tve movistar+
Babesle
Ofizialak
65. Donostia Zinemaldia
22/30 Iraila 2017 - #65ssiff

itxi
Bete formularioa zure datuekin, erregistratutako erabiltzaileentzako edukiak ikusteko
Sakatu hemen
Ez duzu pasahitza gogoratzen? Sakatu hemen

itxi


Oraindik ez duzu posta elektronikoa balioztatu. Posta elktroniko bat bidali dizugu, ondoko esteka sakatu behar duzu kontua balioztatzeko

Hemen zaude: Lehen orrialdea > 44. Edizioa 1996  > Sailak eta filmak
Sail Ofiziala
44. Edizioa 1996
Filmak
Filmak
BAJO LA PIEL / Under the Skin
Francisco J. Lombardi
Espainia - Peru - Alemania 
Peruko itsasertze atlantikoan filmatua, Bajo la Pielek galdera franko jartzen ditu pantailaren gainean: Nolatan bihur daiteke pertsona "arrunta" dena kontrolpean duen gaizkile? Nolatan goi sentimentu benako batek barruan, ezkutuan daramagun piztia sortarazten du?. Donostiako Zinemaldian Caídos del cielo, La boca del lobo eta Sin compasión aurkeztu dituen Lombardi Augusto Caba...
Peruko itsasertze atlantikoan filmatua, Bajo la Pielek galdera franko jartzen ditu pantailaren gainean: Nolatan bihur daiteke pertsona "arrunta" dena kontrolpean duen gaizkile? Nolatan goi sentimentu benako batek barruan, ezkutuan daramagun piztia sortarazten du?. Donostiako Zinemaldian Caídos del cielo, La boca del lobo eta Sin compasión aurkeztu dituen Lombardi Augusto Cabada bere ohiko gidoigilearekin batera erantzunak aurkitzen saiatzen da.
BEAUTIFUL GIRLS
Ted Demme
AEB 
Lagun minak diren bost gizon emakumeak ulertu nahian. Emakumeak agerian dira dituzten amets eta afanetan. Emakumeak enbarazo ederra dira hartu beharreko erabakietan. Emakume horiek Woody Allen erotu zuen Mira Sorvino, zinemaren kondaira pisu handiko abizena duen Annabeth Gish, Martha Plimpton; El Profesionalen harritu gintuen Natalie Portman, Lauren Holly, fundamentu handiko Ro...
Lagun minak diren bost gizon emakumeak ulertu nahian. Emakumeak agerian dira dituzten amets eta afanetan. Emakumeak enbarazo ederra dira hartu beharreko erabakietan. Emakume horiek Woody Allen erotu zuen Mira Sorvino, zinemaren kondaira pisu handiko abizena duen Annabeth Gish, Martha Plimpton; El Profesionalen harritu gintuen Natalie Portman, Lauren Holly, fundamentu handiko Rosie O' Donnell eta Dietrich antzeztuko duen Uma Thurman ditugu.
Inaugurazioa (lehiaketa barruan)
BLOOD AND WINE
Bob Rafelson
Erresuma Batua 
Eskarmentu handiko aktoreak etorkizun oparoko antzezle berriekin nahasten dituen komedia beltz gazigozo honetan, bide asko urratu dituen pertsonaiak beste bati esaten dio: "Ez al dakizu mendekua dela desagertzen den azken sena?". Jack Nicholsonek ez dio esaldi horri kasu handirik egiten. Axolagabekeri horren ondorio beldurgarri eta odolstuak dira Five Easy Pieces zuzendu zuen B...
Eskarmentu handiko aktoreak etorkizun oparoko antzezle berriekin nahasten dituen komedia beltz gazigozo honetan, bide asko urratu dituen pertsonaiak beste bati esaten dio: "Ez al dakizu mendekua dela desagertzen den azken sena?". Jack Nicholsonek ez dio esaldi horri kasu handirik egiten. Axolagabekeri horren ondorio beldurgarri eta odolstuak dira Five Easy Pieces zuzendu zuen Bob Rafelsonen azken filme honetako zutabe zeluloidezkoak.
BWANA
Imanol Uribe
Espainia 
Uribek idatzia: "Bwana egungo komedia beltza da. 60ko hamarkadan Berlangak eta Ferrerik egin zituzten lanik hoberenetan du, izan behar zuen, bederen, inspirazio iturria. Gure xedea gaurko gai latz, ikaragarria den arrazakerian sakon murgiltzea da. Komediaren ezaugarriak erabiltzen ditugu hortarako. Arrazakeria baketsuari indarkeriaz baliatzen denari bezain arriskutsua deritzogu...
Uribek idatzia: "Bwana egungo komedia beltza da. 60ko hamarkadan Berlangak eta Ferrerik egin zituzten lanik hoberenetan du, izan behar zuen, bederen, inspirazio iturria. Gure xedea gaurko gai latz, ikaragarria den arrazakerian sakon murgiltzea da. Komediaren ezaugarriak erabiltzen ditugu hortarako. Arrazakeria baketsuari indarkeriaz baliatzen denari bezain arriskutsua deritzogunez sortzen duen zaurian sakondu nahi dugu, irria galdu gabe.
CAPITAINE CONAN
Bertrand Tavernier
Frantzia 
Hau ez da Tavernierrek gerrari begirada zorrotz eta kupidagabea botatzen dion estraineko aldia. Duela urte batzuk, Argeliako gudateari buruzko lau orduko gogoeta plazaratu zuen. La guerre sans nom zuen izenburua eta Capitan Conan honetan agertzen diren hainbat hausnarketa jadanik han zeuden. Conan Kapitainaren gizonek badakite euren krudeltasun argian etsaia labanaz hil behar d...
Hau ez da Tavernierrek gerrari begirada zorrotz eta kupidagabea botatzen dion estraineko aldia. Duela urte batzuk, Argeliako gudateari buruzko lau orduko gogoeta plazaratu zuen. La guerre sans nom zuen izenburua eta Capitan Conan honetan agertzen diren hainbat hausnarketa jadanik han zeuden. Conan Kapitainaren gizonek badakite euren krudeltasun argian etsaia labanaz hil behar dela eta ez kainoiez: "Eskuz hiltzen duzun gizonari begiak ikusten dizkiozu hiltzerakoan".
EL ULTIMO VIAJE DE ROBERT RYLANDS / Robert Rylands' Last Journey
Gracia Querejeta
Espainia - Erresuma Batua 
Geografia eta Historian lizentziaturik, aktore afanetan 13 urte zituelarik , Bilboko zinemaldian saritu zuten Tres en la marca sailaren zuzendaria, Goya garaikurra eskuratu zuen El Viaje del Aguaren egilea eta Una estación de paso luzemetraiaren sortzaileak Gracia Querejetak pertsonaia asko ta asko ta biragune franko dituen bere bigarren lan hau Britainia Handian filmatu zuen ...
Geografia eta Historian lizentziaturik, aktore afanetan 13 urte zituelarik , Bilboko zinemaldian saritu zuten Tres en la marca sailaren zuzendaria, Goya garaikurra eskuratu zuen El Viaje del Aguaren egilea eta Una estación de paso luzemetraiaren sortzaileak Gracia Querejetak pertsonaia asko ta asko ta biragune franko dituen bere bigarren lan hau Britainia Handian filmatu zuen Ben Cross eta Wiilliam Franklyn bezalako aktore sekulakoen laguntzaz.
ENGELCHEN / Little Angel
Helke Misselwitz
Alemania 
Ezaguna da gure artean zinema irakasle eta zine dokumentalean lana egina den Helke Misselwitz. 1992an Opera Prima saria ematen zuen Donostiako epaimahaiak bere lehendabiziko luzea zen Herzsprung lanari aipamen berezi bat eman zion. Ekialdeko Alemanian jaioa, Helke Misselwitzek Berlingo antzerki munduko aktorerik garrantzitsuenak bildu ditu Little Angel horren inguruan Andrzej p...
Ezaguna da gure artean zinema irakasle eta zine dokumentalean lana egina den Helke Misselwitz. 1992an Opera Prima saria ematen zuen Donostiako epaimahaiak bere lehendabiziko luzea zen Herzsprung lanari aipamen berezi bat eman zion. Ekialdeko Alemanian jaioa, Helke Misselwitzek Berlingo antzerki munduko aktorerik garrantzitsuenak bildu ditu Little Angel horren inguruan Andrzej pertsonaia Poloniako zinemaren izarra den Cezary Pazurak antzezten duen bitartean.
HOTEL PAURA
Renato De Maria
Italia 
Filme honen gai nagusia dena galtzeko beldurra da. Familia, lana, etxea, amodioa... bakardade osoan geratu eta dena gainditzeko behar ikaragarria. Zuzendariaren esanetan, beldur hori azken muturreraino eramatea zen apostua. Melodramaren bitartekoak erabiliz, gizon bat, emakume bat eta beste gizon eta beste emakume baten istorioa kontatzea zen berak onarturiko erronka.
Filme honen gai nagusia dena galtzeko beldurra da. Familia, lana, etxea, amodioa... bakardade osoan geratu eta dena gainditzeko behar ikaragarria. Zuzendariaren esanetan, beldur hori azken muturreraino eramatea zen apostua. Melodramaren bitartekoak erabiliz, gizon bat, emakume bat eta beste gizon eta beste emakume baten istorioa kontatzea zen berak onarturiko erronka.
KAMA SUTRA: A Tale of Love
Mira Nair
AEB - Erresuma Batua 
India, Estatu Batuak eta Britainia Handiaren arteko ekoizpen honetan, Mississippi Masala eta Cuando salí de Cuba filmeak zuzendu dituen Mira Nairrek munduko zinemaldiak erotu zituenSalaam Bombayen eskeini zizkigun hainbat irudi, sentsazio, pertsonaia mota, giro berezia berreskuratzen ditu. Mendeetako kondairak, arbasoen arrastoak eta egungo amodioak nahasten dituen lan honi bi...
India, Estatu Batuak eta Britainia Handiaren arteko ekoizpen honetan, Mississippi Masala eta Cuando salí de Cuba filmeak zuzendu dituen Mira Nairrek munduko zinemaldiak erotu zituenSalaam Bombayen eskeini zizkigun hainbat irudi, sentsazio, pertsonaia mota, giro berezia berreskuratzen ditu. Mendeetako kondairak, arbasoen arrastoak eta egungo amodioak nahasten dituen lan honi bizitzaren gusto gezamina dario.
PEDAR / Father
Majid Majidi
Iran 
Irango semea eta zinegilea dugu zineman aktore moduan hasi zen Majd Majidi. Zuzendari bezala hainbat laburmetraia burutu eta gero, hiru sari nagusi lortu zituen Baduk izeneko lehen luzemetraia egin zuen. Bere herrialdeko zinemaldietan arrakasta handia izan zuen The Last Settlement-ren egilea da Majidi. Bigarren luze hau plazara atera ahal izateko Center for Promotion of Documen...
Irango semea eta zinegilea dugu zineman aktore moduan hasi zen Majd Majidi. Zuzendari bezala hainbat laburmetraia burutu eta gero, hiru sari nagusi lortu zituen Baduk izeneko lehen luzemetraia egin zuen. Bere herrialdeko zinemaldietan arrakasta handia izan zuen The Last Settlement-ren egilea da Majidi. Bigarren luze hau plazara atera ahal izateko Center for Promotion of Documentary and Experimental Cinema delakoaren laguntza jaso du.
SOL DE OTOÑO / Autumn Sun
Eduardo Mignogna
Argentina 
Argentinan denen ahotan dagoen filmea da Sol de Otoño. 1983an Evita, quien quiera oir que oiga estrenatu zuen Eduardo Mignognaren azken lanak ikusmin handia sortu du bere herrian. Ez da harritzekoa. Benetako izarrak ditu kameraren aurrean. Norma Aleandro La historia oficialen ezagutu genuen andere primerakoa da. Federico Luppi ezinbesteko aktore bilakatu da Argentinan eta Mexi...
Argentinan denen ahotan dagoen filmea da Sol de Otoño. 1983an Evita, quien quiera oir que oiga estrenatu zuen Eduardo Mignognaren azken lanak ikusmin handia sortu du bere herrian. Ez da harritzekoa. Benetako izarrak ditu kameraren aurrean. Norma Aleandro La historia oficialen ezagutu genuen andere primerakoa da. Federico Luppi ezinbesteko aktore bilakatu da Argentinan eta Mexikon, Espainian bezala. Extasis filmean dugu Zinemaldiko Made in Spanish sailean.
TAXI
Carlos Saura
Espainia 
Carlos Saurak zorrotz, zeluloidezko ezten batez begiratzen du Madril garratz, latz, mingarria. Tabernak, kaleak, gaueko misterio krudelak korrituko ditu Pazek bere taxian. Madril garbi, "garbiegi", bat nahi duten horien gogorkeria ezagutuko du neskak. Amodio basaren gustoa ere dastatuko du urrezko errepartua duen filme honetan. Ingrid Rubio da Paz. Antártida n ezagutu genuen C...
Carlos Saurak zorrotz, zeluloidezko ezten batez begiratzen du Madril garratz, latz, mingarria. Tabernak, kaleak, gaueko misterio krudelak korrituko ditu Pazek bere taxian. Madril garbi, "garbiegi", bat nahi duten horien gogorkeria ezagutuko du neskak. Amodio basaren gustoa ere dastatuko du urrezko errepartua duen filme honetan. Ingrid Rubio da Paz. Antártida n ezagutu genuen Carlos Fuentes Alcala de Henaresn soldaduska egiten duen mutila dugu. Pantailan Agata Lys eta Eulalia Ramón ere.
THE EMPEROR'S SHADOW
Zhou Xiaowen
Hong Kong - Txina 
Egun, Txinako zinemagintzan dauden izenik ospatsuenak biltzen ditu La sombra del Emperador-ek. Lu Wei gidoigileak Chen Kaigeren Adiós a mi concubinaren gidoia idatzi zuen. Lu Gengxin argazki zuzendaria gizakion arteko harremanak ezpatak menderatzen zituen garai horietarako argi egokia lortzen saiatu da gogor. Aktoreen artean. Jiang Wenek 1994eko Venezian aurkeztu zuen bere est...
Egun, Txinako zinemagintzan dauden izenik ospatsuenak biltzen ditu La sombra del Emperador-ek. Lu Wei gidoigileak Chen Kaigeren Adiós a mi concubinaren gidoia idatzi zuen. Lu Gengxin argazki zuzendaria gizakion arteko harremanak ezpatak menderatzen zituen garai horietarako argi egokia lortzen saiatu da gogor. Aktoreen artean. Jiang Wenek 1994eko Venezian aurkeztu zuen bere estraineko filmea zuzendari eta Ge Youk Vivir-en egindako lanagatik saria irabazi zuen Cannesen.
Klausurako filma
THE FAN
Tony Scott
AEB 
Lehiaketatik kanpo
Tony Scottek thriller estilizatu honen zerbitzura sortutako irudien distirak eta ikusgarritasunak, beisbol jokalari batekin itsutu eta psikopata arriskutsu bihurtzen den zapuztutako pertsonaia baten istorioa kontatzen du Robert de Niroren antzezpen bikain batez. Kirola, erritmo bizia, irudi ederrak, antzezle apartak, sekulako soinu-banda... IKUSKIZUNA ABIAN DA!
Tony Scottek thriller estilizatu honen zerbitzura sortutako irudien distirak eta ikusgarritasunak, beisbol jokalari batekin itsutu eta psikopata arriskutsu bihurtzen den zapuztutako pertsonaia baten istorioa kontatzen du Robert de Niroren antzezpen bikain batez. Kirola, erritmo bizia, irudi ederrak, antzezle apartak, sekulako soinu-banda... IKUSKIZUNA ABIAN DA!
TIETA DO AGRESTE
Carlos Diegues
Brasil 
Herriak apaldu zuen emakumea herrira dator. Emakume baten mendekuaren kronika da Jorge Amadok idatzi zuen hau. Kontakizun epela, adimentsua darabil esku artean Adiós Brasil zuzendu zuen Carlos Dieguesek . Erotismoz blai dago filmea. Erotismoz, burlaz, erretratu finez. Ipuin bat dela diote askok. Baliteke. Zintzoetako batzuk sarituak izango dira. Norberekeriak zapuztuko ditu or...
Herriak apaldu zuen emakumea herrira dator. Emakume baten mendekuaren kronika da Jorge Amadok idatzi zuen hau. Kontakizun epela, adimentsua darabil esku artean Adiós Brasil zuzendu zuen Carlos Dieguesek . Erotismoz blai dago filmea. Erotismoz, burlaz, erretratu finez. Ipuin bat dela diote askok. Baliteke. Zintzoetako batzuk sarituak izango dira. Norberekeriak zapuztuko ditu ordea herriskako hainbat gaizto ez jaun ez jainko onartzen ez duen filme erromantiko honetan.
TROJAN EDDIE
Gillies Mackinnon
Erresuma Batua 
Irlandako zinemak badu leku pribilejiatu bat mundu osoko zinemaldietan. Trojan Eddien bizitzari gogor baina zori txarrez heltzen dioten pertsonaia izugarri batzuk daude agerian. Baita gaur egungo herrialde honen isla zehatza ere, maitasunaz baina begirada argiaz eginiko isla. Aktoreen artean ez bakarrik Richard Harris ezinutzizkoa, ez bakarrik Juego de Lágrimasen ezagutu genue...
Irlandako zinemak badu leku pribilejiatu bat mundu osoko zinemaldietan. Trojan Eddien bizitzari gogor baina zori txarrez heltzen dioten pertsonaia izugarri batzuk daude agerian. Baita gaur egungo herrialde honen isla zehatza ere, maitasunaz baina begirada argiaz eginiko isla. Aktoreen artean ez bakarrik Richard Harris ezinutzizkoa, ez bakarrik Juego de Lágrimasen ezagutu genuen Stephen Rea, Irlandak dituen antzezle zoragarrien sorta primerakoa baizik.
TU NOMBRE ENVENENA MIS SUEÑOS / Your Name Poisons My Dreams
Pilar Miró
Espainia 
Espainia zauritu batean amodioa, heriotza, mendekua, sexua, politika, batzuen eta besteen interesak nahasirik daude. Leguinarena da nobela baina Pilar Mirorekin batera Ricardo Francok idatzi du gidoia. Hamaika kantoi dituen kontakizun honetarako argi egokia aurkitu du Javier Aguirresarobek eta musika aproposa sortu du José Nietok. Aktoreen artean,El perro del hortelanon ikusik...
Espainia zauritu batean amodioa, heriotza, mendekua, sexua, politika, batzuen eta besteen interesak nahasirik daude. Leguinarena da nobela baina Pilar Mirorekin batera Ricardo Francok idatzi du gidoia. Hamaika kantoi dituen kontakizun honetarako argi egokia aurkitu du Javier Aguirresarobek eta musika aproposa sortu du José Nietok. Aktoreen artean,El perro del hortelanon ikusiko ditugun Emma Suárez eta Carmelo Gómez gehi Taxi n dagoen Angel de Andrés López eta Anabel Alonso.
TWELFTH NIGHT
Trevor Nunn
Erresuma Batua 
Shakespeare maite, errespetatu edo behar duen egilerik zaila da aurkitzen zinemaldi honetan. Altmanen Pret-à- porter-en ikusi genuen Richard E. Grantek lagundurik, La locura del rey Georgen mirestu genuen Nigel Hawthorneren konpainian, Trevor Nunnek William handiak idatzi zuen endredu eta amodiozko komediarik ederrenetarikoa jartzen du pantailan. Mozorroa jaun ta jabe den dibe...
Shakespeare maite, errespetatu edo behar duen egilerik zaila da aurkitzen zinemaldi honetan. Altmanen Pret-à- porter-en ikusi genuen Richard E. Grantek lagundurik, La locura del rey Georgen mirestu genuen Nigel Hawthorneren konpainian, Trevor Nunnek William handiak idatzi zuen endredu eta amodiozko komediarik ederrenetarikoa jartzen du pantailan. Mozorroa jaun ta jabe den dibertimendu klase goreneko honetan bi anai bizki Ylliriara iresten dira beren itsaontziak ondoa jo ta gero.
© Donostia Zinemaldia | Desarrollado por: Yo Miento Producciones

Webgune hau berezko eta kanpoko cookies-az baliatzen da, erabiltzaile gisa esperientzia hobea eskaintzeko. Informazio gehiago Onartzea