73 Donostia Zinemaldia - 2025ko irailak 19/27
73SSIFF - 2025eko irailak 19/27
Babesle
Ofizialak
Ofizialak
Media
Partner
Partner
"Z365" edo "Zinemaldia urte osoan" Zinemaldiaren apustu estrategiko berria da, non talentu berrien bilaketa, laguntza eta garapena (Ikusmira Berriak, Nest); formakuntza eta zinema-ezagutzen transmisioa (Elias Querejeta Zine Eskola, Zinemaldia + Plus, Zinemagileen elkarrizketa); eta ikerketa, dibulgazioa eta pentsamendu zinematografikoa (Z70 proiektua, Pentsamendua eta eztabaida, Ikerketa eta argitalpenak) elkartzen diren.
Deialdia Sartu NIRE ZINEMALDIRA
Bete formularioa zure datuekin, erregistratutako erabiltzaileentzako edukiak ikusteko.
Sartu zure emaila eta sakatu bidali. Esteka bat jasoko duzu, zure pasahitza berrezarri ahal izateko
Bete formularioa zure datuekin, erregistratutako erabiltzaileentzako edukiak ikusteko.
Agenda
...
Programa eta sarrerak Programazioan bilatu
Bilatu 
Frank Borzage
Filmak
Filmak
Frank Borzage
90 min.
Frederick Henry Gurutze Gorrian boluntario gisa sartu den ikasle bat da, fronte austroitaliarrera bidaltzen dutena. Aterpe batean Catherine erizaina ezagutzen du eta elkarren lagun-minak egiten dira. Gerrak bananduko ditu, baina Frederic zauritu egingo dute eta gaixondoan Catherine lanean ari den ospitalera eramaten dute. Bi maiteminduen arteko idilioa eten egingo da Frederic berriro frontera bidaltzen dutenean. Catherineri bidaltzen dizkion eskutitzek erantzunik ez dutela ikustean, Fredericek neskaren bila joateko desertatzea erabakiko du.
Frank Borzage
88 min.
Dot, gizon guztiek begiz jotzen duten modelo batek, Eddie ezagutuko du, denda bat irekitzeko dirua aurrezten ari dena. Ezkondu eta haurdun geratuko da, eta honek gaizki-ulertu batzuk sortuko ditu, besteak ez duela seme-alabarik nahi uste baitute biek. Dotek haur egiteari egundoko beldurra dio, bere ama zena hura erditzean hil baitzen. Eddiek New Yorkeko ginekologorik onenaren eskuetan egotea nahi du, baina haren prezioak izugarriak dira, eta dirua lortzeko sekulakoak asmatu beharko ditu.
Frank Borzage
80 min.
Taxi-gidari newyordarrak bi taldetan banaturik daude: independenteak eta Comet Cab Companyko afiliatuak. Joe Benton independentea Annarekin ezkonduta dago, hiru urte lehenago EEBBetara Paul anaiarekin iritsitako errumaniar emakumea. La Cometek independenteak erasotzeko Beecher gaizkilearen gizonak bereganatuko ditu. Beecherrek Annak bere anaiari bidali dion kaxa batean lehergailu bat jartzen du. Eztandak Paul hil eta tokia suntsituko du, alkateak, orduan, haurdun dagoen neska gaztearen aberriratzea aginduko du.
Frank Borzage
88 min.
Cliff Brandon abiadorea India eta Txinaren arteko hornitze lanetan aritzen da. Txinatar zahar batek bere alaba militar amerikarren bati saldu nahi dio. Taberna batetik mozkor-mozkor eginda atera den Brandonek agureari besterik gabe dolar-sorta bat eman dio, ezustean Shu-Jen (?Bitxi Ederra?) erosi duela jakin gabe. Bere lehen burutazioa neska bere aitarengana itzularaztea da, baina misiolari batek horrek familia mixeria gorrian utziko lukeela jakinarazten dio. Shu-Jenek soldaduaren gelaska ziztrina txukundu eta apaintzen du, eta azkenerako ezkondu ere egingo dira, baina gerrak banandu egingo ditu.
Frank Borzage
78 min.
Bere pasio bakarrean murgiltzeko, pinturan, gurasoen etxetik alde egin duen Julianek Edith topatzen du jatetxe batean, gaztaroko bere maiteetako bat. Ezkondu eta alaba bat izaten dute, eta Julian bakarrik joango da Parisera pintore gisa hobetzera. Itzultzen denean, gizon zeharo ezberdina izango da. Edithi amodioa itzali zaiola aitortzen dio eta neska ezkongai aberats baten etxean kokatuko da bere alabarekin batera. Lorategian jolasean ari den bitartean, zuhaitz baten adarrak alaba azpian harrapatu eta zauritzen du, Julianek, orduan, ezkutuan bixitatuko du ospitalean.
Frank Borzage
99 min.
Madeleinek Parisen perla-iduneko apart bat ostu du eta bere deskapotagarrian Espainiara egiten du ihes. Tom amerikarra ezagutzen du, eta lapurtutako bitxia haren jakan ezkutatuz, muga zeharkatzeko erabiltzen du. Donostian elkartzen dira berriz, non Madeleinek bere burua kondesatzat aurkeztuko duen eta Carlos bere konplizea, errusiar printzetzat. Donostian egindako egonaldian, eta geroxeago, Aranjuezen, lapurrak idunekoa berreskuratzen saiatzen dira, Tom Madeleinez maitemintzen den bitartean.
Frank Borzage
90 min.
Beavenek medikuntza ikasten du bere ikasleak gogor tratatzen dituen eta mundu mailan ospetsu den Forster zirujauarekin. Bereziki Beavenekin anker jokatzen du, baina honek ikasketak bukatzen dituenean, laguntzaile gisa aukeratzen du. Egun batez, Beavenek Audrey txinatar jatorriko umezurtzari ebakuntza egin beharko dio, eta harekin maitemintzen da. Forsterrek Beavenekin ezkon ez dadin limurtzen du Audrey, ezkontza horrek bere lan zientifikoa oztopatu baitezake. Neska gazteak gerran murgilduta dagoen Txinara aldegiten du, eta hori jakitean, Beaven haren bila abiatuko da.
Frank Borzage
85 min.
Endicott profesoreak kirofanoan izaten duen hutsegite baten ondorioz, Dexter andrea hil egiten da, eta orduan, Paige bere laguntzaileak errua bere gain hartu eta bere karrera hasberriari uko egiten dio, Phyllisek, biktimaren alabak, ikerketa bat eskatzen baitu, eta Paige kaleratu egiten dute. Meningitisaren aurkako txerto baten bila dabilen Stafford bakteriologoarekin harremanetan jartzen da orduan. Paigek txertoa inokulatzen du bere efektua probatzeko. Phyllisek Frances erizainaren bitartez egia jakitean, Paige bizirik atera dadin sutsuki desiratuko du.
Frank Borzage
93 min.
Ann, Indianako neska bat, New Yorkera heltzen da Charles Gerard konpositore ospetsuarekin entzunaldi bat lortu eta honela, abeslari moduan lanean hasteko asmoz. Martin bere anaia-erdiak lagun diezaion espero du, hura aberatsa delakoan baitago, sekulako apartamentu batean bizi baita; egia esan, Gerarden maiordomo pribilegiatua baino ez da bera. Eta maiordomo honen zereginetako bat konpositoreari hurbilzen zaizkion neska gaztetxoak uxatzea da, hain zuzen ere.
Frank Borzage
97 min.
Irenek milioiak dituen Bruce Vail bere senarrarengandik ihes egiten du, zelo gaixotiak dituen gizonarengandik. Epaileen erabakiaren zain dagoen bitartean, Irene Parisen biziko da, non Vailek amarru gaizto bat asmatuko duen bere emazteari dibortzioaren aukerak murrizteko: Michael bere txoferra erosiko du, gau batez emakumearen logelan harrapa ditzaten. Baina haren asmotan Paul gurutzatuko da, ondoko apartamentuan dagoen gizona: Ireneren garraisia entzun orduko, haren laguntzan aterako dena.
Frank Borzage
76 min.
XIX. mende bukaeran etorkin judutarrak New Yorkeko Lower East Side aldean pilatzen dira. Kantor ama bere seme-alaba ugariak aurrera ateratzen ahalegintzen da. Bere semeetako batek, Leonek, musikari izan nahi du eta Abraham aitak, gogoz kontra baina, biolin bat erosiko dio. Leon biolina jotzen birtuosoa bihurtuko da eta arrakasta lortuko du; baina orduan Europan gerra hasiko da eta gazteak armadan sartzea erabakiko du. Besoko zauri baten ondorioz, ezingo du biolina sekula gehiago jo.
Frank Borzage
117 min.
Philadelphia, 1925. Goronoff pianojole ospetsua beka baterako lehiatzen ari diren gazte interpretatzaile batzuei entzuten aspertuta dago. Myra, Vienako Hassman bere lagun zaharraren alaba, besteen artetik gailentzen da bere talentu eta suhartasunagatik. Lau astez maisuak emango dizkion lekzio trinkoen ondoren, Myra pianoa jotzen birtuosoa bihurtuko da eta maiteminduetan, otzanena. Bira arrakastatsu batean abiatzen dira, baina Goronoffek ez du Myra bere parekotzat hartzen, bere kreaziotzat baizik.
Frank Borzage
78 min.
Steve nagi hutsa da, hori dela eta ?Lazybones? (?Alferra?) esaten diote. Agnes gorteiatuko du, haren ama Fanning andrearen atsekaberako, zeinak dagoeneko erabaki duen beste alaba, Ruth, Elmer Ballister aberatsarekin ezkontzea, eta horretarako barneratuta dagoen ikastetxetik itzultzeko aginduko dio. Ruthek alaba bat izan du itsasoan desagertutako marinel batekin, horregatik bere buruaz beste egiten saiatu da. Stevek salbatu egiten du eta Ruthek alabaren zaintzea haren esku utziko du. Stevek neskatila ongi hezi eta sekretua gordetzen jakingo du, honek Agnesekin haustea ekarriko dion arren.
Frank Borzage
90 min.
Liliom, emakumeak liluratzen dituen feria bateko berritsu seduzitzaileak, Budapesteko Luna parkeko zaldiko-maldiko batean duen lana galtzen du Julie limurtu nahian ibiltzeagatik, bere egun librean parkera gerturatu den neskamea berau. Maitale bihurtzen dira eta Julie haurdun geldituko da. Liliomek lapurreta batean parte hartzea erabakitzen du, bere familia mantentzeko dirua behar duelako. Kolpeak huts egiten du ordea, eta Liliomek bere burua sastatzen du desohorea saihestearren. Haratagora eramango duen tren arraro eta mamu-itxurako bat agertuko zaio orduan.
Frank Borzage
90 min.
Istoria Alemanian, Weimarren Errepublikaren azken aldian gertatzen da, langabetuen kopurua sei milioira iritsi zen garaian. Hans lanetik kaleratuko dute negozioaren jabe Kleinholtz higuingarriaren alaba Marieren maitasunezko eskakizunei uko egin dielako. Ordura arte, Hansek isilean gorde zuen Lämmchen xarmangarriarekin ezkonduta zegoela. Hansek eta Lämmchenek Berlinera aldatzea beste erremediorik ez dute, non Hansen ugazamak lana eta ostatua emango diela agindu dien.
Frank Borzage
80 min.
Milioi asko dituen Terry Parkerrek bere abioneta pribatuarekin istripua izan du. Bizirik ateratzen da, baina ezbeharrean gurasoak eta arreba hilko zaizkio. Une horretatik aurrera, Terry etsita biziko da, eta hegan egiterakoan behar baino gehiago arriskatuko da. Gibraltar bere lagunak hura laguntzearren, Amy gazte dotorea aurkezten dio. Bat-batean maitemindu, eta ezkondu egingo dira, baina Terry ez da gauza bizimodu berrira moldatzeko eta Amyk bere harremana salbatzen saiatuko beharko du, Gibraltar leialaren laguntzaz.
Frank Borzage
105 min.
Mary nekazari txiro eta narratsak, Martyn Wrenn, elektrizitate lineak jartzen ari den taldeko langile-burua, eta honentzat lan egiten duen Tim Osborne ezagutuko ditu. Biak gerrara doaz eta Tim gurpil-ahulki batean itzuliko da. Mary Timen etxera joaten hasiko da eta honek garbitu eta apaindu dadin konbentzituko du. Timek goitik behera aldatu eta andereino apaina bihurtuko du Mary, baina kondekorazioak jasotako Wrenn sarjentua izango da itxura aldaketa honetaz baliatzen saiatuko dena.
Frank Borzage
75 min.
Billek, frac batez eta kapelu luzez jantzirik, usoei jaten ematen die Central Parken. Trina gazteak goseti begiratzen die, bi egun baitaramatza deusik jan gabe. Billek jatetxe dotore batera gonbidatuko du, baina ordaintzeko orduan berak ere dirurik ez duela aitortuko du, iskanbila sortzeko mehatxuaz estualditik irtengo den arlote lotsagabe abt besterik ez baita. Billek etxerik gabekoen kanpamendura eramango du Trina, Brooklyngo zubitik gertu eta bertan etxe baten antzeko zerbait martxan jarriko dute.
Frank Borzage
94 min.
Jessie Manhattango auzo txiroan bizi da eta fabrika batean lan eginez ateratzen duen soldatari esker nekez bizirik dirau bere familiak. Eddie, auzoko buruharroa, bere irtenbidea izan daitekeela uste du, eta berarekin ezkon dadin erregutuko dio. Jessiek eta Eddiek euren ezkontza ospatzen ari diren jatetxean Hennessey topatuko dute, jatorri apaletik abiatuta, ekinaren ekinez ontzi-armadore garrantzitsua izatera iritsi dena. Jessiek Hennesseyren interesa piztu duela ikustean, Eddiek hari iruzur egiteko plan bat asmatuko du.
Frank Borzage
90 min.
Dannyren aita urkatu egin zuten eta gainerako haurrek, bereziki Jerryk, gertakizun hura gogoraraziz etengabe nahigabetzen dute. Hazten direnean, Danny eta Jerryren arteko norgehiagokak bertan dirau. Biek gorteiatzen duten neskarengatik, Gillyrengatik, borrokatzen dira eta Dannyk Jerry bidezko defentsan hiltzen du eta basoan froga konprometigarri bat galtzen du, bere labana. Dannyk Gillyri bere maitasuna agertzen dio, baina Jerryren gorpua eta labana noiz aurkituko dituzten, eta bere aita bezalaxe, urkatuta, bukatuko ote duen beldurrez bizi da.
Frank Borzage
78 min.
Ikaslez osatutako aurkako bi laguntalde gerrara jolasten dira Budapesten, orube baten jabegoa eskuratzeko lehian. Ikasle onak dira nagusien keinuak, hitzak eta disziplina imitatuz haiek berdindu nahi dituztenak. Pál kaleko mutilak Boka ?kapitainak? agintzen ditu eta Feri Átsek zuzentzen dituen Alkandora Gorrien aurka borrokatzen dira. Bokaren erregimenduan denak ?ofizialak? dira; ?soldadu xehe? bakarra Nemecsek da, igoarazi dezaten edozein balentria egiteko prest dagoen mutiko ahula.
Frank Borzage
26 min.
Hal, negozio-gizon aberats baten semea, Mendebaldera doa aitak desjaraunsten duenean. Trenetik Silverstown herrian jaisten da eta bertan Nugget (Urrezko Pipita) Jim meatzari mozkortia ezagutuko du, tarbena-zulo baten lan egiten duen Madge izeneko alaba bat duena. Madge handik atera eta Jim lan egitera behartuko du Halek, pixkanaka familia antzeko bat osatuz. Orduan, Halek aitaren eskutitz bat jasoko du barkatu diola esanez eta itzul dadin eskatuz.
Frank Borzage
90 min.
Londresko etxean, laurogei urte beteak dituen lady Carlton larri dagoen bere senarra zaintzen ari da. Agureak ?Sekretuak? izeneko barne-barneko egunkari bat berrirakurtzen du, 18 urte zituela, John Carlton, bere aitaren idazkariarekin ezkutuan harremanetan hasi zenetik, bere bizitza osoa bertan idatzirik daukalarik. Bikoteak gora-behera ugari izan zituen: Wyomingen arrantxo-jabe gisa egindako lan gogorra, seme baten heriotza, Londresera itzuli zirenean senarraren fideltasunik eza... baina halere, bukaera arte elkartuta iristea lortu dute.
Frank Borzage
85 min.
Mary eta Johnen ezkontzak hainbat gora-beheren aurrean irautea lortu du azken hamarkadatan: Maryren familiaren aurkaritza, Mendebaldeko bizimoduaren zailtasuna, Johnen fideltasunik eza enpresari eta politikari arrakastatsu bihurtzen denean... Orain, hirurogeita hamar urteak beteak izan arren, lehenengo egunean bezain maiteminduta dagoen bikoteak, berriz ere Kaliforniarako bidea hartzea erabakiko du, euren seme-alaben harridurarako.
Frank Borzage
98 min.
New Yorkeko kazetari batek, Henryk, holandarren ondorengoen herriska batean tulipanen festari buruzko erreportaje bat burutzen du. Van Maaster dibertigarriak eta bere zazpi alaba ederrek zuzentzen duten hotelean gelditzen da. Regina zaharrenak ezik, beste alaba guztiek gizonezkoen izen eta arropak dituzte, gurasoek semeak nahi baitzituzten. Henry kazetaria bigarren alabak, Billiek, txunditu du, baina familiako ohituraren arabera, zaharrena ezkondu arte, beste sei ahizpek itxaron egin beharko dute.
Frank Borzage
120 min.
Chicok Parisko estolderietan egiten du lan. Polizia Diane umezurtz lapurteroa atxilotzera doanean, Chicok salbatu egingo du bere emaztea dela esanaz. Jendarmeek hori egia den egiaztatuko dutela ohartarazten diote, beraz, Diane Chicoren ganbaran kokatuko da ikerketa-lanek dirauten bitartean. Bion artean maitasuna piztuko da, baina gerrak eztanda egin berri duenez, Chicok bere erregimendura joan beharko du, goizero, hamaikak puntu-puntuan Dianez oroituko dela promes ostean.
Frank Borzage
100 min.
Sir John aristokrata zaharrak Kathleen, hildako bere emaztearen iloba, bere etxean gogoz txarrez hartzen du. Sir John etxean sartuta bizi da aspalditik, Moonyean, bere emazte eta maite bakarraren mamuarekin berriketan, zeina eztei-eguneko zeremonian aurkari jeloskor batek hil zuen. Urteen joan-etorrian, Sir Johnek alabatzat hartu duen neskatxak Moonyeanen antza duela ikusiko du pozik. Arratsalde batez ordea, Kenneth, hiltzailearen semeak, Kathleen ezagutu eta harekin maiteminduko da, Sir Johnen erabat aurka izan arren.
Frank Borzage
85 min.
Aspaldi Sean O'Carolan tenoreak nazioarte mailako ospeari uko egin zion maite zuen emakumea, Mary, bere izebak gizon aberats batekin ezkontarazi zuenean. Dirudunak Mary abandonatuko du ordea, eta orain pobreziak Mary eta bere bi seme-alabak, Eileen nerabea eta Tad txikia, herrira itzultzera behartzen ditu, eta agure tiranikoaren abegi ona onartzera. Bahituta sentitzen denez, Maryk bizitzeko gogoa galtzen du. Zoritxarreko gizaki hauei laguntzeko Seanek bere bakarlekutik atera eta bira arrakastatsu bati ekingo dio.
Frank Borzage
113 min.
Urruneko uharte tropikal bateko espetxe batean preso dago Verne. Kaian lan egitera bidaltzen dute eta bertan Julie prostituta marseillarra ezagutzen du. Harekin egoteko nola edo hala moldatzen da; presoen ilaran bere tokia ezezagun misteriotsu batek hartzen du, Cambreauk. Vernek ihesaldi bat prestatzen ari direla jakiten du, eta Cambreau eta biak talde horrekin bat egiten dute. Askatasunera eramango dituen itsasuntzirako bidean, Vernek Julie erreskatatu eta harekin eramaten du. Belauntzia egun pare batez haizerik gabe, barealdian egoten da, eta eguzki bihozgabeak iheslariak kixkaltzen ditu.
Frank Borzage
117 min.
Angelak gaixo dagoen bere amarentzat botika garesti bat behar du. Prostituzioan saiatuko da, eta urtebeteko kartzela zigorra ezarriko diote. Ihes egiten du ordea, eta zirku batean babestuko da. Gino pintore ibiltaria ezagutuko du orduan, Angelaren erretratu eder bat marraztuko duena. Maitemindu egingo dira biak, baina poliziak Angelaren arrastoa aurkituko du, atxilotuta eramango dute eta Gino etsita geratuko da, ezagutu zuenean emakume garbi eta tolesgabea iruditu zitzaiona ez delako berak uste bezalakoa.
Frank Borzage
149 min.
Fara printzesa arabiarrak familia noble batekoa zen Arnon bere ama hiltzean, erdi-judutarra dela jakiten du, bere aita Herodes Antipas baita. Herodesek Arnon abandonatu zuen eta Farak iraina despotaren heriotzaz mendekatuko duela zin egin du. Horretarako, Galilearantz abiatu da, eta Simon arrantzalearen etxean babesa aurkitu du, zeina haserre dagoen oso ?bere tripulazioa irakaspenekin perbertitu duen nazareno horrekin? (Joan, Santiago eta Andres). Fara nazarenoaren predikuetako batera hurreratuko da, eta etsaiak maitatu beharraren aginduak artegatu egingo du.
Frank Borzage
75 min.
Gracek bi ezkongai ditu, Tom eta Dick. Tomek, adeitsuagoa izaki, bere maitearen gurasoekin kartetan jokatzen duen bitartean, Dick beti limurkeriatan dabil. Azkenean, neskarekin Tom ezkonduko da. Arazoak berehala pilatuko zaizkio ordea, bizi-maila apaleko bikote gazte honi. Kontratu bat ixteko, negozio-gizon bat afaltzera gonbidatuko dute, baina gaua desastre hutsa izango da. Grace ostera bere amaren etxera itzuliko da, baina Tomek amestutako kontratua lortzean arazoak konponduko zaizkie.
Frank Borzage
80 min.
Polly Pearl andere ingelesak, Marseilako portuko kafetegi bateko arduradunak, marinel mozkorren irainak jasan behar izaten ditu sarritan; hala ere garai hobeak ezagutu zituen. Seme bat eman zion aristokrata batekin ezkonduta egon zen, baina hark engainatzen zuela konturatzean, ezkontzak porrot egin zuen. Marseilako putetxetan jardutea beste erremediorik ez zuen izan orduan, eta semea artzain anglikar baten kargura utzi zuen. Polly azkenean semearekin elkartuko da, egoera tragiko batean ordea.
Frank Borzage
100 min.
1933an, Bavariako hiri txiki batean, judutar jatorrizko Roth irakaslearen familia honen urtebetetzea ospatzeko bildu da. Festako pozaren erdian, neskameak Hitler kantzelari izendatu dutela iragarri du. Otto, Erich eta Rudik, familiako hiru gizonezkoak poztu egin dira, Freya alaba eta gurasoak, berriz, kezkatu. Freyaren bi ezkongaiak, Martin eta Fritzek, ere jarrera kontrajarriak izaten dituzte. Freya da Fritzen emaztegaia, baina nazi hutsa dela ikustean utzi egingo du.
Frank Borzage
20 min.
Rocky apustuzale amorratuak, Kentuck jokalari profesional batekin poker partida bat jokatzen du. Rocky irabazten doa eta bere arerioari azken aukera ematen dio: doble edo ezerrez, dirua neskaren aurka jokatuz. Neska Nan da, Kentucken amorantea; Rockyk irabazi eta neskarekin geratzen da. Bi cowboyren arteko errebolberren duelua ezinbestekoa da.
Frank Borzage
49 min.
Marsdon, Mendi Arrokatsutako energia hidrauliko planta bateko nagusia, bere maitalea, Rosalee misteriotsua, desio zuen injineru bat hiltzeagatik atxilotu dute. Marsdonek Rosaleeri bere belea ematen dio: hegaztiak neskaren fideltasuna zelatatuko duelakoan. Ibaian gora iristen da Allen John bertara, hirirako trena hartzeko asmoz, baina trena galdu egiten du eta ez dago besterik udaberrira arte. Negua aurrera doan heinean, Allen John eta Rosaleeren arteko pasioa areagotuz doa belearen begirada zorrozpean.
Frank Borzage
75 min.
New Yorken dantzari gisa daraman bizimoduaz akiturik, Olivia mendebal-erdiko lur-jabea den Henryren eskaerei amore eman eta benetako maitasunik gabe ezkondu da. Judy, David bere koinatuaren emazteak, Oliviari abegi ona egin dio; klaneko arreba zaharrenak, ordea, Hannahk, ez du begi onez ikusi. Davidek Oliviarekiko interesa erakusten duela ohartzen da Hannah, eta beraz, Judy ere iritsi berriaren aurka jartzen saiatuko da.
Frank Borzage
101 min.
Van Horn kapitain holandarraren itsasuntzia hondoratu egin da Cartagena de Indiasko kostaldean. Bizirik atera direnak kartzeleratu ditzaten agintzen du On Alvarado erregeorde espainolak. Van Hornek ihes egingo du, "Barrakuda" ezizenez pirata bihurtuko da eta Francisca erregeordearen alaba, On Alvaradoren andregaia dena bahituko du. Errepresalien beldur, "Piraten Kontseiluak" Francisca On Alvaradoren eskuetara itzuliko du, baina Francisca jadanik pirataz maitemindu da, eta hau neska erreskatatzera joango da.
Frank Borzage
96 min.
Pike Peters, Oklahomako mekanikari lasai batek, petrolioa aurkitzen du bere lursailean. Dolarrak burura igotzen zaizkio bere emazteari, eta familia kulturan janzteko Pariserako kultur bidaia egitea erabakiko du, Pikek gogo handirik gabe onartuko duena. Noblezia-tituluen gosez, Peters andreak markes ezkonsari-ehiztari baten besoetara bultzatuko du bere alaba Opal. Claudine, Pigalleko gau-klub bateko abeslari baten laguntzaz, Pikek bere emaztea lehenbailen Estatu Batuetara itzultzeko konbentzitu nahi du.
Frank Borzage
100 min.
Erich, Otto eta Gottfried lehen gerraosteko Alemanian automobil-mekanikari gisa aurrera atera nahian dabiltzan hiru armakide dira. Erich Patez maiteminduko da, tuberkulosiak jotako eta bere gaixotasuna mutilari aitortzen ausartzen ez den neska gazteaz. Ottok neskaren sekretua ezagutzen duenez, ezkon daitezen animatuko ditu. Sasoi hartan, indarkeria politikoa kaleetara hedatu da eta segadako tiratzaile batek Gottfield hilko du. Erich eta Otto hiltzailearen bila hasiko dira, euren adiskidea mendekatzearren. Bien bitartean, Paten osasunak okerrera egingo du.
Frank Borzage
88 min.
Frantzia okupatuan naziengandik ihesi dabiltzan hiru gizon komentu batean babestuko dira. Horietako batek, estatubatuar pilotu batek, Normandiako inbasioa prestatzeko garrantzitsua den informazioa du. Krupp maiorraren soldaduek mojen ama nagusia hiltzen dute eta Clothilde izeneko nobizia batek iheslariei laguntzea erabakitzen du. Bere emaztearena eginaz abiadoreari lagundu behar zion emakumea atxilotu dutenez, Clothildek arropa zibilez jantzi eta haren tokia hartuko du.
Frank Borzage
60 min.
Kanadako zelaietan barrena Kirby zaldiz doa bere arrantxora. Bidean gizon batzurekin liskar bat dauka eta horietako bat hiltzen du. Selwyn, zaldizko polizia gazte bat atzetik doakiola, azkenik etxera iritsi eta euren semea erditzerakoan emaztea hil zaiola jakingo du. Selwyinegandik ihes egitea lortzen du indiar batzuren laguntzaz, eta urtero egun berean semea ikustera itzuliko dela zin egingo du ?harrapatzen nauten arte? (?until they get me?).
Babesle Ofizialak:
Media Partner: 
Laguntzaile Ofizialak: 
Instituzio Kideak:
© Donostia Zinemaldia
|
Jendaurreko ordutegia.
Astelehenetik ostiralera: 09:00 - 15:30
Astelehenetik ostiralera: 09:00 - 15:30
Harpidetu zaitez buletinak jasotzeko
Formulario hau betez ematen dizkiguzun datu pertsonalak Donostia Zinemaldiak –webgune honen arduradun gisa– tratatuko dituela jakinarazten dizugu. Eskatzen dizkizugun datu pertsonalak jasotzearen eta tratatzearen helburua gure albiste-buletina bidaltzea da. Interesdunaren baimenaren bidez legitimatzen da. Donostia Zinemaldiak bakarrik bidaliko dizkizu mezuak eta zure datuak ez dizkiegu hirugarrenei emango. Ematen dizkiguzun datuak EBn dauden Mailrelayren (marketinerako posta elektronikoko hornitzailea) zerbitzarietan kokatuta egongo direla jakinarazten dizugu. Ikusi Mailrelayren pribatutasun-politika. Formularioan nahitaezko gisa agertzen diren datuak jartzen ez badituzu, baliteke zure eskaerari erantzun ahal ez izatea. Datuak eskuratu, zuzendu, mugatu eta ezabatzeko eskubideak gauzatzeko, hona jo dezakezu: privacidad@sansebastianfestival.com. Datuen babesari buruzko informazio gehigarria eta xehatua gure pribatutasun-politikan kontsulta dezakezu.