tve movistar+
Babesle
Ofizialak
65. Donostia Zinemaldia
22/30 Iraila 2017 - #65ssiff

itxi
Bete formularioa zure datuekin, erregistratutako erabiltzaileentzako edukiak ikusteko
Sakatu hemen
Ez duzu pasahitza gogoratzen? Sakatu hemen

itxi


Oraindik ez duzu posta elektronikoa balioztatu. Posta elktroniko bat bidali dizugu, ondoko esteka sakatu behar duzu kontua balioztatzeko

Hemen zaude: Lehen orrialdea > 66. Edizioa 2018  > Berriak > Europa-Latinoamerika VII. Koprodukzio Foroan hamabi herrialdetako hamazazpi proiektu aurkeztuko dira, eta urtebetean % 34 hazi dira inskripzioak
Europa-Latinoamerika VII. Koprodukzio Foroan hamabi herrialdetako hamazazpi proiektu aurkeztuko dira, eta urtebetean % 34 hazi dira inskripzioak
Irailaren 23tik 26ra bitarte egingo da Foroa eta Argentina, Belgika, Brasil, Danimarka, Espainia, Frantzia, Guatemala, Italia, Kolonbia, Mexiko, Suitza eta Txiletik datozen proiektuak hartuko ditu barnean. Horietatik bederatzi, zuzendariaren lehendabiziko edo bigarren filmak dira
Osteguna, 2018(e)ko abuztuaren 9

Hamaika herrialdetako hamasei proiektu sartu dira Europa-Latinoamerika Koprodukzio Foroaren aukeran. Zazpigarren edizioan, 223 inskripzio erregistratu dira; hau da, iaz baino % 34 baino gehiago (165 izan ziren). Erdialdeko Amerikako eta Karibeko proiektu zinematografikoak garatzeko Ibermediaren tailerrean aukeratutako proiektuak ere parte hartuko du, lehiaketaz kanpo. Irailaren 23tik 26ra bitarte egingo da Foroa eta Argentina, Belgika, Brasil, Danimarka, Espainia, Frantzia, Guatemala, Italia, Kolonbia, Mexiko, Suitza eta Txiletik datoz aukeratu diren proposamenak.

Besteak beste, anorexia, lehenengo maitasuna, identitatea eta emakumezko gerrillariak izan dira edizio honetako lanen inspirazioa, eta, aukeratutakoen artean, zinemagileen lehenengo edo bigarren filmak dira bederatzi proiektu. Horiek horrela, film luzeen alorrean estreinatu dira Paula Un Mi Kim eta Clara Roquet –Petra (Perlak 2018) eta 10.000 kilómetros (Made in Spain 2014) lanen gidoilarietako bat– eta bigarren filma ekarri dute honako hauek: Meritxell Colell, Con el viento sarituaren ostean; Lara Izagirre, bere lehenengo lana, Un otoño sin Berlín, Zinemaldian estreinatu eta emakumezko aktore berri onenaren Goya saria irabazi ondoren (Irene Escolar); Pepa San Martín, bere lehenengo filmarekin, Rara-rekin, Generation KPlus Sari Nagusia Berlinen eta Horizontes saria Donostian irabazi zituena; Moroco Colman, zeinaren Fin de semana film laburra Zinema Ikasleen Nazioarteko Topaketarako (2010) eta film luze homonimoa Zuzendari Berriak (2016) sailerako aukeratuak izan baitziren; Emiliano Torres, bere lehenengo filmarekin, El Invierno-rekin, Zinema Eraikitzen 29-n saritua izan ostean, Sail Ofizialean lehiatu eta Epaimahaiaren Sari Berezia eta argazki onenaren saria lortu zituena; Clarisa Navas, Hoy partido a las 3 saridunaren ostean; eta Matthias Huser, zeinak, Locarnon bere lehengo lana, They Chased Me Through Arizona, estreinatu eta gero, Der unschuldige / The Innocent filmaren (Sail Ofiziala 2018) ekoiztetxearen bermea duen proiektu bat estreinatuko baitu Foroan.

Horrez gain, lan-ibilbide ezaguna duten zenbait zuzendariren proiektuak ere aukeratu dira Fororako: Albertina Carrik Las hijas del fuego aurkeztuko du Zabaltegi-Tabakalera sailean; Tata Amaral Um ceu de estrelas / Un cielo de estrellas, Antônia eta Hoje / Hoy lanen egilea da; Stefano Passetoren lehenengo bi filmak Venezian eta Toronton estreinatu ziren; Pablo Fendrik Cannesen aurkeztu ditu bere lehenengo hiru filmak; Jayro Bustamantek Alfred Bauer saria irabazi zuen Berlinalen Ixcanul (Zinema Eraikitzen 26) filmarekin; José Luis Torres Leivak Zabaltegi-Tabakaleran aurkeztuko du bere filmetako bat, hirugarren urtez jarraian eta Nest.Film Students saileko epaimahaikide izan zen iaz; eta Priscila Padilla La eterna noche de las doce lunas filmaren egilea da.

Azken edizioetako proiektuen artean, aurtengo nazioarteko zinema-jaialdietan parte hartu dute Martín Rodríguez Redondoren Marilyn eta Sebastián Schjaerren La omisión filmek, Berlinaleko Panorama sailean aukeratu baitituzte, eta Agustín Toscanoren El motoarrebatador, Errealizadoreen Hamabostaldian estreinatu baita.

«Zazpi urtetan, industria-jarduera erabat finkatua bihurtu da Foroa, ez soilik inskripzio kopurua handitu delako, baita parte hartzen duten zinemagile eta ekoizleen profilari esker ere; izan ere, hala talentu berriak nola figura entzutetsuak biltzen ditu, eta euren proiektuak erkatu eta nazioarteko industria zinematografikoarekin partekatzeko aukeragatik aurkezten dituzte Donostian», azpimarratu du José Luis Rebordinosek, Zinemaldiaren zuzendariak.

Europa-Latinoamerika Koprodukzio Foroak Europa Creativa MEDIAren eta Eusko Jaurlaritzaren Ekonomia Garapen eta Azpiegituren Sailaren babesa du, eta erreferentziazko plataforma da bi zinematografia horien arteko ikus-entzunezko proiektuei bultzada emateko, baita Zinemaldiko industriako akreditatuentzako elkargune bat ere, hitzarmen profesionalak sustatu eta esperientziak trukatzeko. Foroaren lehenengo jardunaldian, irailaren 23an, industriari aurkeztuko zaizkio Foroan aukeratutako proiektuak eta Ikusmira Berriak egonaldi-programaren aukeratutako bostak. Ondoren, horien ekoizle eta zuzendariekin one-to-one bilerak egingo dira hiru egunez, Zinema Eraikitzen 34 sailarekin eta bigarren Glocal in Progress edizioarekin batera.

 

Ane & Peio, maitasun istorio bat piper artean / Ane & Peio, a Paprika Love Story
Lara Izagirre  (Espainia - Frantzia)
Ekoizpena: Gariza Films

Democracia / Democracy (Demokrazia)
Tata Amaral  (Brasil)
Ekoizpena: Tangerina Entretenimento, Ltda.

Diário de viagem / Butterfly Diaries
Paula Un Mi Kim  (Brasil)
Ekoizpena: Dezenove Som e Imagens

Dúo
Meritxell Colell  (Espainia - Argentina - Frantzia - Txile)
Ekoizpena: Polar Star Films

El velo / The Veil
Stefano Pasetto  (Belgika - Argentina - Italia)
Ekoizpena: Eklektik Productions

Hermano Peligro / Brother Danger
Pablo Fendrik  (Argentina - Danimarca)
Ekoizpena: Rei Cine, SRL.

La felicidad / Happiness (Zoriontasuna)
Pepa San Martín  (Txile)
Ekoizpena: Manufactura de Películas

La Llorona
Jayro Bustamante  (Guatemala)
Ekoizpena: La Casa de Producción

La noche más larga / The Longest Night
Moroco Colman  (Argentina)
Ekoizpena: Más Allá Productora

10 
Las mil y una
Clarisa Navas  (Argentina)
Ekoizpena: Varsovia Films

11 
Libertad
Clara Roquet  (Espainia - Danimarka)
Ekoizpena: Avalon, P.C., Lastor Media

12 
Los extraños de la montaña helada / The Strangers of the Cold Mountain
Albertina Carri  (Argentina)
Ekoizpena: El Borde

13 
Marea / Tide
Emiliano Torres  (Argentina)
Ekoizpena: Gaman Cine, SRL.

14 
Querida Vera
José Luis Torres Leiva  (Txile)
Ekoizpena: Globo Rojo Films

15 
The Jungle
Matthias Huser  (Suitza)
Ekoizpena: 8horses

16 
Un nuevo amanecer / A New Dawn
Priscila Padilla  (Kolonbia)
Ekoizpena: Doce Lunas Producciones


  IBERMEDIA PROIEKTUA (Ez du proiektu onenaren saria eskuratzeko parte hartuko)

17 
La lluvia / The Rain
Lony Welter  (Kolonbia - Mexiko)
Ekoizpena: Romeo: Laboratorio + películas


Sariak
  • Proiektu onenaren saria, 10.000 euro gordin, proiektu irabazlearen ekoizle nagusiarentzat.
  • EFADs-CACIren Europa-Latinoamerika Koprodukzio saria, 20.000 euroko saria da, proiektu irabazlearen ekoizle nagusiarentzat.
  • Koprodukzioaren Garapenaren Eurimages Saria, 20.000 euroko ordainsaria beste Eurimages-en herrialde batekin koproduzitzeko asmoa duen ekoizle nagusiarentzat. Produktore nagusi hau Eurimages-en herrialde kide batean ezarrita egon beharko du.
  • ARTEk Nazioarteko ARTE Kino saria emango du, 6.000 eurokoa, proiektu hautatuetako batentzat.
  • Marché du Film-Festival de Cannes-eko Producers Network sarearekin eta Argentinako Zinemaren eta Ikus Entzunezko Erakundearekin (INCAA) –biak Buenos Airesko Ventana Sur ikus-entzunezkoen merkatuaren antolatzaileak– izenpetutako Forjando Alianzas hitzarmenari esker, Foroan hautatutako proiektuek beren nazioarteko ibilbidea luzatzeko aukera izango dute esandako ekitaldi horietan.

HARREMANA
industryclub@sansebastianfestival.com
Tel.: +34 943 481217
www.sansebastianfestival.com

Ekimen hau Eusko Jaurlaritzako Ekonomiaren Garapen eta Azpiegitura Sailaren babesari esker, Europa Creativa MEDIAren laguntzari esker eta honako hauen lankidetzari esker egin da: CACI (Iberoamerikako Zinematografiako Agintarien Konfederazioa), EFADs (Europako Zinema Agentzietako Zuzendariak), Eurimages, Producers Network (Marché du Film-Festival de Cannes), INCAA (Argentinako Zinemaren eta Ikus entzunezko Erakundea), ARTE, Europa Creativa Desk MEDIA Euskadi, EPE (Euskal Produktoreen Elkartea), Etxepare Euskal Institutua, Europa Distribution, IBAIA (Ikus-entzunezko Euskal Ekoizle Burujabeen Elkartea), Ibermedia programa, LatAm eta Zineuskadi.



Sustatzaileak:

 

Laguntzaileak:



 Industria Saila ondorengoen babesarekin:    


© Donostia Zinemaldia | Desarrollado por: Yo Miento Producciones

Webgune hau berezko eta kanpoko cookies-az baliatzen da, erabiltzaile gisa esperientzia hobea eskaintzeko. Informazio gehiago Onartzea