Donostia Zinemaldia ::

Barbet Schroeder

Frantzia - Luxemburgo - Alemania

Stefan Parisera auto-stopez iristen den alemaniar ikasle bat da, bertan Estelle iparramerikarra ezagutu eta harekin maiteminduko da. Egun batez, Estellek Paris utziko du eta Stefan Ibiza uharteraino atzetik joango zaio, eta han gizon batek neskaren bizitzan agintzen duela jakingo du. Biak aurki drogaren munduan murgilduta ikusiko dituzte euren buruak.

Le cochon aux patates douces

Barbet Schroeder

Frantzia

Australiar Ginea Berriko sukaldaritza ohiturei buruzko dokumentala. La vallée-ren filmazioa dokumentatzea xede duen landa-lan honek otordu baten prestakuntza-prozesua azaltzen du, horretarako basoko zulo batean txerrikia lurperatu behar izaten delarik.

Le repas rituel / Le rite du cochon

Barbet Schroeder

Frantzia

Australiar Ginea Berriko hegoaldean egiten den erritual bati buruzko dokumentala, zeinean txerri kopuru handi bat hiltzen baita zonaldeko bi tribuen loturak estutuko dituen otordu bat ospatzeko.

Sing-Sing

Barbet Schroeder

Frantzia

Bost urtero egiten den txerri trukearen erritua Australiar Ginea Berriko tribuen bizitzako gertaera sozial nabarmenena da. Dokumental honek ohitura hori jaso du, zeinean talde ezberdinetako kideak elkarren artean eresien bidez komunikatzen diren.

Maquillages

Barbet Schroeder

Frantzia

Australiar Ginea Berriko Mount Hagenen gorputz-makillajea da daukaten adierazpen artistiko bakarrenetakoa. Film labur dokumental honek makillaje modu ezberdinetan erreparatzen du, emakume nahiz gizonezkoek beren zeremoniatan erabiltzen dituzten horietan.

La vallée

(Harana)

Barbet Schroeder

Frantzia

Melbourneko Frantziako kontsularen emazte Vivianeren bizitza burgestua aukera berrietara zabalduko da Australiako Ginea Berrian Olivier ezagutuko duenean, mapatan agertzen ez den leku idilikoa den ?Haranaren? bila doan txangozale-talde bateko kidea. Vivianek espedizioarekin bat egingo du amodio librean aritzera eta substantzia haluzinogenoak hartzera eramango duen bidaia askatz...

Melbourneko Frantziako kontsularen emazte Vivianeren bizitza burgestua aukera berrietara zabalduko da Australiako Ginea Berrian Olivier ezagutuko duenean, mapatan agertzen ez den leku idilikoa den ?Haranaren? bila doan txangozale-talde bateko kidea. Vivianek espedizioarekin bat egingo du amodio librean aritzera eta substantzia haluzinogenoak hartzera eramango duen bidaia askatzailean.

Général Idi Amin Dada

(Idi Amin Dada jenerala)

Barbet Schroeder

Frantzia

1971 eta 1979 bitartean 300.000 herrikideen heriotzaren erantzule izan zen diktadore ugandarrari buruzko dokumentala da, asiar jatorriko biztanleak bere herritik kanporatzea agindu zuenean nazioartean ezagutarazi zena. Amin beraren onespenaz, kamerak diktadorea safari batean, igeriketa lehiaketa batean eta bere ospea erakustearren antolaturiko beste hainbat ekitalditan jasotzen...

1971 eta 1979 bitartean 300.000 herrikideen heriotzaren erantzule izan zen diktadore ugandarrari buruzko dokumentala da, asiar jatorriko biztanleak bere herritik kanporatzea agindu zuenean nazioartean ezagutarazi zena. Amin beraren onespenaz, kamerak diktadorea safari batean, igeriketa lehiaketa batean eta bere ospea erakustearren antolaturiko beste hainbat ekitalditan jasotzen du, baina irudi hauek haren eromena eta paranoia begi-bistan utziko dute.

Maîtresse

(Andre eta jabe)

Barbet Schroeder

Frantzia

Olivier lapur hasiberria Parisko etxebizitza batera sartu da hutsik dagoelakoan. Alabaina, etxeko jabeak, Arianek, bertan harrapatu du, sadomasokismoan espezializaturiko dominatrix den prostitutak. Berehala bata-bestearekiko erakarpena sentitu eta Olivierren zeloek nabarmendutako harreman bat hasiko dute, Arianek bizimoduz aldatu behar duela sartu baitzaio buruan.

Koko, le gorille qui parle

(Koko, gorila hiztuna)

Barbet Schroeder

Frantzia

Penny Patterson psikologia ikasleak San Frantziskoko zooan Koko izeneko gorila eme batekin eginiko esperimentuari buruzko dokumentala, zeinean urteetako lanaren poderioz, gor-mutuen zeinu-lengoaiaren bitartez gorilarekin komunikatzea lortu zuela erakusten den.

The Bukowski Tapes

Barbet Schroeder

Frantzia

Hainbat urteren buruan, Barfly bere pelikularako finantziazioa lortzen saiatzen zen bitartean, Barbet Schroederrek bideoan grabatu zituen Charles Bukowskirekin izandako solasaldiak, zeinetan idazleak bere poematako batzuk leitzen dituen eta bakarrizketan aritzen den bere estilo paregabeaz, bere bizitzaz, bere lanaz, emakumeekiko bere harremanetaz eta alkoholarekiko bere grinaz....

Hainbat urteren buruan, Barfly bere pelikularako finantziazioa lortzen saiatzen zen bitartean, Barbet Schroederrek bideoan grabatu zituen Charles Bukowskirekin izandako solasaldiak, zeinetan idazleak bere poematako batzuk leitzen dituen eta bakarrizketan aritzen den bere estilo paregabeaz, bere bizitzaz, bere lanaz, emakumeekiko bere harremanetaz eta alkoholarekiko bere grinaz. Emaitza Factotum lanaren egilearen erretratu zehatza da.

Tricheurs

(Iruzurtiak)

Barbet Schroeder

Frantzia - Alemania - Portugal

Apustuekiko grinak bultzatuta kasinoz kasino dabilen jokalari konpultsiboa da Elric. Madeiran dela, Suzie emakume xarmagarria ezagutu, eta egun batzuetarako berarekin gera dadin konbentzituko du, zorte ona ekarriko diolakoan eta agian bere zaletasunaz libratzeko lagundu diezaiokelakoan. Hori guztia lortu beharrean ordea, Suzie izango da jokoaren infernu erakargarrian endredatuk...

Apustuekiko grinak bultzatuta kasinoz kasino dabilen jokalari konpultsiboa da Elric. Madeiran dela, Suzie emakume xarmagarria ezagutu, eta egun batzuetarako berarekin gera dadin konbentzituko du, zorte ona ekarriko diolakoan eta agian bere zaletasunaz libratzeko lagundu diezaiokelakoan. Hori guztia lortu beharrean ordea, Suzie izango da jokoaren infernu erakargarrian endredatuko dena.

Barfly

(Barfly (Zurruteroa))

Barbet Schroeder

AEB

Alkohola eta poesia dira Henry Chinaskiren bizi-eragileak, edale izateaz harro dago eta gau eta egun Los Angelesko tabernatan zurrutean eta bat-bateko borrokalditan sartuta dabil. Taberna horietako batean, Wanda ezagutu eta edanari emandako harreman bat hasiko dute. Aldi berean, editore sofistikatu batek bere literatur talentuaz oharturik, haren olerkiak argitaratu nahi izango ...

Alkohola eta poesia dira Henry Chinaskiren bizi-eragileak, edale izateaz harro dago eta gau eta egun Los Angelesko tabernatan zurrutean eta bat-bateko borrokalditan sartuta dabil. Taberna horietako batean, Wanda ezagutu eta edanari emandako harreman bat hasiko dute. Aldi berean, editore sofistikatu batek bere literatur talentuaz oharturik, haren olerkiak argitaratu nahi izango ditu.

Reversal of Fortune

(Von Bulow misterioa)

Barbet Schroeder

AEB - Japonia - Britainia Handia

Intsulina-injekzio batez baliatuta bere emaztea koma-egoerara eramateagatik errudun deklaratu duten Claus Von Bulow aristokrata makurrak Alan Dershowitz abokatuaren zerbitzuak kontratatu ditu apelazioa prestatzeko. Dershowitzek ikasleez osaturiko lan-talde bat bilduko du aurrez galduta dirudien kasu bati eta herrialde osoaren gorrotoa pizten duen protagonistari aukeraren bat em...

Intsulina-injekzio batez baliatuta bere emaztea koma-egoerara eramateagatik errudun deklaratu duten Claus Von Bulow aristokrata makurrak Alan Dershowitz abokatuaren zerbitzuak kontratatu ditu apelazioa prestatzeko. Dershowitzek ikasleez osaturiko lan-talde bat bilduko du aurrez galduta dirudien kasu bati eta herrialde osoaren gorrotoa pizten duen protagonistari aukeraren bat emateko.

Single White Female

(Emakume zuri ezkongabea)

Barbet Schroeder

AEB

Senargaia berarekin ez leiala izan dela ohartzean, Allison Jonesek apartamentutik egotziko du mutila eta etxebizitza berean bizitzeko hautagaiak elkarrizketatzen hasiko da. Azkenean, hasieratik gustuko duen Hedra Carlson izango da hautatua. Elkarren arteko adiskidantza kolokan jarriko da Allisonek eta senargaiak bakeak egiten dituztenean, Hedra gaixo-zeloak azaleratzen hasiko b...

Senargaia berarekin ez leiala izan dela ohartzean, Allison Jonesek apartamentutik egotziko du mutila eta etxebizitza berean bizitzeko hautagaiak elkarrizketatzen hasiko da. Azkenean, hasieratik gustuko duen Hedra Carlson izango da hautatua. Elkarren arteko adiskidantza kolokan jarriko da Allisonek eta senargaiak bakeak egiten dituztenean, Hedra gaixo-zeloak azaleratzen hasiko baita.

Kiss of Death

(Heriotzaren zaporea)

Barbet Schroeder

AEB

Jimmy Kilmartin konbiktu ohiak gau batez bere lehengo lapur bizimodura itzultzea onartu du Ronnie bere lehengusuari mesede bat egitearren, eta hartara, ostutako ibilgailuez betetako kamioi bat gidatuko du. Haatik, Poliziak operazioa desegingo du eta Jimmy espetxera itzuliko da. Ronnierekin gaua pasa ondoren, bere emaztea hil egin dela jakitean, Jimmyk lapurretan nahasita dauden...

Jimmy Kilmartin konbiktu ohiak gau batez bere lehengo lapur bizimodura itzultzea onartu du Ronnie bere lehengusuari mesede bat egitearren, eta hartara, ostutako ibilgailuez betetako kamioi bat gidatuko du. Haatik, Poliziak operazioa desegingo du eta Jimmy espetxera itzuliko da. Ronnierekin gaua pasa ondoren, bere emaztea hil egin dela jakitean, Jimmyk lapurretan nahasita daudenak salatzea onartuko du.

Before and After

(Lehen eta gero)

Barbet Schroeder

AEB

Ryan familiaren bizitza atsegina guztiz asaldatuko da Jacob, seme zaharrena berarekin zebilen neskaren, Martha Taverneren hilketaren susmagarri nagusitzat jotzen dutenean. Bere gurasoek ez dute Jacobek kasuarekin zerikusirik izan dezakeenik ere entzun nahi, ordea, laster kontrakoa dioten frogak agerian jarriko dira.

Desperate Measures

(Ezinbesteko neurriak)

Barbet Schroeder

AEB

San Frantziskoko poliziako Frank Conner ofiziala leuzemiak jotako bere semearentzako bizkarrezur-muin emaile baten bila etsi-etsian dabil. Muina eman diezaiokeen emaile bakarra preso dagoen Peter McCabe hiltzaile arriskutsua da. McCabek bere muina ematea onartu du espetxean zenbait pribilegio izatearen truke, baina ebakuntza egin aurretik ihes egitea lortuko du.

La virgen de los sicarios

(Sikarioen ama birjina)

Barbet Schroeder

Espainia - Frantzia - Kolonbia

Fernando idazlea Medellinera itzuli da hogeita hamar urte kanpoan egon ondoren. Iritsi bezain orduko, Alexis gaztea ezagutu du, amorante egin dira eta mutilari gizakien bizitzak jada baliorik ez duen kaleetan barrena egindako paseotan lagunduko dio. Pixkanaka, Fernando hiriko egunerokotasuna bereizten duen sikarioen arteko tiroketen eta nonahi hedatutako bortizkeriaren aurrean ...

Fernando idazlea Medellinera itzuli da hogeita hamar urte kanpoan egon ondoren. Iritsi bezain orduko, Alexis gaztea ezagutu du, amorante egin dira eta mutilari gizakien bizitzak jada baliorik ez duen kaleetan barrena egindako paseotan lagunduko dio. Pixkanaka, Fernando hiriko egunerokotasuna bereizten duen sikarioen arteko tiroketen eta nonahi hedatutako bortizkeriaren aurrean gogortuz joango da.

Murder by Numbers

(Hilketa... 1-2-3)

Barbet Schroeder

AEB

Bi nerabek (Richard, institutuko mutikorik estimatuena, eta honen ikaskide Justin, gazte barnerakoi, azkar eta beti liburu artean sartuta dabilena) hilketa bat gauzatu eta krimenaren eszenatokia arrasto faltsuz beteko dute zigorrik gabe atera daitezkeela frogatzeko. Ikerketaren hariari jarraiki, Richardek eta Justinek ikasten duten institutura helduko dira Cassie Mayweather eta...

Bi nerabek (Richard, institutuko mutikorik estimatuena, eta honen ikaskide Justin, gazte barnerakoi, azkar eta beti liburu artean sartuta dabilena) hilketa bat gauzatu eta krimenaren eszenatokia arrasto faltsuz beteko dute zigorrik gabe atera daitezkeela frogatzeko. Ikerketaren hariari jarraiki, Richardek eta Justinek ikasten duten institutura helduko dira Cassie Mayweather eta Sam Kennedy agenteak.