tve movistar+
Babesle
Ofizialak
65. Donostia Zinemaldia
22/30 Iraila 2017 - #65ssiff

itxi
Bete formularioa zure datuekin, erregistratutako erabiltzaileentzako edukiak ikusteko
Sakatu hemen
Ez duzu pasahitza gogoratzen? Sakatu hemen

itxi


Oraindik ez duzu posta elektronikoa balioztatu. Posta elktroniko bat bidali dizugu, ondoko esteka sakatu behar duzu kontua balioztatzeko

Hemen zaude: Lehen orrialdea > 64. Edizioa 2016  > Sailak eta filmak
Sail Ofiziala
64. Edizioa 2016
Filmak
Filmak
Sail Ofiziala
Sail Ofiziala
Inaugurazioa (lehiaketa barruan)
La fille de Brest / 150 Milligrams
Emmanuelle Bercot
Frantzia 
Irène Frachon-en Mediator 150 mg liburuan oinarritua. Brest-eko (Frantzia) ospitaleko biriketako espezialista batek lotura zuzena aurkitu berri du zenbait heriotza susmagarriren eta Estatuak onartutako sendagai baten artean. Medikuak bere kabuz egingo du borroka egia argitara azal dadin. Filmak Irène Frachon-en istorioa kontatzen du, Mediator eskandaluaren salatzailearena.

Irène Frachon-en Mediator 150 mg liburuan oinarritua. Brest-eko (Frantzia) ospitaleko biriketako espezialista batek lotura zuzena aurkitu berri du zenbait heriotza susmagarriren eta Estatuak onartutako sendagai baten artean. Medikuak bere kabuz egingo du borroka egia argitara azal dadin. Filmak Irène Frachon-en istorioa kontatzen du, Mediator eskandaluaren salatzailearena.

Klausurako filma
L’Odyssée / The Odyssey
Jérôme Salle
Frantzia - Belgika 
Lehiaketatik kanpo
Jaques Cousteau esploratzaile ospetsuak eta haren semeak, Philippek, harreman hotza dute. Biak batera, beren abentura handienean itsasoratuko dira. Calypso itsasontzian, elkar aurkituko dute biek, tragediak jo aurretik.

Jaques Cousteau esploratzaile ospetsuak eta haren semeak, Philippek, harreman hotza dute. Biak batera, beren abentura handienean itsasoratuko dira. Calypso itsasontzian, elkar aurkituko dute biek, tragediak jo aurretik.

A Monster Calls
J.A. Bayona
Espainia 
Lehiaketatik kanpo
A Monster Calls drama fantastikoak Conor-en istorioa kontatzen du. Conor, 13 urteko mutiko bat, amaren gaixotasunari aurre egiten saiatzen da, munstro baten laguntzaz. Munstroa gauero etortzen zaio bisitan.

A Monster Calls drama fantastikoak Conor-en istorioa kontatzen du. Conor, 13 urteko mutiko bat, amaren gaixotasunari aurre egiten saiatzen da, munstro baten laguntzaz. Munstroa gauero etortzen zaio bisitan.

American Pastoral
Ewan McGregor
AEB 
Seymour Levov "Swede" atleta bikaina zen institutuan, eta egun negozio-gizon arrakastatsu bihurtu da. Dawn izeneko edertasun-erregina izandako emakume batekin ezkonduta dago. Baina "Swede"ren bizitza zoragarri horren atzean laino beltzak ageri dira. Haren alaba Merry indarkeriazko ekintza bat egiteaz akusatuko dute, eta desagertu egingo da. "Swede" alabaren bila hasiko da, fami...

Seymour Levov "Swede" atleta bikaina zen institutuan, eta egun negozio-gizon arrakastatsu bihurtu da. Dawn izeneko edertasun-erregina izandako emakume batekin ezkonduta dago. Baina "Swede"ren bizitza zoragarri horren atzean laino beltzak ageri dira. Haren alaba Merry indarkeriazko ekintza bat egiteaz akusatuko dute, eta desagertu egingo da. "Swede" alabaren bila hasiko da, familia elkartu nahirik. Baina aurkituko duenak barruak nahasiko dizkio. Azalean ageri denari baino gehiagori begiratu beharko dio, eta inguruan duen munduko kaosari heldu: AEBetako familia bat bera ere ez da lehen bezalakoa izango.

As You Are
Miles Joris-Peyrafitte
AEB 
Jack institutu bateko ikaslea da, eta bere ama ezkongabearekin (Karen) bizi da hiri bitxi batean. Gizarteak baztertuta dauka, bakartitzat hartzen dute, eta Jackek ez du batere lagunik izango harik eta Karenen senargai berria, Tom, haiekin bizitzera joaten den arte. Orduantxe sartuko da haien bizitzan Mark, Tomen semea. Bi outsiderak berehala egingo dira lagun min, eta, jatetxe ...

Jack institutu bateko ikaslea da, eta bere ama ezkongabearekin (Karen) bizi da hiri bitxi batean. Gizarteak baztertuta dauka, bakartitzat hartzen dute, eta Jackek ez du batere lagunik izango harik eta Karenen senargai berria, Tom, haiekin bizitzera joaten den arte. Orduantxe sartuko da haien bizitzan Mark, Tomen semea. Bi outsiderak berehala egingo dira lagun min, eta, jatetxe batean halabeharrez topo egin ostean, Sarah izeneko neska bat ere taldeko kide egingo dute. Hirurek ere taldetxo horretan topatuko dute salbazioa; hala, harremanetan hainbat aldaketa izan ostean eta sekretu batzuk jakin ondoren, hausnartu beharko dute zenbateraino ote dauden prest aukeratu dituzten bizitza horiek bizi izateko.

Bigas X Bigas
Bigas Luna, Santiago Garrido Rua
Espainia 
Emanaldi Bereziak
Bigas Luna, beste ezeren gainetik, irudien narratzaile bat izan zen: irudi zinematografikoena zein piktorikoena. Hain berezkoa zuen voyeurismo hark film verista bat egiteko irrika bizia piztu zion: gidoirik eta parafernaliarik gabe norbait filmatu, pertsonaia bere purutasun osoan agerraraziz. Ziur aski, horrexek bultzatu zuen bere inguruko errealitatea bideo-eguneroko baten bit...

Bigas Luna, beste ezeren gainetik, irudien narratzaile bat izan zen: irudi zinematografikoena zein piktorikoena. Hain berezkoa zuen voyeurismo hark film verista bat egiteko irrika bizia piztu zion: gidoirik eta parafernaliarik gabe norbait filmatu, pertsonaia bere purutasun osoan agerraraziz. Ziur aski, horrexek bultzatu zuen bere inguruko errealitatea bideo-eguneroko baten bitartez antzeman nahi izatera. Bere bizitzako hainbat eszena errepikaezinek osatutako koadro bat. 500 zintatik gora, hainbat bideo, testu piktorikoak eta audio-artxiboak, eta, haietan bildurik, familia-eszenak, barne-gogoetak eta aktoreekiko eta lagunekiko solasaldi konplizeak. Bigas x Bigas film verista esperimentala da, une horietarantz leiho bat ireki nahi diguna. Bere bizipenetan eta gogoetetan zehar eginiko bidaia bat, zeinean Bigasek bere burua desmuntatzen duen, bere ni barrukoena eta pertsonalena erakutsiz, artista gisa baina baita gizaki gisa ere.

Colossal
Nacho Vigalondo
Kanada 
Lehiaketatik kanpo
Egun osoa parrandatik parrandara pasatzen duen neska batek (Anne Hathaway) aurkikuntza harrigarri bat egingo du: lotura misteriotsu bat du planetaren beste muturrean kaosa sorrarazten ari den munstro ikaragarri handi batekin.

Egun osoa parrandatik parrandara pasatzen duen neska batek (Anne Hathaway) aurkikuntza harrigarri bat egingo du: lotura misteriotsu bat du planetaren beste muturrean kaosa sorrarazten ari den munstro ikaragarri handi batekin.

Dangsinjasingwa dangsinui geot / Yourself and Yours
Hong Sang-soo
Hego Korea 
Young-soo margolariak jakin du bere emaztegai Min-jung beste gizon batekin izan zela kopa batzuk hartzen eta harekin borroka egin zuela. Gau hartan bikoteak eztabaida bat izango du, eta Min-jung etxetik irtengo da, denbora-tarte batean elkar ez ikustea komeni zaiela esanez. Biharamunean, Young-soo haren bila joango da, baina ez du topatuko. Bien bitartean, Yeonnam aldean, Young...

Young-soo margolariak jakin du bere emaztegai Min-jung beste gizon batekin izan zela kopa batzuk hartzen eta harekin borroka egin zuela. Gau hartan bikoteak eztabaida bat izango du, eta Min-jung etxetik irtengo da, denbora-tarte batean elkar ez ikustea komeni zaiela esanez. Biharamunean, Young-soo haren bila joango da, baina ez du topatuko. Bien bitartean, Yeonnam aldean, Young-soo bizi den tokian, Min-jung-ek, edo haren berdin-berdina den beste emakume batek, hitzorduak izango ditu hainbat gizonekin. Young-soo noraezean ibiliko da kaleetan zehar, bere buruaren kontra borrokan edo, bestela esanda, munduaren kontra borrokan.

Eiðurinn / The Oath
Baltasar Kormákur
Islandia 
Finnur arrakasta handiko bihotzeko zirujau bat da, bi seme-alabaren aita. Haren familia-bizitza korapilatzen hasiko da Anna bere alaba droga-trafikatzaile manipulatzaile batekin harremanetan hasten denean. Senargaiak gero eta kontrol zorrotzagoa ezartzen du Annarengan eta familia osoarengan, eta Finnur-ek neurri drastikoak hartu beharko ditu.

Finnur arrakasta handiko bihotzeko zirujau bat da, bi seme-alabaren aita. Haren familia-bizitza korapilatzen hasiko da Anna bere alaba droga-trafikatzaile manipulatzaile batekin harremanetan hasten denean. Senargaiak gero eta kontrol zorrotzagoa ezartzen du Annarengan eta familia osoarengan, eta Finnur-ek neurri drastikoak hartu beharko ditu.

El hombre de las mil caras / Smoke and Mirrors
Alberto Rodríguez
Espainia 
El hombre de las mil caras herrialde oso bat engainatu zuen gizonaren istorioa da. Tranpatien eta iruzurgileen istorio honek egiazko gertaerak kontatzen ditu eta azken hamarkadetan intriga gehien piztu duten pertsonaietako bat du inspirazio iturri: Francisco Paesa espioia.

El hombre de las mil caras herrialde oso bat engainatu zuen gizonaren istorioa da. Tranpatien eta iruzurgileen istorio honek egiazko gertaerak kontatzen ditu eta azken hamarkadetan intriga gehien piztu duten pertsonaietako bat du inspirazio iturri: Francisco Paesa espioia.

El Invierno / The Winter
Emiliano Torres
Argentina - Frantzia 
Patagoniako estantzia bateko kapataz zaharra lanetik bota dute. Haren tokian, peoi gazteago bat ipiniko dute. Bietako inorentzat ez da izango samurra aldaketa. Bakoitzak bere moduan egin beharko dio aurre datorren neguari. Opera prima.

Patagoniako estantzia bateko kapataz zaharra lanetik bota dute. Haren tokian, peoi gazteago bat ipiniko dute. Bietako inorentzat ez da izango samurra aldaketa. Bakoitzak bere moduan egin beharko dio aurre datorren neguari. Opera prima.

Ikari / Rage
Lee Sang-il
Japonia 
Gela batean, bortizki eraildako pertsona batzuen gorpuak agertu dira, eta hormetako batean, biktimen odolarekin idatzia, "amorru" hitza. Urtebete geroago, oraindik ez dute hiltzailea aurkitu. Kasuak besteez fidatzeko jendearen gaitasunari eragin dio, bereziki Tokio inguruko arrantzale-herrixka bateko hiru bikoterentzat, eta Okinawa-rentzat, zeinak iragan misteriotsuko pertsona ...

Gela batean, bortizki eraildako pertsona batzuen gorpuak agertu dira, eta hormetako batean, biktimen odolarekin idatzia, "amorru" hitza. Urtebete geroago, oraindik ez dute hiltzailea aurkitu. Kasuak besteez fidatzeko jendearen gaitasunari eragin dio, bereziki Tokio inguruko arrantzale-herrixka bateko hiru bikoterentzat, eta Okinawa-rentzat, zeinak iragan misteriotsuko pertsona bat ezagutu berri duen. Konfiantzatik harago, amorrua dago. Eta amorruak, bortizkeria ekartzeaz gain, hilketa baten atzean datzan misterioa argitara atera dezake.

Jesús / Jesus
Fernando Guzzoni
Frantzia - Txile - Alemania - Grezia - Kolonbia 
Santiago, Txile. Jesusek 18 urte ditu eta aitarekin bizi da, Hectorrekin, elkarrekin komunikatzeko ezintasuna telebistari esker arinagoa egiten zaien apartamentu batean. Hortik kanpo, K-pop talde batean dantza egiten du, lagunekin ibiltzen da, drogak hartzen ditu, klip kutreak ikusten ditu eta sexua praktikatzen du leku publikoetan, emozio gogorren bila. Eta topatu ere topatuko...

Santiago, Txile. Jesusek 18 urte ditu eta aitarekin bizi da, Hectorrekin, elkarrekin komunikatzeko ezintasuna telebistari esker arinagoa egiten zaien apartamentu batean. Hortik kanpo, K-pop talde batean dantza egiten du, lagunekin ibiltzen da, drogak hartzen ditu, klip kutreak ikusten ditu eta sexua praktikatzen du leku publikoetan, emozio gogorren bila. Eta topatu ere topatuko ditu emozio gogorrak, gau batean, lagunekin batera, atzera bueltarik gabeko gertaera baten ondorioz.

Jätten / The Giant
Johannes Nyholm
Suedia - Danimarka 
Rikard deformazio larriak dituen autista bat da. Amarekin elkartu nahi du berriro, aspaldi zela banandu egin baitzituzten, eta horretarako petanka-jokoaz eta 60 metroko erraldoi baten laguntzaz baliatu nahi du. Haren gorpuzkera hauskorrak eta kritikara emandako ingurune zakar batek are gogorragoa egiten dute haren bizitza. Ama itzultzeko Europa Iparraldeko petanka txapelketa ir...

Rikard deformazio larriak dituen autista bat da. Amarekin elkartu nahi du berriro, aspaldi zela banandu egin baitzituzten, eta horretarako petanka-jokoaz eta 60 metroko erraldoi baten laguntzaz baliatu nahi du. Haren gorpuzkera hauskorrak eta kritikara emandako ingurune zakar batek are gogorragoa egiten dute haren bizitza. Ama itzultzeko Europa Iparraldeko petanka txapelketa irabazi behar duela sinetsita, Rikardek direnak eta bi egingo ditu irabazteko.

Kimi no Na wa / Your name
Makoto Shinkai
Japonia 
Emanaldi Bereziak
Taki eta Mitsuha, egun batez, lo dauden bitartean gorputzak trukatzen dituztela konturatuko dira, eta bata bestearekin ohar bidez komunikatzen hasiko dira. Baldarki erronkak gainditu ahala, lotura bat sortuko da haien artean, eta lotura hori maitasunezkoa bihurtzen hasiko da.

Taki eta Mitsuha, egun batez, lo dauden bitartean gorputzak trukatzen dituztela konturatuko dira, eta bata bestearekin ohar bidez komunikatzen hasiko dira. Baldarki erronkak gainditu ahala, lotura bat sortuko da haien artean, eta lotura hori maitasunezkoa bihurtzen hasiko da.

La reconquista / The Reconquest (Birkonkista)
Jonás Trueba
Espainia 
Manuelak eta Olmok topo egingo dute, non eta hamabost urte lehenago, nerabezaroan, amodioa lehen aldiz bizi izan zutenean, elkarri agindu zioten etorkizun batean. Premisa erromantiko horretan oinarrituz, denboraren bila dabilen pelikula da La reconquista, edo denboraren kontzientziari buruzkoa: galdutako denborari eta berreskuratutako denborari buruzkoa; guri buruz gogoratzen d...

Manuelak eta Olmok topo egingo dute, non eta hamabost urte lehenago, nerabezaroan, amodioa lehen aldiz bizi izan zutenean, elkarri agindu zioten etorkizun batean. Premisa erromantiko horretan oinarrituz, denboraren bila dabilen pelikula da La reconquista, edo denboraren kontzientziari buruzkoa: galdutako denborari eta berreskuratutako denborari buruzkoa; guri buruz gogoratzen dugunari eta gogoratzen ez dugunari buruzkoa; hitzei, keinuei eta fidel gatzaizkien sentimenduei buruzkoa; nolakoak garen erakusten digutelako, eta oraina, iragana eta geroa taxutzen dituztelako.

Lady Macbeth
William Oldroyd
Erresuma Batua 
1865eko Ingalaterrako landa-eremua. Katherine nahigabean bizi da: maite ez duen eta adina bikoizten dion gizon erretxin batekin ezkonduta dago, eta haren sendia hotza eta kupidagabea da. Bere senarraren finkako langile gazte batekin istorio sutsua hasiko du, eta bere barruan sekulako indar ahaltsua azaleratuko da: ezertxok ere ez dio galaraziko nahi duena lortzea.

1865eko Ingalaterrako landa-eremua. Katherine nahigabean bizi da: maite ez duen eta adina bikoizten dion gizon erretxin batekin ezkonduta dago, eta haren sendia hotza eta kupidagabea da. Bere senarraren finkako langile gazte batekin istorio sutsua hasiko du, eta bere barruan sekulako indar ahaltsua azaleratuko da: ezertxok ere ez dio galaraziko nahi duena lortzea.

Manda huevos
Diego Galán
Espainia 
Emanaldi Bereziak
Manda huevos filma Con la pata quebrada dokumentalaren luzapen logikoa da. Film zatiak erabiliz soilik, kontakizun-erritmoan eta umore onez, Con la pata quebradak honako hau laburbildu nahi zuen: nola irudikatu duen Espainiako zinemak espainiar emakumea, hasi 30eko hamarkadatik eta gaurdaino, baita gizartean izan duen eboluzioa ere. Era berean, antzeko tratamendu bat erabi...

Manda huevos filma Con la pata quebrada dokumentalaren luzapen logikoa da. Film zatiak erabiliz soilik, kontakizun-erritmoan eta umore onez, Con la pata quebradak honako hau laburbildu nahi zuen: nola irudikatu duen Espainiako zinemak espainiar emakumea, hasi 30eko hamarkadatik eta gaurdaino, baita gizartean izan duen eboluzioa ere. Era berean, antzeko tratamendu bat erabiliz, filmek espainiar gizonari, edo gutxienez zenbait prototipori, nola begiratu dioten ere konta daiteke.

Nocturama
Bertrand Bonello
Frantzia - Alemania - Belgika 
Goiz bat Parisen. Hango eta hemengo nerabe kuadrilla bat. Haietako bakoitza dantza bitxi bat egiten hasiko da metroaren labirintoan eta hiriburuko kaleetan. Badirudi plan bat jarraitzen ari direla. Keinu zehatzak egiten dituzte, arriskutsuak kasik. Toki berean elkartzen dira, saltoki handi batzuetan, ixteko garaian. Paris lehertzeko zorian dago. Hasi da gaua...

Goiz bat Parisen. Hango eta hemengo nerabe kuadrilla bat. Haietako bakoitza dantza bitxi bat egiten hasiko da metroaren labirintoan eta hiriburuko kaleetan. Badirudi plan bat jarraitzen ari direla. Keinu zehatzak egiten dituzte, arriskutsuak kasik. Toki berean elkartzen dira, saltoki handi batzuetan, ixteko garaian. Paris lehertzeko zorian dago. Hasi da gaua...

Orpheline / Orphan
Arnaud Des Pallières
Frantzia 
Emakumezko lau pertsonaiaren bizitzako lau momentu. Landagunean bizi den haur bat: ezkutaketan jolasean ari dela, tragedia gertatuko da. Nerabe bat, ihesen, gizonen eta gorabaheren segida amaigabe batean harrapaturik, edozer gauza baita hobea bere familiaren etxe atsekabezkoan egotea baino. Gazte bat, Parisera bizitzera joan eta hondamendiaren amildegian kokatuko dena. Eta arra...

Emakumezko lau pertsonaiaren bizitzako lau momentu. Landagunean bizi den haur bat: ezkutaketan jolasean ari dela, tragedia gertatuko da. Nerabe bat, ihesen, gizonen eta gorabaheren segida amaigabe batean harrapaturik, edozer gauza baita hobea bere familiaren etxe atsekabezkoan egotea baino. Gazte bat, Parisera bizitzera joan eta hondamendiaren amildegian kokatuko dena. Eta arrakasta lortutako emakume heldu bat azkenik, zeinak bere iraganetik salbu zegoela pentsatzen zuen. Pertsonaia horiek bat egingo dute pixkanaka, protagonista bakar bat eratzeraino.

Plac Zabaw / Playground
Bartosz M. Kowalski
Polonia 
Azken eskola eguna Poloniako hiri txiki batean. Azken aukera da 12 urteko Gabrysia-rentzat, bere maitasuna adierazi nahi baitio gelako mutil bati. Gabrysiak hitzordu sekretu bat antolatuko du, eta xantaia egingo dio bere maitasunaren xedeari, ager dadin. Baina solasaldi intimoa izan behar zuena deskontrolatu egingo da eta ustekabeko amaiera bat ekarriko du. Filmak, begien bista...

Azken eskola eguna Poloniako hiri txiki batean. Azken aukera da 12 urteko Gabrysia-rentzat, bere maitasuna adierazi nahi baitio gelako mutil bati. Gabrysiak hitzordu sekretu bat antolatuko du, eta xantaia egingo dio bere maitasunaren xedeari, ager dadin. Baina solasaldi intimoa izan behar zuena deskontrolatu egingo da eta ustekabeko amaiera bat ekarriko du. Filmak, begien bistako galdera egiteaz gain —zer dago haurrek burututako krimenen atzean?—, erantzunik aurkitzeko gai ote garen ere planteatzen du.

Que Dios nos perdone / May God Save Us
Rodrigo Sorogoyen
Espainia 
Madril, 2011ko uda. Krisi ekonomikoa, 15-M mugimendua eta milioi eta erdi erromes, Aita Santuaren zain. Inoizko Madrilik bero eta kaotikoenean. Testuinguru horretan, Velarde eta Alfaro inspektoreek ustezko serieko hiltzaile bat aurkitu behar dute. Erloju kontrako ehiza horrek sekula bururatu ez zaien zerbait ikusaraziko die: haiek biak ere ez dira hiltzailearengandik uste bezai...

Madril, 2011ko uda. Krisi ekonomikoa, 15-M mugimendua eta milioi eta erdi erromes, Aita Santuaren zain. Inoizko Madrilik bero eta kaotikoenean. Testuinguru horretan, Velarde eta Alfaro inspektoreek ustezko serieko hiltzaile bat aurkitu behar dute. Erloju kontrako ehiza horrek sekula bururatu ez zaien zerbait ikusaraziko die: haiek biak ere ez dira hiltzailearengandik uste bezainbeste desberdintzen.

Snowden
Oliver Stone
AEB - Alemania - Frantzia 
Lehiaketatik kanpo
Edward J. Snowdenek NSAren mundu mailako zaintza-programaren dokumentuak publiko egin zituenean, begiak ireki zizkion munduari eta ateak itxi zizkion bere etorkizunari, bere karrerari, betiko bere neska-lagunari eta bere aberriari.

Edward J. Snowdenek NSAren mundu mailako zaintza-programaren dokumentuak publiko egin zituenean, begiak ireki zizkion munduari eta ateak itxi zizkion bere etorkizunari, bere karrerari, betiko bere neska-lagunari eta bere aberriari.

Vivir y otras ficciones / Living and Other Fictions
Jo Sol
Espainia 
Emanaldi Bereziak
Antonio idazle tetraplegikoak sexu-laguntzarako txoko bat prestatuko du bere etxean, eta sexualitatea bete-betean gozatzeko irrika bizitzaren eta politikaren ildo bihurtuko da. Bizi nahi duenak, azkenean, arazoak izaten ditu bizitzarekin.

Antonio idazle tetraplegikoak sexu-laguntzarako txoko bat prestatuko du bere etxean, eta sexualitatea bete-betean gozatzeko irrika bizitzaren eta politikaren ildo bihurtuko da. Bizi nahi duenak, azkenean, arazoak izaten ditu bizitzarekin.

Wo Bu Shi Pan Jinlian / I Am Not Madame Bovary
Xiaogang Feng
Txina 
Li Xuelian-ek, senarrarekin bat eginda, dibortzio faltsu baten itxurak egingo ditu, bigarren apartamentu bat lortzeko, baina senarra beste emakume batekin ezkonduko da ustekabean. Epaitegietara joko du Lik, arrakastarik gabe, eta hamar urteko periplo zentzugabe bati ekingo dio orduan.

Li Xuelian-ek, senarrarekin bat eginda, dibortzio faltsu baten itxurak egingo ditu, bigarren apartamentu bat lortzeko, baina senarra beste emakume batekin ezkonduko da ustekabean. Epaitegietara joko du Lik, arrakastarik gabe, eta hamar urteko periplo zentzugabe bati ekingo dio orduan.

© Donostia Zinemaldia | Desarrollado por: Yo Miento Producciones

Webgune hau berezko eta kanpoko cookies-az baliatzen da, erabiltzaile gisa esperientzia hobea eskaintzeko. Informazio gehiago Onartzea