tve movistar+
Babesle
Ofizialak
65. Donostia Zinemaldia
22/30 Iraila 2017 - #65ssiff

itxi
Bete formularioa zure datuekin, erregistratutako erabiltzaileentzako edukiak ikusteko
Sakatu hemen
Ez duzu pasahitza gogoratzen? Sakatu hemen

itxi


Oraindik ez duzu posta elektronikoa balioztatu. Posta elktroniko bat bidali dizugu, ondoko esteka sakatu behar duzu kontua balioztatzeko

Hemen zaude: Lehen orrialdea > 64. Edizioa 2016  > Sailak eta filmak
Zabaltegi - Tabakalera
64. Edizioa 2016
Filmak
Filmak
Zabaltegi Tabakalera
Zabaltegi Tabakalera
Inaugurazioa
Voyage à travers le cinéma français / A Journey Through French Cinema
Bertrand Tavernier
Frantzia 
Bertrand Tavernier-ek zinema maite du. A Personal Journey with Martin Scorsese Through American Movies haren ildotik, Tavernier-ek zinema frantsesaren inguruko hurbilketa zorrotz eta pertsonal bat aurkezten digu; bere bizitzan zehar gehien gustatu zaizkion film, zuzendari, konpositore eta dialogoen ingurukoa. Jean Renoir-etik hasi eta Claude Sautet-era, Henri Decoin-etik Jacque...

Bertrand Tavernier-ek zinema maite du. A Personal Journey with Martin Scorsese Through American Movies haren ildotik, Tavernier-ek zinema frantsesaren inguruko hurbilketa zorrotz eta pertsonal bat aurkezten digu; bere bizitzan zehar gehien gustatu zaizkion film, zuzendari, konpositore eta dialogoen ingurukoa. Jean Renoir-etik hasi eta Claude Sautet-era, Henri Decoin-etik Jacques Becker-era, eta tartean François Truffaut, Jean-Luc Godard, Louis Malle eta beste hainbat zinemagile famatu gogoan hartuz, Bertrand Tavernier-ek zinemaren harribitxiak berraurkezten dizkigu.

489 Years
Hayoun Kwon
Frantzia 
Animazio-filma. Film labur hau Oberhausen-eko Nazioarteko 62. Zinema Jaialdian saritu zuten. 489 Years lanak Hego Koreako soldadu baten lekukotza darabil: Kim-ena. Haren bitartez bi Koreen arteko eremu desmilitarizaturako sarbidea ematen digu, eta soldaduaren oroimen pertsonalaren muinean barneratzen gaitu. Esplorazio-misio batean bizi izan zuen esperientziaren berri ematen dig...

Animazio-filma. Film labur hau Oberhausen-eko Nazioarteko 62. Zinema Jaialdian saritu zuten. 489 Years lanak Hego Koreako soldadu baten lekukotza darabil: Kim-ena. Haren bitartez bi Koreen arteko eremu desmilitarizaturako sarbidea ematen digu, eta soldaduaren oroimen pertsonalaren muinean barneratzen gaitu. Esplorazio-misio batean bizi izan zuen esperientziaren berri ematen digu Kim-ek, baita minaz betetako soro batean egin zuen deskubrimendu harrigarriarena ere (Hego Koreak jarritakoak ziren minak, zer-non zegoen jarrita erregistratu gabe). Pertsonak debekatuta dauden leku batez mintzo zaigu, naturak bere jabegoa guztiz berreskuratu duen leku batez...

A cidade onde envelheço / Where I Grow Old
Marilia Rocha
Brasil - Portugal 
Brasilen bizi den Francisca portugaldar gazteak bere etxean hartuko du Teresa, aspaldiko ezagun bat, zeinarekin harremana galduta baitzuen. Teresa non finkatu nahi den aurkitzen ari da; Francisca, aldiz, Lisboan zeukan bizitzara itzultzeko irrikitan da.

Brasilen bizi den Francisca portugaldar gazteak bere etxean hartuko du Teresa, aspaldiko ezagun bat, zeinarekin harremana galduta baitzuen. Teresa non finkatu nahi den aurkitzen ari da; Francisca, aldiz, Lisboan zeukan bizitzara itzultzeko irrikitan da.

A Quiet Passion
Terence Davies
Erresuma Batua - Belgika  
Nor izan zen Emily Dickinson? Nor ezkutatzen da bere bizitza gehiena Amherst-en, Massachusetts-en, bere gurasoen etxean igaro zuen poeta horren atzean? Bizileku izan zuen etxea atze-oihal gisa erabiliz, bizimodu ia ezezaguna izan zuen emakume guztiz ezohiko baten erretratua egiten du zuzendariak. 1803an jaioa, talentu handiko neskatila izan zen, baina trauma emozional batek ika...

Nor izan zen Emily Dickinson? Nor ezkutatzen da bere bizitza gehiena Amherst-en, Massachusetts-en, bere gurasoen etxean igaro zuen poeta horren atzean? Bizileku izan zuen etxea atze-oihal gisa erabiliz, bizimodu ia ezezaguna izan zuen emakume guztiz ezohiko baten erretratua egiten du zuzendariak. 1803an jaioa, talentu handiko neskatila izan zen, baina trauma emozional batek ikasketak uztera bultzatu zuen. Handik aurrera, gizartetik baztertu eta poemak idazteari ekin zion. Bere bizitza bakartia gorabehera, idazlearen obrak munduan zeharreko bidaia ezin erakargarriago batera darama irakurlea.

Caminan / On The Path (Bidean)
Mikel Rueda
Espainia 
Errepide bat ezerezaren erdian. Auto bat. Bizikleta bat. Bi pertsonaia bakarti, gauza beraren bila. Eta topo egingo dute. Mundu mailako estreinaldia.

Errepide bat ezerezaren erdian. Auto bat. Bizikleta bat. Bi pertsonaia bakarti, gauza beraren bila. Eta topo egingo dute. Mundu mailako estreinaldia.

Eat That Question: Frank Zappa in His Own Words
Thorsten Schüte
Frantzia - Alemania 
Musikari eta musikagile ikonoklastarekin topaketa intimoa. Argitaratu gabeko irudien bitartez, XX. mendeko jenio baten probokazioan parte hartuko du ikusleak; haren mundu-ikuskerak gaur egungoa izaten jarraitzen du oraindik.

Musikari eta musikagile ikonoklastarekin topaketa intimoa. Argitaratu gabeko irudien bitartez, XX. mendeko jenio baten probokazioan parte hartuko du ikusleak; haren mundu-ikuskerak gaur egungoa izaten jarraitzen du oraindik.

Ejercicios de memoria / Memory Exercises
Paz Encina
Argentina - Paraguai - Frantzia - Alemania - Qatar 
Paraguaik Latinoamerikako diktadura luzeenetakoa jasan zuen 1954tik 1989ra bitartean. Agustín Goiburú izan zen Stroessner-en erregimenaren aurkari garrantzitsuena. Dokumental hau Goiburúren hiru seme-alaben oroitzapenen bitartez barneratzen da testuinguru politiko horretan.

Paraguaik Latinoamerikako diktadura luzeenetakoa jasan zuen 1954tik 1989ra bitartean. Agustín Goiburú izan zen Stroessner-en erregimenaren aurkari garrantzitsuena. Dokumental hau Goiburúren hiru seme-alaben oroitzapenen bitartez barneratzen da testuinguru politiko horretan.

El extraño / The Stranger
Pablo Álvarez
Txile 
Hein batean irudi-sinfonia, hein batean saiakera-filma, hein batean dokumental faltsua. Irudi multzo batek Santiagoko hirigunea deskribatuko du, gauez, bertan ez den pertsonaia anonimo baten bidean atzera eginez. Atzealdean, zenbait ahotsek pertsona hori deskribatzeko saioak egingo dituzte, loturarik gabeko eta, zatika, kontraesankorrak diren kontakizunen bitartez. Gizon baten ...

Hein batean irudi-sinfonia, hein batean saiakera-filma, hein batean dokumental faltsua. Irudi multzo batek Santiagoko hirigunea deskribatuko du, gauez, bertan ez den pertsonaia anonimo baten bidean atzera eginez. Atzealdean, zenbait ahotsek pertsona hori deskribatzeko saioak egingo dituzte, loturarik gabeko eta, zatika, kontraesankorrak diren kontakizunen bitartez. Gizon baten berreraikitze lausoa da emaitza. Txileko gizartearen sakonenean errotutako klasegabetze eta goranahia hezurmamitzen duen arrotz bat. Besteen gain boterea eragiteko nahi bizia, indarkeria forma desberdinetan ageri dena.

El viento sabe que vuelvo a casa / The Winds Know That I'm Coming Back Home
José Luis Torres Leiva
Txile 
Ignacio Agüero dokumentalista txiletarra fikziozko bere lehen film luzea prestatzen ari da, sekula bukatzea lortu ez duen antzinako dokumental-proiektu batean oinarrituta. 80ko hamarkadaren hasieran, Chiloé eskualdeko Meulín uhartean, bikote gazte bat inguruko basoetan desagertuko da, aztarnarik utzi gabe. Maitasun tragikoko istorio misteriotsu horren inguruan, mito oso bat ...

Ignacio Agüero dokumentalista txiletarra fikziozko bere lehen film luzea prestatzen ari da, sekula bukatzea lortu ez duen antzinako dokumental-proiektu batean oinarrituta. 80ko hamarkadaren hasieran, Chiloé eskualdeko Meulín uhartean, bikote gazte bat inguruko basoetan desagertuko da, aztarnarik utzi gabe. Maitasun tragikoko istorio misteriotsu horren inguruan, mito oso bat eraiki zen. Ignacio Agüero gertakarien lekura joango da, filmerako kokalekuen eta aktore ez-profesionalen bila, eta han, pixkanaka-pixkanaka, bere filmaren bilakaera ezagutuko du.

Gimme Danger
Jim Jarmusch
AEB 
1960ko hamarkadaren amaieran, The Stooges-en rock'n'roll indartsu eta bortitza agertu zen Ann Arbor-en (Michigan), iraultza kontrakulturalaren garaian: bonba batek eztanda egitea bezalakoxea izan zen hura orduko musika-paisaian. Rock, blues, R&B eta free jazzaren arteko nahasketari esker, Iggy Pop ezagutarazi zuen taldeak aurrerago rock alternatibo deituko den horre...

1960ko hamarkadaren amaieran, The Stooges-en rock'n'roll indartsu eta bortitza agertu zen Ann Arbor-en (Michigan), iraultza kontrakulturalaren garaian: bonba batek eztanda egitea bezalakoxea izan zen hura orduko musika-paisaian. Rock, blues, R&B eta free jazzaren arteko nahasketari esker, Iggy Pop ezagutarazi zuen taldeak aurrerago rock alternatibo deituko den horren zutabeak ezarri zituen. Gimme Danger filmak The Stooges-en epopeia kontatzen du, eta historiako rock talde garrantzitsuenetako baten testuingurua aurkezten digu: haien bilakaera musikala, kulturala, politikoa eta historikoa, haien abenturen, pozen eta nahigabeen bitartez eta haien inspirazio-iturriak eta lehen erronka komertzialen arrazoiak gogora ekarriz.

Gure hormek / Our Walls
Las chicas de Pasaik (María Elorza & Maider Fernandez Iriarte)
Espainia 
Etxeko Andreen auzoa. Lo Ezinak Jotakoen distritua. Ama Ezezagunaren kioskoa. Emakume Bakartien lurpeko bidea. Gure hormek gure maiteak omentzen dituzte. 

Etxeko Andreen auzoa. Lo Ezinak Jotakoen distritua. Ama Ezezagunaren kioskoa. Emakume Bakartien lurpeko bidea. Gure hormek gure maiteak omentzen dituzte. 

Hele Sa Hiwagang Hapis / A Lullaby to the Sorrowful Mystery
Lav Diaz
Filipinak 
1896-1897 bitartean Espainiako gobernu kolonialaren aurkako Filipinetako Iraultzari buruzko hainbat narrazio-harik, elkarri lotuek, osatzen dute Hele Sa Hiwagang Hapis filma: Jocelynang Baliwag abestiaren historia, zeina iraultzaren ereserkia bihurtu baitzen; Gregoria de Jesúsek Filipinetako iraultzaren aitaren (Andrés Bonifacio) gorpua aurkitzeko egiten duen bilaketa et...

1896-1897 bitartean Espainiako gobernu kolonialaren aurkako Filipinetako Iraultzari buruzko hainbat narrazio-harik, elkarri lotuek, osatzen dute Hele Sa Hiwagang Hapis filma: Jocelynang Baliwag abestiaren historia, zeina iraultzaren ereserkia bihurtu baitzen; Gregoria de Jesúsek Filipinetako iraultzaren aitaren (Andrés Bonifacio) gorpua aurkitzeko egiten duen bilaketa etsia; Simon eta Isagani heroi nazionalen bidaia (fikziozko pertsonaia literarioak); eta Bernardo Carpiok, Filipinetako erresistentziako heroi mitikoak, eta erdi zaldia erdi gizakia den Tikbalang / Engkantok filipinar ariman jokatu zuten rola.  Film hau historia, literatura eta mitologiaren arteko bat-egite bat da.

La disco resplandece / The Disco Shines
Chema García Ibarra
Turkia 
Apirileko larunbat bat. Eguraldi ona. Ilunabarra sartu ahala, handituz doa mendiaren itzala. Bost gazte gaua prestatzen ari dira: alkohola, musika eta autoa dituzte. Berdin dio diskotekak urteak eramatea itxita.

Apirileko larunbat bat. Eguraldi ona. Ilunabarra sartu ahala, handituz doa mendiaren itzala. Bost gazte gaua prestatzen ari dira: alkohola, musika eta autoa dituzte. Berdin dio diskotekak urteak eramatea itxita.

Louise en hiver / Louise By The Shore
Jean-François Laguionie
Frantzia - Kanada 
Udako azken egunean, Louise, adineko emakume bat, azken trena galdu duela konturatzen da. Itsasertzeko hiri txiki bateko hotelgune batean dago, denek abandonaturik. Eguraldiak okerrera egiten du bizkor. Louise ahula eta irtirina da, inondik ere ez Robinson Crusoe bat izateko behar bezain gaitua; ez dirudi negua atzean uzteko gai izango denik. Alabaina, Louisek erronkatzat hartz...

Udako azken egunean, Louise, adineko emakume bat, azken trena galdu duela konturatzen da. Itsasertzeko hiri txiki bateko hotelgune batean dago, denek abandonaturik. Eguraldiak okerrera egiten du bizkor. Louise ahula eta irtirina da, inondik ere ez Robinson Crusoe bat izateko behar bezain gaitua; ez dirudi negua atzean uzteko gai izango denik. Alabaina, Louisek erronkatzat hartzen du bere babesgabetasuna. Biziraun egingo du, bai elementuei bai oroitzapenei aurre eginez... aukera ezin hobea topatu baitute oroitzapenek abentura honetara biltzeko.

Midnight Special
Jeff Nichols
AEB 
Lehiaketatik kanpo
Erlijio-estremistengandik eta Poliziarengandik ihes egiteko lasterketa baten moduan hasiko dena, laster bihurtuko da nazio mailako jazarpen bat, non gobernu federalaren maila gorenenak egongo baitira nahastuta. Roy aita da eta guztia arriskatuko du, etsi-etsian, bere zortzi urteko semea, Alton, babesteko eta mundua betirako alda lezakeen patu bat betearazten laguntzeko. Film ho...

Erlijio-estremistengandik eta Poliziarengandik ihes egiteko lasterketa baten moduan hasiko dena, laster bihurtuko da nazio mailako jazarpen bat, non gobernu federalaren maila gorenenak egongo baitira nahastuta. Roy aita da eta guztia arriskatuko du, etsi-etsian, bere zortzi urteko semea, Alton, babesteko eta mundua betirako alda lezakeen patu bat betearazten laguntzeko. Film honek desafio egiten die genero zinematografikoei, eta aldi berean da gizakiaz gaindikoa eta barru-barrukoa.

O Ornitólogo / L'ornithologue
João Pedro Rodrigues
Portugal - Frantzia - Brasil 
Fernando ornitologo bakartia galzoriko zikoina beltzen bila ari dela, Portugal iparraldeko ibai urrun batean, ur-lasterrek eramango dute. Txinar erromes pare batek salbatuko du, Santiago de Compostelarako bidean doazela. Bere bidea berriz aurkitu nahian, baso ilun eta kezkagarri batean sartuko da Fernando. Baina aurkitu, oztopo harrigarri eta ustekabekoak aurkituko ditu, baita ...

Fernando ornitologo bakartia galzoriko zikoina beltzen bila ari dela, Portugal iparraldeko ibai urrun batean, ur-lasterrek eramango dute. Txinar erromes pare batek salbatuko du, Santiago de Compostelarako bidean doazela. Bere bidea berriz aurkitu nahian, baso ilun eta kezkagarri batean sartuko da Fernando. Baina aurkitu, oztopo harrigarri eta ustekabekoak aurkituko ditu, baita bera neurtuko eta mugara eramango duen jendea ere. Arian-arian, bestelako gizon bat bihurtuko da: inspiratua, polifazetikoa eta, azkenik, goiargiduna.

Oscuro animal
Felipe Guerrero
Kolonbia - Argentina - Herbehereak - Alemania - Grezia 
Oscuro animal filmak oihanetik hirirako bidaia baten istorioa kontatzen du. Hiru emakumek Kolonbiako landa-eremuetako gerraren jazarpenetik ihes egin behar dute; nork bere aldetik, baretasuna bilatzeko bidaiari ekingo diote. Behin Bogotára iritsitakoan, arnasaldi bat hartuko dute beren bizitza desbideratuen norabide berriari aurre egiteko.

Oscuro animal filmak oihanetik hirirako bidaia baten istorioa kontatzen du. Hiru emakumek Kolonbiako landa-eremuetako gerraren jazarpenetik ihes egin behar dute; nork bere aldetik, baretasuna bilatzeko bidaiari ekingo diote. Behin Bogotára iritsitakoan, arnasaldi bat hartuko dute beren bizitza desbideratuen norabide berriari aurre egiteko.

Sarah Winchester, opéra Fantôme / Sarah Winchester
Bertrand Bonello
Frantzia 
Existitzen ez den opera-ballet bat. Bastillako Operan jotzen eta Garnier Operan dantzatzen den pieza fantasmagorikoa. Bi eszenen arteko lotura ia mistikoa. Musikari bat soinu-probetan dabil Bastillako zulogunean. Abesbatzak bere lekua hartuko du entseguetarako estudioan. Bi aldeotan, ahal bezain beste doituko dute opera ballet baten aribideko lana: Sarah Winchester, haren atsek...

Existitzen ez den opera-ballet bat. Bastillako Operan jotzen eta Garnier Operan dantzatzen den pieza fantasmagorikoa. Bi eszenen arteko lotura ia mistikoa. Musikari bat soinu-probetan dabil Bastillako zulogunean. Abesbatzak bere lekua hartuko du entseguetarako estudioan. Bi aldeotan, ahal bezain beste doituko dute opera ballet baten aribideko lana: Sarah Winchester, haren atsekabea, eromena, etxea eta mamuak.

Sipo Phantasma / Ghost Ship (Untzi Fantasma)
Koldo Almandoz
Espainia 
Ordubeteko itsas-bidaia bat, zinemagile banpiro baten saiakera metafilmikoa, film fantasma bat. Aurkitu eta berriz bilatzera daramaten bilaketen istorio bat. F.W. Murnau eta haren Nosferatu filma; Bram Stoker-en, Florence Balcombe-ren eta haren mutil-lagun Oscar Wilderen arteko maitasun-hirukotea. Naufragio ezagunak, itsasontzi batean emandako oporrak. Hilobi batetik lapurtutak...

Ordubeteko itsas-bidaia bat, zinemagile banpiro baten saiakera metafilmikoa, film fantasma bat. Aurkitu eta berriz bilatzera daramaten bilaketen istorio bat. F.W. Murnau eta haren Nosferatu filma; Bram Stoker-en, Florence Balcombe-ren eta haren mutil-lagun Oscar Wilderen arteko maitasun-hirukotea. Naufragio ezagunak, itsasontzi batean emandako oporrak. Hilobi batetik lapurtutako bustoa, historiari eta zinemari buruzko gogoetak. Fikzio gotikoa, errealismo dokumentala eta bideo-saiakera ezkutatzen duten errusiar panpinen historia. Kontakizun baten collagea: liburu-zatiak, eskutitzak, txostenak, iragarkiak, telegramak, prentsako artikuluak, film-zatiak, txotxongiloak. Ispilu-jolas bat, benetako eta fikziozko banpiroak biltzen dituena: bakardadea, gizagabetzea eta gizarte-kontrola. Eta erdigunean, Drakula nobela; haren protagonista, haren egitura, haren funtsa. Rotterdamgo Nazioarteko Zinema Jaialdian estreinatua.

The Hedonists
Jia Zhang-ke
Txina 
Shanxiko ikatz-meatzari batzuei buruzko drama liluragarria: langabe daude, eta lan bila.

Shanxiko ikatz-meatzari batzuei buruzko drama liluragarria: langabe daude, eta lan bila.

The Illinois Parables
Deborah Stratman
AEB 
Dokumental esperimentala. Hamaika parabolaren bitartez, Illinois estatuaren historiako zenbait gertakari kontatzen dira: eskualde bateko fedeari, indarrari, teknologiari eta exodoari buruzko binetak. Txerokiei beren lurra indarrez utzarazi zietenetik hasi, eta frantses ikariarren komunitate utopikoa ezarri, erreaktore nuklearra asmatu eta Pantera Beltzen liderra (Fred Hampton) ...

Dokumental esperimentala. Hamaika parabolaren bitartez, Illinois estatuaren historiako zenbait gertakari kontatzen dira: eskualde bateko fedeari, indarrari, teknologiari eta exodoari buruzko binetak. Txerokiei beren lurra indarrez utzarazi zietenetik hasi, eta frantses ikariarren komunitate utopikoa ezarri, erreaktore nuklearra asmatu eta Pantera Beltzen liderra (Fred Hampton) hil zuten arte, filmak kokatze, kanporatze, aurrerapen teknologiko, indarkeria, mesianismo eta erresistentziari buruzko istorioak helarazten dizkigu. Illinois tranpa egoki eta egituratu bat da hemen; haren istorioak alegoria bihurtzen dira, eta alegoria horien bitartez sinesmenek eta ideologiek gizarteak nola eratzen dituzten aztertzen da.

Uncle Howard
Aaron Brookner
Erresuma Batua 
Howard Brookneren lehen filmak (Burroughs: The Movie) 80ko hamarkadan New Yorkeko hirigunean izandako iraultza kulturala irudikatu zuen. Orain, haren iloba Aaronek bidaia pertsonal bati ekingo dio, Howarden ondare zinematografikoa eta hura izan zen guztiaren oroitzapena argitara ateratzeko.

Howard Brookneren lehen filmak (Burroughs: The Movie) 80ko hamarkadan New Yorkeko hirigunean izandako iraultza kulturala irudikatu zuen. Orain, haren iloba Aaronek bidaia pertsonal bati ekingo dio, Howarden ondare zinematografikoa eta hura izan zen guztiaren oroitzapena argitara ateratzeko.

Wiener-Dog
Todd Solondz
AEB 
Wiener-Dog filmak kontatzen dituen istorioetan, saltxitxa-txakur batek hainbat pertsonaiaren bizitzak inspiratu eta aldaraziko ditu. Izan ere, txakurrak kontsolamendu eta poztasun halako bat sorrarazten du bere inguruan. Gizakiaren lagunik onenak bizitzari buruzko ikasgai bihurritsu zenbait emango dizkio, lehenik, mutiko bati. Ondoren, Dawn Wiener izeneko albaitari errukitsu ba...

Wiener-Dog filmak kontatzen dituen istorioetan, saltxitxa-txakur batek hainbat pertsonaiaren bizitzak inspiratu eta aldaraziko ditu. Izan ere, txakurrak kontsolamendu eta poztasun halako bat sorrarazten du bere inguruan. Gizakiaren lagunik onenak bizitzari buruzko ikasgai bihurritsu zenbait emango dizkio, lehenik, mutiko bati. Ondoren, Dawn Wiener izeneko albaitari errukitsu baten eskuetara iritsiko da. Dawn iraganeko norbaitekin elkartuko da berriro; errepidea hartuta, bidaia bati ekingo dio eta bidean mariatxi deprimitu batzuk hartuko ditu autoan. Wiener-Dog-ek noraezean dabilen zinema-zuzendari batekin egingo du topo orduan, baita atso mingostu batekin eta haren iloba mainatiarekin ere. Den-denak zerbaiten beharrean dira.

Zoologiya / Zoology
Ivan I. Tverdovsky
Errusia - Frantzia - Alemania 
Natasha adin ertaineko emakume bat da, zoo bateko langilea, eta amarekin bizi da oraindik kostaldeko herrixka batean. Trabatuta dago eta badirudi bizitzak ez duela sorpresarik gordeta harentzat, harik eta egun batean... buztana haziko eta bizitza errotik aldatuko zaion arte.

Natasha adin ertaineko emakume bat da, zoo bateko langilea, eta amarekin bizi da oraindik kostaldeko herrixka batean. Trabatuta dago eta badirudi bizitzak ez duela sorpresarik gordeta harentzat, harik eta egun batean... buztana haziko eta bizitza errotik aldatuko zaion arte.

Babesle Ofizialak:
Laguntzaile Ofizialak:
Instituzio Kideak:
© Donostia Zinemaldia | Desarrollado por: Yo Miento Producciones

Webgune hau berezko eta kanpoko cookies-az baliatzen da, erabiltzaile gisa esperientzia hobea eskaintzeko. Informazio gehiago Onartzea