo dezakezu: privacidad@sansebastianfestival.com. Datuen babesari buruzko informazio gehigarria eta xehatua gure pribatutasun-politikan kontsulta dezakezu.