tve movistar+
Babesle
Ofizialak
65. Donostia Zinemaldia
22/30 Iraila 2017 - #65ssiff

itxi
Bete formularioa zure datuekin, erregistratutako erabiltzaileentzako edukiak ikusteko
Sakatu hemen
Ez duzu pasahitza gogoratzen? Sakatu hemen

itxi


Oraindik ez duzu posta elektronikoa balioztatu. Posta elktroniko bat bidali dizugu, ondoko esteka sakatu behar duzu kontua balioztatzeko

Hemen zaude: Lehen orrialdea > 68. Edizioa 2020  > Sailak eta filmak
Horizontes Latinos
68. Edizioa 2020
Horizontes Latinos
Horizontes Latinos
Filmak
Filmak
Inaugurazioa (lehiaketa barruan)
El prófugo / The Intruder
Natalia Meta
Argentina - Mexiko 
Inés abeslari lirikoa da eta filmak bikoizten egiten du lan. Oporraldi zoragarri batez gozatzen ari dela, zerbait traumatikoa gertatuko zaio, eta ezingo da leheneratu. Hortik aurrera, kostatu egingo zaio lokartzea. Oso amesgaizto argiak izaten hasiko da, eta kosta egingo zaio horietatik esnatzea. Dirudienez, barnetik ateratzen zaizkion soinu bitxiak ere entzuten hasiko da. Ing...

Inés abeslari lirikoa da eta filmak bikoizten egiten du lan. Oporraldi zoragarri batez gozatzen ari dela, zerbait traumatikoa gertatuko zaio, eta ezingo da leheneratu. Hortik aurrera, kostatu egingo zaio lokartzea. Oso amesgaizto argiak izaten hasiko da, eta kosta egingo zaio horietatik esnatzea. Dirudienez, barnetik ateratzen zaizkion soinu bitxiak ere entzuten hasiko da. Inguruan bere ametsetatik datozen izakiak daudela sentitzen hasiko da Ines. Betiko geratu nahi duten izakiak.

Edición ilimitada / Unlimited Edition
Edgardo Cozarinsky, Santiago Loza, Virginia Cosin, Romina Paula
Argentina 
Aktore, zuzendari, irakasle eta antzerkigile ere badiren lau idazleren topaketa zinematografikoa. Hitzaren inguruko lanbide-ugaritasun hori da filma osatzen duten lau pasarteen elementu komuna. Lau istorio eta lau protagonista –bi gizon eta bi emakume–, idazketari, irakurketari, belaunaldi-talkari eta sormen-prozesuari buruz modu desberdinetan hausnartzen dutenak.

Aktore, zuzendari, irakasle eta antzerkigile ere badiren lau idazleren topaketa zinematografikoa. Hitzaren inguruko lanbide-ugaritasun hori da filma osatzen duten lau pasarteen elementu komuna. Lau istorio eta lau protagonista –bi gizon eta bi emakume–, idazketari, irakurketari, belaunaldi-talkari eta sormen-prozesuari buruz modu desberdinetan hausnartzen dutenak.

La Verónica
Leonardo Medel
Txile 
Verónica modeloa da, sare sozialetan oso ezaguna eta nazioarteko futbol-izar batekin ezkondua; alabaina, zorigaitza pairatzen hasiko da bere lehen alabaren hilketari (hamar urte lehenago gertatua) buruzko ikerketan susmagarri nagusia dela jakitean. Ikerketak eragingo dion presioa dela eta, bere harremana apurtzear egongo da, eta jelosia sentitzen hasiko da bere alaba jaioberri...

Verónica modeloa da, sare sozialetan oso ezaguna eta nazioarteko futbol-izar batekin ezkondua; alabaina, zorigaitza pairatzen hasiko da bere lehen alabaren hilketari (hamar urte lehenago gertatua) buruzko ikerketan susmagarri nagusia dela jakitean. Ikerketak eragingo dion presioa dela eta, bere harremana apurtzear egongo da, eta jelosia sentitzen hasiko da bere alaba jaioberri Amandagatik.

Las mil y una / One in a Thousand
Clarisa Navas
Argentina - Alemania 
Forum Europa-Latinoamerika VII. Koprodukzio Foroa
Irisek Renata –iragan bereziko neska gazte bat– ezagutu eta berehala sentituko du harengatiko erakarpena. Beldurrak gainditu eta segurtasun-faltari aurre egin beharko die bere lehen maitasuna bizitzeko. Samurtasunez beteriko istorioa, oso kontrako ingurune batean, non desioak forma asko hartzen baititu iluntasunean eta hizkimizkiek arma bihur baitaitezke.

Irisek Renata –iragan bereziko neska gazte bat– ezagutu eta berehala sentituko du harengatiko erakarpena. Beldurrak gainditu eta segurtasun-faltari aurre egin beharko die bere lehen maitasuna bizitzeko. Samurtasunez beteriko istorioa, oso kontrako ingurune batean, non desioak forma asko hartzen baititu iluntasunean eta hizkimizkiek arma bihur baitaitezke.

Mamá, mamá, mamá / Mum, Mum, Mum
Sol Berruezo Pichon-Rivière
Argentina 
Udako egun batean, neskato bat bere etxeko igerilekuan itoko da. Haurraren gorpua hor geratuko da amak aurkitzen duen arte. Beste alaba, Cleo, bakarrik utziko du amak etxean hainbat orduz. Cleoren izeba –Leoncia– iritsiko da berehala, Cleoren lehengusina Manuela eta Nerinarekin. Haur bakoitza bere mikrounibertso partikularrean murgilduta egongo da: Nerinak eskura dituen giz...

Udako egun batean, neskato bat bere etxeko igerilekuan itoko da. Haurraren gorpua hor geratuko da amak aurkitzen duen arte. Beste alaba, Cleo, bakarrik utziko du amak etxean hainbat orduz. Cleoren izeba –Leoncia– iritsiko da berehala, Cleoren lehengusina Manuela eta Nerinarekin. Haur bakoitza bere mikrounibertso partikularrean murgilduta egongo da: Nerinak eskura dituen gizon gutxiak seduzitzen saiatzen den bitartean, Manuelak ispiluan begiratuko dio bere buruari, amak erregimenean jarri duelako; Cleo ahizparen tragediak markatuta dago baina ez da gai hori adierazteko: ama giltzapetuta dago bere gelan, baita izeba ere, hura depresiotik zaintzen baitu. Horregatik, Cleo, bere lehengusinekin batera, haurtzaroko mundu femeninoan murgilduko da, heriotza bera bezain maltzurra batzuetan: inoiz musu eman ez izanari beldurra, bizitza osoan bakarrik geratzeari beldurra, hilerokoa izateari beldurra, jada bertan bizi den pertsona berarena ez den gorputz bati, heldutasunaren aldaketa atzeraezinari.

Selva trágica / Tragic Jungle
Yulene Olaizola
Mexiko - Frantzia - Kolonbia 
1920, Mexiko eta Belize arteko muga. Maien oihanaren barne-barnean, non legerik ez dagoen eta mitoak nagusi diren, Mexikoko txikle-langileen talde batek Agnes topatuko du, gazte belizetar eder eta misteriotsu bat. Agnesen presentziak tentsioa eragingo du gizonen artean, eta haien fantasia eta desioak areagotzeaz gain. Indar berrituarekin egingo diote aurre beren patuari, kontur...

1920, Mexiko eta Belize arteko muga. Maien oihanaren barne-barnean, non legerik ez dagoen eta mitoak nagusi diren, Mexikoko txikle-langileen talde batek Agnes topatuko du, gazte belizetar eder eta misteriotsu bat. Agnesen presentziak tentsioa eragingo du gizonen artean, eta haien fantasia eta desioak areagotzeaz gain. Indar berrituarekin egingo diote aurre beren patuari, konturatu gabe Xtabay esnatu dutela, oihanaren bihotzetik zelatan dagoen elezahar bat.

Sin señas particulares / Identifying Features
Fernanda Valadez
Mexiko - Espainia 
Zinema Eraikitzen 36
Magdalenak bidaia bat egingo du Estatu Batuen mugarako bidean desagertutako bere semearen bila. Egungo Mexikoko herri eta paisaia atsekabegarrien artean egingo duen ibilbide horretan Miguel ezagutuko du, Estatu Batuetatik deportatu berri dutena eta etxera bueltan doana. Hala, elkarri lagun egingo diote, Magdalena bere semearen bila, eta Miguel ama berriz ikusteko zain, biktimak...

Magdalenak bidaia bat egingo du Estatu Batuen mugarako bidean desagertutako bere semearen bila. Egungo Mexikoko herri eta paisaia atsekabegarrien artean egingo duen ibilbide horretan Miguel ezagutuko du, Estatu Batuetatik deportatu berri dutena eta etxera bueltan doana. Hala, elkarri lagun egingo diote, Magdalena bere semearen bila, eta Miguel ama berriz ikusteko zain, biktimak eta biktimarioak elkarrekin noraezean dabiltzan lurralde batean.

Todos os mortos / All the Dead Ones
Caetano Gotardo, Marco Dutra
Brasil - Frantzia 
São Paulo, Brasil, 1899, esklabotza abolitu eta urte batzuetara. Hiria ziztu bizian ari da hazten. Soares familiako hiru emakumeak, antzina lurren eta esklaboen jabeak zirenak, hirira itzuli berri dira. Azken neskamea hil zitzaienetik galduta daude eta zailtasunak izango dituzte Brasilgo aldaketetara egokitzeko. Aldi berean, Nascimento familiakoek, zeinak Soarestarren jabetzan...

São Paulo, Brasil, 1899, esklabotza abolitu eta urte batzuetara. Hiria ziztu bizian ari da hazten. Soares familiako hiru emakumeak, antzina lurren eta esklaboen jabeak zirenak, hirira itzuli berri dira. Azken neskamea hil zitzaienetik galduta daude eta zailtasunak izango dituzte Brasilgo aldaketetara egokitzeko. Aldi berean, Nascimento familiakoek, zeinak Soarestarren jabetzan langile esklaboak ziren, orain, askatu berri diren pertsona beltzentzako lekurik ez duen gizarte bati aurre egin behar diote. Brasilen iraganaren eta orainaren artean, lekuz kanpo, mundu modernoan bizirik ateratzeko borrokatzen dute guztiek.

Visión nocturna / Night Shot
Carolina Moscoso
Txile 
Santiagotik gertuko hondartza batean bortxatua izan eta zortzi urtera, zinemagile gazte batek kaleidoskopio bat muntatuko du hainbat bideo-egunkarirekin; bertan, abusuaren zauriak, berriz biktimizatzen duten prozesu judizialak eta harekin batera doan adiskidetasuna agertzen dira. Bidaia horretan galdera hau sortzen da: zer da, benetan, bortxaketa bat eta noiz amaitzen da?

Santiagotik gertuko hondartza batean bortxatua izan eta zortzi urtera, zinemagile gazte batek kaleidoskopio bat muntatuko du hainbat bideo-egunkarirekin; bertan, abusuaren zauriak, berriz biktimizatzen duten prozesu judizialak eta harekin batera doan adiskidetasuna agertzen dira. Bidaia horretan galdera hau sortzen da: zer da, benetan, bortxaketa bat eta noiz amaitzen da?

© Donostia Zinemaldia | Desarrollado por: Yo Miento Producciones

Webgune hau berezko eta kanpoko cookies-az baliatzen da, erabiltzaile gisa esperientzia hobea eskaintzeko. Informazio gehiago Onartzea