tve movistar+
Babesle
Ofizialak
65. Donostia Zinemaldia
22/30 Iraila 2017 - #65ssiff

itxi
Bete formularioa zure datuekin, erregistratutako erabiltzaileentzako edukiak ikusteko
Sakatu hemen
Ez duzu pasahitza gogoratzen? Sakatu hemen

itxi


Oraindik ez duzu posta elektronikoa balioztatu. Posta elktroniko bat bidali dizugu, ondoko esteka sakatu behar duzu kontua balioztatzeko

Hemen zaude: Lehen orrialdea > 68. Edizioa 2020  > Sailak eta filmak
Zinemira
68. Edizioa 2020
Antolatzaileak:
Babesleak:
Laguntzaileak:
Zinemira
Zinemira
Zinemira
Zinemira
Filmak
Filmak
Inaugurazioa
Nora
Lara Izagirre
Espainia - Frantzia 
Forum Europa-Latinoamerika VII. Koprodukzio Foroa
Norak 30 urte ditu, aitona argentinar Nicolasekin bizi da eta bere lagun Meriren seme-alabak zaindu ohi ditu. Herriko aldizkarian horoskopoa idazten du, baina bidaia-idazle izateko ametsa du. Aitona hil eta Dyane 6 zahar bat utziko dio hark oinordetzan. Oso gaizki gidatzen du, baina helmugarik gabeko road trip bat egitera abiatuko da Nora Euskal Herriko kostaldetik, aitonaren e...

Norak 30 urte ditu, aitona argentinar Nicolasekin bizi da eta bere lagun Meriren seme-alabak zaindu ohi ditu. Herriko aldizkarian horoskopoa idazten du, baina bidaia-idazle izateko ametsa du. Aitona hil eta Dyane 6 zahar bat utziko dio hark oinordetzan. Oso gaizki gidatzen du, baina helmugarik gabeko road trip bat egitera abiatuko da Nora Euskal Herriko kostaldetik, aitonaren errautsak amonaren ondora eramateko. Ibilbideak berehala erakutsiko dio ez dela bidaiari petoa, eta zeukan ametsak berez ez duela zerikusirik berarekin, baizik eta aitzakia hutsa zela libre izateko, hazteko, zauriak ixteko eta, lehen aldiz, bere buruari zoriontsu izateko aukera emateko.

Klausurako filma
Lobster Soup
Pepe Andreu, Rafael Molés
Espainia - Islandia - Lituania 
Goizero, Bryggjaneko otarrain-zoparako osagai ugariak prestatzen ditu Krillik. Islandiako herririk hutsaleneko kafetegi txiki-txikia da Bryggjan. Emazteak, sukaldean laguntzen badio ere, Reykjavikera itzuli nahi du samintasunez oroitzen delako hiriarekin. Alli, Krilliren anaia, arrantzale zaharrekin, Islandiako azken boxeolariarekin eta On Kixote gazteleratik islandierara itzul...

Goizero, Bryggjaneko otarrain-zoparako osagai ugariak prestatzen ditu Krillik. Islandiako herririk hutsaleneko kafetegi txiki-txikia da Bryggjan. Emazteak, sukaldean laguntzen badio ere, Reykjavikera itzuli nahi du samintasunez oroitzen delako hiriarekin. Alli, Krilliren anaia, arrantzale zaharrekin, Islandiako azken boxeolariarekin eta On Kixote gazteleratik islandierara itzuli zuen pertsonarekin eseri ohi da lokalean. Egunero topatzen dute irtenbide berri bat munduko arazo guztietarako. Hilean behin jendea Bryggjanen elkartzen da Grindavíkeko hildakoak oroitarazteko eta haien izenak esateko. Lau musikari erok jazza jotzen dute. Galdutako turista batzuk arrantza-portura iritsi eta kafetegiko giroak harrapatuko ditu. Benetako jendea, pentsatuko dute. Benetako leku bat. Mendiaren beste aldean Blue Lagoon dago, uhartearen erakarpen handia. Planeta osoko jendeak liluratuta ikusten ditu sumendiak, izotza eta Lurraren sorrera. Baina orain, mendiak, turistek eta laba-zelaiak gero eta gehiago bultzatzen dute herria itsasora.

Atarrabi et Mikelats
Eugène Green
Frantzia - Belgika 
Mari jainkosak Deabruaren esku utziko ditu bi semeak, biak aita hilkorrekoak, hark hez ditzan. Adin-nagusitasunera iristen direnean, batek, Mikelatsek, maisuarekin geratzea erabakiko du; besteak, Atarrabik, ihes egingo du. Baina Deabruak Atarrabiren itzala atxikitzea lortuko du.

Mari jainkosak Deabruaren esku utziko ditu bi semeak, biak aita hilkorrekoak, hark hez ditzan. Adin-nagusitasunera iristen direnean, batek, Mikelatsek, maisuarekin geratzea erabakiko du; besteak, Atarrabik, ihes egingo du. Baina Deabruak Atarrabiren itzala atxikitzea lortuko du.

Caminho longe
Josu Martinez, Txaber Larreategi
Espainia 
Alfonso Etxegarai ETAko militante ohiak etxera itzultzeko bideari ekingo dio, hamarkadak eman ondoren Sao Tome eta Principe uharte-estatu afrikarrean erbesteratuta, Frantzia eta Espainiak deportatu egin baitzuten 1986an. Kristiane Etxaluze adiskide nekaezinarekin egingo du bidaia.

Alfonso Etxegarai ETAko militante ohiak etxera itzultzeko bideari ekingo dio, hamarkadak eman ondoren Sao Tome eta Principe uharte-estatu afrikarrean erbesteratuta, Frantzia eta Espainiak deportatu egin baitzuten 1986an. Kristiane Etxaluze adiskide nekaezinarekin egingo du bidaia.

El Drogas
Natxo Leuza
Espainia 
Ibai bat izango balitz bezala, Enrique Villarealen dimentsio eta isurialde edo alderdi guztiak aztertzen dituen dokumental biografikoa. Giza erretratu horretan, memoria indibidualak eta kolektiboak bat egiten dute, eta gaztelaniazko Rock & Rollaren munduko musikari garrantzitsuenetako baten ibilbide historikoan eta bizi-ibilbidean sakontzen da. Istorio emozional h...

Ibai bat izango balitz bezala, Enrique Villarealen dimentsio eta isurialde edo alderdi guztiak aztertzen dituen dokumental biografikoa. Giza erretratu horretan, memoria indibidualak eta kolektiboak bat egiten dute, eta gaztelaniazko Rock & Rollaren munduko musikari garrantzitsuenetako baten ibilbide historikoan eta bizi-ibilbidean sakontzen da. Istorio emozional honetan, artista berezi honek hartu dituen aurpegi eta bide guztiak ikusi ahalko ditugu. Beste aldean dagoena ikusteko oker ibili ohi den izaki baten istorioa. Hau da Enrique Villareal "El Drogas"en istorioa.

El Estado contra Pablo Ibar / The Miramar Murders: The State vs. Pablo Ibar
Olmo Figueredo
Espainia 
1994ko uztailean, Pablo Ibar atxilotu eta hiru homizidio leporatu zizkioten Miamin. Komunitate osoaren zimenduak nahasi zituen krimena izan zen, etxeko segurtasun-kamera batek grabatu baitzuen osorik. Hasiera-hasieratik errugabea zela aldarrikatu zuen Pablok, baina heriotza-zigorra ezarri zioten eta ia 20 urte eman zituen heriotz-korridorean... Floridako Auzitegi Gorenak e...

1994ko uztailean, Pablo Ibar atxilotu eta hiru homizidio leporatu zizkioten Miamin. Komunitate osoaren zimenduak nahasi zituen krimena izan zen, etxeko segurtasun-kamera batek grabatu baitzuen osorik. Hasiera-hasieratik errugabea zela aldarrikatu zuen Pablok, baina heriotza-zigorra ezarri zioten eta ia 20 urte eman zituen heriotz-korridorean... Floridako Auzitegi Gorenak epaiketa errepikatu behar zela agindu zuen arte, Ibarren aurkako frogak falta zirelako. Halere, Fiskaltzak berriz kondenatu zuen Ibar heriotza-zigorrera, familiak milioi bat dolarretik gorako kostua izango zuen epaiketa bat ordaintzeko funtsak bilatzen zituen bitartean. Ibarren azken aukera izango da.

Hijos de Dios / God´s Children (Jainkoaren semeak)
Ekain Irigoien
Espainia 
Javier eta Romerales etxegabe beteranoek Madrilgo Operaren Plaza turistikoa inguratzen duten erlaitzetako baten azpian egiten dute lo. Bi horiekin batera, bidaia luze bati hasiera ematen dio filmak hiriburuko kale jendetsuetan zehar, non erotu gabe bizirik irauteko gaitasun handiak behar diren. Bi pertsonaia horien adiskidetasunak eta bizitza sinestezinak bizitzari, heriotzari ...

Javier eta Romerales etxegabe beteranoek Madrilgo Operaren Plaza turistikoa inguratzen duten erlaitzetako baten azpian egiten dute lo. Bi horiekin batera, bidaia luze bati hasiera ematen dio filmak hiriburuko kale jendetsuetan zehar, non erotu gabe bizirik irauteko gaitasun handiak behar diren. Bi pertsonaia horien adiskidetasunak eta bizitza sinestezinak bizitzari, heriotzari eta duintasunari kantu egiten diote film honetan.

Jo ta ke / Non-stop
Aitziber Olaskoaga
Espainia 
Ikusmira Berriak V
Filmaketa-talde batek bilaketa luze bati ekingo dio, bi nortasun nazional kontrajarriren arteko arrailak aurkitu nahian. Ezezkoekin eta isiltasunarekin erantzungo diete behin eta berriz, eta Euskal Herritik Mantxaraino egingo duten bidea markatuko du horrek. Mantxan eraiki da, hain zuzen, segurtasun maximoko lehen espetxea Espainian. Erantzunik gabeko bidaia bat, galdera bakar ...

Filmaketa-talde batek bilaketa luze bati ekingo dio, bi nortasun nazional kontrajarriren arteko arrailak aurkitu nahian. Ezezkoekin eta isiltasunarekin erantzungo diete behin eta berriz, eta Euskal Herritik Mantxaraino egingo duten bidea markatuko du horrek. Mantxan eraiki da, hain zuzen, segurtasun maximoko lehen espetxea Espainian. Erantzunik gabeko bidaia bat, galdera bakar batekin: nola irudikatu dezakegu historia irudiak ukatu egiten zaizkigunean?

Non Dago Mikel? / Where Is Mikel?
Amaia Merino, Miguel Angel Llamas
Espainia 
1985ean Mikel Zabalza nafar gaztea desagertu zeneko kontakizuna, Guardia Zibilak ETAko militante batekin nahasi eta atxilotu zutenekoa. Zabalza desagertuta egon zen 20 egun horietan, bertsio ofizialak eragindako mesfidantzak bultzatuta jokatu zuen euskal gizarteak, eta gizon gaztearen gorpua azkenean Bidasoa ibaian flotatzen agertu zenean, protesta ugari egin eta eztanda sozial...

1985ean Mikel Zabalza nafar gaztea desagertu zeneko kontakizuna, Guardia Zibilak ETAko militante batekin nahasi eta atxilotu zutenekoa. Zabalza desagertuta egon zen 20 egun horietan, bertsio ofizialak eragindako mesfidantzak bultzatuta jokatu zuen euskal gizarteak, eta gizon gaztearen gorpua azkenean Bidasoa ibaian flotatzen agertu zenean, protesta ugari egin eta eztanda sozial handiak egon ziren. Zabalza torturatuta hil zela uste zuen jendeak oro har, baina inoiz ez zuten inor ez epaitu ez zigortu. 2020ko azaroan 35 urte bete dira Zabalza hil zenetik, eta bere familiak egia jakin nahian jarraitzen du.

Talento / Talent (Talentu)
David González Rudiez
Espainia 
Jorge gerrilla-zinemako zuzendaria da, eta bere azken lana –asmo handikoa– amaitzear dago; zinema-abangoardiaren panoraman ospetsu bihurtzea espero du lan horrekin. Dirulaguntza gertagaitz baten ondorioz, bizitza hankaz gora jarriko dion proiektu zahar bat berragertuko zaio: azkenik, film bat diruarekin egitea. Hots, film komertzial bat.

Jorge gerrilla-zinemako zuzendaria da, eta bere azken lana –asmo handikoa– amaitzear dago; zinema-abangoardiaren panoraman ospetsu bihurtzea espero du lan horrekin. Dirulaguntza gertagaitz baten ondorioz, bizitza hankaz gora jarriko dion proiektu zahar bat berragertuko zaio: azkenik, film bat diruarekin egitea. Hots, film komertzial bat.

Urtzen
Telmo Esnal
Espainia 
Konfinamendu-garaian, Telmo Esnalek ahaztutako proiektu bat berreskuratu du: UR, Pablo Azkueren ipuin bat, kontzientzian eta itsasoan sakontzen duena. Urtzen zinema-entsegu berezia bat da, elkarrizketak, irudiak eta musika birziklatuz eta berrerabiliz, existentziari buruz hausnartzen duen collage bitxi bat.

Konfinamendu-garaian, Telmo Esnalek ahaztutako proiektu bat berreskuratu du: UR, Pablo Azkueren ipuin bat, kontzientzian eta itsasoan sakontzen duena. Urtzen zinema-entsegu berezia bat da, elkarrizketak, irudiak eta musika birziklatuz eta berrerabiliz, existentziari buruz hausnartzen duen collage bitxi bat.

Barbudos (Bizardunak)
Tucker Dávila Wood, Larry Mankuso
Espainia 
Zinemira Kimuak
2013ko apirila. Ameriketako Estatu Batuen enbargoa egon arren, Bob Wood Kubara itzuliko da, handik alde egin zuenetik ia 60 urte igaro direnean.

2013ko apirila. Ameriketako Estatu Batuen enbargoa egon arren, Bob Wood Kubara itzuliko da, handik alde egin zuenetik ia 60 urte igaro direnean.

Dar-dar
Paul Urkijo Alijo
Espainia 
Zinemira Kimuak
Dar-dar euskal elezahar bateko deabru bat da, atzamarrak jaten dituena. Eta honela dio: «Dar, dar, dar, zure atzamarra ekar. Eman ezean, etorriko naiz gauean eta zure arima eramango dut ordainean».

Dar-dar euskal elezahar bateko deabru bat da, atzamarrak jaten dituena. Eta honela dio: «Dar, dar, dar, zure atzamarra ekar. Eman ezean, etorriko naiz gauean eta zure arima eramango dut ordainean».

Ehiza / Hunting
Hauazkena Taldea .
Espainia 
Zinemira Kimuak
Rafael Ruiz Balerdi artista donostiarrak Homenaje a Tarzán (Tarzani omenaldia) animaziozko film laburra egin zuen 1969an, zeinak «jarraituko du» hitz enigmatikoak zeuzkan bukaeran. Haren segida da Ehiza. Balerdiren proposamen estetikoari jarraitzen dio, baina hura inspiratu zuten filmen begirada kolonialistatik urrun, oraingoan gure errealitatearen gordintasuna islatzen da: ...

Rafael Ruiz Balerdi artista donostiarrak Homenaje a Tarzán (Tarzani omenaldia) animaziozko film laburra egin zuen 1969an, zeinak «jarraituko du» hitz enigmatikoak zeuzkan bukaeran. Haren segida da Ehiza. Balerdiren proposamen estetikoari jarraitzen dio, baina hura inspiratu zuten filmen begirada kolonialistatik urrun, oraingoan gure errealitatearen gordintasuna islatzen da: jazarpena, indarkeria eta suntsiketa.

El ruido solar / Solar Noise (Eguzki-zarata)
Pablo Hernando
Espainia 
Zinemira Kimuak
Gertakari kosmiko esplikaezin baten ostean, etorkizunari buruzko irudipen labur bat izan duten pertsonei buruzko istorioen bilduma.

Gertakari kosmiko esplikaezin baten ostean, etorkizunari buruzko irudipen labur bat izan duten pertsonei buruzko istorioen bilduma.

Interior Taxi Noche / Interior Taxi Night (Barrualdea Taxia Gaua)
Iban del Campo, Silvia Rey
Espainia 
Zinemira Kimuak
Zuzendarietako baten esperientzia pertsonalean oinarritutako film hau, kamera ezkutuko Taxicab Confessions telebista-saio ospetsuari eta New York hiriari egindako omenaldi ironiko bat da.

Zuzendarietako baten esperientzia pertsonalean oinarritutako film hau, kamera ezkutuko Taxicab Confessions telebista-saio ospetsuari eta New York hiriari egindako omenaldi ironiko bat da.

Quebrantos / Breaches
Maria Elorza, Koldo Almandoz
Espainia 
Zinemira Kimuak
- Maite zenuen, ezta?- Bai. Uste dut orain dela gutxi utzi diodala maitatzeari. (Interferentziak. Isiluneak. Arrakalak. Bi emakume solasean. Irrati-grafia bat).

- Maite zenuen, ezta?

- Bai. Uste dut orain dela gutxi utzi diodala maitatzeari. 

(Interferentziak. Isiluneak. Arrakalak. Bi emakume solasean. Irrati-grafia bat).

Ya no duermo
Marina Palacio
Espainia 
Zinemira Kimuak
Ya no duermo familian egin den film bat da: Miguelek eta bere osaba Kechusek banpiroei buruzko film bat egin nahi dute. Elkarrekin zerbait sortzeko saiakera horretan, errealitatea eta fikzioa nahasten dira, eta, jolas horretan, haurraren eta helduaren artean ezartzen den harremana ikusiko dugu.

Ya no duermo familian egin den film bat da: Miguelek eta bere osaba Kechusek banpiroei buruzko film bat egin nahi dute. Elkarrekin zerbait sortzeko saiakera horretan, errealitatea eta fikzioa nahasten dira, eta, jolas horretan, haurraren eta helduaren artean ezartzen den harremana ikusiko dugu.

© Donostia Zinemaldia | Desarrollado por: Yo Miento Producciones

Webgune hau berezko eta kanpoko cookies-az baliatzen da, erabiltzaile gisa esperientzia hobea eskaintzeko. Informazio gehiago Onartzea