Donostia Zinemaldia ::

Philippe Garrel

Frantzia

Pascal eta Christiane, bi nerabe, etxetik alde egin, automobil bat lapurtu eta hiriko aldirietako etxetzar bateraino heldu dira. Beren jolasak eta bakoitzak bere familian dituen arazoei buruzko hizketaldiak, beraien inguruko pertsonei egindako elkarrizketekin aldizkatzen dira, iheslari bien jarrera ulertzeko ahaleginean.

Droit de visite

Philippe Garrel

Frantzia

Ume bat bere amarekin bizi da, baina asteburu guztiak aitarekin eta honen oraingo amorantearekin igarotzen ditu, hura baino askoz gazteagoa den emakume batekin.

Marie pour mémoire

Philippe Garrel

Frantzia

Bi bikote gaztek euren oheetan bakarrizketan dihardute, elkarri begiratu gabe, elkarri aditu gabe, grinarik gabeko hitzak errezitatuz, ia mekanikoki. Metafisikotik soziologikora, aipu filosofikotik bakardadeari buruzko gogoetara, egoera surreal eta loturarik gabeko adierazpenen bidez pertsonaien desilusioa eta zalantzak iragazten dira.

Le révélateur

Philippe Garrel

Frantzia

Bikote bat euren semearekin errepide, baso eta zelaietan barrena doa, itzal artegagarriz inguratuta. Batzuetan gogo gabe ibiltzen dira, batak besteari eutsiz, umeaz txandaka arduratuz, eta edonon gelditzen dira atseden hartzeko. Beste bikote batzuk mehatxu ikusezin batengandik etsi-etsian ihesi doaz.

Le lit de la vierge

Philippe Garrel

Frantzia

Ama Birjinak Jesus heldu bat erditu du, hasiera-hasieratik Lurrean gogoz kontra dagoena eta bere kexei jaramon egin diezaien bere Aitari deiadar egiten diona. Asto baten gainean, Jesusek uste sendorik gabe ekin dio bere bideari, eta megafono batez baliatuta, bere mezua zabaltzen ahaleginduko da entzun ere egin nahi ez dion etsai-mundu batean.

La cicatrice intérieure

Philippe Garrel

Frantzia

Bikote bat basamortuan barrena dabil. Dirudienez neskak mutilari botatzen dio bere egoeraren errua eta arnasa hartu ezinik dagoela oihukatzen du. Hark entzungor egiten dio. Mutiko bat suzko zirkulu baten barruan gelditu den zaldizko bati so geratu zaio. Bilutsik dagoen arkulari bat bere ontzian hondatza batera heldu eta lurraldea esploratzen du. Bertan emakume bat eta ume bat t...

Bikote bat basamortuan barrena dabil. Dirudienez neskak mutilari botatzen dio bere egoeraren errua eta arnasa hartu ezinik dagoela oihukatzen du. Hark entzungor egiten dio. Mutiko bat suzko zirkulu baten barruan gelditu den zaldizko bati so geratu zaio. Bilutsik dagoen arkulari bat bere ontzian hondatza batera heldu eta lurraldea esploratzen du. Bertan emakume bat eta ume bat topatuko ditu paraje izoztu baten erdian.

Les hautes solitudes

Philippe Garrel

Frantzia

Hiru emakumeren aurpegiaren sakontasunera murgilaldia, ikuslearentzat beti ikusezinak diren estimuluei keinu bidez erantzuten dieten bitartean. Hauek barnetik sortuak, gogoeta nahiz emozioek piztutakoak, edo kanpokoak, enkoadraketaren kanpotik datozenak direla ere. Garrelek zorrotz erretratatu dituen hiru emakumezko aktoreen begietan tristezia, mina, amorrua, atsekabea, beldurr...

Hiru emakumeren aurpegiaren sakontasunera murgilaldia, ikuslearentzat beti ikusezinak diren estimuluei keinu bidez erantzuten dieten bitartean. Hauek barnetik sortuak, gogoeta nahiz emozioek piztutakoak, edo kanpokoak, enkoadraketaren kanpotik datozenak direla ere. Garrelek zorrotz erretratatu dituen hiru emakumezko aktoreen begietan tristezia, mina, amorrua, atsekabea, beldurra, etsipena eta malenkonia ageri dira.

Le berceau de cristal

Philippe Garrel

Frantzia

Ilunkara dagoen gela batean, ohe gainean, beltzez jantzitako emakume bat zigarro bat erretzen dago, irakurtzen, altxa eta oinez egiten du, teklatu batean nota bakan batzuk jotzen ditu. Gizon bat, hau ere bakarrik, zutik dago, marmolezko zutabe baten kontra jarrita. Pintore batek bere mihiseetan lan egiten du. Garrelek loturarik gabeko pertsonaia hauen bakardadea biltzen du.

L’enfant secret

(L'enfant secret)

Philippe Garrel

Frantzia

Jean-Baptiste zinemagilea Elierekin maitemindu da, alaba bat izan zuenetik honen aita berriz ikusi ez duen aktoresarekin. Elieren etengabeko joan-etorriak direla eta, amak ez du alabarekin denbora askorik pasatzen. Jean-Baptistek txikia ezagutzea onartuko du eta harremana finkatzen hasiko da, baina Elieren urrunaldiak eta drogekin dituen arazoak direla eta, klinika batean sartu...

Jean-Baptiste zinemagilea Elierekin maitemindu da, alaba bat izan zuenetik honen aita berriz ikusi ez duen aktoresarekin. Elieren etengabeko joan-etorriak direla eta, amak ez du alabarekin denbora askorik pasatzen. Jean-Baptistek txikia ezagutzea onartuko du eta harremana finkatzen hasiko da, baina Elieren urrunaldiak eta drogekin dituen arazoak direla eta, klinika batean sartu beharko dute.

Liberté la nuit

Philippe Garrel

Frantzia

Paris, Aljeriako gerraren garaian. Jeanek eta Mouchek banantzea erabaki dute denbora luzez elkarrekin bizi ondoren. Bata bestea gabe egotearen oinazera moldatzen diren bitartean, bakoitzak bere aldetik, independentziaren alde kolaboratzen dihardu. OASek Mouche hiltzen duenean, Jean aljeriar jatorriko neska gazte batekin hasiko da harremanetan.

Elle a passé tant d’heures sous les sunlights

(Neska horrek ordu pila igaro ditu fokoen azpian)

Philippe Garrel

Frantzia

Christak abandonatu duelako lur jota, Jacquesek beste emakume bat ezagutzen du, Marie, eta honekin bizitzera doa. Pelikula beraren sormen prozesua ere jasotzen du, Philippe Garrel maiz enkoadraketan sartzen baita teknikariei argibideak emateko, euren pertsonaiak taxutzeko aktoreei laguntza emanez, edo bere bizitzaz gogoeta eginaz, harengan ohikoa denez, hauxe baita filmaren leh...

Christak abandonatu duelako lur jota, Jacquesek beste emakume bat ezagutzen du, Marie, eta honekin bizitzera doa. Pelikula beraren sormen prozesua ere jasotzen du, Philippe Garrel maiz enkoadraketan sartzen baita teknikariei argibideak emateko, euren pertsonaiak taxutzeko aktoreei laguntza emanez, edo bere bizitzaz gogoeta eginaz, harengan ohikoa denez, hauxe baita filmaren lehengaia.

Les baisers de secours

Philippe Garrel

Frantzia

Mathieu zine-zuzendaria bere bizitzan oinarritutako film bat prestatzen ari da, bertan berak bere burua antzeztuko duelarik. Bere emazte Jeanneren rolerako, berriz, emakumezko aktore bat kontratatu du, Minouchette, eta hau Jeanneri ez zaio batere gustatu, bera ere aktore baita. Zeloek eta bizitza pertsonala eta profesionala uztartzeko zailtasunek bikotearen haustura eragingo du...

Mathieu zine-zuzendaria bere bizitzan oinarritutako film bat prestatzen ari da, bertan berak bere burua antzeztuko duelarik. Bere emazte Jeanneren rolerako, berriz, emakumezko aktore bat kontratatu du, Minouchette, eta hau Jeanneri ez zaio batere gustatu, bera ere aktore baita. Zeloek eta bizitza pertsonala eta profesionala uztartzeko zailtasunek bikotearen haustura eragingo dute.

J’entends plus la guitare

Philippe Garrel

Frantzia

Gérardek eta Mariannek udako etxe bat beste lagun bikote batekin txandakatu ohi dute. Euren arteko sentimenduen tirabirek maitasunaren benetako izaeraz gogoeta egitera bultzatuko ditu. Gérardek Mariannekin seme-alaba bat eduki nahi luke, baina neskak aurreko harreman batean jada haur bat izan zuenez, nahiago du itxarotea. Egun batez Mariannek Gérard utziko du, eta hau beste ...

Gérardek eta Mariannek udako etxe bat beste lagun bikote batekin txandakatu ohi dute. Euren arteko sentimenduen tirabirek maitasunaren benetako izaeraz gogoeta egitera bultzatuko ditu. Gérardek Mariannekin seme-alaba bat eduki nahi luke, baina neskak aurreko harreman batean jada haur bat izan zuenez, nahiago du itxarotea. Egun batez Mariannek Gérard utziko du, eta hau beste emakume batekin ibiltzen hasiko da. Gerora Marianne itzuliko da eta biak elkarrekin bizitzen jarriko dira berriz ere, droga-zaletasunak baldintzaturik.

La naissance de l’amour

Philippe Garrel

Frantzia

Paul bere emaztearekin bizi da, haurdun dagoen Fanchonekin, eta bere seme nerabearekin. Ulrika bere amoranteaz maiteminduta dago, eta harengatik bere familia ere utziko luke. Baina Ulrikak, iraganeko harreman mingarriek zaurituta, ez du Paul maite. Bere lagun Marcusentzat ere gauzak ez doaz batere ongi. Bere neska-lagunak utzi berri du, Erromara beste gizon batekin alde egin et...

Paul bere emaztearekin bizi da, haurdun dagoen Fanchonekin, eta bere seme nerabearekin. Ulrika bere amoranteaz maiteminduta dago, eta harengatik bere familia ere utziko luke. Baina Ulrikak, iraganeko harreman mingarriek zaurituta, ez du Paul maite. Bere lagun Marcusentzat ere gauzak ez doaz batere ongi. Bere neska-lagunak utzi berri du, Erromara beste gizon batekin alde egin eta gero.

Le coeur fantôme

Philippe Garrel

Frantzia

Elkarrekin bi seme-alaba izan ondoren, Annegandik banandu eta gero, Philippe pintoreak kalean Justine ezagutuko du, bera baino azkoz gazteagoa den emakumea, honekin harreman batean endredatuz. Philippek Justinek salbatu duela behin eta berriz dioen arren, neskak haren aurreko bizitzaren gogorapenarekin ezin duela lehiatu sentituko du eta haren emazte ohiaz eta seme-alabez gero ...

Elkarrekin bi seme-alaba izan ondoren, Annegandik banandu eta gero, Philippe pintoreak kalean Justine ezagutuko du, bera baino azkoz gazteagoa den emakumea, honekin harreman batean endredatuz. Philippek Justinek salbatu duela behin eta berriz dioen arren, neskak haren aurreko bizitzaren gogorapenarekin ezin duela lehiatu sentituko du eta haren emazte ohiaz eta seme-alabez gero eta jeloskorrago egongo da.

Le vent de la nuit

Philippe Garrel

Frantzia

Bi gizon eta Porsche gorri bat. Paul Arte Ederretako ikasle gazte bat da bera baino askoz zaharragoa den emakume ezkondu batekin harreman bat duena. Serge eskarmentu handiko arkitektoari bost axola dio denak, 68ko maiatzeko gertakarietan gogotsu parte hartu eta bere emazteak bere buruaz beste egin eta gero. Autoz egindako hainbat bidaietan, biak elkarrekin hitz-aspertuan aritze...

Bi gizon eta Porsche gorri bat. Paul Arte Ederretako ikasle gazte bat da bera baino askoz zaharragoa den emakume ezkondu batekin harreman bat duena. Serge eskarmentu handiko arkitektoari bost axola dio denak, 68ko maiatzeko gertakarietan gogotsu parte hartu eta bere emazteak bere buruaz beste egin eta gero. Autoz egindako hainbat bidaietan, biak elkarrekin hitz-aspertuan aritzen dira, bakoitzaren belaunaldien arteko ezberdintasunak agerian utziz.

Sauvage innocence

Philippe Garrel

Frantzia

François zine-zuzendari gazteak bere hurrengo proiektua, drogen aurkako Sauvage innocence pelikula, babestuko duen produktore bat aurkitzeko arazoak ditu. Azkenean filma finantzatzeko prest legokeen gizon bat aurkitzen duenean, honek ordainetan fabore bat eskatuko dio: Italiatik heroinaz betetako maleta bat ekartzea, pelikula filmatzeko beharrezko dirua honen salmentarekin lor...

François zine-zuzendari gazteak bere hurrengo proiektua, drogen aurkako Sauvage innocence pelikula, babestuko duen produktore bat aurkitzeko arazoak ditu. Azkenean filma finantzatzeko prest legokeen gizon bat aurkitzen duenean, honek ordainetan fabore bat eskatuko dio: Italiatik heroinaz betetako maleta bat ekartzea, pelikula filmatzeko beharrezko dirua honen salmentarekin lortuko delarik.

Les amants réguliers

(Les amants régu liers)

Philippe Garrel

Frantzia

68ko maiatza. Benetako sesio batean liskartuta dabiltza polizia eta manifestari-taldeak kez eta sirena-hotsez beteriko Parisko kaleetan. François poeta gazte intsumisoak eta bere lagunak matxinadan gogotsu parte hartzen dute, iraultza gerta litekeela sinetsita baitaude. Istiluen ondoren, sistema aldatzeko zituzten itxaropenak ahituz doaz, opioak leundutako desilusiozko sasoi b...

68ko maiatza. Benetako sesio batean liskartuta dabiltza polizia eta manifestari-taldeak kez eta sirena-hotsez beteriko Parisko kaleetan. François poeta gazte intsumisoak eta bere lagunak matxinadan gogotsu parte hartzen dute, iraultza gerta litekeela sinetsita baitaude. Istiluen ondoren, sistema aldatzeko zituzten itxaropenak ahituz doaz, opioak leundutako desilusiozko sasoi batean murgilduko direlarik.