tve movistar+
Babesle
Ofizialak
65. Donostia Zinemaldia
22/30 Iraila 2017 - #65ssiff

itxi
Bete formularioa zure datuekin, erregistratutako erabiltzaileentzako edukiak ikusteko
Sakatu hemen
Ez duzu pasahitza gogoratzen? Sakatu hemen

itxi


Oraindik ez duzu posta elektronikoa balioztatu. Posta elktroniko bat bidali dizugu, ondoko esteka sakatu behar duzu kontua balioztatzeko

Hemen zaude: Lehen orrialdea > 66. Edizioa 2018  > Sailak eta filmak
Perlak
66. Edizioa 2018
Filmak
Filmak
Perlak
Perlak
A Star Is Born
Bradley Cooper
AEB 
Lehiaketatik kanpo
Maitasun-istorio ikonikoaren bertsio berri honetan, Bradley Cooperek bere zuzendari-debuta egin eta Jackson Maine hezurmamituko du. Jacksonek Ally –Lady Gagak interpretatutako pertsonaia– aurkituko du, arazo larrietan dagoen artista bat, eta hartaz maiteminduko da. Allyk abeslari arrakastatsu bihurtzeko ametsa baztertu egin du, baina Jack ezagutzen duenean, hark berehala ik...

Maitasun-istorio ikonikoaren bertsio berri honetan, Bradley Cooperek bere zuzendari-debuta egin eta Jackson Maine hezurmamituko du. Jacksonek Ally –Lady Gagak interpretatutako pertsonaia– aurkituko du, arazo larrietan dagoen artista bat, eta hartaz maiteminduko da. Allyk abeslari arrakastatsu bihurtzeko ametsa baztertu egin du, baina Jack ezagutzen duenean, hark berehala ikusiko du Allyren talentua. Intimitatez beteriko istorio honek bidaia batean eramango gaitu edertasunean barrera eta bizirauteko borrokan dagoen harreman baten erronketan zehar.

Se rokh / 3 Faces
Jafar Panahi
Iran 
Neska landatar bati Teherango Kontserbatorioan ikasten jarraitzea debekatu nahi diote haren senideek, eta Behnaz Jafari aktore ezagunak ezingo dio ukorik egin haren laguntza-deiari. Behnazek, filmaketa bertan behera utzi, eta Jafar Panahi zinemagilearengana joko du gaztearen arazoen atzean zer misterio ezkutatzen den ezagutzeko. Hala, autoz joango dira herrialdeko ipar-mendebal...

Neska landatar bati Teherango Kontserbatorioan ikasten jarraitzea debekatu nahi diote haren senideek, eta Behnaz Jafari aktore ezagunak ezingo dio ukorik egin haren laguntza-deiari. Behnazek, filmaketa bertan behera utzi, eta Jafar Panahi zinemagilearengana joko du gaztearen arazoen atzean zer misterio ezkutatzen den ezagutzeko. Hala, autoz joango dira herrialdeko ipar-mendebaldean dagoen landa-eremu menditsura eta aktoregai gaztearen herriko biztanle adeitsuak ezagutuko dituzte han. Baina bisitariak aurki jabetuko dira abegikortasuna bezain ahaltsua dela tradizioa…

Ash Is Purest White
Jia Zhang-ke
Txina - Frantzia - Japonia 
Qiao bertako mafioso Binekin maiteminduta dago. Etsai taldeen arteko borroka batean, pistola batekin tiro egingo du hura babesteko. Qiaori bost urteko espetxe-zigorra jarriko diote leialtasun-ekintza horrengatik. Espetxetik atera eta gero, Binen bila joango da, harremana utzitako lekuan berriz hasteko asmoz. Maitasun, traizio eta leialtasun istorio bat Txinako bazter auzoetan.

Qiao bertako mafioso Binekin maiteminduta dago. Etsai taldeen arteko borroka batean, pistola batekin tiro egingo du hura babesteko. Qiaori bost urteko espetxe-zigorra jarriko diote leialtasun-ekintza horrengatik. Espetxetik atera eta gero, Binen bila joango da, harremana utzitako lekuan berriz hasteko asmoz. Maitasun, traizio eta leialtasun istorio bat Txinako bazter auzoetan.

BlacKkKlansman
Spike Lee
AEB 
Spike Leek zuzendu du istorio hau, 70ko hamarkadan arrazista erradikalaren plantak egin zituen lankide baten laguntzaz Ku Klux Klanen kupulan infiltratzea lortu zuen lehenengo polizia afroamerikarrari buruzkoa.

Spike Leek zuzendu du istorio hau, 70ko hamarkadan arrazista erradikalaren plantak egin zituen lankide baten laguntzaz Ku Klux Klanen kupulan infiltratzea lortu zuen lehenengo polizia afroamerikarrari buruzkoa.

Klausurako filma
Capharnaüm / Capernaum
Nadine Labaki
Libano 
Nazioarteko auzitegiaZainek, 12 urteko mutilak, epailearen aurrean hitz egin behar du.Epailea: Zergatik salatu dituzu zure gurasoak?Zain: Bizia eman zidatelako.

Nazioarteko auzitegia

Zainek, 12 urteko mutilak, epailearen aurrean hitz egin behar du.

Epailea: Zergatik salatu dituzu zure gurasoak?

Zain: Bizia eman zidatelako.

El Ángel / The Angel
Luis Ortega
Argentina - Espainia 
Hamazazpi urteko Carlitos gazteak zinema-izar baten ospea, ile-hori kizkurra eta ume-aurpegia ditu. Txikitan besteren gauzak gutiziatzen zituen, baina egiaz nerabe goiztiar zenean azaleratu zen haren benetako bokazioa: lapurra izatea. Eskola berrian Ramón ezagutzen duenean, berehala xarmatuta geratuko da Carlitos eta haren arreta erakartzeko harrokeriatan hasiko da. Elkarrekin...

Hamazazpi urteko Carlitos gazteak zinema-izar baten ospea, ile-hori kizkurra eta ume-aurpegia ditu. Txikitan besteren gauzak gutiziatzen zituen, baina egiaz nerabe goiztiar zenean azaleratu zen haren benetako bokazioa: lapurra izatea. Eskola berrian Ramón ezagutzen duenean, berehala xarmatuta geratuko da Carlitos eta haren arreta erakartzeko harrokeriatan hasiko da. Elkarrekin, aurkikuntza, amodio eta krimenezko bidaia bati ekingo diote. Sarraskia bortizkeriaren ausazko ondorio bat da, besterik gabe, eta areagotuz joango da azkenean Carlitos atxilotzen duten arte. Aingeru-itxura duenez, "Heriotzaren aingeru" izena jarriko dio prentsak Carlitosi. Ederra izateagatik arreta handia jaso, eta gauetik goizera ospetsu bihurtuko da. Guztira, berrogei lapurreta baino gehiago eta hamaika hilketa egin zituela uste da. Gaur egun, berrogeita bost urte baino gehiago daramatza Carlos Robledo Puch espetxean eta Argentinako historian preso denbora gehien eman duen atxiloa da.

First Man
Damien Chazelle
AEB 
Gaurdaino gizadiaren misio arriskutsuena izandakoaren istorioa kontatzen du filmak. Nola ilargiratu zuen NASAk Neil Armstrong, eta zer sakrifizio eta prezio ordaindu behar izan zuten hainbatek.

Gaurdaino gizadiaren misio arriskutsuena izandakoaren istorioa kontatzen du filmak. Nola ilargiratu zuen NASAk Neil Armstrong, eta zer sakrifizio eta prezio ordaindu behar izan zuten hainbatek.

Girl
Lukas Dhont
Belgika - Herbehereak 
Larak 15 urte ditu eta dantzari bihurtzea da haren ametsa. Aitaren babesarekin, bete-betean murgilduko da ahalegin amaiezin horretan. Baina haren gorputzak ez dio erraz men egingo ezarritako diziplinari; izan ere, jaio zenean mutikoa zen berez.

Larak 15 urte ditu eta dantzari bihurtzea da haren ametsa. Aitaren babesarekin, bete-betean murgilduko da ahalegin amaiezin horretan. Baina haren gorputzak ez dio erraz men egingo ezarritako diziplinari; izan ere, jaio zenean mutikoa zen berez.

Leto / Summer
Kirill Serebrennikov
Errusia - Frantzia 
Uda Leningradon, 80ko hamarkada hasieran. Hiriko rock-eszena sasoi gorenean dago. Viktor Tsoï musikari gaztea, Led Zeppelin, T-Rex eta David Bowie musikariei entzuten hazia, bere burua ezagutzera emateko ahaleginetan da. Bere idoloa, Mike, eta haren emaztea, Natacha ederra, ezagutzen dituenean, bere zoria aldatuko da. Elkarrekin, betikotasunera eramango dituen legenda bat erat...

Uda Leningradon, 80ko hamarkada hasieran. Hiriko rock-eszena sasoi gorenean dago. Viktor Tsoï musikari gaztea, Led Zeppelin, T-Rex eta David Bowie musikariei entzuten hazia, bere burua ezagutzera emateko ahaleginetan da. Bere idoloa, Mike, eta haren emaztea, Natacha ederra, ezagutzen dituenean, bere zoria aldatuko da. Elkarrekin, betikotasunera eramango dituen legenda bat eratuko dute.

Mirai
Mamoru Hosoda
Japonia 
Kun lau urteko haur mainatua da, lainezaz betea. Haren arreba Mirai jaiotzen denean, gurasoek kasu egiteari utziko diote eta aurrez inoiz bizi gabeko egoerak biziko ditu etxean. Baina, orduan, denboran zehar bidaiatuko du haren arreba nerabeak, Kunekin batera aparteko abentura bizitzeko, imajina daitekeenaz harago.

Kun lau urteko haur mainatua da, lainezaz betea. Haren arreba Mirai jaiotzen denean, gurasoek kasu egiteari utziko diote eta aurrez inoiz bizi gabeko egoerak biziko ditu etxean. Baina, orduan, denboran zehar bidaiatuko du haren arreba nerabeak, Kunekin batera aparteko abentura bizitzeko, imajina daitekeenaz harago.

Netemo Sametemo / Asako I & II
Ryusuke Hamaguchi
Japonia 
Egun batean, Asakoren lehenengo maitea bat-batean desagertuko da. Handik bi urtera, haren ezin berdinagoa den norbait ezagutuko du.

Egun batean, Asakoren lehenengo maitea bat-batean desagertuko da. Handik bi urtera, haren ezin berdinagoa den norbait ezagutuko du.

Pájaros de verano
Ciro Guerra, Cristina Gallego
Kolonbia - Mexiko - Danimarka - Frantzia 
Kolonbiako narkotrafikoaren jatorria azaltzen duen egiazko istorio batean oinarritutako film hau 70eko hamarkadan dago girotuta; hau da, Estatu Batuetako gazteriak hippie kultura eta, horrekin batera, marihuana besarkatu zituen garaian. Ondorioz, abiadura bizian 'enpresari' bihurtu ziren bertako nekazariak. Guajirako basamortuan, Wayuu familia indigenak bere gain hartu ...

Kolonbiako narkotrafikoaren jatorria azaltzen duen egiazko istorio batean oinarritutako film hau 70eko hamarkadan dago girotuta; hau da, Estatu Batuetako gazteriak hippie kultura eta, horrekin batera, marihuana besarkatu zituen garaian. Ondorioz, abiadura bizian 'enpresari' bihurtu ziren bertako nekazariak. Guajirako basamortuan, Wayuu familia indigenak bere gain hartu beharko du enpresa berriaren buruzagitza. Aberastasunarekin eta boterearekin gerra uztartuko da: haien familia, bizitzak eta antzinako tradizioak arrisku larrian jarriko dituen anaiarteko guda.

Petra
Jaime Rosales
Espainia - Frantzia - Danimarka 
Petrak ez daki zein den bere aita, bizitza osoan zehar ezkutatu diote. Amaren heriotzaren ondoren bila hasi, eta Jaume aurkituko du, artista plastiko ospetsu, boteretsu eta bihozgabea. Egia ezagutzeko bidean, Jaumeren seme Lucasekin eta Jaumeren emazte eta Lucasen ama Marisarekin harremanetan jarriko da Petra. Une horretatik aurrera, guztiak mugaraino eramango dituen gaiztakeri...

Petrak ez daki zein den bere aita, bizitza osoan zehar ezkutatu diote. Amaren heriotzaren ondoren bila hasi, eta Jaume aurkituko du, artista plastiko ospetsu, boteretsu eta bihozgabea. Egia ezagutzeko bidean, Jaumeren seme Lucasekin eta Jaumeren emazte eta Lucasen ama Marisarekin harremanetan jarriko da Petra. Une horretatik aurrera, guztiak mugaraino eramango dituen gaiztakeria, familia-sekretu eta indarkeria espiral batean korapilatuko da pertsonaia horien historia. Halabeharrak erabat aldatuko du bere logika krudelaren norabidea, itxaropenerako eta erredentziorako bidea zabalduz.

ROMA
Alfonso Cuarón
Mexiko 
ROMA Alfonso Cuarón (Gravity, Hijos de los hombres, Y tu mamá también) zuzendari eta gidoilari Oscar saridunak orain arte egindako proiektu pertsonalena da, eta Cleo gazteari buruz hitz egingo digu. Cleo etxeko langile dabil Roman, Mexiko Hiriko erdiko klaseko auzo batean. Berau hezi duten emakumeentzako amodio-gutun bikain honetan, bere haurtzaroko zatiak berreskuratuko dit...

ROMA Alfonso Cuarón (Gravity, Hijos de los hombres, Y tu mamá también) zuzendari eta gidoilari Oscar saridunak orain arte egindako proiektu pertsonalena da, eta Cleo gazteari buruz hitz egingo digu. Cleo etxeko langile dabil Roman, Mexiko Hiriko erdiko klaseko auzo batean. Berau hezi duten emakumeentzako amodio-gutun bikain honetan, bere haurtzaroko zatiak berreskuratuko ditu Cuarónek, etxeko gatazken eta gizarte-hierarkiaren erretratu emotibo eta benetakoa egiteko, 70eko hamarkadako egoera politiko gorabeheratsuaren esparruan. 

The Sisters Brothers
Jacques Audiard
Frantzia - Belgika - Errumania - Espainia 
Charlie eta Eli Sisters aurkako mundu basati batean bizi dira. Odolez zikinak dituzte eskuak: hala kriminalen nola inozenteen odolez. Ez dute inor hiltzeko kezkarik. Haien lana da. Charlie, anaia gaztea, hiltzeko jaio zen. Elik, ordea, bizitza normala eramatearekin egiten du amets. Komodoroak gizon bat aurkitu eta akabatzeko kontratatuko ditu. Oregonetik Kaliforniara, ehiza err...

Charlie eta Eli Sisters aurkako mundu basati batean bizi dira. Odolez zikinak dituzte eskuak: hala kriminalen nola inozenteen odolez. Ez dute inor hiltzeko kezkarik. Haien lana da. Charlie, anaia gaztea, hiltzeko jaio zen. Elik, ordea, bizitza normala eramatearekin egiten du amets. Komodoroak gizon bat aurkitu eta akabatzeko kontratatuko ditu. Oregonetik Kaliforniara, ehiza errukigabea hasiko da, bi anaien arteko eromenezko lotura proban jarriko duen iniziazio-bidaia bat… gizatasunera eramango dituen bide bat?

Un día más con vida / Another Day of Life
Raúl De la Fuente, Damian Nenow
Espainia - Polonia - Belgika - Alemania 
Kapuscinski poloniar berriemaile bat da, idealista eta alferrikako kausen zalea. 1975ean Angolara, Gerra Hotzaren azken gudu-zelaira, bidaiatuko du. Han, okerreko agurrak ere ordain daitezke biziaz. Afrikako herrialdeak eta bere abenturan ezagutuko dituen pertsonek –adibidez, Carlota gerrillari karismaduna– betirako aldatuko dute Kapuscinski. Ilunaren bihotzera egindako bid...

Kapuscinski poloniar berriemaile bat da, idealista eta alferrikako kausen zalea. 1975ean Angolara, Gerra Hotzaren azken gudu-zelaira, bidaiatuko du. Han, okerreko agurrak ere ordain daitezke biziaz. Afrikako herrialdeak eta bere abenturan ezagutuko dituen pertsonek –adibidez, Carlota gerrillari karismaduna– betirako aldatuko dute Kapuscinski. Ilunaren bihotzera egindako bidaia horrek idazle bihurtuko du kazetaria.

Zimna wojna / Cold War
Pawel Pawlikowski
Polonia - Erresuma Batua - Frantzia 
Amodio-istorio sutsu bat, Gerra Hotzaren esparruan. Guztiz bateraezinak eta bai jatorriz bai izaeraz bestelakoak izan arren, halabeharrak elkarrekin egotera eramango ditu bi pertsona. Polonia, Berlin, Jugoslavia eta Paris artean, ezinezko garai batean garatutako ezinezko amodio-istorio bat erakusten du Cold War filmak.

Amodio-istorio sutsu bat, Gerra Hotzaren esparruan. Guztiz bateraezinak eta bai jatorriz bai izaeraz bestelakoak izan arren, halabeharrak elkarrekin egotera eramango ditu bi pertsona. Polonia, Berlin, Jugoslavia eta Paris artean, ezinezko garai batean garatutako ezinezko amodio-istorio bat erakusten du Cold War filmak.

© Donostia Zinemaldia | Desarrollado por: Yo Miento Producciones

Webgune hau berezko eta kanpoko cookies-az baliatzen da, erabiltzaile gisa esperientzia hobea eskaintzeko. Informazio gehiago Onartzea