tve movistar+
Babesle
Ofizialak
65. Donostia Zinemaldia
22/30 Iraila 2017 - #65ssiff

itxi
Bete formularioa zure datuekin, erregistratutako erabiltzaileentzako edukiak ikusteko
Sakatu hemen
Ez duzu pasahitza gogoratzen? Sakatu hemen

itxi


Oraindik ez duzu posta elektronikoa balioztatu. Posta elktroniko bat bidali dizugu, ondoko esteka sakatu behar duzu kontua balioztatzeko

Hemen zaude: Lehen orrialdea > 50. Edizioa 2002  > Sailak eta filmak
Zabaltegiko Bereziak
50. Edizioa 2002
Filmak
Filmak
Galíndez
Ana Díez
Kuba - Espainia 
1956ko martxoaren 12an, Jesús de Galíndez izeneko gizon bat Manhattango hirigunean desagertu da. Erbesteratu errepublikarra berau eta New Yorken Eusko Jaurlaritzaren ordezkari denaren arrazoirik gabeko desagerpen honek politikaren maila gorenak astintzen ditu. Aurkako indarrak adimen-operazioen tauletan borrokatzen dute: Hoover eta FBIk bere historiako ikerketarik garestienet...
1956ko martxoaren 12an, Jesús de Galíndez izeneko gizon bat Manhattango hirigunean desagertu da. Erbesteratu errepublikarra berau eta New Yorken Eusko Jaurlaritzaren ordezkari denaren arrazoirik gabeko desagerpen honek politikaren maila gorenak astintzen ditu. Aurkako indarrak adimen-operazioen tauletan borrokatzen dute: Hoover eta FBIk bere historiako ikerketarik garestienetako bat hasiko dute Latinoamerikako bere politika-informatzaile onena zena desagertarazi duena nor den jakitearren. Rafael Leonidas Trujillo diktadore dominikarrak kasuak eragin dituen ondorioez kezkatuta, bahiketaren makineria korapilatsuan parte hartu duten den-denak hilko ditu.
Howard Hawks, San Sebastián 1972 (Howard Hawks, Donostia 1972)
Samuel Martínez
Espainia 
1972an, Howard Hawks zine-zuzendari estatubatuarrak Donostiara bidaiatu zuen bere lanaren atzera begirako bat eskaintzen zuen Zinemaldiaren Epaimahai-buru izateko. Garai hartan zinemazale bezain ezezagun ziren bi gazte (Jesús Martínez León eta José Luis Cuerda) Madrildik etorri ziren hura elkarrizketatzeko itxaropenez. Zinez eta bizipenez beteriko hogeita hamar urte eta ger...
1972an, Howard Hawks zine-zuzendari estatubatuarrak Donostiara bidaiatu zuen bere lanaren atzera begirako bat eskaintzen zuen Zinemaldiaren Epaimahai-buru izateko. Garai hartan zinemazale bezain ezezagun ziren bi gazte (Jesús Martínez León eta José Luis Cuerda) Madrildik etorri ziren hura elkarrizketatzeko itxaropenez. Zinez eta bizipenez beteriko hogeita hamar urte eta gero, argitaragabeko elkarrizketa hura berreskuratu eta Donostiara bueltan beraiekin gatoz.
Lost In La Mancha
Keith Fulton, Louis Pepe
Erresuma Batua - AEB 
Baliteke Lost in La Mancha film baten lehenengo ?nola EZ zen egin? izatea, sekula esistitu ez den film baten istorioa baita, hau da, Terry Gilliamek eginiko On Kixote-ren zinerako egokitzapenarena. Gilliamek jada bere bizitzako hamar urte zeramatzan buru-belarri amets hau gauzatu nahirik, azkenik 2000ko irailean kamerak filmatzen hasi zirenerako. Alabaina, arazoak berehala sort...
Baliteke Lost in La Mancha film baten lehenengo ?nola EZ zen egin? izatea, sekula esistitu ez den film baten istorioa baita, hau da, Terry Gilliamek eginiko On Kixote-ren zinerako egokitzapenarena. Gilliamek jada bere bizitzako hamar urte zeramatzan buru-belarri amets hau gauzatu nahirik, azkenik 2000ko irailean kamerak filmatzen hasi zirenerako. Alabaina, arazoak berehala sortu ziren: talde tekniko paneuropar baten arteko muga linguistikoek filmaren kontzeptuari azken ukituak ematea eginkizun zail samarra bihurtu zuten; aktoreak antolatzeko orduan ere arazo ugari izan ziren, On Kixote haragitu behar zuen aktorearen hernia bikoitza ahaztu gabe, noski; eta azkenik, platoa nola tresneria hondatu zituen ekaitz ikaragarri batek eragindako kalteak, ondorioz, filmazioa behin betikoz bertan behera utzi behar izan zen.
Tani tatuwen piyabanna (Flying with One Wing) / Flying with one wing
Asoka Handagama
Sri Lanka 
Sri Lankako hegoaldeko herriska batean, gizonez mozorroturiko emakume bat, garaje batean mekanikari gisa lan egiteaz gain, beste emakume batekin dago ezkonduta. Istripu baten ondorioz, sendatzen duen medikua haren benetako sexuaz ohartuko da, aurrerantzean sekretua sexu-faboreen truke gordeko diolarik. Sasoi beretsuan, joera homosexuala duen garajeko lankide bati ere harekin au...
Sri Lankako hegoaldeko herriska batean, gizonez mozorroturiko emakume bat, garaje batean mekanikari gisa lan egiteaz gain, beste emakume batekin dago ezkonduta. Istripu baten ondorioz, sendatzen duen medikua haren benetako sexuaz ohartuko da, aurrerantzean sekretua sexu-faboreen truke gordeko diolarik. Sasoi beretsuan, joera homosexuala duen garajeko lankide bati ere harekin aukera bat izan dezakeela iruditzen zaio. Hartara, protagonistak medikuaren nola bere lankidearen aldetik jasandako presioak saihestu beharko ditu. Medikuak garajeko nagusiari sekretua azaltzea erabakiko duen arte. Neska gazteak ihes egingo du orduan, baina harrezkero komunitate osoaren txantxa eta irainei aurre egin beharko die, halabeharrez amaiera tragiko batera bultzatuko duten horiei.
Ten Minutes Older - The Cello
Bernardo Bertolucci, Mike Figgis, Jiri Menzel, István Szabó, Claire Denis, Jean-Luc Godard, Volker Schlöndorff, Michael Radford
Erresuma Batua - Alemania - Frantzia 
Ten Minutes Older proiektuko bigarren zatia da, hainbat zuzendari nabarmenei askatasun osoa ematen zaie Denboraren bere ikuspegia hamar minututan islatu dezaten, Historiaren elementu gidaritzat jotzen den hori. Banakako lanak esanahi berri bat hartzen du besteenarekin uztartzen denean, hartara zinezaleentzat esperimentu lilugarri bat sortaraziz. Hamabost zine-altxorrez osaturik...
Ten Minutes Older proiektuko bigarren zatia da, hainbat zuzendari nabarmenei askatasun osoa ematen zaie Denboraren bere ikuspegia hamar minututan islatu dezaten, Historiaren elementu gidaritzat jotzen den hori. Banakako lanak esanahi berri bat hartzen du besteenarekin uztartzen denean, hartara zinezaleentzat esperimentu lilugarri bat sortaraziz. Hamabost zine-altxorrez osaturiko multzoa.
Ten Minutes Older - The Trumpet (Ten minutes older- The Trumpet)
Aki Kaurismäki, Víctor Erice, Werner Herzog, Jim Jarmusch, Wim Wenders, Spike Lee, Chen Kaige
Espainia - Erresuma Batua - Alemania - Finlandia - Txina - AEB 
Erabateko sortze-askatasunaz, zuzendari bakoitzak hamar minutu ditu pantailan Denboraren bere interpretazioa irudikatzeko. Azken teknikak eta berritasun zinematografikoak erabiliz, Ten Minutes Older lanak giza-esperientziaren alderdi oro arakatzen du: jaiotzea, heriotza, amodioa, sexua, gaur egungo dramak, historia eta antzinako mitoak, kokaleku zeharo ezberdinetan, Hegoamerika...
Erabateko sortze-askatasunaz, zuzendari bakoitzak hamar minutu ditu pantailan Denboraren bere interpretazioa irudikatzeko. Azken teknikak eta berritasun zinematografikoak erabiliz, Ten Minutes Older lanak giza-esperientziaren alderdi oro arakatzen du: jaiotzea, heriotza, amodioa, sexua, gaur egungo dramak, historia eta antzinako mitoak, kokaleku zeharo ezberdinetan, Hegoamerikako oihanetik hasi eta New Yorkeko kaleetaraino.
Babesle Ofizialak:
Laguntzaile Ofizialak:
Instituzio Kideak:
© Donostia Zinemaldia | Desarrollado por: Yo Miento Producciones

Webgune hau berezko eta kanpoko cookies-az baliatzen da, erabiltzaile gisa esperientzia hobea eskaintzeko. Informazio gehiago Onartzea