Donostia Zinemaldia ::

Rocco e i suoi fratelli / Rocco and His Brothers (Rocco eta bere anaiak)

Luchino Visconti

Italia - Frantzia

Rosaria eta bere lau semeek (Simone, Rocco, Ciro eta Luca) Italiako Hegoaldetik Milanera emigratu dute euren bizi-baldintza eskasak hobetzera. Bertan Vincenzo topatuko dute, dagoeneko Milanen kokatua dagoen anaia zaharrena. Rocco eta Simone auzoko prostituta baten, Nadiaren, maitasunaren kontura liskartuko dira. Filmea anaia bakoitzaren izenarekin banatutako bost ataletan garat...

Rosaria eta bere lau semeek (Simone, Rocco, Ciro eta Luca) Italiako Hegoaldetik Milanera emigratu dute euren bizi-baldintza eskasak hobetzera. Bertan Vincenzo topatuko dute, dagoeneko Milanen kokatua dagoen anaia zaharrena. Rocco eta Simone auzoko prostituta baten, Nadiaren, maitasunaren kontura liskartuko dira. Filmea anaia bakoitzaren izenarekin banatutako bost ataletan garatzen da.

America, America (Amerika, Amerika)

Elia Kazan

AEB

XIX. mende amaieran, Anatoliako grekoak turkiarren menpe bizi ziren. Askok emigratu nahi dute eta Amerika da agindutako paradisua. Stavrosek ozeanoa zeharkatzeko aukera ikusiko du bere aitak Konstantinoplara dirua irabaztera eta familia bertan biltzera bidaliko duenean. America, America pelikulak Donostiako Zinemaldiko Urrezko Maskorra bereganatu zuen 1964an.

La piel quemada / Burnt Skin (Larruazal errea)

José María Forn

Espainia

La piel quemada filmak garapen maila ezberdina duten eskualdeen arteko barne-emigrazioaren arazoaz dihardu. Costa Bravako herriska batean, igeltsero batek laneguna hasten du. Une berean, Andaluziako herri batean, honen emazte eta seme-alabak harekin elkartzeko bidaian abiatu dira. Hilabete batzutan bakarrik moldatu den gizonak bizitzeko toki bat alokatzea lortu du. Belgikar tur...

La piel quemada filmak garapen maila ezberdina duten eskualdeen arteko barne-emigrazioaren arazoaz dihardu. Costa Bravako herriska batean, igeltsero batek laneguna hasten du. Une berean, Andaluziako herri batean, honen emazte eta seme-alabak harekin elkartzeko bidaian abiatu dira. Hilabete batzutan bakarrik moldatu den gizonak bizitzeko toki bat alokatzea lortu du. Belgikar turista batekin izango duen abentura txikiak ezin susmatuzko mundu bat ezagutaraziko dio.

Utvandrarna / The Emigrants (Emigranteak)

Jan Troell

Suedia

XIX. mendearen erdialdean, Kristina eta Karl-Oskar Suediako hegoaldeko nekazal giroko herrixka batean bizi dira. Ezkondu eta lurraren zati txiki bat ogibide bihurtzen saiatuko dira. Alabaina, lurra ez da batere emankorra, bata-bestearen atzetik uzta txarrak dituzte, eta familia gose izango da. Arazo hauengatik, Estatu Batuetara emigratzea erabakiko dute beste hainbat herrikider...

XIX. mendearen erdialdean, Kristina eta Karl-Oskar Suediako hegoaldeko nekazal giroko herrixka batean bizi dira. Ezkondu eta lurraren zati txiki bat ogibide bihurtzen saiatuko dira. Alabaina, lurra ez da batere emankorra, bata-bestearen atzetik uzta txarrak dituzte, eta familia gose izango da. Arazo hauengatik, Estatu Batuetara emigratzea erabakiko dute beste hainbat herrikiderekin batera, denek gaindituko ez duten bidaia neketsu eta luze bati ekinaz. Ziklo honetan ere ikusgai den Nybyggarna (Lur berria) filmaren lehen zatia da.

Nybyggarna / The New Land (Lur berria)

Jan Troell

Suedia

XIX. mendearen erdialdean, suediar familia batek Minnesotara emigratzen du. Suedian zeukatena baino lur emankorragoa aurkituko dute, baina jaioterrian bezalaxe, elementuen kontra borrokatu beharko dute. Amerikar bihurtu nahi ez duten arren, herrialde berriko kulturak gero eta eragin handiagoa izango du euren bizitzetan. Lur berria, urtebete lehenago Troellek berak zuzendutako U...

XIX. mendearen erdialdean, suediar familia batek Minnesotara emigratzen du. Suedian zeukatena baino lur emankorragoa aurkituko dute, baina jaioterrian bezalaxe, elementuen kontra borrokatu beharko dute. Amerikar bihurtu nahi ez duten arren, herrialde berriko kulturak gero eta eragin handiagoa izango du euren bizitzetan. Lur berria, urtebete lehenago Troellek berak zuzendutako Utvandrarna (Emigranteak) filmaren jarraipena da.

Angst essen Seele auf / Ali: Fear Eats the Soul (Beldurrak arima jaten du)

Rainer Werner Fassbinder

Alemania

Langile etorkinak joan ohi diren kafetegi batean, hirurogei urte inguruko Emmi alargunak Ali ezagutu du, berrogei inguruko marokoarra. Tabernako jabeak bultzatuta, Alik Emmi berarekin dantza egitera gonbidatu eta etxera lagunduko dio. Elkarrekin ondo konpontzen direla ohartuko dira, eta adin eta jatorri hain ezberdinekoak izan arren, ezkontzea erabakiko dute, Emmiren famllia et...

Langile etorkinak joan ohi diren kafetegi batean, hirurogei urte inguruko Emmi alargunak Ali ezagutu du, berrogei inguruko marokoarra. Tabernako jabeak bultzatuta, Alik Emmi berarekin dantza egitera gonbidatu eta etxera lagunduko dio. Elkarrekin ondo konpontzen direla ohartuko dira, eta adin eta jatorri hain ezberdinekoak izan arren, ezkontzea erabakiko dute, Emmiren famllia eta bizilagunen artean nola Aliren lagunen artean eskandalua piztuz.

Hester Street

Joan Micklin Silver

AEB

New Yorkeko Lower East Side, 1896. Ekialdeko Europako judu ortodoxoen tradizioak alde batera utzi dituen errusiar-judu emigrantea da Jake. Ile-kiribilak moztu eta bizarra kendu du; ingelesa ikasi eta ?amerikar? baten itxura eta portaera eduki nahi ditu. Harik eta egun batez, bere atzetik etorritako seme eta emaztearen bila Ellis Islandera joan dadin deitzen dioten arte. Senarra...

New Yorkeko Lower East Side, 1896. Ekialdeko Europako judu ortodoxoen tradizioak alde batera utzi dituen errusiar-judu emigrantea da Jake. Ile-kiribilak moztu eta bizarra kendu du; ingelesa ikasi eta ?amerikar? baten itxura eta portaera eduki nahi ditu. Harik eta egun batez, bere atzetik etorritako seme eta emaztearen bila Ellis Islandera joan dadin deitzen dioten arte. Senarraren antzera, emakumea aldaketak bere gain hartzeko gai izango ote da?

Alambrista! (Alambrista)

Robert M. Young

AEB

Seme berri baten jaiotzak Roberto gazte mexikarra bere familia uztera bultzatu du, Estatu Batuetara lan bila abiatu eta lortuko du, baina benetako esplotazio-egoeran. Alambrista! 1978ko Donostiako Zinemaldiko Urrezko Maskorra izan zen. Oraingoan, Zuzendariaren Bertsioa proiektatuko da, kopia hobetua, 2004koa, Jose Cuellarrek konposaturiko soinu-banda berri batekin eta Trinidad ...

Seme berri baten jaiotzak Roberto gazte mexikarra bere familia uztera bultzatu du, Estatu Batuetara lan bila abiatu eta lortuko du, baina benetako esplotazio-egoeran. Alambrista! 1978ko Donostiako Zinemaldiko Urrezko Maskorra izan zen. Oraingoan, Zuzendariaren Bertsioa proiektatuko da, kopia hobetua, 2004koa, Jose Cuellarrek konposaturiko soinu-banda berri batekin eta Trinidad Silva aktorearen sekuentzia osagarri batzurekin.

Gaijin - Os caminhos da liberdade / Gaijin, A Brazilian Odyssey (Gaijin, askatasun-bideak)

Tizuka Yamasaki

Brasil

Gaijin (?atzerritar? japonieraz) filmak zuzendariaren amonak Japoniatik Brasilera eginiko bidaia kontatzen du, etorkinak kafe-sailetan lan egitera joan zirenekoa. Urte batzuk geroago, Japoniak eskulan-eskasia pairatu zuen eta jatorri japoniarreko etorkinei ateak ireki behar izan zizkien. Japoniar-brasildarrak euren arbasoen lurrera itzuli zirenean, atzerritartzat hartzen zituzt...

Gaijin (?atzerritar? japonieraz) filmak zuzendariaren amonak Japoniatik Brasilera eginiko bidaia kontatzen du, etorkinak kafe-sailetan lan egitera joan zirenekoa. Urte batzuk geroago, Japoniak eskulan-eskasia pairatu zuen eta jatorri japoniarreko etorkinei ateak ireki behar izan zizkien. Japoniar-brasildarrak euren arbasoen lurrera itzuli zirenean, atzerritartzat hartzen zituztela ohartu ziren.

Moonlighting (Isilpeko lana)

Jerzy Skolimowski

Britainia Handia - Alemania

Nowak kontratista poloniarrak langile-talde bat Londresera darama bertan finkaturiko gobernu-funtzionario bati eskulan merkea eskainiz. Nowak da ingelesez hitz egiten duen bakarra, eta kapitalismoaren tentazioak eta euren familiengandik bananduta egotea pairatzen dituzten bere gizonak gobernatu beharko ditu (garai hartan Polonian erregimen komunista zegoen). Egoera are zailagoa...

Nowak kontratista poloniarrak langile-talde bat Londresera darama bertan finkaturiko gobernu-funtzionario bati eskulan merkea eskainiz. Nowak da ingelesez hitz egiten duen bakarra, eta kapitalismoaren tentazioak eta euren familiengandik bananduta egotea pairatzen dituzten bere gizonak gobernatu beharko ditu (garai hartan Polonian erregimen komunista zegoen). Egoera are zailagoa izango da Poloniako kolpe militarraren berri jakiten dutenean.

Río abajo / On the Line / On the Line (Ibaian behera)

José Luis Borau

Espainia - AEB

Mitch Mexikok Texasekin duen mugaldea zaintzeko ardura duen Border Patrol-eko polizia da, eta mexikarrak erdeinuz begiratzen ditu. Chuck erakunde horretan sartu berri den gaztea izaki, idealistagoa da. Mugatik hegoaldera dagoen putetxe batean Engracia prostituta gazte eta erakargarria ezagutuko dute. Chuck neskarekin Mexikon ezkondu eta berau Estatu Batuetara ezkutuan sartzen s...

Mitch Mexikok Texasekin duen mugaldea zaintzeko ardura duen Border Patrol-eko polizia da, eta mexikarrak erdeinuz begiratzen ditu. Chuck erakunde horretan sartu berri den gaztea izaki, idealistagoa da. Mugatik hegoaldera dagoen putetxe batean Engracia prostituta gazte eta erakargarria ezagutuko dute. Chuck neskarekin Mexikon ezkondu eta berau Estatu Batuetara ezkutuan sartzen saiatuko da, baina Mitch ez dago inolaz ere hori ametitzeko prest.

Alamo Bay (Gorrotoaren badia)

Louis Malle

AEB

Texasko kostaldeko herriska bateko Wally enpresaburuak arrantzan ganbak harrapatzeko hainbat errefuxiatu vietnamdar kontratatu ditu, eta horrek bertako arrantzale bat, Shang, haserretuko du, iritsi berriengatik bere bizimodua pikutara joango ote den beldur baita. Tirabirak areagotuz doaz eta bertako arrantzaleen eta vietnamdarren arteko liskar bortitza piztuko da.

Pelle erobreren / Pelle The Conqueror (Pelle konkistatzailea)

Bille August

Suedia - Danimarka

XIX. mende bukaeran, lan bila doazen emigrante suediarrez beteriko ontzi bat Bornholm uharte daniarrera heldu da. Hauen artean Lasse eta honen seme Pelle daude. Etxalde batean lana lortu baina, nagusiek irainka tratatzen dituzte. Pellek daniera ikasi duen arren, atzerritartzat hartzen jarraituko dute. Hala eta guztiz ere, Pellek ez du Suedian utzitakoa baino bizimodu hobea lort...

XIX. mende bukaeran, lan bila doazen emigrante suediarrez beteriko ontzi bat Bornholm uharte daniarrera heldu da. Hauen artean Lasse eta honen seme Pelle daude. Etxalde batean lana lortu baina, nagusiek irainka tratatzen dituzte. Pellek daniera ikasi duen arren, atzerritartzat hartzen jarraituko dute. Hala eta guztiz ere, Pellek ez du Suedian utzitakoa baino bizimodu hobea lortzeko esperantza galduko.

Las cartas de Alou / Letters from Alou (Alouren gutunak)

Montxo Armendáriz

Espainia

Itsas-bidaia ikaragarri latza egin ondoren, afrikar talde bat Espainiako itsasertzeraino iritsi da, ezkutuan. Haien artean Alou dago, 28 urteko senegaldarra. Aspalditik Katalunian bizi den Mulai lagunak migratzeko adoretu du, lan on baten aukera eskainiz. Bidean, Alou aurrera aterako da noizbehinkako lan eta abentura txikiak tartean direla. Alouren gutunak filmak Donostiako Zin...

Itsas-bidaia ikaragarri latza egin ondoren, afrikar talde bat Espainiako itsasertzeraino iritsi da, ezkutuan. Haien artean Alou dago, 28 urteko senegaldarra. Aspalditik Katalunian bizi den Mulai lagunak migratzeko adoretu du, lan on baten aukera eskainiz. Bidean, Alou aurrera aterako da noizbehinkako lan eta abentura txikiak tartean direla. Alouren gutunak filmak Donostiako Zinemaldian Urrezko Maskorra eta gizonezko aktore onenaren Zilarrezko Maskorra (Mulie Jarju) irabazi zituen 1990ean.

Someone Else’s America (Beste Amerika)

Goran Paskaljevic

Jugoslavia - Frantzia - Britainia Handia - Alemania - Grezia

Kolore askotako etorkinen talde bat ozta-ozta bizi da Brooklynen. Alonso espaniarrak eta bere herrira itzultzea amesten duen honen ama itsuak daramaten tabernan lan egiten du Bayo montenegroarrak. Alonso eta Bayo lagunak egiten dira, egunen batean ?amerikar ametsa? egia bihurtzeko esperantzaz. Harik eta Bayoren familiak harekin elkartzeko Montenegrotik Estatu Batuetarako bidaia...

Kolore askotako etorkinen talde bat ozta-ozta bizi da Brooklynen. Alonso espaniarrak eta bere herrira itzultzea amesten duen honen ama itsuak daramaten tabernan lan egiten du Bayo montenegroarrak. Alonso eta Bayo lagunak egiten dira, egunen batean ?amerikar ametsa? egia bihurtzeko esperantzaz. Harik eta Bayoren familiak harekin elkartzeko Montenegrotik Estatu Batuetarako bidaia arriskutsuari ekiten dion arte.

Bwana

Imanol Uribe

Espainia

Antonio izeneko taxi-gidari batek neguko igande batean bere familia hondartza urrun eta bakarti bat bisitatzera eraman du. Moluskuen bila dihardutela, alaba gazteenak gizon beltz bat ikusi du. Gizona neskartxaren atzetik bere hizkuntzan laguntza eske atera da, baina Antoniok ez dio tutik ere ulertzen eta bere familia arriskuan dagoela uste du. Bwanak Donostiako Zinemaldian Urre...

Antonio izeneko taxi-gidari batek neguko igande batean bere familia hondartza urrun eta bakarti bat bisitatzera eraman du. Moluskuen bila dihardutela, alaba gazteenak gizon beltz bat ikusi du. Gizona neskartxaren atzetik bere hizkuntzan laguntza eske atera da, baina Antoniok ez dio tutik ere ulertzen eta bere familia arriskuan dagoela uste du. Bwanak Donostiako Zinemaldian Urrezko Maskorra eta Epaimahaiaren Argazki Onenaren Saria (Javier Aguirresarobe) jaso zituen 1996an.

La promesse / The Promise (Promesa)

Jean-Pierre Dardenne, Luc Dardenne

Belgika - Frantzia - Luxemburgo

Hamabost urteko Igorrek Roger bere aitari paperik gabeko etorkinen langile-sare baten esplotazioan laguntzen dio. Berarentzat aitari ?negozioan? laguntzea ohikoa zaio. Dena aldatuko da langileetako bat, Amidou, ezustean datorren lan-ikuskatzaile batengandik ihes egiten saiatu eta aldamio batetik eroriko denean. Igorrek promesa bat egiten du orduan eta egia esan ala aita traizio...

Hamabost urteko Igorrek Roger bere aitari paperik gabeko etorkinen langile-sare baten esplotazioan laguntzen dio. Berarentzat aitari ?negozioan? laguntzea ohikoa zaio. Dena aldatuko da langileetako bat, Amidou, ezustean datorren lan-ikuskatzaile batengandik ihes egiten saiatu eta aldamio batetik eroriko denean. Igorrek promesa bat egiten du orduan eta egia esan ala aita traizionatu, zer erabaki ez du jakingo.

La línea del estrecho / The Strait Line (Itsasarteko lerroa)

Javier Gil

Espainia

Ali eta bere familia, Bordelen finkaturiko marokoarrak, urtero bezala udako oporrak igarotzeko euren jaioterrirantz abiatu dira. Diru askorik ez dutenez, biderik merkeena erabiliko dute: fardelez gainezka doan beren autoaz Espainia zeharkatzea.

Besieged (Setiatua)

Bernardo Bertolucci

Britainia Handia - Italia

Erromako hiriguneko etxe zahar bat bi pertsona bakarzaleen babesleku da: Kinsky, adin ertaineko ingelesa, lagun bakartzat pianoa duena, eta Shandurai, Medizina ikaslea den hogei urteko neska afrikarra, gizonaren etxean garbiketa-lanak egitearen truke bizi dena. Beren bizitzak erakartze eta aldentze, sekretu eta zeharkako aipamen, egi eta itxura, zalantza eta ziurtasunezko jolas...

Erromako hiriguneko etxe zahar bat bi pertsona bakarzaleen babesleku da: Kinsky, adin ertaineko ingelesa, lagun bakartzat pianoa duena, eta Shandurai, Medizina ikaslea den hogei urteko neska afrikarra, gizonaren etxean garbiketa-lanak egitearen truke bizi dena. Beren bizitzak erakartze eta aldentze, sekretu eta zeharkako aipamen, egi eta itxura, zalantza eta ziurtasunezko jolas batean elkartzen dira.

Pase negro (Pase beltza)

Patxi Barco

Espainia

Arraza beltzako etorkin afrikar bat zirtzileria saltzeaz bizi da. Kafetxo bat hartzeko asmoz, taberna batean sartu da baina kamareroak modu txarrean tratatu du eta kalera bota nahi du. Ordea, karta-jokalari talde batek afrikarraren kaleratzea ekidin du eta saltzen dituen gauzekiko interesa agertu dute, baina adarra jo nahi diotela konturatzen da. Afrikar ?gizarajoak? kalterik g...

Arraza beltzako etorkin afrikar bat zirtzileria saltzeaz bizi da. Kafetxo bat hartzeko asmoz, taberna batean sartu da baina kamareroak modu txarrean tratatu du eta kalera bota nahi du. Ordea, karta-jokalari talde batek afrikarraren kaleratzea ekidin du eta saltzen dituen gauzekiko interesa agertu dute, baina adarra jo nahi diotela konturatzen da. Afrikar ?gizarajoak? kalterik gabeko baina beren egoentzat birrintzailea izango den azpijokoa prestatu die jokalariei.

Saïd

Lorenzo Soler

Espainia

Saïdek, 20 urteko marokoar batek, Gibraltar itsasartea txalupaz zeharkatu eta bidaldi luzearen ostean Bartzelonara iristea lortu du. Bertan lan marjinalak onartzera behartuko duten aurreiritzi arrazistak eta eragozpen legalak ezagutuko ditu. Oztopoak oztopo, maitasuna eta lagunak lortuko ditu, kazetaritza ikasle den Anna, eta musika talde bat osatu duten iparrafrikar etorkin b...

Saïdek, 20 urteko marokoar batek, Gibraltar itsasartea txalupaz zeharkatu eta bidaldi luzearen ostean Bartzelonara iristea lortu du. Bertan lan marjinalak onartzera behartuko duten aurreiritzi arrazistak eta eragozpen legalak ezagutuko ditu. Oztopoak oztopo, maitasuna eta lagunak lortuko ditu, kazetaritza ikasle den Anna, eta musika talde bat osatu duten iparrafrikar etorkin batzuei esker.

Vivre au paradis / Living in Paradise (Paradisuan bizi)

Bourlem Guerdjou

Frantzia - Aljeria - Belgika - Norvegia

1961-62. Aljeriako gerra puri-purian dago. Lakhdar, Parisko aldirietan bizi den emigrante aljeriarra, bakarrik bizitzeaz akiturik dago, eta bere familia Frantziara eramatea lortuko du. Lakhdar bere herrikideak ustiatzen dituen aprobetxategi horietako bat bihurtuko da. Ez daki ordea, Nora, bere emaztea, jarduera militante batean murgilduta dagoela.

Flores de otro mundo / Flowers from Another World (Beste mundu bateko loreak)

Icíar Bollaín

Espainia

Patricia dominikarra Madrilen legez kanpoko egoeran egoteak eragozten dizkion etxebizitza eta segurtasun ekonomikoaren bila dabil. Habanan jaiotako Miladyk 20 urte ditu eta asko du oraindik ikusteko. Bilboko Marirrosik, aldiz, lana, etxea eta izugarrizko bakardadea dauzka. Bakardadean bizi dira, halaber, emakume ezkongai eta etorkizunik gabeko Santa Eulalia herrian Alfonso, Dam...

Patricia dominikarra Madrilen legez kanpoko egoeran egoteak eragozten dizkion etxebizitza eta segurtasun ekonomikoaren bila dabil. Habanan jaiotako Miladyk 20 urte ditu eta asko du oraindik ikusteko. Bilboko Marirrosik, aldiz, lana, etxea eta izugarrizko bakardadea dauzka. Bakardadean bizi dira, halaber, emakume ezkongai eta etorkizunik gabeko Santa Eulalia herrian Alfonso, Damián eta Carmelo. Ezkongabeek antolatutako festan gizon-emakume hauek elkar ezagutuko dute.

L’horizon perdu

Laïla Marrakchi

Maroko - Frantzia

Ametsak lausotu zaizkion gazte hautsia da Abdeslam. Marokon etorkizunik ez duela sinestuta, itsasartea zeharkatu eta Espainiara joatea erabaki du. Gau horretan bertan bere neska-lagunaz agurtuko da. Neska zoriontasuna norberaren herrian bilatu behar delakoan dago.

Frontières / Borders (Mugak)

Mostefa Djadjam

Frantzia - Aljeria

Sei gizon eta emakume batez osatutako talde afrikarra Europara ezkutuan heltzen saiatuko da. Senegaldik Tangerrerako azken etapan, Espainiaranzko zeharkaldiaren aurretik, zailtasunez betetako bidaldi luzea espero dute. Hasierako mesfidantzazko sentimenduaren ondotik, pixkanaka elkartasunezko lotura sendotuz doa euren artean. Azkenean, Europa begi bistan izango dute, Tangerren: ...

Sei gizon eta emakume batez osatutako talde afrikarra Europara ezkutuan heltzen saiatuko da. Senegaldik Tangerrerako azken etapan, Espainiaranzko zeharkaldiaren aurretik, zailtasunez betetako bidaldi luzea espero dute. Hasierako mesfidantzazko sentimenduaren ondotik, pixkanaka elkartasunezko lotura sendotuz doa euren artean. Azkenean, Europa begi bistan izango dute, Tangerren: Paradisuaren ataria.

Go

Isao Yukisada

Japonia

Sugihara Japonian bizi den jatorri korearreko gaztea da. Japoniar institutura heltzen denean, japoniar ikaskideen bereizkeria eta mespretxua pairatuko ditu. Errretiroa hartutako boxeolaria den bere aitak Sugiharari ukabilak erabiltzen erakutsi dio. Sugiharak ez du inor astintzea gustuko, baina askoz gutxiago jipoitua izatea. Gauzak korapilatuz doaz Sugihara neska misteriotsu ba...

Sugihara Japonian bizi den jatorri korearreko gaztea da. Japoniar institutura heltzen denean, japoniar ikaskideen bereizkeria eta mespretxua pairatuko ditu. Errretiroa hartutako boxeolaria den bere aitak Sugiharari ukabilak erabiltzen erakutsi dio. Sugiharak ez du inor astintzea gustuko, baina askoz gutxiago jipoitua izatea. Gauzak korapilatuz doaz Sugihara neska misteriotsu batekin, Sakurairekin maitemindu eta lagun korear baten deia jaso bezain laster.

In This World (Mundu honetan)

Michael Winterbottom

Britainia Handia

Enayatullah eta Jamal Afganistan eta Pakistan bereizten dituen mugaldeko Shamshatoo eremuan bizi diren bi errefuxiatu afganiar dira. Lehenaren osabak Londreserako bidaia ordainduko die eta bertan honen lehengusu bat zain izango dute. Autobus eta kamioi kalamastretan doazela, eroskerien menpe betiere, Enayatullah eta Jamalek infernua ezagutuko dute euren ihesaldi arriskutsuan.

Les oiseaux du ciel / Birds of Heaven (Zeruko txoriak)

Eliane de Latour

Frantzia - Britainia Handia

Shad eta Otho lagunek Boli Kosta utzi dute Europara etorkizun hobearen bila abiatzeko. Espainian jada, taxi-zerbitzu bat antolatuko dute beste etorkin ilegalekin batera, harik eta Poliziak ustekabean harrapatzen dituen arte. Otho bere herrira erbesteratuko dute, Shadek, berriz, Londresera ihes egingo du. Bertan Tango gazte frantsesa ezagutu, eta harekin Parisera joango da. Shad...

Shad eta Otho lagunek Boli Kosta utzi dute Europara etorkizun hobearen bila abiatzeko. Espainian jada, taxi-zerbitzu bat antolatuko dute beste etorkin ilegalekin batera, harik eta Poliziak ustekabean harrapatzen dituen arte. Otho bere herrira erbesteratuko dute, Shadek, berriz, Londresera ihes egingo du. Bertan Tango gazte frantsesa ezagutu, eta harekin Parisera joango da. Shadek Tangori afrikar etorkin talde bat aurkeztuko dio, tartean Olga xarmagarria dagoela, eta ezusteko nahaste-borraste arriskutsu bat sortuko da.

Va, vis et deviens / Live and Become (Zoaz eta bizi)

Radu Mihaileanu

Frantzia - Belgika - Israel - Italia

1984. Israeldarrek Moises operazioa jarri dute abian judu etiopiarrak Israelera eramateko. Ama kristau batek bederatzi urteko semeari judua dela esan dezala eskatuko dio gosetetik salbatzeko. Tel Aviven finkaturiko frantses familia sefardi batek semetzat harturik, bere sekretua noiz azaleratuko beldurrez haziko da. Palestinako lurralde okupatutetan maitasuna, arrazakeria eta ge...

1984. Israeldarrek Moises operazioa jarri dute abian judu etiopiarrak Israelera eramateko. Ama kristau batek bederatzi urteko semeari judua dela esan dezala eskatuko dio gosetetik salbatzeko. Tel Aviven finkaturiko frantses familia sefardi batek semetzat harturik, bere sekretua noiz azaleratuko beldurrez haziko da. Palestinako lurralde okupatutetan maitasuna, arrazakeria eta gerra ezagutuko ditu, baina ez du sekula bere benetako ama ahaztuko.

Un franco, 14 pesetas / One franc, 14 pesetas (Franko bat, 14 pezeta)

Carlos Iglesias

Espainia

Espainia, 1960. Martin eta Marcos bi lagun Suitzara doaz lan bila. Familia Espainian utzi eta bizitza berri baterantz aurrerapenaren eta askatasunen Europara abiatu dira. Martinen emazte Pilar eta Marcosen ezkongai Carmenen etorrerarekin, mutilzahar bizimoduari akabo esan beharko diote. Martinen aita hil denez, itzultzea pentsatu dute. Beren harridurarako, itzulera erbesteratze...

Espainia, 1960. Martin eta Marcos bi lagun Suitzara doaz lan bila. Familia Espainian utzi eta bizitza berri baterantz aurrerapenaren eta askatasunen Europara abiatu dira. Martinen emazte Pilar eta Marcosen ezkongai Carmenen etorrerarekin, mutilzahar bizimoduari akabo esan beharko diote. Martinen aita hil denez, itzultzea pentsatu dute. Beren harridurarako, itzulera erbesteratzea baino askoz zailagoa gertatuko zaie.