tve movistar+
Babesle
Ofizialak
65. Donostia Zinemaldia
22/30 Iraila 2017 - #65ssiff

itxi
Bete formularioa zure datuekin, erregistratutako erabiltzaileentzako edukiak ikusteko
Sakatu hemen
Ez duzu pasahitza gogoratzen? Sakatu hemen

itxi


Oraindik ez duzu posta elektronikoa balioztatu. Posta elktroniko bat bidali dizugu, ondoko esteka sakatu behar duzu kontua balioztatzeko

Hemen zaude: Lehen orrialdea > 67. Edizioa 2019  > Sailak eta filmak
Sail Ofiziala
67. Edizioa 2019
Sail Ofiziala
Sail Ofiziala
Filmak
Filmak
Inaugurazioa (lehiaketa barruan)
Blackbird
Roger Michell
AEB 
Emakume batek familia osoa bilduko du, bizirik jarraitu nahi ez duela jakinarazteko. Horrek agerira ekarriko ditu familiako liskar ezkutuak, baina baita bi alabek amari dioten maitasuna ere.

Emakume batek familia osoa bilduko du, bizirik jarraitu nahi ez duela jakinarazteko. Horrek agerira ekarriko ditu familiako liskar ezkutuak, baina baita bi alabek amari dioten maitasuna ere.

Klausurako filma
The Song of Names
François Girard
Kanada - Erresuma Batua - Hungaria 
Lehiaketatik kanpo
Europan, Bigarren Mundu Gerra betean, Martinek, bederatzi urteko haur batek, maitasuna hartuko dio bere anaia adoptatu berriari. Dovidl, haren adin bereko biolin-jotzaile miraria, Londresera iritsi berri da errefuxiatu gisa. Denbora luze baten ondoren, 21 urterekin lehen kontzertua eman aurretik, arrastorik utzi gabe desagertuko da Dovidl, eta lotsa eta hondamena ekarriko ...

Europan, Bigarren Mundu Gerra betean, Martinek, bederatzi urteko haur batek, maitasuna hartuko dio bere anaia adoptatu berriari. Dovidl, haren adin bereko biolin-jotzaile miraria, Londresera iritsi berri da errefuxiatu gisa. Denbora luze baten ondoren, 21 urterekin lehen kontzertua eman aurretik, arrastorik utzi gabe desagertuko da Dovidl, eta lotsa eta hondamena ekarriko dio familiari. Handik urtetara, Martinek 56 urte dituenean, Dovidlek soilik irakats lekiokeen filigrana estilistiko bat erakutsiko dio biolin-jotzaile gazte batek.

A Dark-Dark Man
Adilkhan Yerzhanov
Kazakhstan - Frantzia 
Kazakhstango herri batean haur bat erail dute. Bekzat detektibeak lehenbailehen amaitu nahi du ikerketa; izan ere, bertako poliziak jadanik aurkitu du hiltzailea. Baina hiritik kazetari bat iristen denean, dena amilduko da. Bere laneko ibilbidean lehenbiziko aldiz, egiazko ikerketa bat egin beharko du Bekzatek, prozedurari jarraituz.

Kazakhstango herri batean haur bat erail dute. Bekzat detektibeak lehenbailehen amaitu nahi du ikerketa; izan ere, bertako poliziak jadanik aurkitu du hiltzailea. Baina hiritik kazetari bat iristen denean, dena amilduko da. Bere laneko ibilbidean lehenbiziko aldiz, egiazko ikerketa bat egin beharko du Bekzatek, prozedurari jarraituz.

Das Vorspiel / The Audition
Ina Weisse
Alemania - Frantzia 
Anna Bronsky musikako institutu bateko biolin-irakaslea da. Gainerako irakasleak kontra agertu arren, eskolan mutil bat onar dezatela lortuko du Annak, talentu nabarmena duela sumatu baitu. Ordutik aurrera ardura handiz lan egingo du Alexanderrekin, eta azterketa partziala egiteko prestatuko du, bere seme Jonasi gero eta arreta gutxiago emanez. Gero eta gehiago urrunduko da ber...

Anna Bronsky musikako institutu bateko biolin-irakaslea da. Gainerako irakasleak kontra agertu arren, eskolan mutil bat onar dezatela lortuko du Annak, talentu nabarmena duela sumatu baitu. Ordutik aurrera ardura handiz lan egingo du Alexanderrekin, eta azterketa partziala egiteko prestatuko du, bere seme Jonasi gero eta arreta gutxiago emanez. Gero eta gehiago urrunduko da bere senar Philippe Bronsky biolin-egilearengandik ere. Bere maitale eta lankide Christianek boskote batean sartzeko konbentzituko du. Kontzertuan huts egingo du, ordea, eta presioa handituko da. Orain Alexander bihurtu da Annaren tresna, eta betiere aurrerago eta gorago eramango du. Azterketaren eguna iristen denean, gertaerek tragediaren bidea hartuko dute…

Il pleuvait des oiseaux / And the Birds Rained Down
Louise Archambault
Kanada 
Hiru ermitau zahar basoan gordeta bizi dira. Sute handi batek arriskuan jarriko du eremu hori, eta haien egunerokoa astinduko dute bi gertaerak: zaharrena, Boychuck, hil egingo da, eta laurogeitaka urteko emakume bat iritsiko da, bizitza osoan bidegabeki psikiatriko batean barneratuta egon ondoren. Emakumezko argazkilari batek haien ezkutalekua aurkituko du inguruko suterik lar...

Hiru ermitau zahar basoan gordeta bizi dira. Sute handi batek arriskuan jarriko du eremu hori, eta haien egunerokoa astinduko dute bi gertaerak: zaharrena, Boychuck, hil egingo da, eta laurogeitaka urteko emakume bat iritsiko da, bizitza osoan bidegabeki psikiatriko batean barneratuta egon ondoren. Emakumezko argazkilari batek haien ezkutalekua aurkituko du inguruko suterik larrienetan bizirik atera direnei elkarrizketak egitera datorrenean. Bi emakumeek Boychucken ehunka margolan aurkituko dituzte, hark sute horietan bizitako iragan tragikoaren lekuko. Jocelyne Saucier idazlearen izen bereko eleberrian oinarritutako filma.

La hija de un ladrón / A Thief's Daughter
Belén Funes
Espainia 
Sarak bakarrik eman du bizitza osoa. 22 urte eta haurtxo bat ditu, eta anaia txikiarekin eta bere semearen aitarekin familia arrunt bat osatu nahi du. Bere aitak, Manuelek, urteak eman ditu kanpoan, baina espetxetik aterako da eta seme-alaben bizitzara itzultzea erabakiko du. Sarak badaki bere planetan oztopo handia izango dela, eta erabaki zail bat hartuko du: aita berarengand...

Sarak bakarrik eman du bizitza osoa. 22 urte eta haurtxo bat ditu, eta anaia txikiarekin eta bere semearen aitarekin familia arrunt bat osatu nahi du. Bere aitak, Manuelek, urteak eman ditu kanpoan, baina espetxetik aterako da eta seme-alaben bizitzara itzultzea erabakiko du. Sarak badaki bere planetan oztopo handia izango dela, eta erabaki zail bat hartuko du: aita berarengandik eta anaiarengandik aldentzea. Opera prima.

La trinchera infinita / The Endless Trench
Aitor Arregi, Jon Garaño, Jose Mari Goenaga
Espainia - Frantzia 
Higiniok eta Rosak hilabete gutxi daramatzate ezkonduta, Gerra Zibila piztu eta, ondorioz, gizonaren bizitza arrisku larrian jartzen denean. Emaztearen laguntzaz, Higiniok etxean zulo bat egin eta denbora batez bertan ezkutatzea erabakiko du. Errepresaliak jasotzeko beldurrak eta elkarrenganako maitasunak 30 urtetik gora iraungo duen itxialdi batera kondenatuko dute bikotea.

Higiniok eta Rosak hilabete gutxi daramatzate ezkonduta, Gerra Zibila piztu eta, ondorioz, gizonaren bizitza arrisku larrian jartzen denean. Emaztearen laguntzaz, Higiniok etxean zulo bat egin eta denbora batez bertan ezkutatzea erabakiko du. Errepresaliak jasotzeko beldurrak eta elkarrenganako maitasunak 30 urtetik gora iraungo duen itxialdi batera kondenatuko dute bikotea.

La mu yu ga bei / Lhamo and Skalbe
Sonthar Gyal
Txina 
Lhamok eta Skalbek ez dute ezkontzerik lortuko, Skalbek jadanik ezkontza bat erregistratuta duela jakingo baitute. Oroitzapenak bat-batean itzuliko dira Skalbe Cuoyehe emazte ohiaren bila abiatzen denean. Duela lau urte ezkon-hitza hautsi zuenean Cuoyehek bizitza sekularrari uko egin ziola aurkituko du, ordea. Cuoyehe erlijiosoa izateak asko zailduko ditu Skalberen dibortzio-sa...

Lhamok eta Skalbek ez dute ezkontzerik lortuko, Skalbek jadanik ezkontza bat erregistratuta duela jakingo baitute. Oroitzapenak bat-batean itzuliko dira Skalbe Cuoyehe emazte ohiaren bila abiatzen denean. Duela lau urte ezkon-hitza hautsi zuenean Cuoyehek bizitza sekularrari uko egin ziola aurkituko du, ordea. Cuoyehe erlijiosoa izateak asko zailduko ditu Skalberen dibortzio-saioak. Bestalde, Lhamo urrundu egingo da. Gesar erregearen epopeia izeneko opera tibetar bat entseatzeko presiopean, Lhamok pertsonaia nagusia hezurmamituko du: Ngada Namo, infernura eroriko den emakume 'pekataria'. Lhamok pertsonaia begitan hartu ahala, ezkontzari dion beldurra ere azaleratzen hasiko da, bihotzaren sakonean ezkutatuta duen sekretu batetik.

Mano de obra / Workforce
David Zonana
Mexiko 
Franciscok eta eraikuntzako langile talde batek luxuzko etxe bat egingo dute Mexiko Hirian. Lanean, Franciscoren anaia hilko da istripu baten ondorioz, baina etxejabe aberatsak alargunari kalte-ordainik emango ez diola jakingo du Franciscok. Bere eta lankideen aurka abusu berriak jasan ondoren, eta dagokiena hainbatetan eskatu ondoren, bere esku hartuko du justizia. Baina, aurk...

Franciscok eta eraikuntzako langile talde batek luxuzko etxe bat egingo dute Mexiko Hirian. Lanean, Franciscoren anaia hilko da istripu baten ondorioz, baina etxejabe aberatsak alargunari kalte-ordainik emango ez diola jakingo du Franciscok. Bere eta lankideen aurka abusu berriak jasan ondoren, eta dagokiena hainbatetan eskatu ondoren, bere esku hartuko du justizia. Baina, aurka egin nahi dion munduak irentsiko al du azkenean?

Mientras dure la guerra / While at War
Alejandro Amenábar
Espainia - Argentina 
Espainia. 1936ko uda. Miguel Unamuno idazle ezaguna altxamendu militarraren alde agertuko da publikoki, herrialdearen egoera gatazkatsua konpontzen lagunduko duelakoan. Ondorioz, Errepublikako gobernuak berehala kenduko du Salamancako Unibertsitateko errektore kargutik. Franco jeneralak, bere tropak matxinatuen frontera ekarri, eta arrakastaz aurrera egitea lortuko du, gerraren...

Espainia. 1936ko uda. Miguel Unamuno idazle ezaguna altxamendu militarraren alde agertuko da publikoki, herrialdearen egoera gatazkatsua konpontzen lagunduko duelakoan. Ondorioz, Errepublikako gobernuak berehala kenduko du Salamancako Unibertsitateko errektore kargutik. Franco jeneralak, bere tropak matxinatuen frontera ekarri, eta arrakastaz aurrera egitea lortuko du, gerraren agintari bakarra izateko isilpeko esperantzaz. Gatazkak bilakaera odoltsua hartu eta zenbait lankide espetxeratzen dituztenean, Unamunok zalantzan jarriko ditu bere jarrerak eta printzipioak. Francok kuartela Salamancara eramaten duenean eta inguru nazionalaren estatuburu izendatzen dutenean, Unamuno haren jauregira joango da erruki bila.

Pacificado / Pacified
Paxton Winters
Brasil 
Tatik, 13 urteko neska barnerakoi batek, zailtasunak izango ditu Jaca aita urrunarekin konektatzeko, aita Olinpiaden ondorengo egun nahasietan espetxetik atera eta gero. Polizia Baketzailea Rioko inguruko faveletako okupazio ahulari eusteko ahaleginetan ari den bitartean, etorkizunerako dituzten itxaropenak kolokan jartzen dituen borrokaren erdian aurrera egin beharko dute...

Tatik, 13 urteko neska barnerakoi batek, zailtasunak izango ditu Jaca aita urrunarekin konektatzeko, aita Olinpiaden ondorengo egun nahasietan espetxetik atera eta gero. Polizia Baketzailea Rioko inguruko faveletako okupazio ahulari eusteko ahaleginetan ari den bitartean, etorkizunerako dituzten itxaropenak kolokan jartzen dituen borrokaren erdian aurrera egin beharko dute Jacak eta Tatik. Paxton Winter gidoilari eta zuzendaria zazpi urtez aritu da Morro dos Prazereseko komunitatearekin elkarlanean Pacificado / Pacified filma sortzeko; hala, barrutik, etxetzat duten hiriko gudu-zelai beti aldakorrean bake bila ari den familia baten erretratu indargarria egin du.

Patrick
Gonçalo Waddington
Portugal - Alemania 
Mário, 1999ko udaberrian Portugal erdialdean bahitutako 8 urteko mutil bat, 12 urte geroago agertuko da Parisko espetxe batean. Desagerraldiak sekretu lazgarri bat eta pertsonaia misteriotsu horren konplexutasun guztiak ezkutatzen ditu.

Mário, 1999ko udaberrian Portugal erdialdean bahitutako 8 urteko mutil bat, 12 urte geroago agertuko da Parisko espetxe batean. Desagerraldiak sekretu lazgarri bat eta pertsonaia misteriotsu horren konplexutasun guztiak ezkutatzen ditu.

Proxima
Alice Winocour
Frantzia - Alemania 
Sarah Koloniako Europako Espazio Agentzian entrenatzen ari den frantses astronauta bat da. Programa zorrotz horretako emakume bakarra da. Stellarekin bakarrik bizi da, zazpi urteko bere alabarekin. Sarah errudun sentitzen da alabarekin denbora gehiago eman ezin duelako. Haren maitasuna egundokoa da, aztoragarria. Sarah aukeratzen dutenean “Proxima” izeneko urtebeteko espazi...

Sarah Koloniako Europako Espazio Agentzian entrenatzen ari den frantses astronauta bat da. Programa zorrotz horretako emakume bakarra da. Stellarekin bakarrik bizi da, zazpi urteko bere alabarekin. Sarah errudun sentitzen da alabarekin denbora gehiago eman ezin duelako. Haren maitasuna egundokoa da, aztoragarria. Sarah aukeratzen dutenean “Proxima” izeneko urtebeteko espazio-misio bateko tripulazioan parte hartzeko, kaosa sortuko da amaren eta alabaren arteko harremanean.

Rocks
Sarah Gavron
Erresuma Batua 
Rocks nerabeak etorkizunerako amets handiak eta lagun leial eta dibertigarriak ditu, baita anaia txiki maitekor baina apur bat bihurria ere, Emmanuel. Rocksek gustuko du eskola (beste edozein nerabek adina), eta bizitza betea eta zirraragarria darama East Londonen bere lagunekin batera. Rocksen mundua hankaz gora jarriko da eskolatik iritsi eta ama joan egin dela aurkitzen duen...

Rocks nerabeak etorkizunerako amets handiak eta lagun leial eta dibertigarriak ditu, baita anaia txiki maitekor baina apur bat bihurria ere, Emmanuel. Rocksek gustuko du eskola (beste edozein nerabek adina), eta bizitza betea eta zirraragarria darama East Londonen bere lagunekin batera. Rocksen mundua hankaz gora jarriko da eskolatik iritsi eta ama joan egin dela aurkitzen duenean. Diru apur bat eta sentitzen duela azaltzeko ohar bat besterik ez ditu utzi. Anaiarekin geratzera eta kosta ahala kosta harrera-sisteman ez sartzera erabakita, etxetik joan eta auzoko zokoetan ezkutatuko da Rocks. Egunak gogortu eta sekretua ezkutatzeko zailagoa bihurtu ahala, maite duten pertsonak urrunduko ditu Rocksek, eta haren lagunartean arrailak agertuko dira. Agintariek azkenean aurkitzen dutenean, talde bakar batengana jo ahal izango du babes bila: lagunengana. Gaztaroko bizipozari, erresistentzia-ahalmenari eta espirituari buruzko film bat.

Thalasso
Guillaume Nicloux
Frantzia 
Bost urte igaro dira Michel Houellebecq bahitu zutenetik. Michel eta Gérard Depardieu elkarrekin joango dira Cabourgera, talasoterapia batera. Establezimenduak ezarriko dien osasun-erregimen latzetik onik ateratzen saiatuko dira han. Bitartean, bera bahitu zutenekin etengabe harremanetan jarraituko du Michelek, eta ustekabeko gertakari batzuek hankaz gora jarriko dute egonal...

Bost urte igaro dira Michel Houellebecq bahitu zutenetik. Michel eta Gérard Depardieu elkarrekin joango dira Cabourgera, talasoterapia batera. Establezimenduak ezarriko dien osasun-erregimen latzetik onik ateratzen saiatuko dira han. Bitartean, bera bahitu zutenekin etengabe harremanetan jarraituko du Michelek, eta ustekabeko gertakari batzuek hankaz gora jarriko dute egonaldia.

The Other Lamb
Małgorzata Szumowska
Irlanda - Belgika - Polonia - AEB 
Selah Artaldea izeneko erlijio alternatibo batean jaiotako neska bat da. Kideak –guztiak emakumeak eta neskak– landa-eremuko barruti batean bizi dira, Artzaina deritzon gizon baten gidaritzapean. Selah nerabezaroaren ateetan dago, eta sinestun erabat sutsua da, baina Sarahrekin harreman estua izaten hasiko da. Sarah baztertutako emazte bat da, eta gero eta eszeptizismo hand...

Selah Artaldea izeneko erlijio alternatibo batean jaiotako neska bat da. Kideak –guztiak emakumeak eta neskak– landa-eremuko barruti batean bizi dira, Artzaina deritzon gizon baten gidaritzapean. Selah nerabezaroaren ateetan dago, eta sinestun erabat sutsua da, baina Sarahrekin harreman estua izaten hasiko da. Sarah baztertutako emazte bat da, eta gero eta eszeptizismo handiagoz hartzen ditu Artzainaren irakaskuntzak. Selahri arkumeen erditze-erritual sakratuan parte hartzen utziko diote: ohore handia da, bizirik ateratzeko horien mendean baitaude emakumeak. Han, esperientzia eraldatzaile bortitza biziko du. Bere errealitatea eta Artzainak berari eta bere ahizpei irakatsitako guztia zalantzan jarraraziko dioten irudipen bitxiak izaten hasiko da orduan.

Vendrá la muerte y tendrá tus ojos / Death Will Come and Shall Have Your Eyes
José Luis Torres Leiva
Txile - Argentina - Alemania 
Bizitza osoa elkarrekin eman duten bi emakumek haietako baten gaixotasunari aurre egin beharko diote. Gaixo dagoen emakumeak tratamendurik ez egitea erabakiko du, eta basoko etxola batera joango dira biak, heriotza haien bizitzetara iritsi arte. Hala, berriz aurkituko dute errutinaren eta denboraren poderioz ahuldutako maitasun-garra. Apurka-apurka, bien arteko harremana indart...

Bizitza osoa elkarrekin eman duten bi emakumek haietako baten gaixotasunari aurre egin beharko diote. Gaixo dagoen emakumeak tratamendurik ez egitea erabakiko du, eta basoko etxola batera joango dira biak, heriotza haien bizitzetara iritsi arte. Hala, berriz aurkituko dute errutinaren eta denboraren poderioz ahuldutako maitasun-garra. Apurka-apurka, bien arteko harremana indartuko da; bitartean, etxola kanpoan, heriotza bere abagunearen zain dago.

Zeroville
James Franco
AEB 
Lehiaketatik kanpo
Vikar, jendearekin trakets moldatzen den arkitektura-ikasle bat, Hollywood aldera joango da autobusez, ikusi dituen film eskasetan inspirazioa harturik. Larru-arras moztutako buruan duen tatuajeak Soledad aktore ederra txundituko du; Montgomery Clift eta Elizabeth Taylor erakusten ditu, Leku bat eguzkitan filmean agertu bezala. Laster zinemagintzan hasiko da Vikar, lehenbizi di...

Vikar, jendearekin trakets moldatzen den arkitektura-ikasle bat, Hollywood aldera joango da autobusez, ikusi dituen film eskasetan inspirazioa harturik. Larru-arras moztutako buruan duen tatuajeak Soledad aktore ederra txundituko du; Montgomery Clift eta Elizabeth Taylor erakusten ditu, Leku bat eguzkitan filmean agertu bezala. Laster zinemagintzan hasiko da Vikar, lehenbizi diseinatzaile eta ondoren muntatzaile, eta bidaia liluragarria egingo du pelikulen munduan, baina, aurkikuntza ia-ia lazgarri bat tarteko, tragedian amaituko da guztia.

Diecisiete / Seventeen
Daniel Sánchez Arévalo
Espainia 
Lehiaketatik kanpo
Hectorrek 17 urte ditu eta adingabeen zentro batean bizi da. Txakurrek lagundutako birgizarteratze-terapiara doa eta bera bezain lotsatia eta iheskorra den animalia batekin lotura estua du. Baina txakurra adopzioan ematen dutenean, haren bila joateko ihes egitea erabakiko du Hectorrek. Horrela hasiko da ustekabeko bidaia bat, Ismael anaia nagusia, Cuca amona, bi txakur, behi ba...

Hectorrek 17 urte ditu eta adingabeen zentro batean bizi da. Txakurrek lagundutako birgizarteratze-terapiara doa eta bera bezain lotsatia eta iheskorra den animalia batekin lotura estua du. Baina txakurra adopzioan ematen dutenean, haren bila joateko ihes egitea erabakiko du Hectorrek. Horrela hasiko da ustekabeko bidaia bat, Ismael anaia nagusia, Cuca amona, bi txakur, behi bat eta beste zenbait animalia lagun dituelarik.

La odisea de los giles / Heroic Losers
Sebastián Borensztein
Argentina - Espainia 
Emanaldi Bereziak
Argentinan, gil esaten diete on puskei, inuzenteei eta, aldi berean, nolabaiteko arduragabekeriaz jokatzen dutenei. Halakoak dira Buenos Airesko herri bateko biztanleak. Beren aurrezki guztiak banku batean sartuko dituzte nekazarien kooperatiba bat sortzeko asmoz, etorkizuna aldatuko diela uste dutelako. Iruzur baten ondorioz, diru guztia galduko dute. Bertako futbolari mi...

Argentinan, gil esaten diete on puskei, inuzenteei eta, aldi berean, nolabaiteko arduragabekeriaz jokatzen dutenei. Halakoak dira Buenos Airesko herri bateko biztanleak. Beren aurrezki guztiak banku batean sartuko dituzte nekazarien kooperatiba bat sortzeko asmoz, etorkizuna aldatuko diela uste dutelako. Iruzur baten ondorioz, diru guztia galduko dute. Bertako futbolari mitiko bat, Perlassi, buruan dutela, justizia beren kabuz ezartzea erabakiko dute zortzi gil hauek, eta beren bizitzako gaurik legendarioena biziko dute.

Babesle Ofizialak:
Laguntzaile Ofizialak:
Instituzio Kideak:
© Donostia Zinemaldia | Desarrollado por: Yo Miento Producciones

Webgune hau berezko eta kanpoko cookies-az baliatzen da, erabiltzaile gisa esperientzia hobea eskaintzeko. Informazio gehiago Onartzea