tve movistar+
Babesle
Ofizialak
65. Donostia Zinemaldia
22/30 Iraila 2017 - #65ssiff

itxi
Bete formularioa zure datuekin, erregistratutako erabiltzaileentzako edukiak ikusteko
Sakatu hemen
Ez duzu pasahitza gogoratzen? Sakatu hemen

itxi


Oraindik ez duzu posta elektronikoa balioztatu. Posta elktroniko bat bidali dizugu, ondoko esteka sakatu behar duzu kontua balioztatzeko

Hemen zaude: Lehen orrialdea > 63. Edizioa 2015  > Sailak eta filmak
Merian C. Cooper eta Ernest B. Schoedsack
63. Edizioa 2015
Filmak
Filmak
Merian C. Cooper eta Ernest B. Schoedsack
Merian C. Cooper eta Ernest B. Schoedsack
Grass; A Nation's Battle for Life
Merian C. Cooper, Ernest B. Schoedsack, Marguerite Harrison
AEB  1925
Cooper eta Schoedesack zinemagileek kameren atzean eginiko lehen lana Irango paisaia ikusgarrietan errodaturiko dokumental antropologikoaren klasiko hau izan zen. Antzinako Pertsiako Bakhtiari tribuaren eguneroko bizitza eta ganaduarentzako bazkaren bila egindako migrazioa: 50.000 pertsonak eta beren animalia taldeek hesi naturalak zeharkatu behar dituzte eta baldintza atmosfer...

Cooper eta Schoedesack zinemagileek kameren atzean eginiko lehen lana Irango paisaia ikusgarrietan errodaturiko dokumental antropologikoaren klasiko hau izan zen. Antzinako Pertsiako Bakhtiari tribuaren eguneroko bizitza eta ganaduarentzako bazkaren bila egindako migrazioa: 50.000 pertsonak eta beren animalia taldeek hesi naturalak zeharkatu behar dituzte eta baldintza atmosferiko gogorrei aurre egin animaliei jaten ematea lortzeko.

Chang: A Drama of the Wilderness
Merian C. Cooper, Ernest B. Schoedsack
AEB  1927
Cooper eta Schoedsacken bigarren zinemako abenturak Tailandiako oihanetara eraman zuen bikotea. Fikziozko elementuak dituen dokumental honetan, zuzendariek askatasun osoa emango diote agertoki exotikoengatiko beren pasioari eta beren ikuskizun-zentzuari, gizonaren eta piztiaren arteko borrokari buruzko kontakizun zirraragarri honi esker.

Cooper eta Schoedsacken bigarren zinemako abenturak Tailandiako oihanetara eraman zuen bikotea. Fikziozko elementuak dituen dokumental honetan, zuzendariek askatasun osoa emango diote agertoki exotikoengatiko beren pasioari eta beren ikuskizun-zentzuari, gizonaren eta piztiaren arteko borrokari buruzko kontakizun zirraragarri honi esker.

The Four Feathers
Merian C. Cooper , Ernest B. Schoedsack , Lothar Mendes
AEB  1929
A.E.W. Mason idazlearen eleberri kolonial ezagunaren hainbat bertsio egin dira zinemarako, baina Schoedsackek eta Cooperrek lehenengo soinudun egokitzapena egin zuten. Lagunek koldartzat duten Faversham tenienteak Sudanen bizitako abenturak aitzakia bikaina izango dira zuzendariek jatorrizko narrazioari berezko duten indarra eta dinamismoa emateko. Bikotearen filmografian ohiko...

A.E.W. Mason idazlearen eleberri kolonial ezagunaren hainbat bertsio egin dira zinemarako, baina Schoedsackek eta Cooperrek lehenengo soinudun egokitzapena egin zuten. Lagunek koldartzat duten Faversham tenienteak Sudanen bizitako abenturak aitzakia bikaina izango dira zuzendariek jatorrizko narrazioari berezko duten indarra eta dinamismoa emateko. Bikotearen filmografian ohiko lankide izandako Fay Wray aktorearekin eginiko lehenengo kolaborazioa izan zen hau.

Rango
Ernest B. Schoedsack
AEB  1931
King Kong maisulana errodatu baino bi urte lehenago Cooper eta Schoedsack bikoteak gizakien eta tximinoen arteko harremanei buruz amets egin zuen Sumatrako oihanetan giroturiko kontakizun honekin. Bokazio antropologikoa izan arren, errealitatearen behaketa hutsa egin ordez, bi zinemagileen lanean beti gailentzen da alegiarako joera.

King Kong maisulana errodatu baino bi urte lehenago Cooper eta Schoedsack bikoteak gizakien eta tximinoen arteko harremanei buruz amets egin zuen Sumatrako oihanetan giroturiko kontakizun honekin. Bokazio antropologikoa izan arren, errealitatearen behaketa hutsa egin ordez, bi zinemagileen lanean beti gailentzen da alegiarako joera.

The Most Dangerous Game
Ernest B. Schoedsack, Irving Pichel
AEB  1932
Richard Connel-en kontakizun klasiko baten egokitzapena. Film hau entsegu moduko bat izan zen Cooper eta Schoedsackentzat; hain zuzen, hurrengo urtean King Kong filmean azkendu ziren hemen baliatutako amesgaiztoko giro harrigarriak. Dekoratu beretan filmatu zituzten bi lanak. Abentura-zinemak bat egingo du ipuin gotikoarekin film anker eta basati honetan, zeinaren akzio-sekuent...

Richard Connel-en kontakizun klasiko baten egokitzapena. Film hau entsegu moduko bat izan zen Cooper eta Schoedsackentzat; hain zuzen, hurrengo urtean King Kong filmean azkendu ziren hemen baliatutako amesgaiztoko giro harrigarriak. Dekoratu beretan filmatu zituzten bi lanak. Abentura-zinemak bat egingo du ipuin gotikoarekin film anker eta basati honetan, zeinaren akzio-sekuentziek zur eta lur uzten baitute oraindik.

Blind Adventure
Ernest B. Schoedsack
AEB  1933
Cooperrek eta Schoedsackek alde batera utziko dituzte beren filmografian hain ohiko diren agertoki exotikoak detektibe-intrigen Londresera joateko. Bikotearen aktore fetitxe Robert Armstrong Londreseko lainoaren artean galdutako amerikar bat izango da oraingoan, eta Alfred Hitchcocken film batetik ateratakoa dirudien bilbe korapilatsu batean nahastuko da.

Cooperrek eta Schoedsackek alde batera utziko dituzte beren filmografian hain ohiko diren agertoki exotikoak detektibe-intrigen Londresera joateko. Bikotearen aktore fetitxe Robert Armstrong Londreseko lainoaren artean galdutako amerikar bat izango da oraingoan, eta Alfred Hitchcocken film batetik ateratakoa dirudien bilbe korapilatsu batean nahastuko da.

King Kong
Merian C. Cooper, Ernest B. Schoedsack
AEB  1933
Munstroei buruzko zinemaren historiako film ezagunena; zazpigarren artearen ikonorik iraunkorrena eman zigun izenburu mitikoa. Amodio ezinezko batengatik bere erresuma galduko duen gorila erraldoiaren historia tristea ez da mundu osoko adituek eta artistek aldarrikatzen duten Ederra eta Piztiaren mitoaren berrikuspen onirikoa bakarrik, efektu berezien, ikuskizunaren, imajinazio...

Munstroei buruzko zinemaren historiako film ezagunena; zazpigarren artearen ikonorik iraunkorrena eman zigun izenburu mitikoa. Amodio ezinezko batengatik bere erresuma galduko duen gorila erraldoiaren historia tristea ez da mundu osoko adituek eta artistek aldarrikatzen duten Ederra eta Piztiaren mitoaren berrikuspen onirikoa bakarrik, efektu berezien, ikuskizunaren, imajinazioaren eta poesia puruaren erakusketa bikaina ere bada.

The Son of Kong
Ernest B. Schoedsack
AEB  1933
King Kong filmaren arrakastak haren bigarren zatia epe oso estuan egitera behartu zituen Cooper eta Schoedsack zuzendariak, aurrekontu askoz ere murritzagoarekin, gainera. Oraingoan jakingo dugu King Kong zaharrak kume bat utzi zuela Garezur Uhartean; gorila kumea oso kutuna da, on puska bat, eta abentura-grinaren erruz berriz ere mota guztietako arazoetan sartuko den aurreko f...

King Kong filmaren arrakastak haren bigarren zatia epe oso estuan egitera behartu zituen Cooper eta Schoedsack zuzendariak, aurrekontu askoz ere murritzagoarekin, gainera. Oraingoan jakingo dugu King Kong zaharrak kume bat utzi zuela Garezur Uhartean; gorila kumea oso kutuna da, on puska bat, eta abentura-grinaren erruz berriz ere mota guztietako arazoetan sartuko den aurreko filmeko protagonistaren ezusteko aliatu bilakatuko da.

Long Lost Father
Ernest B. Schoedsack
AEB  1934
Beren ohiko interesetatik oso urrun dagoela esango genukeen komedia dramatikoaren lurraldeetan eginiko sarrera txundigarria da Cooper eta Schoedsacken lan hau. Urte luzez bananduta egon diren aita baten eta alaba baten elkartzeari buruzko kontakizun hau, berez, garaiko Hollywoodeko izar handietako baten trebezia agertzeko lan bat da. John Barrymorez ari gara.

Beren ohiko interesetatik oso urrun dagoela esango genukeen komedia dramatikoaren lurraldeetan eginiko sarrera txundigarria da Cooper eta Schoedsacken lan hau. Urte luzez bananduta egon diren aita baten eta alaba baten elkartzeari buruzko kontakizun hau, berez, garaiko Hollywoodeko izar handietako baten trebezia agertzeko lan bat da. John Barrymorez ari gara.

The Last Days of Pompeii
Ernest B. Schoedsack
AEB  1935
Bulwer Lytton-en Pompeiako azken egunak eleberria zinemaren historian gehien egokitu diren testuetako bat izan da, zinema mutuaren garaietatik. Garaiko efektu berezietako teknika onenek sumendi baten erupzioak suntsituriko hiri harroaren ikuskizun izugarri eta tragikoa ikusteko aukera emango digute.

Bulwer Lytton-en Pompeiako azken egunak eleberria zinemaren historian gehien egokitu diren testuetako bat izan da, zinema mutuaren garaietatik. Garaiko efektu berezietako teknika onenek sumendi baten erupzioak suntsituriko hiri harroaren ikuskizun izugarri eta tragikoa ikusteko aukera emango digute.

Outlaws of the Orient
Ernest B. Schoedsack
AEB  1937
Gobi basamortua izango da oraingoan Schoedsackek aukeraturiko eszenatokia film bat egiteko osagai guztiak biltzen dituen kontakizuna kokatzeko: naturaren aurka borrokatu behar duten gizon ekintzaileak, bidelapur arriskutsuak eta abenturarekiko eta arriskuarekiko maitasuna.

Gobi basamortua izango da oraingoan Schoedsackek aukeraturiko eszenatokia film bat egiteko osagai guztiak biltzen dituen kontakizuna kokatzeko: naturaren aurka borrokatu behar duten gizon ekintzaileak, bidelapur arriskutsuak eta abenturarekiko eta arriskuarekiko maitasuna.

Dr. Cyclops
Ernest B. Schoedsack
AEB  1940
Cooperrek eta Schoedsackek eraikitako fantasia irudikorrenetako bat; zientzia-fikziozko zinemako klasiko txiki bat: zientzialari ero batek miniatura bilakaturiko gizon batzuen istorioa entretenimendu bikaina izango da, eta ez dira faltako gizonaren eta ziklopearen arteko borrokaren oihartzun mitologikoak.

Cooperrek eta Schoedsackek eraikitako fantasia irudikorrenetako bat; zientzia-fikziozko zinemako klasiko txiki bat: zientzialari ero batek miniatura bilakaturiko gizon batzuen istorioa entretenimendu bikaina izango da, eta ez dira faltako gizonaren eta ziklopearen arteko borrokaren oihartzun mitologikoak.

Mighty Joe Young
Ernest B. Schoedsack
AEB  1949
Efektu berezien maisu Ray Harryhausen-en lehenengo lan honetan Cooperrek eta Schoedsackek argi utziko dute tximino erraldoiei buruzko filmengatik duten obsesioa. Oraingoan, tximinoa ez da Kong bezain erraz haserretuko, eta, ondorioz, emaitza familia-abentura xamur eta atsegina izango da, hori bai, efektu berezi ikusgarriei uko egin gabe.

Efektu berezien maisu Ray Harryhausen-en lehenengo lan honetan Cooperrek eta Schoedsackek argi utziko dute tximino erraldoiei buruzko filmengatik duten obsesioa. Oraingoan, tximinoa ez da Kong bezain erraz haserretuko, eta, ondorioz, emaitza familia-abentura xamur eta atsegina izango da, hori bai, efektu berezi ikusgarriei uko egin gabe.

This is Cinerama
Michael Todd, Michael Todd, Jr., Gunter von Fritsch, Ernest Schoedsack , Merian C. Cooper, Fred Rickey
AEB  1952
Ulertzekoa da Merian C. Cooper, zinema-ikuskizunaren maisua, zoratzen egotea Cineramarekin. Proiekzio-sistema inguratzaile horrek iraultza ekarri zuen 50eko hamarkadako erakusketa zinematografikora. Dokumental honek teknika horren aukerak aztertuko ditu mota guztietako paisaietan eta lekuetan barrena ibilita, ikuslea pantailan murgiltzeko helburuz.

Ulertzekoa da Merian C. Cooper, zinema-ikuskizunaren maisua, zoratzen egotea Cineramarekin. Proiekzio-sistema inguratzaile horrek iraultza ekarri zuen 50eko hamarkadako erakusketa zinematografikora. Dokumental honek teknika horren aukerak aztertuko ditu mota guztietako paisaietan eta lekuetan barrena ibilita, ikuslea pantailan murgiltzeko helburuz.

I'm King Kong!: The Exploits of Merian C. Cooper
Christopher Bird, Kevin Brownlow
AEB  2005
Merian C. Cooper zinemagile eta abenturazale porrokatuaren figura aldarrikatzen duen dokumentala da hau. Cooper izan zen zinemaren historiako film mitikoetako baten egile: King Kong. Alec Baldwin narratzaile duela, lan honek ibilbide zirraragarria proposatuko digu zinemagilearen nobelako biografia, haren filmak eta izaera kartsua erakusteko.

Merian C. Cooper zinemagile eta abenturazale porrokatuaren figura aldarrikatzen duen dokumentala da hau. Cooper izan zen zinemaren historiako film mitikoetako baten egile: King Kong. Alec Baldwin narratzaile duela, lan honek ibilbide zirraragarria proposatuko digu zinemagilearen nobelako biografia, haren filmak eta izaera kartsua erakusteko.

Babesle Ofizialak:
Laguntzaile Ofizialak:
Instituzio Kideak:
Donostia Zinemaldia | Desarrollado por: Yo Miento Producciones

Webgune hau berezko eta kanpoko cookies-az baliatzen da, erabiltzaile gisa esperientzia hobea eskaintzeko. Informazio gehiago Onartzea