Mundu osoko zinemagile, antzezle, ekoizle eta gidoilari ugari izango dira Donostia Zinemaldiaren 74. edizioan, 47 herrialdetako 263 film eskainiko dituenean, hain justu. Gaur Tabakaleran egindako prentsaurreko batean, Zinemaldiko zuzendari José Luis Rebordinosek eta zuzendariorde Maialen Belokik zerrenda bat aurkeztu dute, eta honako hauek agertzen dira, besteak beste, zerrenda horretan: Orlando Bloom, Marion Cotillard, Penélope Cruz, Ricardo Darín, Virginie Efira, Lali Espósito, Eduard Fernández, Dolores Fonzi, Jeremy Irons, Denis Lavant, Vincent Lindon, Rami Malek, Noémie Merlant, Mercedes Morán, Lena Olin, Nahuel Pérez Biscayart, Brad Pitt, Tom Sturridge eta Marcelo Subiotto.

Donostiara etorriko dira, halaber, hainbat zuzendari euren filmak aurkeztera, hala nola Fatih Akin, Beth de Araújo, Lukas Dhont, Jesse Eisenberg, Nicole Garcia, Pablo Larraín, Diego Luna, Valentina Maurel, Martin McDonagh, Tsai Ming-Liang, Cristian Mungiu, Hans Peter Moland, Olivier Nakache eta Eric Toledano, Pawel Pawlikowski, Ira Sachs eta Andrey Zvyagintsev. Horrez gainera, Werner Herzog zinemagile alemanak, Donostia Saria jasoko duenez, Orlando Bloomekin batera aurkeztuko du bere film luze berria, Bucking Fastard; Naomi Watts aktoreak —Ben Shirinianek zuzendutako The Housewife filmaren protagonistak— ere jasoko du sari hori bera, eta Lena Olin antzezlearekin batera izango dugu hirian. Bloomek Donostia saria emango dio Herzogi eta J.A. Bayonak zuzendariak, Wattsi.

Sail Ofizialaren lehiaketan, nazioarteko presentzia ugari egongo dira: Fatih Akin, Geister / Ghost Song filmaren zuzendaria eta haren protagonistak, Mariam Dawoud eta Eren M. Güvercin; Jesse Eisenbergek bere hirugarren filma aurkeztuko digu zuzendari gisa, The Debut, hain zuzen; Marion Cotillard aktorea Nicole Garciarekin ikusiko dugu (7h40 ce matin-là / Milo); Fréderic Cavayé, Vincent Lindon, Tahar Rahim, Noémie Merlant, Camille Cottin eta Benjamin Lavernhe Les Miserábles filmaren ordezkari gisa bertaratuko dira gure hirira; Marion Bailey, Paul Jesson eta Alice Bailey Johnson, bestalde, Mike Leighen —Tender Loving Care filmaren zuzendariaren— izenean izango ditugu Zinemaldian, eta Hans Peter Molandi lagun eginez, Herbert Nordrum eta Asta Kamma August etorriko zaizkigu Donostiara (Markens grøde / Growth of the Soil). Horrez guztiaz gain, lehiaketan parte hartuko duten filmak aurkeztuko dizkigute Amanda Kernell (Garrat du váimmu / Brace Your Heart) eta Yeşim Ustaoğlu (Artakalan / What Remains) zuzendariek, hiru errealizadore hasiberri hauetaz bestalde: Tony Vahl alemaniarra (Krux), Maha Harada japoniarra (My Father’s Room) eta Ah Biao txinatarra (Bian jing / Border). Lehiaz kanpo, Brad Pitt aktore eta ekoizleak babestu egingo du David Ayerrek zuzendutako The Heart of the Beast filmaren estreinaldia, ahaztu gabe Michaël R. Roskam zinemagile belgikarrak Le Faux Soir pelikularekin emango diola amaiera Zinemaldiari, Arieh Worthalter izanik haren protagonista nagusia.

Denis Lavant antzezlea New Directors sailera itzuliko zaigu Thomas Woodrofferen Bloques erráticosen aktore-zerrendako kide gisa, eta Tsai Ming Liang zinemagileak Zabaltegi-Tabakaleran parte hartuko du Weichen (Dust) obrarekin. Alabaina, Perlak sailak bilduko ditu izen propio gehien; hala, Martin McDonaghek Wild Horse Nine erakutsiko digu eta Ira Sachs zinemagileak, berriz, Rami Malek eta Tom Sturridge jokalariekin —The Man I Love filmeko protagonistekin— bidaiatuko du Gipuzkoako hiriburura, edizio honetako Epaimahai Ofizialeko buru gisa jarduteaz gain. Beste zinema-jaialdi batzuetako perla nagusiak biltzen dituen sailean zinemagileak ere izango dira, hala nola Lukas Dhont (Coward), Pawel Pawlikowski (Fatherland), Cristian Mungiu (Fjord), Beth de Araújo (Josephine), Andrey Zvyagintsev (Minotaur), Nanni Moretti (Succederà questa notte / It Will Happen Tonight), Leah Nelson (Tangles) eta Olivier Nakache eta Eric Toledano (Juste une illusion). Orobat, Virginie Efira —Soudain / All of a Sudden filmaren protagonista saritua— Ryusuke Hamaguchiren ordezkari gisa bertaratuko da jaialdira.

Gainera, Beste jarduera batzuk sailaren barnean, The Mission filmaren emanaldiak, pelikularen 40. urteurrena dela-eta, Roland Joffé zuzendariaren, Jeremy Irons jokatzailearen eta David Puttnam ekoizlearen presentzia izango du.

Zinema latinoamerikarra

Zinema latinoamerikarrak Zinemaldian izan ohi duen presentziak ere pertsona ezagun ugari bilduko ditu aurten, ia atal guztietan. Zehazki, Sail Ofizialari dagokionez, Lali Espósito eta Marcelo Subiotto aktoreek Benjamín Naishtat argentinarraren Glaxo filmaren estreinaldian hartuko dute parte, eta Mercedes Moránek, Dolores Fonzik eta Mariana Enriquez idazleak Pablo Larraín txiletarraren Mis muertos tristes pelikularen alde egingo dute, Sail Ofizialean; Sail Ofizialean estreinatuko da, horren ildotik, Vicentina pede disculpas / On Behalf of my Son pelikula, Gabriel Martinsena.

Horizontes Latinos sailari gagozkiola, Valentina Maurel zuzendari costarricarra Daniela Marín eta Marina de Tavira antzezleez lagunduta izango dugu Zinemaldian (Siempre soy tu animal materno), Diego Luna mexikarra, berriz, Adriana Paz, Anna Díaz eta Teresa Lozano aktoreez (Ceniza en la boca) eta Marcelo Martinessi paraguaitarra, azkenik, Diro Romero, Mona Martínez eta Nahuel Pérez Biscayart jokatzaileez (Narciso). Euren filmak aurkeztuko dizkigute, sail horretan bertan, Manuela Martelli (El deshielo) txiletarrak, Fernando Eimbcke (Moscas), Bruno Santamaría (Seis meses en el edificio rosa con azul) eta Fernanda Tovar (Chicas tristes) mexikarrek, Lorenzo Ferro (El tren fluvial) eta Alessandra Sanguinetti (La ilusión de un verano sin fin) argentinarrek; Ricardo Alves Jr. brasildarrak (A Professora de Francés) eta Esteban Hoyos eta Juan Miguel Gelacio (Cinco años, cuatro meses) kolonbiarrek.

Horizontes Latinos, alabaina, ez da izango presentzia latinoamerikarra izango duen sail bakarra. Izan ere, Zabaltegi-Tabakaleran argentinar hauen presentzia izango dugu: María Alché eta Benjamín Naishtat —Pedro en el paísen zuzendariak— eta Albertina Carri —Cine vivo, un artefacto performancea lehiaz kanpo erakutsiko diguna—. Beste jarduera batzuk sailak, gainera, Hernán Goldfriden Lo dejamos acá filmaren emanaldia hartuko du barne, ahaztu gabe Ricardo Darín —arestian aipatutako filmeko protagonista nagusia eta Donostia Zinemaldiaren 74. edizioaren kartel ofizialaren irudia— ere gurekin izango dugula.

Zinema espainiarra

Zinema espainiarrak presentzia garrantzitsu ugari izango ditu. Zehazki, Sail Ofizialean Eduard Fernández izango dugu, Roberto Buesoren El mal padreren protagonista gisa. Mikel Gurrea zinemagilea Santsekin lehiatuko da (Victoria Luengo, Ariadna Gil eta Eulàlia Ramón daude filmaren aktore-zerrendan), eta Javier Ruiz Calderak gauza bera egingo du 5 minutos másekin (Javier Cámara, Berto Romero eta Belén Cuesta jokatzaileak ere izango dira, Romero gidoigileetako bat izanik). Lehiaz kanpo aurkeztuko dituzte euren lanak Koldo Almandozek (Azken agurra, Iñigo Azpitarte eta Izaro Nietorekin) eta Elena Martín Gimeno eta Sandra Romero bikoteak (El castillo zuzendu dute, Isabel Peña eta Eduardo Villanuevak sortutako seriea, Raúl Arévalo, Valentina Vidal, Omar Ayuso eta Laia Marull dituena protagonista). Gainera, Zoe Bonafontek, Manuela Callek eta Adelfa Calvok lagun egingo diote Daniel Monzóni (Ruega por nosotras), Antonio de la Torrek eta Patricia López Arnaizek bezalaxe David Pérez Sañudoren kasuan (Sacamantecas). Fernando Truebak Bajañi erakutsiko digu Niño Joselerekin batera, eta Más allá de la sociedad obrak sortzaileen ordezkaritza izango du, Carlos Torres zuzendaria eta J. A. Bayona ekoizlea, Enzo Vogrincic aktoreaz gain.

New Directorsi gagozkiola, Oriol Pla eta Marina Salas antzezleek Javier Ginerri lagunduko diote bere lehen lanean zuzendari gisa (Esta soledad), eta Jaime Lorente, El mal hijoren zuzendaria, Donostian izango da Miguel Ángel Puro, Susi Sánchez eta Hugo Arbuésekin batera. Zabaltegi-Tabakalerak Meritxel Colell Aparicio (Lejos de los árboles) eta Isaki Lacuesta zuzendarien (Jaleos), Soleá Morente abeslariaren, eta Oskar Alegría errealizadorearen (HAMALAU gau) presentziak izango ditu. La bola negrak —Javier Calvo eta Javier Ambrossiren filmak, Perlak sailean programatuak— Guitarricadelafuente , Miguel Bernardeau, Carlos González, Milo Quifes, Lola Dueñas eta Penélope Cruz (The Invite filmean ere lan egiten duena) artisten presentzia izango du, eta Andrea Ros eta Patrick Criado ere izango dira, horien kasuan, Belodromoan, Aritz Morenori —Karatekaren zuzendariari— lagun egiten.

Albert Serra zuzendaria Made in Spain sailean izango dugu, Seize moments de ma vie / Sixteen Moments of My Life estreinatzeko. Sail horretan bertan hartuko dute parte, baita ere, hauek guztiek: Laura García Alonso zuzendaria eta Alba Sáez antzezlea Corredora ordezkatuz, Aina Clotet antzezle eta zuzendaria Viva erakusteko, Carolina Yuste eta Afioco Gnecco (Este cuerpo míoren zuzendari eta protagonista), Bárbara Farré (Mala bèstia), Marta Matute (Yo no moriré de amor) eta Ian de la Rosa (Iván & Hadoum) zinemagileak, ahaztu gabe Carlo Padial (Pizza Movies) ere izango dela Berto Romero eta Judit Martínekin batera. Made in Spain osatzeko, hauek ere etorriko zaizkigu: Cristina Diz eta Stefan Butzmühlen (Die gäste / The Guests), Greta Fernández, Jan Bülow eta Eduard Fernándezekin, eta Víctor García León (Altas capacidades), Marian Álvarezekin. Azkenik, Isabel Coixetek Tre ciotole / Tres adioses aurkeztuko digu, eta Júlia de Pazek, berriz, La buena hija.

Klasikoak sailean, Jaime Chávarri zinemagileak El desencanto filma (1976) erakutsiko digu, obra Zinemaldiko programaziotik kendu eta 50 urtera. RTVE galetan hauek egongo dira, besteak beste: José Mota (Arriba tutto filmeko zuzendari eta protagonista, Karra Elejalde eta Olivia Molina aktoreen parte-hartzea ere izan duena); José Corbacho, Burundanga lanaren egilea, Adriana Torrebejano, Carol Rovira eta Marcel Borras antzezleekin batera (besteak beste); eta Manuel Menchón Romero, Álvaro Morte eta Pedro Casablancen ahotsak dituen ez-fikziozko La voz quebrada filmaren zuzendaria. Gainera, Carmen Machi aktoreak Zinematografia Sari Nazionala jasoko du.

Zinemiran, Inurri itsuak filma emango da inaugurazio-ekitaldian, Igor Legarreta zuzendariarekin batera Urko Olazabal, Itziar Ituño eta Josean Bengoetxea jokalariak izango direla. Halaber, Nitya López Saitua (Simulacro (Simulazioa), Iraia Elias eta Miguel Garcésekin), Arantxa Aguirre (Un tal Karlos, Karlos Arguiñano sukaldari eta aurkezlearekin) eta Jabi Elortegi (Gatibu, agur esan barik, Gatibu taldeko buru Alex Sarduirekin eta Gaizka Salazar bateria-jotzailearekin) ere parte hartuko dute sailean.

Musikak berriz hartuko du Belodromoa: Ander Merino Etxebeste eta Fermin Muguruzak Muguruza FM 40 Tour aurkeztuko dute, eta Klasikoak sailean Ander eta Yulen kopia zaharberritua emango du, Ana Díezek zuzendutako pelikula.

74. edizioko epaimahaiak

Donostia Zinemaldiaren 74. edizioko Sail Ofizialeko epaimahaiburua Ira Sachs zinemagile estatubatuarra izango da, aurten Perlaken parte hartuko duena The Man I Love filmarekin, Cannesko azken zinema-jaialdiko lehiaketan estreinatua, eta aurretik sail horretan egon dena Love Is Strange (2014) eta Little Men (2016) filmekin. Epaimahaikide izango ditu, besteak beste, Genki Kawamura zuzendari eta gidoigile japoniarra, A Hundred Flowers (Sail Ofiziala, 2022) eta Exit 8 (2025) lanen egilea eta Your Name (2016) eta Monster (Perlak, 2023) filmen ekoizlea; Catherine Paillé gidoigile frantsesa, Le Sixième enfant (2022), Les Magnétiques (2021) eta Shéhérazade (2018) filmen gidoiak idatzi zituena; Alice Braga aktore eta ekoizle brasildarra, Cidade de Deus (Perlak, 2002) eta I Am Legend (2007) film luzeen eta Queen of the South eta We Are Who We Are serieen protagonista; eta Patricia López Arnaiz euskal antzezlea, Los destellos / Glimmers (2024) filmarengatik interpretazio onenaren Zilarrezko Maskorra lortu ondoren, Los domingos / Sundays (2025) filmeko —Urrezko Maskorra irabazi zueneko— protagonista izan zena eta aurten Sail Ofizialera lehiaz kanpo itzuliko dena Sacamantecas / The Harvester filmarekin. Epaimahaia bi hauek osatuko dute: lehenik, Bill Skarsgård aktore suediarra —besteak beste, It (2017), Nosferatu (2024) eta Dead Man's Wire (2025) filmen eta Hemlock Grove serieen protagonista—; eta bigarrenik, Mike Goodridge ekoizle britainiarra, Club Zero (2023), Touch (2024), Orphan (2025) eta Ballad of a Small Player (Sail Ofiziala, 2025) lanetan parte hartu duenak.

Epaimahaia Ofiziala

• Ira Sachs, Epaimahaiburua · Zuzendari, idazle eta ekoizlea
• Alice Braga, Aktorea eta ekoizlea
• Genki Kawamura, Zuzendaria, writer and producer
• Patricia López Arnaiz, Aktorea
• Bill Skarsgård, Aktorea eta ekoizlea
• Mike Goodridge, Ekoizlea
• Catherine Paillé, Gidoigilea

Kutxabank-New Directors Epaimahaia

• Juan Pablo Miller, Epaimahaiburua · Ekoizlea
• Marina Charriton, Gidoigile, zuzendari eta ekoizlea
• Jonathan Romney, Kazetari eta zinema-kritikaria
• Dana Blankstein Cohen, Zinemagile, ekoizle eta exekutiboa
• Tamar Novas, Aktorea

Horizontes Sariaren Epaimahaia

• Casimiro Torreiro Gómez, Kazetari, irakasle eta zinema-kritikaria
• Agustina Llambi Campbell, Epaimahaiburua · Ekoizlea
• Jérôme Vidal, Ekoizlea

Zabaltegi-Tabakalera Sariaren Epaimahaia

• Mariette Rissenbeek, Epaimahaiburua · Ekoizlea
• Ion de Sosa, Zuzendaria, argazki-zuzendaria eta ekoizlea
• Catarina Vasconcelos, Zuzendaria eta gidoigilea

Euskal Zinemaren Irizar Sariaren Epaimahaia

• Marta Etura, Epaimahaiburua · Aktorea
• Simon Blondeau, L’ Atalante zinema-aretoetako zuzendariordea
• María Pilar Rodríguez, Ikertzaile eta irakaslea

Nest Epaimahaia

• Estibaliz Urresola, Epaimahaiburua · Zuzendaria, gidoigilea eta ekoizlea

Culinary Zinema Epaimahaia

• Isabel Coixet, Epaimahaiburua · Zuzendaria, gidoigilea eta ekoizlea
• Cristina Jolonch, Kazetaria
• Xabi Gutiérrez, Sukaldaria, idazlea eta psikologoa

Europa-Latinoamerika Koprodukzio Foroko Epaimahaia

• Sergio García de Leániz, Eurimageseko project managerra
• Bruno Deloye, Zinema-jaialdien programatzailea eta aholkulari zinematografikoa
• Silvia Cruz, Ekoizlea eta banatzailea

Jatorrizko Musika Onenaren SGAE Sariaren Epaimahaia

• Eva Gancedo, Epaimahaiburua · Konpositorea eta pedagogoa
• Aranzazu Calleja , Konpositorea
• Olivier Arson, Musikaria, konpositorea eta ekoizlea

74. edizioko programazioa eta sarreren salmenta

Programazioa Zinemaldiaren webgune ofizialean eta toki-komunikabideetan argitaratuko da astelehenean (hilaren 7a). Irailaren 9an, 10ean eta 11n, 2,50 euroren truke salduko dira Filmez Film gidaliburuak Zinemaldiko bulegoan (Tabakalerako bigarren solairuan) 10:00etatik 14:00etara eta 15:30etik 19:00etara). Larunbatetik (hilaren 12a) aurrera, gainera, eskuragarri egongo da Zinemaldiak Kursaalen gaitzen duen informazio gunean (zabalik irailaren 12tik 17ra, 9:00etatik 20:00etara eta hilaren18tik 26ra 8:30etik 22:00etara).

Sarreren salmenta orokorra igandean (hilaren 13a) goizeko 9:00etan hasiko da. Egun horretan Zinemaldiaren lehen hiru egunetarako sarrerak erosi ahalko dira (ostirala 18, larunbata 19 eta igandea 20); hilaren 14an (astelehena) erosi ahalko dira, bestalde, 21, 22 eta 23rako (astelehena, asteartea eta asteazkena, hurrenez hurren) sarrerak, baita aurreko egunetan erosgai geratutakoak ere; azkenik, hilaren 15ean erosi ahalko dira 24, 25 eta 26rako (osteguna, ostirala eta larunbata, hurrenez hurren) sarrerak, baita gainerako emanaldietarakoak ere.