Ofizialak
Partner
"Z365" edo "Zinemaldia urte osoan" Zinemaldiaren apustu estrategiko berria da, non talentu berrien bilaketa, laguntza eta garapena (Ikusmira Berriak, Nest); formakuntza eta zinema-ezagutzen transmisioa (Elias Querejeta Zine Eskola, Zinemaldia + Plus, Zinemagileen elkarrizketa); eta ikerketa, dibulgazioa eta pentsamendu zinematografikoa (Z70 proiektua, Pentsamendua eta eztabaida, Ikerketa eta argitalpenak) elkartzen diren.
Deialdia Sartu NIRE ZINEMALDIRA 
Agenda Programa eta sarrerak Bilatu 
Frantziar zinema beltzak, Ruth Beckermannek, Zinemaldia + Plus eta Zinema eta Zientzia ziklo berriek emango diote hasiera Tabakalerako zinemari 2023an
Lehenengoz, zentroaren zinema-programazioa hiriko zinema-jaialdien egutegiarekin koordinatuta diseinatu da
2023ko eskaintzaren xedea bereziki herritarrekin partekatzea izango da, bai eta sorkuntza-prozesuak ikusgai jartzea ere zinemagileekin topaketak eginez
2023ko emanaldietarako zinema-bonua eta sarrerak abenduaren 20tik aurrera eskuratu ahal izango dira Tabakaleraren webgunean eta informazio-puntuan
Zinemaldiak akreditaziodunen kopuruan errekorra hautsi du, 4.500 profesionaletik gora izanik
Genero-identifikazioari buruzko txostenak lanbide-kategoria berri bat sartu du: soinua
Donostia Zinemaldiaren 70 urteko historia ikusgai online eta aurrez aurre
‘Artxiboa’ web-orri berriak aukera ematen die herritarrei 4.000 dokumentu digital baino gehiago (argazkiak, kartelak, egunkariak…) libreki kontsultatzeko, eta, era berean, 27.000 deskripzio-fitxa baino gehiagoko katalogo bat ere badago, adituek aztertu ahal izateko
Estatuko Loteriak eta Apustuak erakundeak babestuta, Zinemaldiak eta Elías Querejeta Zine Eskolak, Euskadiko Filmategiaren, Medialab Tabakaleraren eta Kutxa Fundazioaren laguntzarekin, garatutako ikerketa-proiektuaren lehen fasea amaitu da
Espainiako ikus-entzunezkoen industriak harrera bikaina izan du Ventana Surren, Spanish Screenings On Tourren eskutik
Ekimenaren lehen edizioko jardueretan, 30 herrialdetako 1.300 profesional baino gehiagok hartu dute parte
Games from Spain gidak, Maquinitas sailean, bideojokoaren industriako agente nagusiak erakarri ditu
Kultura eta Kirol Ministerioak eta Ekonomia Gaietarako eta Eraldaketa Digitalerako Ministerioak bultzatutako Suspertze, Eraldatze eta Erresilientzia Planeko 'España Hub Audiovisual de Europa’ osagaiaren esparruan kokatzen da Spanish Screenings
Sameh Alaa, María Alché, Maddi Barber, Naomi Pacifique, David Pérez Sañudo eta Hikaru Uwagawa zinemagileek euren proiektu zinematografiko berriak garatuko dituzte Ikusmira Berriak programaren barruan
Guztira, 348 proiektuk eman dute izena nazioarteko panoraman sendotzea lortu duen programaren bederatzigarren edizioan
Ikusmira Berriak programak bere dirulaguntza bikoiztuko du ICAAren laguntzari esker eta zinemagile bakoitzak 10.000 euro jasoko ditu bere proposamenean lan egiteko
Espainiako ikus-entzunezkoen 100 profesional baino gehiagok hartuko dute parte Spanish Screenings On Tour ekimenak bilduko dituen jardueretan (20tik gora), Ventana Sur merkatuaren esparruan ‘Spanish Audiovisual: Talent and Future’ goiburuarekin
Networkingeko bederatzi jarduera antolatuko dira, besteak beste, lan-gosariak, koprodukzio-topaketa bat eta 'happy hourrak'; eta delegazioko kideek zazpi hitzaldi eta paneletan hartuko dute parte
Garatzen ari diren 21 bat proiektu, zazpi WIP, ‘remake’ egiteko potentziala duten 40 film, amaitutako 21 film Market Screenings sailerako eta hiru lan Market Premiereserako aurkeztuko dira, Video Library bideotekako film ugariez gain
Maquinitas sailak proiektu eta jarduerak ere izango ditu, ICEX España Exportación e Inversiones taldearen Games from Spain ekimenaren eskutik
Katixa Agirreren ‘Zinema festa bat da’ liburua plazaratu dute Euskadiko Filmategiak, Donostia Kulturak eta Donostia Zinemaldiak
Euskaraz argitaratutako lana Zinemaldiaren 70. urteurrena ospatzeko ekitaldien barruan dago eta bihar Tabakaleran aurkeztuko da, Literaktum jaialdian
Premisa original eta dibertigarri batetik abiatzen da liburua: Donostia Saria jaso zuten hildako izarrak festa bat ospatzeko bildu dira
Hemen da ‘Spanish Screenings 360. The Podcast’, Espainiako ikus-entzunezkoen dibulgaziorako tresna berria industriarentzat eta publikoarentzat
Azaroaren 17an kaleratuko da lehen atala, nazioartekotzeari buruzkoa
Espazio honek ahotsa ematen die Espainiako ikus-entzunezko industriako profesionalei, sektoreko gaurkotasuneko gaiez jarduteko
Ekimena Spanish Screenings XXLren Spanish Screenings 360 lan-ildoan kokatzen da
Garatzen ari diren Espainiako hogei proiektuk parte hartuko dute Spanish Screenings on Tour-en lehen edizioan, Ventana Sur-en esparruan
Halaber, nazioarteko industriari aurkeztuko zaizkio ‘Work in Progress’, ‘Market Premiere’, film berri eta remakeak
Ekimen horren bidez –networking-jarduerak egingo dira berau osatzeko–, Espainiako ekoizpenak merkatuko sail guztietan zabalduko dira
Antxon Eceiza zinemagilea, Paolo Morettiren gutun zuria eta Zinemaldiaren artxiboari eskainitako webgune berriaren aurkezpena: Zinemaldia + Plusen urteko azken hiru saioak
Albert Serrak, Mikel Gurreak, Fernando Francok, Pilar Palomerok, Alauda Ruiz de Azúak, Carlota Peredak, Alberto Rodríguezek eta Belén Funesek Koldo Mitxelena kulturuneak antolatutako ‘Zinemagileen elkarrizketa’ ikastaroaren bigarren edizioan parte hartuko dute
Estibaliz Urresola, Irati Gorostidi eta Maider Fernández Iriarte izango dira bederatzi elkarrizketetako lehenengoaren protagonistak. Haien elkarrizketa azaroaren 3an izango da, eta egingo den azkena, berriz, maiatzaren amaieran. Horretan, Aitor Arregi, Jon Garaño eta Jose Mari Goenaga izango dira protagonistak
Saioak –Donostia Zinemaldiaren Z365 atalak eta Elías Querejeta Zine Eskolak kolaboratu dute– irekiak izango dira, aurrez aurre nahiz online
Koprodukzio bila dabiltzan hamabost proiektu aurkeztuko dira Proyecta 2022 ekimenean
Marché du Film (Cannes) eta Ventana Sur merkatuek eta Donostia Zinemaldiak antolatuta, online egingo da ekimena, azaroaren 28tik abenduaren 2ra
‘Los reyes del mundo’ filmak irabazi du Donostia Zinemaldiaren 70. edizioko Urrezko Maskorra
Donostia Zinemaldia, CIMA eta GTIko elkarte feministak urtebete eman dute lankidetzan
Lankidetza hori generoen araberako parte-hartzeari eta emakumezko zinemagileen presentzia handiagoari buruzko txostenean egindako txertaketetan hezurmamitzen da
Motmo.pro proiektuak irabazi du Zinemaldia Startup Challenge ekimenak Espainiako startupetarako antolatzen duen lehiaketa berriko proiektu onenaren saria
Mine S enpresak Europako startup onenaren saria irabazi du
Kino_greento taldeak ekipo ekintzaile onenaren saria beretu du
“Filmak egiten jarraitzeko bizigarria da Donostia Saria”
David Cronenberg zinemagileak Gaspar Noéren eskutik jaso du saria eta Viggo Mortensenek zoriontzeko bideo bat bidali dio
Carlos Saurak bertan behera utzi du Donostia Zinemaldira egin behar zuen bisita
Ana de Armasek eta Andrew Dominikek ‘Blonde’ aurkeztuko dute, Donostia Zinemaldiaren 70. edizioko film sorpresa
Juliette Binochek isiltasunari, ''bidelagun leialari'', eskaini dio Donostia Saria
Aktoreak saria jaso du Isabel Coixeten eskutik
Spanish Screenings On Tour ekimenak lehenbiziko edizioaren xehetasunak aurkeztu ditu Donostia Zinemaldian, eta sarien berri eman du
Spanish Screenings ekitaldiaren deialdi tematikoek Weird, Abycine Lanza, Conecta Fiction eta Sitgeseko zinema-jaialdiak hautatutako proiektuak bilduko dituzte
Spanish Screenings on Tour 2022 Argentinako Ventana Sur azokan izango da, azaroaren 28tik abenduaren 2ra
Mia Hansen-Løve, Alejandro G. Iñarritu eta John Banville Donostia Zinemaldira etorriko dira
Isabel Coixetek eta Gaspar Noék Donostia Saria emango diete Juliette Binocheri eta David Cronenbergi, hurrenez hurren
Donostia Zinemaldiak eta ikus-entzuleek kandelei putz egin diete 70. urtebetetzearen inaugurazioan
Loreto Mauleón eta Paco León izan dira Zinemaldiaren hirurogeita hamargarren urteurrena ospatzeko egin den galaren aurkezleak
Robot batek dantzan ipini du Belodromoa, eskolako haurrentzako saioen inaugurazioan
2.200 haur inguruk parte hartu dute Ikastetxeak Belodromoan ekimenaren lehen saioan, non UPV/EHUko robotikako RSAIT ikerketa-taldeak ‘Terra Willy: planeta ezezaguna’ aurkeztuko baitu egunero, Pepper robot sozialaren lankidetza bereziarekin
Iberoamerikako zazpi film lehiatuko dira Espaniako Lankidetza Saria eskuratzeko
Zortzigarren urtez jarraian, AECIDek Espainiako Lankidetza Saria bultzatuko du Donostia Zinemaldiarekin batera; giza garapenerako, pobrezia desagerrarazteko eta giza eskubideak bermatzeko ekarpen handiena egiten duen film iberoamerikarrari emango zaio
Iberoamerikako ikusentzunezkoa sustatzeko AECIDen eta Zinemaldiaren arteko elkarlanaren fruitua da saria
Jarraitu Zinemaldia gure webgunearen, app-aren eta sare sozialen bitartez
Edizio honetatik, gainera, kontu ofiziala dugu TikTok entretenimendu-plataforman. Zuzenekoak, une dibertigarriak, eduki-sortzaileekin kolaborazio bereziak eta galdu nahi ez dituzuen eduki esklusiboak ikusteko aukera izango duzue
Loreto Mauleón eta Paco Léon, Donostia Zinemaldiaren inaugurazio-galaren aurkezle
Santiago Tabernerok zuzenduko du bihar ostiralean, hilak 16, 20:30ean Kursaal jauregian hasiko den ekitaldia; zuzenean emango dute TVEren La 2 kateak, ETB1ek, eitb.eus atariak, Zinemaldiaren webguneak eta TikTokek
Donostia Zinemaldiak jasangarritasunaren aldeko apustua indartu du tokiko modarekin, ‘Zinemaldiko izarrak janzten’ izeneko ekimenaren arrakastari esker
Donostia Zinemaldiak ohorezko Zilarrezko Maskorra eman dio SADE Cines taldearen lanari
Sei film lehiatuko dira RTVE-Beste Begirada XVI. Saria eskuratzeko Donostia Zinemaldian
Sail Ofizialeko bi pelikula, New Directors saileko beste hiru lan eta Perlak saileko film bat lehiatuko dira
Alauda Ruiz de Azúak –‘Cinco lobitos’ filmaren zuzendari eta gidoigileak–, Salima Jirari El Kouaihik aniztasun-aditua eta Maite López Pisonerok RTVEko zinema-zuzendariordeak osatuko dute epaimahaia
Saria irailaren 24an (larunbata) entregatuko da Zinemaldiaren amaiera-galan
Glenn Closek Donostia Zinemaldirako bisitaldia bertan behera utzi du
Aktore estatubatuarrak ezingo du etorri Donostiara larrialdi familiar bat dela eta
Matías Mosteirín ekoizle argentinarra izango da epaimahaiburu
Perlak saileko hamabost film lehiatuko dira Udalak babesten duen Donostia Hiria Publikoaren Saria eskuratzeko
Udalak eta Zinemaldiak doako 1.000 sarrera banatuko dituzte langabeen artean
Isabel Coixet, Selva Almada, Elena López Riera, Ruth Beckermann eta Natalia López Gallardo izango dira Donostia Zinemaldiaren 70. edizioko hizketaldien eta eskola magistralen artean
Pentsamendua eta Eztabaida arloak hainbat alderdi jorratuko ditu, hala nola berdintasunaren eta genero-aniztasunaren defentsa, ingurumenaren eta lanaren iraunkortasuna industrian eta teknologia berrien eragina
Donostia Zinemaldia lankidetzan ariko da SOS Arrazakeria Gipuzkoaren mentoretza sozialerako programekin
Euskadiko Orkestraren, SGAE Fundazioaren eta Donostia Zinemaldiaren 'Kontzertua & Proiekzioa' Belodromora itzuli da bi urteko geldialdiaren ondoren
Larunbatean, hilaren 17an, eguerdiko 12:00etan, zazpi filmetako soinu-bandak interpretatuko dira, eszena proiekzioekin batera
Donostia Zinemaldiko bost film dira Euskadi Basque Country 2030 Agenda Sariaren izangai
Donostia Zinemaldiak 23.360 sarrera saldu ditu lehen egunean
Donostia Zinemaldiak 70. edizioko lehenbiziko hiru egunetarako 23.360 sarrera saldu ditu salmenta lehen egunean.
Koldo Mitxelena Kulturuneak antolatutako 'Luis Gasca, komikia eta zinema' erakusketa azaroaren 8ra arte egongo da ikusgai Okendo kultur etxean
Koldo Mitxelena Kulturunearen proiektu bat da, Donostia Kulturarekin eta Donostia Zinemaldiarekin lankidetzan egindakoa, Luis Gascaren ibilbide profesionalari eta bizi ibilbideari hilondoko omenaldia
Obra grafikoa eta argazkiak biltzen dituen erakusketa bat, zinemaren eta komikiaren munduko hainbat figura garrantzitsurekin elkarrizketak jasotzen dituen agenda hedatu bat, eta proiektuari buruzko informazioa eta bitxikeriak ikus-entzunezko formatuan erakusten duen espazio digital bat
Marina Palaciok bere zinema-kartel faltsuak erakusten dizkigu Tabakaleran
Zinemagile eta artista donostiarrak argazki-proiektu bat eraman du zentroaren bigarren solairura, Donostia Zinemaldiko hainbat departamentutan diharduten edo Zinemaldiarekin lotuta dauden pertsonen erretratuekin
Donostia Zinemaldiak urratsak egiten jarraitzen du karbono-neutraltasuneko erakunde eta ekitaldi bihurtzeko bidean
Jada ezarri diren neurriekin, bederatzi eguneko lehiaketak 62 tona inguru CO2Eq murriztu ahalko ditu, CREAST kontsulta-agentziaren kalkuluen arabera
Juliette Binoche, Penélope Cruz, Ricardo Darín, Vicky Krieps, Diane Kruger, Noémie Merlant, Liam Neeson, Nahuel Pérez Biscayart, Hannah Schygulla eta Olivia Wildek Donostia Zinemaldiaren 70. edizioan izango direla berretsi dute
Donostiaraino etorriko dira David Cronenberg, Dardenne anaiak, Claire Denis, Louis Garrel, Christophe Honoré, Neil Jordan, Koreeda, Lelio, Mungiu, Ozon, Hong Sangsoo eta Ulrich Seidl
Wang Chaoren ‘Kong Xiu / A Woman’ filmak osatuko du Sail Ofizialean lehiatuko diren filmen zerrenda
Errealizadore txinatarra aurretik iragarritako 16 zinemagileen zerrendan sartu da
Neil Jordan, Liam Neeson eta Diane Kruger Donostiara etorriko dira Sail Ofizialari amaiera emango dion ‘Marlowe’ filmaren mundu-estreinaldia aurkezteko
Filma lehiaz kanpo emango da irailaren 24an, amaiera-galaren ondoren
Donostia Zinemaldiko Industria Departamentuak Serbiari eskaini dio bere 'Focus on' ekimena
Ikasleentzako zinema Belodromora itzuliko da robotikari buruz mintzatzeko
Donostia International Physics Center erakundearekin lankidetzan hautatutako filma ‘Terra Willy: Planeta ezezaguna’ da eta euskaraz bikoiztuta emango da
Bost mundu-estreinaldik osatzen dute Culinary Cinema saila
Aurtengo afarietan Albert Raurich (Dos palillos), Vanessa González eta Andrés Viñales (La Huella), Naoyuki Haginoya (Nomo), Yinfeng Tang eta haren chef exekutibo Sanhuai Yu (Chila) eta Virgilio Martínez (Central) sukaldariek parte hartuko dute
Made in Spain sailak lau mundu-estreinaldi izango ditu, horien artean Carlos Boyero kritikariari buruzko dokumental bat eta Tequila musika-taldeari buruzko beste bat
Beste bi estreinaldiak saila inauguratuko duen ‘El color del cielo’ eta Unai Canelaren ‘Entre montañas’ dira
Roberto Bueso, Zaida Carmona, Juan Miguel del Castillo, Rodrigo Cortés, Carlota González-Adrio, Albert Serra, Adrián Silvestre, Carla Simón eta Jonás Trueba zuzendarien filmak ere emango dira
Iberseries & Platino Industriak Donostia Zinemaldiarekin lankidetzan antolaturiko Koprodukzio Foroan hautatutako proiektuak iragarri dituzte
Platino Industria-SSIFF Koprodukzio Foroan hautatutako hamar proiektuen artean Argentina, Brasil, Txile, Kolonbia, Espainia, Mexiko eta Dominikar Errepublikakoak daude.
New Directors saila osatuko dute Emad Aleebrahim Dehkordiren ‘Chevalier noir’ eta Luis De Filippisen ‘Something You Said Last Night’ filmek
Carla Simónek lehiaz kanpo hartuko du parte Zabaltegi-Tabakalera sailean, ‘Carta a mi madre para mi hijo’ film laburrarekin
Urrian helduko zaio berriro Nosferatu “Zinemaldia 70” zikloari
Abendura arte hamaika film proiektatuko dira, 1988 eta 2010 urte bitartean Donostia Zinemaldiaren programaziotik igaro zirenak
Fermin Aio, Izaskun Arandia, Jabi Elortegi, María Elorza, Fernando Franco, Alberto Gastesi, Mikel Gurrea, Xuban Intxausti, Ander Iriarte eta Fermin Muguruza lehiatuko dira Euskal Zinemaren Irizar Sarirako
Hamazazpi filmek osatzen dute euskal zinemaren ordezkaritza Donostia Zinemaldiaren 70. edizioan
Teknikarien lana, Txema Areizagak hezurmamitzen duena, Zinemira Sariarekin omenduko da
Belodromoak ateak irekiko ditu berriro, zinemaren eta musikaren munduko persona garrantzitsu ugarirekin
Fernando León de Aranoak Joaquín Sabinari buruzko bere dokumentala aurkeztuko digu, ‘Sintiéndolo mucho’, musikagilearekin berarekin eta Leivarekin batera
Paco Leónek zuzendutako ‘Rainbow’ filmaren estreinaldian Dora, Ayax Pedrosa eta Wekaforé antzezleak izango dira, baita filmeko beste aktore batzuk ere, hala nola Carmen Maura, Carmen Machi, Luis Bermejo eta Hovik Keuchkerian
Fermin Muguruza musikari eta zinemagileak ‘Black is beltza II: Ainhoa’ erakutsiko du Maria Cruickshank, Itziar Ituño, Antonio de la Torre, Ariadna Gil eta Darko Peric antzezleekin batera
'Fácil', Movistar Plus+ plataformaren telesail originala, Donostia Zinemaldian aurkeztuko da
'Fácil' telesailaren bost atalak irailaren 20an estreinatuko dira Movistar Plus+ galan
Zabaltegi-Tabakalera sailean Ruth Beckermann, Lee Chang-dong, Bi Gan, Natalia López Gallardo eta Hlynur Pálmason zinemagileen lanak erakutsiko dira, besteak beste
Donostia Zinemaldiaren lehiazko sailik irekienak Santiago Lozaren lan berriaren mundu-estreinaldia bilduko du
Gainerako film gehienak Berlin, Cannes, Jeonju, Sundance, Venezia eta beste jaialdi batzuetan programatutako edo saritutako obrak dira
Donostia Zinemaldiak sorkuntza-inbertsoreen biltzar berri bat abiaraziko du, CAA Media Finance enpresarekin batera antolatua, talde hauetatik, besteak beste, datozen nazioarteko exekutibo nagusiekin: 30West, A24, Anonymous Content, Focus Features, MUBI, Neon, Netflix, Participant Media eta Wild Bunch International
Asier Altuna, Aina Clotet, Gerardo Herrero, Baltasar Kormákur, Swel Noury eta Maria Trenor egileen proiektuak aurkeztuko dira, besteak beste, nazioarteko inbertitzaileen eta Espainiako ekoiztetxeen arteko lehen topaketan
Ekimena irailaren 19an eta 20an egingo da eta 'Spanish Screenings: Financing & Tech' jardueraren parte da
Olivia Wildek zuzendutako 'Don’t Worry Darling' filmak osatuko du Perlak saila
Aktore estatubatuarraren lan berriak ixten du kritikak goraipatutako edota nazioarteko beste jaialdi batzuetan saritutako 17 filmen hautaketa
Programatutako film luzeetatik hamabost Donostia Hiria Publikoaren Sarirako hautagai izango dira
Haurrentzako Zinema sailaren programak familiei zuzendutako bost film eskainiko ditu
Hautatutako hiru lan animaziozko filmak dira, eta beste biek benetako irudiarekin nahasten dute teknika hori
Ryūsuke Hamaguchiren 'Drive My Car' filmak jasoko du FIPRESCI 2022 Sari Nagusia, urteko film onenari ematen zaiona
Eusko Jaurlaritzak sari bat emango dio Donostia Zinemaldian Garapen Jasangarrirako Helburuen (GJH) balioak hobekien islatzen dituen filmari
Donostia Zinemaldiaren zuzendaritzak bost film aukeratuko ditu aurrez, eta epaimahai batek erabakiko du zein den saria merezi duen filma
Lehiaketan zehar, 2030 Agenda eta energia aurreztea premia eta aukera gisa proiektatuko dituzten hainbat komunikazio-ildo garatuko dira Euskadi Basque Country 2030 Agenda Donostia Zinemaldiaren datorren edizioaren babesleetako bat izango daJean-Pierre eta Luc Dardenne, Hansen-Løve, Iñárritu, Koreeda, Mungiu eta Östlund zinemagileen azken lanak, Donostia Zinemaldiaren 70. edizioko Perlak sailean izango diren filmetako zenbaitzuk
‘Peter von Kant’, François Ozon zuzendariak Fassbinderri egindako omenaldia, eta ‘Moonage Daydream’, Brett Morgenek David Bowieren unibertsoan egindako murgilketa izango dira saila irekiko eta itxiko duten filmak, hurrenez hurren
Louis Garrelen ‘L’innocent’, Oliver Hermanusen ‘Living’, Marie Kreutzerren ‘Corsage’ eta Santiago Mitreren ‘Argentina, 1985’ pelikulak ere ariko dira lehian Donostia Hiriko Publikoaren Saria eskuratzeko
Hamahiru film labur lehiatuko dira Nest Sariaren 21. edizioan, eta ohiko formatua berreskuratuko da aurten
Zinema-ikasleen nazioarteko lehiaketaren historian lehendabizikoz, euskarazko bi lan hautatu dira
Mariano Biasinek zuzendutako ‘Sublime’ filmak jasoko du hamargarren Sebastiane Latino saria
Gehitu elkarteak emandako golardoak sexu- eta genero-aniztasuna hobekien irudikatzen duen film latinoamerikarra saritzen du
Berriro ere, Iberoamerikako LGTBIQA+ Zinema Jaialdien Topaketa Donostia Zinemaldiaren barruan egingo da
RTVEk Carlos Saura eta Cesc Gay egileen azken lanak aurkeztuko ditu Donostia Zinemaldiko galetan
‘Las paredes hablan’, Saurak artearen munduari buruz sortutako dokumentala, irailaren 21ean (asteazkena) egingo den gala batean aurkeztuko da
‘Historias para no contar’, Cesc Gayren obra berria, irailaren 22an (osteguna) Victoria Eugenia Antzokian egingo den gala batean erakutsiko da
RTVEk Donostian Urrezko Maskorra irabazteko lehian ariko diren film espainiar guztietan hartu du parte
Gaur jarriko dira salgai ‘Black is Beltza II: Ainhoa’, ‘Rainbow’ eta 'Sintiéndolo mucho' filmen estreinaldiak Belodromoan ikusteko sarrerak
Fernando León de Aranoa, Paco León eta Fermin Muguruzaren filmak hilaren 17an (larunbata), 18an (igandea) eta 23an (ostirala), emango dira, hurrenez hurren
‘En los márgenes’, Juan Diego Botto aktoreak zuzendutako lehen filma, Perlak Sailean egongo da
Penélope Cruz, Luis Tosar eta Botto bera dira pelikularen protagonistak
Niles Atallah, Anahí Berneri, Clarisa Navas, Ulises Porra, Beatriz Seigner, Helena Taberna eta Emiliano Torres egileek, besteak beste, beren proiektu berriak aurkeztuko dituzte Europa-Latinoamerika Koprodukzio Foroan
Hautatutako hamalau proiektuak Argentina, Brasil, Txile, Kolonbia, Costa Rica, Espainia, Mexiko eta Dominikar Errepublikakoak dira
Koprodukzio Foroa irailaren 19an, 20an eta 21ean egingo da
Ana Cristina Barragán, Natalia Beristain, Pavel Giroud, Patricio Guzmán eta Carlos Lechuga lehiatuko dira Horizontes Saria eskuratzeko
Mariano Biasin, Fabián Hernández, Juan Pablo González, Carolina Markowicz, Manuela Martelli, Valentina Maurel eta Andrés Ramírez Pulido egileen lehen lanek osatuko dute Horizontes Latinos sailaren hautaketa
WIP Latam Sailak Martín Benchimol, Felipe Carmona, Guto Parente, Laura Plancarte, Davi Pretto eta Yennifer Uribe Alzate egileen sei film aurkeztuko ditu
Ekoizpenak Argentina, Brasil, Txile, Kolonbia eta Mexikotik datoz
WIP Latam irailaren 19, 20 eta 21ean egingo da
Claude Sauteti eskainitako atzerabegirakoan zinemagile frantsesak zuzendutako hamahiru film luze erakutsiko dira
Zikloa ‘Conversaciones con Claude Sautet’ liburuarekin osatuko da, zinemagilearekin egindako elkarrizketen liburukiarekin
Bulgariako, Moldaviako Errepublikako, Turkiako eta Ukrainako lau ekoizpenek hartuko dute parte WIP Europa sailean
Nadejda Koseva, Anatol Durbala, Selman Nacar eta Tonia Noyabrova egileek euren bigarren lanak aurkeztuko dizkigute
WIP Europa irailaren 19an, 20an eta 21ean izango da
Klasikoak sailean Josep Escobar eta Alexandre Cirici Pellicer, Juzo Itami, Nana Mchedlidze, Basilio Martín Patino eta Charles Vanel egileen filmak berrikusiko dira
Sailak ‘Érase una vez…’, ‘Tampopo’, ‘Nueve cartas a Berta’, ‘Pirveli mertskhali’ eta ‘Dans la nuit’ filmak bitzen ditu programazioan
Spanish Screenings On Tour 2022 Ventana Sur merkatuan egingo da
Ventana Sur, ikus-entzunezkoen merkatu nagusia Latinoamerikan, Buenos Airesen egingo da 2022ko azaroaren 28tik abenduaren 2ra
Espainiako proiektu ugari aurkeztuko dira, showcase gisa, merkatuaren sail nagusietan, non, Spanish Screenings On Tour izenez, garatzen ari diren proiektu espainiarren hautaketa bat bilduko baita (deialdiak irekita daude abuztuaren 4tik aurrera)
Adimen artifiziala, Blockchaina, streaminga, VFX/SFX eta bestelako teknologietan oinarritutako hamar proiektu lehiatuko dira Zinemaldia Startup Challenge lehiaketan
Espainiako pertsona ekintzaileen eta startup-en lehiaketa berezi batean parte hartuko dute bost proiektuek. ‘Spanish Screenings: Financing & Tech’ parte izango den lehiaketa batean, hain zuzen
Zinemaldia & Technology irailaren 22an antolatutako da Tabakaleran eta hamar proiektuen aurkezpenaz gain, metaunibertsoari buruzko mahai-inguru bat egingo da
Manuel Abramovich, Christophe Honoré, Sebastián Lelio, Diego Lerman, Marco Martins, Laura Mora, Frelle Petersen, Hong Sangsoo, Ulrich Seidl eta Petr Václav lehiatuko dira Urrezko Maskorra eskuratzeko Donostia Zinemaldiaren 70. edizioan
Sail Ofizialak Genki Kawamura eta Marian Mathias zuzendarien lehen lanak ere hartuko ditu
Gainera, lehiaketatik kanpo, Yannick Kergoaten 'La (très) grande évasion / Tax Me If You Can’ dokumentalaren emanaldi berezia ere egingo da
Donostia Zinemaldiak Puxika Gorria ludoteka-zerbitzua eskainiko du, aurten ere, familia-kontziliazioa errazteko
Zerbitzua San Telmo Museoan instalatuko da eta sei hilabetetik hamabi urtera bitarteko haurrak zainduko ditu
Hamahiru lehen eta bigarren film lehiatuko dira Kutxabank-New Directors saria eskuratzeko
Sail honetako film guztiak (besteren bat gehituko da oraindik) 50.000 euroko sari bat irabazteko lehiatuko dira
Irati Gorostidiren 'Anekumen' proiektua, Ikusmira Berriak programan bildua, izango da ECAMen Start Me Up programan hautatutako proiektuetako azkena
Ikusmira Berriak ekimenaren azken edizioan bildutako proiektua Irati Gorostidik zuzendu du, eta Apellaniz y de Sosako Claudia Salcedo izan da ekoizle
TCMk 70. Donostia Zinemaldiko Gazteriaren TCM saria babestuko du
Laugarren urtez segidan, zinema-munduan etorkizun oparoa duten gazteen balioa nabarmentzen duen golardo hori sustatuko du TCMk, New Directors eta Horizontes Latinos sailen bidez
Bost film lehiatuko dira X. Sebastiane Latino saria eskuratzeko
GEHITUk ematen du saria, sexu- eta genero-aniztasuna ondoen adierazten dituen filmari aitortza egiteko
Fernando Franco, Mikel Gurrea, Pilar Palomero eta Jaime Rosales arituko dira Urrezko Maskorra eskuratzeko lehian Donostia Zinemaldiaren 70. edizioan
Halaber, Sail Ofizialaren parte izango dira Isabel Coixeten 'El sostre groc' filmaren emanaldi berezia eta lehiaketaz kanpo egongo den 'Apagón' telesaila, Rodrigo Sorogoyenek, Raúl Arévalok, Isa Campok, Alberto Rodríguezek eta Isaki Lacuestak zuzendutakoa
Belodromoak mundu mailako hiru estreinaldi hartuko ditu: Paco Leónen 'Rainbow', Fernando León de Aranoaren 'Sintiéndolo mucho' eta Fermin Muguruzaren 'Black is Beltza II: Ainhoa'
Koldo Izagirreren zinematografia lana eta Antxon Eceizaren biofilmografia aztergai ZINEren hirugarren alean
Euskal Herriko testuinguru politiko-kulturalean Trantsizioak eragindako desengainuaren kontzeptua aztertzen du argitalpenak, Izagirreren zinemaren eta garaiko beste literatura ekoizpen batzuen bidez
ZINE: ikerketa zinematografikorako koadernoak Eceizaren ibilbidea ere errepasatzen du, haren artxibo pertsonaleko zenbait material argitaragabetan oinarrituta; material horiek Euskadiko Filmategian daude 2021etik
Tabakalerak zinema ospatuko du 'Vive le cinéma!' erakusketarekin
Nazioarteko lau zinemagile pantaila handitik erakusketa-aretora igaro dira
Erakusketaren sorburuan Tabakaleraren, Amsterdameko Eye Filmmuseumen eta Donostia Zinemaldiaren arteko lankidetza dago
Bihar zabalduko ditu ateak erakusketak eta 2023ko urtarrilaren 8ra arte ikusi ahal izango da
“Modelo 77” Alberto Rodríguezen film luze berriak inauguratuko du Donostia Zinemaldiaren 70. edizioa
Miguel Herrán eta Javier Gutiérrez dira filmaren protagonistetako bi, eta irailaren 16an emango da filma lehiaketatik kanpo
Donostia Zinemaldiak 70. urteurrenari buruzko bere erakusketa handia inauguratu du Tabakaleran
Irailaren 24ra arte egongo da ikusgai«Imajinatu Zinemaldia», hogei bat pantailaren bidez 150 minututik gorako edukia biltzen duten ehunka bideo erakusten dituena
Gaur ireki da Ventana Sur eta Marché du Film merkatuek eta Donostia Zinemaldiak antolatutako Proyecta ekimenerako deialdia
Izena emateko epea abuztuaren 1ean amaituko da
Abian da Ikusmira Berriak egonaldien bederatzigarren deialdia
Ikus-entzunezko proiektuak garatzeko programan izena emateko epea irailaren 1era arte dago zabalik
TikTok, Donostia Zinemaldiko bazkide nabarmena
Entretenimendu-plataforma horrek hitzarmen bat sinatu du Zinemaldiarekin kultura zinematografikoa TikTok sarea osatzen duten pertsonengana (mila milioi pertsonatik gora mundu osoan) hurbiltzeko
Donostia Zinemaldia izango da bere emisioak Gipuzkoako Borondatezko Karbono Funtsaren bidez konpentsatzen lehena
Zinemaldiak bere karbono aztarnaren erdia baino gehiago konpentsatzeko konpromisoa hartu du, Naturklima Fundazioak eta Gipuzkoako Foru Aldundiko Ingurumen Departamentuak abian jarritako funtsaren bitartez
Bigarren urtez jarraian, Zinemaldiak moketa gorri birziklatu eta birziklagarria erabiliko du
Donostia Zinemaldiak Donostia Saria emango dio David Cronenbergi
Zuzendari eta gidoilari kanadarrak saria jasoko du Victoria Eugenia Antzokian egingo den gala batean, eta, horren ondoren, 'Crimes of the Future' emango da, bere film luze berria
Donostia Zinemaldiak Spanish Screenings: Financing & Tech aurkeztuko du Next Lab Finance & Tech jardunaldietan
Iruñean egingo dute, ekainaren 27tik 29ra, animazioaren eta bideojokoen industriaren finantzazioari, inbertsioei eta tresna teknologikoei buruzko hitzordua
Aurkezpena Next Lab Finance & Tech eta Spanish Screenings: Financing & Tech ekimenen arteko lankidetzaren emaitza da
Donostia Zinemaldiak atzerabegirako bat eskainiko dio Claude Sautet zuzendari frantziarrari
70. edizioan, Euskadiko Filmategiarekin lankidetzan argitaratutako liburuen bilduma berri bat inauguratuko da, eta lehen zenbakia zinemagile frantziarrari buruzkoa izango da
Elena López Rierak Zinemaldia + Plus-en saio berri batean aurkeztuko ditu bere film laburrak
Ikusmira Berriak ekimenaren babesean sortutako 'El agua' proiektua –bere lehen film luzea– Canneseko Zinema-jaialdiko Errealizadoreen Hamabostaldian estreinatu eta aste batzuetara izango da Alacanteko zinemagilea Tabakaleran
Donostia Zinemaldiak WIP Europa sailerako deialdia egin du
Uztailaren 1a izango da izena emateko azken eguna
Donostia Zinemaldiak WIP Latam sailerako deialdia egin du
Uztailaren 1a izango da izena emateko azken eguna
Izena emateko epea bihar zabalduko du Nest sailak
Zinema ikasleen film laburren nazioarteko lehiaketako hogeita batgarren edizioak ohiko formatua berreskuratuko du eta 2022ko irailaren 19tik 23ra bitartean egingo da
Lanen izen-ematea egiteko epea uztailaren 1ean amaituko da
Film irabazlearen zuzendariak 10.000 euroko saria jasoko du
Donostia Zinemaldiak nazioarteko inbertitzaileen eta Espainiako ekoiztetxeen arteko topaketa bat sortu du ‘Spanish Screenings: Financing & Tech’-en esparruan
Ekimena ‘Spanish Screenings XXL. Espainiako ikus-entzunezkoen ekoizpenerako nazioarteko merkatu bat’-en parte da
Proiektuak aurkezteko azken eguna uztailaren 1a da
Astelehenetik ostiralera: 09:00 - 14:00 | 16:00 - 19:00.